मतदान Archives - पुणे २४ तास https://pune24taas.com/category/मतदान/ पुणे २४ तास Wed, 21 Jan 2026 11:43:48 +0000 en-US hourly 1 https://wordpress.org/?v=7.0 https://pune24taas.com/wp-content/uploads/2025/01/cropped-पुणे-२४-तास-1-1-32x32.png मतदान Archives - पुणे २४ तास https://pune24taas.com/category/मतदान/ 32 32 मत नाहीत, आदेश आहेत https://pune24taas.com/%e0%a4%ae%e0%a4%a4-%e0%a4%a8%e0%a4%be%e0%a4%b9%e0%a5%80%e0%a4%a4-%e0%a4%86%e0%a4%a6%e0%a5%87%e0%a4%b6-%e0%a4%86%e0%a4%b9%e0%a5%87%e0%a4%a4/ Wed, 21 Jan 2026 11:42:06 +0000 https://pune24taas.in/?p=27414 पुणे २४ तास ः- निवडणूक म्हणजे स्पर्धा, स्पर्धा म्हणजे पर्याय आणि पर्याय म्हणजे प्रश्न. जिथे प्रश्न विचारायचेच नसतात, तिथे निवडणूक नसते—नेमणूक असते. भाजपच्या राष्ट्रीय अध्यक्षपदी नितीन नवीन यांची घोषणा झाल्यानंतर हे पुन्हा एकदा ठळकपणे समोर आले आहे. आधी नाव ठरते, आधी नाव जाहीर होते आणि नंतर ‘निवडणूक झाली’ असे सांगितले जाते. ही प्रक्रिया लोकशाहीची आहे की […]

The post मत नाहीत, आदेश आहेत appeared first on पुणे २४ तास.

]]> पुणे २४ तास ः- निवडणूक म्हणजे स्पर्धा, स्पर्धा म्हणजे पर्याय आणि पर्याय म्हणजे प्रश्न. जिथे प्रश्न विचारायचेच नसतात, तिथे निवडणूक नसते—नेमणूक असते. भाजपच्या राष्ट्रीय अध्यक्षपदी नितीन नवीन यांची घोषणा झाल्यानंतर हे पुन्हा एकदा ठळकपणे समोर आले आहे. आधी नाव ठरते, आधी नाव जाहीर होते आणि नंतर ‘निवडणूक झाली’ असे सांगितले जाते. ही प्रक्रिया लोकशाहीची आहे की लोकशाहीचा सोपस्कार, हा प्रश्न केवळ विरोधकांचा नाही; तो नागरिकांचा आहे.

काँग्रेसचा हल्ला म्हणून हा मुद्दा उडवून लावणे सोपे आहे. पण एक साधा प्रश्न टाळता येत नाही—या अध्यक्षपदाच्या निवडणुकीत नेमके किती उमेदवार होते? उत्तर स्पष्ट आहे: एकही नाही. कारण उमेदवारीच नव्हती. लोकशाही प्रक्रियेत निकाल अनिश्चित असतो; इथे तो आधीच ठरलेला असतो. त्यामुळे प्रक्रिया ही केवळ दिखावा ठरते. आणि इतिहास सांगतो—दिखावा हा सत्तेचा सर्वात जुना आणि प्रभावी हत्यार आहे.

 

 

पंतप्रधान नरेंद्र मोदी ‘माझे बॉस’ असा शब्दप्रयोग करतात आणि देशात कुठेही अस्वस्थता उमटत नाही, ही बाब अधिक गंभीर आहे. लोकशाहीत बॉस नसतो. बॉस असतो तिथे नागरिक राहत नाहीत; ते आज्ञाधारक बनतात. आज भाजपमध्ये बॉस बदलतो, पण बॉसगिरी बदलत नाही. कधी संघाचे वर्चस्व, कधी पंतप्रधानांचे, कधी अदृश्य सत्ताकेंद्राचे. हे राजकारण नाही; हे व्यवस्थापन आहे.

भाजप स्वतःला जगातील सर्वात मोठा लोकशाही पक्ष म्हणवतो. पण इतिहास असा सांगतो की ज्या पक्षांत अंतर्गत लोकशाही संपते, ते पक्ष सत्तेत आल्यानंतर देशात ती जिवंत ठेवू शकत नाहीत. हिटलर निवडणुकीतूनच सत्तेत आला. पुतिन आजही निवडणुका घेतो. उत्तर कोरियातही मतदान होते. फरक इतकाच की तिथे कोणी लोकशाही असल्याचा आव आणत नाही; इथे मात्र त्याचा मोठा गाजावाजा केला जातो.

या सगळ्या घडामोडींमध्ये नितीन नवीन यांचे वय, त्यांची ऊर्जा, त्यांचा अनुभव—हे मुद्दे गौण ठरतात. प्रश्न व्यक्तीचा नाही; प्रश्न प्रक्रियेचा आहे. प्रक्रिया जर प्रश्न न विचारणारी, आदेश मानणारी आणि विरोध न सहन करणारी असेल, तर ती लोकशाही राहत नाही—ती सत्ता टिकवण्याची यंत्रणा बनते.

आज देशात महागाई, बेरोजगारी, सामाजिक अस्वस्थता यांचा भार सामान्य माणूस वाहतो आहे. श्रद्धेच्या नावावर संत अश्रू ढाळत आहेत. आणि सत्तेच्या सर्वोच्च पातळीवर मात्र खुर्च्यांचा खेळ रंगलेला आहे. ही सत्ता जबाबदारीची नाही; ही सत्ता आत्ममुग्धतेची आहे.

निवडणूक म्हणजे जनतेला विचारण्याची हिंमत. इथे ती हिंमतच हरवलेली दिसते. म्हणून स्पष्ट शब्दांत सांगावे लागते—ही निवडणूक नाही, ही नेमणूक आहे. आज हा प्रकार पक्षापुरता आहे. उद्या तो देशावर लादला जाईल. कारण लोकशाही एकदम मरत नाही. ती आधी पक्षात मरते, मग संसदेत, आणि शेवटी नागरिकांच्या मनात. म्हणून प्रश्न अजूनही तसाच आहे—निवडणूक कुठे आहे? की हा सगळा केवळ बॉस-बॉसचा खेळ आहे?

The post मत नाहीत, आदेश आहेत appeared first on पुणे २४ तास.

]]> जिल्हा परिषद : सत्ता नव्हे, संघटना जिंकवते https://pune24taas.com/%e0%a4%9c%e0%a4%bf%e0%a4%b2%e0%a5%8d%e0%a4%b9%e0%a4%be-%e0%a4%aa%e0%a4%b0%e0%a4%bf%e0%a4%b7%e0%a4%a6-%e0%a4%ae%e0%a4%a4%e0%a4%a6%e0%a4%be%e0%a4%a8/ Wed, 21 Jan 2026 09:16:25 +0000 https://pune24taas.in/?p=27397 डॉ. अशोक बालगुडे पुणे 24 तास :-महानगरपालिकांच्या निकालांनी एक भ्रम संपवला असेल, तर तो असा की मोठी सत्ता, मोठे नेते आणि मोठी युती असली की निवडणूक आपोआप जिंकली जाते. हे भ्रमनिरास करणारे सत्य आता जिल्हा परिषद निवडणुकांच्या उंबरठ्यावर अधिक ठळकपणे समोर येत आहे. जिल्हा परिषद निवडणुका या ना दिल्ली जिंकतात, ना मुंबई—त्या जिंकतात कार्यकर्ते. महानगरपालिकांमध्ये […]

The post जिल्हा परिषद : सत्ता नव्हे, संघटना जिंकवते appeared first on पुणे २४ तास.

]]> डॉ. अशोक बालगुडे

पुणे 24 तास :-महानगरपालिकांच्या निकालांनी एक भ्रम संपवला असेल, तर तो असा की मोठी सत्ता, मोठे नेते आणि मोठी युती असली की निवडणूक आपोआप जिंकली जाते. हे भ्रमनिरास करणारे सत्य आता जिल्हा परिषद निवडणुकांच्या उंबरठ्यावर अधिक ठळकपणे समोर येत आहे. जिल्हा परिषद निवडणुका या ना दिल्ली जिंकतात, ना मुंबई—त्या जिंकतात कार्यकर्ते.

महानगरपालिकांमध्ये जिथे संघटना मजबूत होती, तिथे पक्ष टिकले. जिथे संघटना फक्त कागदावर होती, तिथे सत्ताही टिकू शकली नाही. हाच निकष आता जिल्हा परिषद निवडणुकांमध्ये अधिक कठोरपणे लागू होणार आहे. कारण जिल्हा परिषद म्हणजे ग्रामीण मतदार, वैयक्तिक ओळख, रोजचा संपर्क आणि विश्वासाची परीक्षा.

गावपातळीवर ‘ब्रँड’ चालत नाही

ग्रामीण भागात पक्षाचा झेंडा कमी आणि माणूस जास्त महत्त्वाचा असतो. येथे राष्ट्रीय नेतृत्वाचे भाषण पोहोचत नाही; पोहोचतो तो कार्यकर्ता. जिल्हा परिषद निवडणुकांमध्ये सोशल मीडिया नव्हे, तर सामाजिक नातेसंबंध कामाला येतात. म्हणूनच ज्यांनी कार्यकर्त्यांना गृहीत धरले, केवळ नेते आयात केले किंवा युतीच्या गणितांवर विसंबून राहिले—त्यांना मतदार थेट जमिनीवर उतरवणार आहेत.

सत्ताधाऱ्यांसाठी खरी कसोटी

सत्ताधारी पक्षांसाठी जिल्हा परिषद निवडणुका ही केवळ आणखी एक निवडणूक नाही; ती सत्तेच्या स्वीकारार्हतेची चाचणी आहे. महानगरांमध्ये सत्ता आणि संसाधने मदतीला येतात. ग्रामीण भागात मात्र सत्ता उलट भार ठरते. अपूर्ण कामे, रखडलेले प्रश्न आणि अस्वस्थ कार्यकर्ते—यांची किंमत थेट मतपेटीत मोजली जाते.

विरोधकांसाठी संधी, पण अट एकच

विरोधी पक्षांसाठी जिल्हा परिषद निवडणुका ही मोठी संधी आहे. मात्र ती संधी भाषणांनी नव्हे, तर संघटनांनी मिळते. ज्या पक्षांनी गेल्या काही वर्षांत कार्यकर्त्यांना टिकवले, त्यांच्या दुःखात उभे राहिले आणि स्थानिक प्रश्नांवर संघर्ष केला—त्यांनाच या निवडणुकीत श्वास घेता येईल. उरलेल्यांना केवळ घोषणा उरतील.

युती-आघाड्या आणि जमिनीवरील वास्तव

युती आणि आघाड्या कागदावर ठरतात; निवडणूक मात्र जमिनीवर लढली जाते. जिथे कार्यकर्ते एकमेकांना ओळखत नाहीत, तिथे युती अपयशी ठरते. जिल्हा परिषद निवडणुकांमध्ये ही विसंगती अधिक ठळकपणे समोर येणार आहे. वरच्या पातळीवरील समझोते खालच्या पातळीवर उतरवण्याची क्षमता ज्यांच्याकडे आहे, तेच पक्ष यशस्वी ठरणार आहेत.

The post जिल्हा परिषद : सत्ता नव्हे, संघटना जिंकवते appeared first on पुणे २४ तास.

]]> निवडणूक प्रभारी म्हणून  महसूल मंत्री चंद्रशेखर बावनकुळे  यांच्या निवडीनंतर प्रथमच पुणे शहर भाजप कार्यालयात आगमन https://pune24taas.com/chandrashekar-bawankule-pallavi-jawale-pune-bjp-election-2025-26/ Thu, 13 Nov 2025 04:56:49 +0000 https://pune24taas.in/?p=25457 पुणे 24 तास:- पुणे महानगरपालिका निवडणुकीच्या पार्श्वभूमीवर, भारतीय जनता पार्टीचे स्थानिक स्वराज्य संस्था निवडणूक प्रभारी म्हणून  महसूल मंत्री चंद्रशेखर बावनकुळे  यांच्या निवडीनंतर प्रथमच पुणे शहर भाजप कार्यालयात आगमन झाले. त्यांचे स्वागत पुणे शहराध्यक्ष धीरज घाटे, महाराष्ट्र प्रदेश महामंत्री राजेश पांडे आणि पदाधिकारी यांच्या उपस्थितीत करण्यात आले. याप्रसंगी माजी नगरसेविका  पल्लवी चंद्रशेखर जावळे यांनी  चंद्रशेखर बावनकुळे यांचे […]

The post निवडणूक प्रभारी म्हणून  महसूल मंत्री चंद्रशेखर बावनकुळे  यांच्या निवडीनंतर प्रथमच पुणे शहर भाजप कार्यालयात आगमन appeared first on पुणे २४ तास.

]]> पुणे 24 तास:- पुणे महानगरपालिका निवडणुकीच्या पार्श्वभूमीवर, भारतीय जनता पार्टीचे स्थानिक स्वराज्य संस्था निवडणूक प्रभारी म्हणून  महसूल मंत्री चंद्रशेखर बावनकुळे  यांच्या निवडीनंतर प्रथमच पुणे शहर भाजप कार्यालयात आगमन झाले.

त्यांचे स्वागत पुणे शहराध्यक्ष धीरज घाटे, महाराष्ट्र प्रदेश महामंत्री राजेश पांडे आणि पदाधिकारी यांच्या उपस्थितीत करण्यात आले.

याप्रसंगी माजी नगरसेविका  पल्लवी चंद्रशेखर जावळे यांनी  चंद्रशेखर बावनकुळे यांचे पुष्पगुच्छ देऊन  स्वागत केले.

यानंतर बावनकुळे यांनी पदाधिकारी व कार्यकर्त्यांशी सखोल चर्चा करत आगामी पुणे महानगरपालिका निवडणुकीच्या तयारीचा आढावा घेतला आणि भाजपच्या विजयाचा ठाम विश्वास व्यक्त केला.

The post निवडणूक प्रभारी म्हणून  महसूल मंत्री चंद्रशेखर बावनकुळे  यांच्या निवडीनंतर प्रथमच पुणे शहर भाजप कार्यालयात आगमन appeared first on पुणे २४ तास.

]]> निवडणूक खर्चाच्याअनुषंगाने दर निश्चितीबाबत बैठक संपन्न https://pune24taas.com/jitendra-dudi-election-2025-26-pmc-election/ Wed, 12 Nov 2025 19:12:00 +0000 https://pune24taas.in/?p=25432 पुणे 24 तास :- जिल्हाधिकारी जितेंद्र डुडी यांच्या अध्यक्षतेखाली उमेदवाराच्या निवडणूक खर्चाच्या जिल्हा दरसूचीच्या दर निश्चितीबाबत जिल्हाधिकारी कार्यालयात बैठक आयोजित करण्यात आली. याबैठकीत विधानसभा सार्वत्रिक निवडणूकीत निवडणूक खर्चाच्या वापरण्यात आलेली दरसूची जिल्हा परिषद, पंचायत समिती, नगरपरिषद, नगरपंचायत, ग्रामपंचायत सार्वत्रिक निवडणूकात वापरण्यास सहमती दर्शविण्यात आली. यावेळी उपजिल्हाधिकारी तथा जिल्हा परिषद व पंचायत समितीच्या नोडल अधिकारी डॉ. […]

The post निवडणूक खर्चाच्याअनुषंगाने दर निश्चितीबाबत बैठक संपन्न appeared first on पुणे २४ तास.

]]> पुणे 24 तास :- जिल्हाधिकारी जितेंद्र डुडी यांच्या अध्यक्षतेखाली उमेदवाराच्या निवडणूक खर्चाच्या जिल्हा दरसूचीच्या दर निश्चितीबाबत जिल्हाधिकारी कार्यालयात बैठक आयोजित करण्यात आली. याबैठकीत विधानसभा सार्वत्रिक निवडणूकीत निवडणूक खर्चाच्या वापरण्यात आलेली दरसूची जिल्हा परिषद, पंचायत समिती, नगरपरिषद, नगरपंचायत, ग्रामपंचायत सार्वत्रिक निवडणूकात वापरण्यास सहमती दर्शविण्यात आली.

यावेळी उपजिल्हाधिकारी तथा जिल्हा परिषद व पंचायत समितीच्या नोडल अधिकारी डॉ. चारुशिला देशमुख, नगर विकास शाखेच्या प्रभारी जिल्हा सह आयुक्त अँलिस पोरे, जिल्हा परिषदेचे मुख्य लेखा व वित्त अधिकारी विशाल पवार, कोषागार अधिकारी देवराम शेळके यांच्यासह राजकीय पक्षाचे प्रतिनिधी उपस्थित होते.

Oplus_16908288

जितेंद्र डुडी म्हणाले, जिल्हा परिषद, पंचायत समिती, नगरपरिषद, नगरपंचायत, ग्रामपंचायत सार्वत्रिक निवडणूकाकरिता आजच्या बैठकीत मान्य करण्यात आलेली दरसूची राजकीय पक्षांन कळविण्यात येईल. या निवडणुका निर्भय, मुक्त व पारदर्शक वातावरणात पार पाडण्याच्यादृष्टीने राजकीय पक्षांनी राज्य निवडणूक आयोगाच्या निर्देशाचे पालन करावे, असे आवाहन  डुडी यांनी केले.

12 नोव्हेंबर रोजी  सकाळी जिल्ह्यातील नगरपालिका व नगरपरिषद सार्वत्रिक निवडणुक २०२५ च्या अनुषंगाने नियुक्त संबंधित विषयांचे नोडल अधिकारी यांच्या कामकाजाबाबत निवासी उपजिल्हाधिकारी ज्योती कदम यांनी आढावा घेवून त्यांना सूचना दिल्या.

The post निवडणूक खर्चाच्याअनुषंगाने दर निश्चितीबाबत बैठक संपन्न appeared first on पुणे २४ तास.

]]> जिल्हास्तरीय माध्यम प्रमाणन व संनियंत्रण समिती कामकाजाबाबत बैठक संपन्न https://pune24taas.com/election-2025-26-collector-office-election-commission/ Wed, 12 Nov 2025 19:05:03 +0000 https://pune24taas.in/?p=25429 जिल्हास्तरीय माध्यम प्रमाणन व संनियंत्रण समिती कामकाजाबाबत बैठक संपन्न पुणे 24 तास:-  नगरपरिषद व नगरपंचायत सार्वत्रिक निवडणुकीच्या पार्श्वभूमीवर स्थापन करण्यात आलेल्या जिल्हास्तरीय माध्यम प्रमाणन व संनियंत्रण समिती कामकाजाबाबत जिल्हा माहिती अधिकारी तथा समितीचे सदस्य सचिव युवराज पाटील यांनी जिल्हाधिकारी कार्यालयातून दूरदृष्यप्रणालीद्वारे माहिती दिली. यावेळी जिल्हाधिकारी कार्यालयात नगर विकास शाखेच्या प्रभारी जिल्हा सह आयुक्त अँलिस पोरे […]

The post जिल्हास्तरीय माध्यम प्रमाणन व संनियंत्रण समिती कामकाजाबाबत बैठक संपन्न appeared first on पुणे २४ तास.

]]> जिल्हास्तरीय माध्यम प्रमाणन व संनियंत्रण समिती कामकाजाबाबत बैठक संपन्न

पुणे 24 तास:-  नगरपरिषद व नगरपंचायत सार्वत्रिक निवडणुकीच्या पार्श्वभूमीवर स्थापन करण्यात आलेल्या जिल्हास्तरीय माध्यम प्रमाणन व संनियंत्रण समिती कामकाजाबाबत जिल्हा माहिती अधिकारी तथा समितीचे सदस्य सचिव युवराज पाटील यांनी जिल्हाधिकारी कार्यालयातून दूरदृष्यप्रणालीद्वारे माहिती दिली.

यावेळी जिल्हाधिकारी कार्यालयात नगर विकास शाखेच्या प्रभारी जिल्हा सह आयुक्त अँलिस पोरे तर नगरपालिका व नगरपरिषद निवडणूक निर्णय अधिकारी, सहायक निवडणूक निर्णय अधिकारी, नोडल अधिकारी, उपविभागीय पोलीस अधिकारी तसेच त्यांचे प्रतिनिधी दूरदृष्यप्रणालीद्वारे उपस्थित होते.

पाटील म्हणाले, राज्य निवडणूक आयोगाने पुणे जिल्ह्यातील १४ नगरपरिषदा व ३ नगरपंचायती यांच्या सार्वत्रिक निवडणुकीचा कार्यक्रम जारी केलेला आहे. सार्वत्रिक निवडणूक प्रक्रिया शांततेत, निर्भय आणि न्याय्य वातावरणात पार पाडण्याच्यादृष्टीने जिल्हास्तरीय माध्यम प्रमाणन व संनियंत्रण समिती महत्वाची आहे. निवडणुकांकरिता इलेक्ट्रॉनिक माध्यमांसाठीच्या प्रस्तावित जाहिरातींचे पूर्वप्रमाणन, पेड न्यूजसंदर्भातील तक्रारी, प्रकरणांची चौकशी व त्यांचे निराकरण तसेच विविध प्रसारमाध्यमांतील वृत्तांकनाच्या संकेतांच्या पालनाबाबत समाजमाध्यमासंदर्भात देखरेख करणारी समिती कामकाज करते.

सर्व प्रकारच्या इलेक्ट्रॉनिक माध्यमांद्वारे प्रसारित, प्रसिद्ध करण्यात येणाऱ्या स्थानिक स्वराज्य संस्थांच्या निवडणूकविषयक जाहिरातींचे माध्यम प्रमाणन व संनियंत्रण समितीकडून पूर्वप्रमाणन करून घेणे आवश्यक आहे. तथापि भारतीय संविधानाची पायमल्ली, केंद्र, राज्य शासनाच्या कायद्यांचे उल्लंघन, राज्य निवडणूक आयोगाच्या आदेशांची पायमल्ली, धर्म, वंश, जात, लिंग, भाषा, पेहराव इत्यादींच्या आधारे तेढ अथवा शत्रुत्वाची शक्यता, प्रार्थनास्थळांचे छायाचित्र, छायाचित्रणाचा समावेश, कायदा व सुव्यवस्थेला आव्हान, हिंसेला प्रोत्साहन, शांततेचा भंग, न्यायालयाचा अथवा एखाद्या व्यक्ती किंवा संस्थेची बदनामी, देशाच्या ऐक्याला, सार्वभौमत्वाला आणि राष्ट्रीय एकात्मतेला बाधा, अन्य कुठल्याही देशावर टिका, अवमानजनक टिप्पणी अथवा तिरस्कारपूर्ण विधान, संरक्षण दलाच्या अधिकारी, कर्मचारी अथवा संरक्षण दलाचे छायाचित्र, छायाचित्रण, राजकीय पक्ष, राजकीय नेता किंवा अन्य कोणावरही खोटे आरोप, कुठल्याही राजकीय नेत्याच्या अथवा व्यक्तीच्या खाजगी आयुष्यात हस्तक्षेप, नीतिमत्ता व सभ्यतेचे उल्लंघन, अश्लिलतेला प्रोत्साहन अशा स्वरूपाच्या आशयाचा समावेश असलेल्या जाहिराती प्रसारित, प्रसिद्ध करता येणार नाहीत तसेच अशा स्वरुपाच्या जाहिरातींचे पूर्वप्रमाणनही केले जाणार नाही. समितीच्या पूर्वप्रमाणनीकरणाशिवाय अशा जाहिरातीचे इलेक्ट्रॉनिक माध्यमांना प्रसारण किंवा प्रसिद्धी करता येणार नाही.

उमेदवार किंवा त्यांच्या प्रतिनिधीमार्फत जाहिरात प्रसारित, प्रसिद्ध करण्याच्या दिनांकापूर्वी कार्यालयीन कामकाजाच्या किमान ५ दिवस आधी संबंधित निवडणूक निर्णय अधिकारी यांच्याकडे पूर्वप्रमाणनासाठी अर्ज सादर करावा. पूर्वप्रमाणनाच्या अर्जासोबत प्रस्तावित जाहिरातीची इलेक्ट्रॉनिक स्वरूपातील दोन प्रती तसेच राजकीय पक्षाच्या पदाधिकाऱ्याने किंवा उमेदवाराने साक्षांकित केलेल्या जाहिरात संहितेच्या दोन मुद्रित प्रती (प्रिंट) जोडाव्यात.

जाहिरातीच्या पूर्वप्रमाणनासंदर्भात जिल्हास्तरीय समितीचा निर्णय मान्य नसल्यास संबंधित राजकीय पक्ष, उमेदवार, अर्जदारास त्याबाबत कार्यालयीन कामकाजाच्या ३ दिवसांच्या आत राज्य निवडणूक आयोगाच्या राज्यस्तरीय माध्यम प्रमाणन व संनियंत्रण समितीकडे अपील दाखल करता येईल,असेही  पाटील म्हणाले.

 

The post जिल्हास्तरीय माध्यम प्रमाणन व संनियंत्रण समिती कामकाजाबाबत बैठक संपन्न appeared first on पुणे २४ तास.

]]> पुणे जिल्ह्यातील नगर परिषद निवडणुकांसाठी अजित पवारांची जोरदार तयारी; कार्यकर्त्यांशी सल्लामसलत सुरू https://pune24taas.com/ajit-pawar-dattatray-bharane-dilip-walse-patil/ Wed, 12 Nov 2025 18:55:27 +0000 https://pune24taas.in/?p=25426 पुणे जिल्ह्यातील नगर परिषद निवडणुकांसाठी अजित पवारांची जोरदार तयारी; कार्यकर्त्यांशी सल्लामसलत सुरू पायल पोटभरे – प्रतिनिधी पुणे 24 तास:– येणाऱ्या नगर परिषद निवडणुकांच्या पार्श्वभूमीवर उपमुख्यमंत्री अजित पवार यांनी आज पुण्यात राष्ट्रवादी काँग्रेस (अजित पवार गट)च्या पदाधिकारी आणि कार्यकर्त्यांसोबत महत्त्वपूर्ण बैठक घेतली. या बैठकीत निवडणुका कोणत्या रणनीतीने लढायच्या आणि संभाव्य युतीबाबत चर्चा झाली. या बैठकीला कृषिमंत्री […]

The post पुणे जिल्ह्यातील नगर परिषद निवडणुकांसाठी अजित पवारांची जोरदार तयारी; कार्यकर्त्यांशी सल्लामसलत सुरू appeared first on पुणे २४ तास.

]]> पुणे जिल्ह्यातील नगर परिषद निवडणुकांसाठी अजित पवारांची जोरदार तयारी; कार्यकर्त्यांशी सल्लामसलत सुरू

पायल पोटभरे – प्रतिनिधी

पुणे 24 तास:– येणाऱ्या नगर परिषद निवडणुकांच्या पार्श्वभूमीवर उपमुख्यमंत्री अजित पवार यांनी आज पुण्यात राष्ट्रवादी काँग्रेस (अजित पवार गट)च्या पदाधिकारी आणि कार्यकर्त्यांसोबत महत्त्वपूर्ण बैठक घेतली. या बैठकीत निवडणुका कोणत्या रणनीतीने लढायच्या आणि संभाव्य युतीबाबत चर्चा झाली.

या बैठकीला कृषिमंत्री दत्तात्रय भरणे, माजी गृहमंत्री दिलीप वळसे पाटील तसेच जिल्ह्यातील प्रमुख नेते उपस्थित होते.

बैठकीनंतर माध्यमांशी बोलताना दत्तात्रय भरणे म्हणाले, “अजित पवार आणि दिलीप वळसे पाटील कार्यकर्त्यांचे मत जाणून घेत आहेत. जागा वाटपाची प्रक्रिया सुरू असून काही कार्यकर्ते भाजप–शिवसेना युतीसोबत जाण्याच्या बाजूने आहेत, तर काही स्वतंत्र लढण्याचा विचार मांडत आहेत. अंतिम निर्णय मात्र अजित पवार आणि प्रमुख नेते घेतील.”

ते पुढे म्हणाले, “महायुती म्हणून आपण एकत्र आहोत. कार्यकर्त्यांच्या भावना लक्षात घेऊनच पुढचा निर्णय घेतला जाईल.”

भाजपविरोधी लढाईबाबत विचारले असता भरणे म्हणाले, “या विषयावर अजित पवार, प्रफुल्ल पटेल आणि सुनील तटकरे निर्णय घेतील.”

पार्थ पवार आणि अंजली दमानिया यांच्याबाबत विचारले असता त्यांनी उत्तर दिले, “या संदर्भात अजित पवारांनी आधीच खुलासा केला आहे, त्यामुळे सध्या त्यावर अधिक बोलणे योग्य नाही.”

शासनाच्या मदतीबाबत बोलताना त्यांनी सांगितले की, “शेतकऱ्यांच्या अडचणींबाबत केंद्र सरकारला माहिती दिली आहे. राज्य सरकारकडून २० हजार कोटी रुपयांचा जीआर जाहीर झाला असून उर्वरित निधी लवकरच वितरित केला जाईल. एनडीआरएफ निधीव्यतिरिक्त शेतकऱ्यांना अतिरिक्त मदत मिळणार आहे.”

 

 

 

The post पुणे जिल्ह्यातील नगर परिषद निवडणुकांसाठी अजित पवारांची जोरदार तयारी; कार्यकर्त्यांशी सल्लामसलत सुरू appeared first on पुणे २४ तास.

]]> नगरपरिषद व नगरपंचायत सार्वत्रिक निवडणुका शांततेत, निर्भय आणि न्याय वातावरणात पाडण्याच्यादृष्टीने जिल्हाधिकाऱ्यांचे आदेश जारी https://pune24taas.com/election-pmc-2025-collector-jitendra-dudi/ Wed, 12 Nov 2025 18:27:57 +0000 https://pune24taas.in/?p=25416 पुणे 24 तास :-  नगरपरिषद व नगरपंचायत सार्वत्रिक निवडणूक २०२५ शांततेत, निर्भय आणि न्याय वातावरणात पार पाडण्याच्यादृष्टीने जिल्हाधिकारी तथा जिल्हादंडाधिकारी जितेंद्र डूडी यांनी भारतीय नागरिक सुरक्षा संहिता, २०२३ चे कलम १६३ अन्वये प्रतिबंधात्मक आदेश जारी केले आहेत, सदरचे आदेश ३ डिसेंबर २०२५ पर्यंत अंमलात राहणार असल्याचे आदेशात नमूद करण्यात आले आहे. महानगरपालिका, नगरपालिका, नगरपंचायत व […]

The post नगरपरिषद व नगरपंचायत सार्वत्रिक निवडणुका शांततेत, निर्भय आणि न्याय वातावरणात पाडण्याच्यादृष्टीने जिल्हाधिकाऱ्यांचे आदेश जारी appeared first on पुणे २४ तास.

]]> पुणे 24 तास :-  नगरपरिषद व नगरपंचायत सार्वत्रिक निवडणूक २०२५ शांततेत, निर्भय आणि न्याय वातावरणात पार पाडण्याच्यादृष्टीने जिल्हाधिकारी तथा जिल्हादंडाधिकारी जितेंद्र डूडी यांनी भारतीय नागरिक सुरक्षा संहिता, २०२३ चे कलम १६३ अन्वये प्रतिबंधात्मक आदेश जारी केले आहेत, सदरचे आदेश ३ डिसेंबर २०२५ पर्यंत अंमलात राहणार असल्याचे आदेशात नमूद करण्यात आले आहे.

महानगरपालिका, नगरपालिका, नगरपंचायत व ग्रामीण भागात शासकीय, निमशासकीय, सार्वजनिक मालमत्तेची प्रत्यक्ष किंवा अप्रत्यक्ष स्वरुपात सक्षम प्राधिकाऱ्याच्या पूर्वपरवानगी शिवाय होर्डींग्ज, बॅनर्स, पोस्टर्स व भिंतीवर जाहिरात प्रदर्शित करण्यास निवडणूक प्रक्रिया पूर्ण होईपर्यंत 10 डिसेंबर 2025 पर्यंत निर्बंध घालण्याबाबतचे जिल्हाधिकारी तथा जिल्हादंडाधिकारी जितेंद्र डूडी यांनी आदेश जारी केले आहेत.

नगरपरिषद व नगरपंचायत सार्वत्रिक निवडणूकीत कोणत्याही राजकीय पक्षांनी, निवडणूक लढविणाऱ्या उमेदवारांनी किंवा त्यांच्या प्रतिनिधी, हितचिंतकांनी निवडणूकीच्या प्रचारासाठी झेंडयाच्या काठ्या उभारणे, कापडी फलक लावणे, भित्तीपत्रक लावणे, घोषणा लिहिणे इत्यादीकरीता कोणत्याही व्यक्तींच्या खाजगी जागा, इमारत, आवार, भिंती आदीवर संबंधित मालक व सार्वजनिक प्राधिकरणाची परवानगीशिवाय वापर करण्यावर निर्बंध घालण्यात आले आहे.

जिल्हादंडाधिकारी, उपविभागीय दंडाधिकारी, तालुका दंडाधिकारी कार्यालय तसेच जिल्ह्यातील सर्व शासकीय, निमशासकीय कार्यालय, शासकीय विश्रामगृह, सार्वजनिक ठिकाणे, रस्त्यावर कोणताही राजकीय पक्ष, व्यक्ती, संघटना, निवडणूक लढविणारे उमेदवार किंवा त्याच्या प्रतिनिधी किंवा हितचिंतकाने धरणे, आंदोलन, मोर्चा, निदर्शने, उपोषण करण्यावर निर्बंध घालण्यात आले आहे.

निवडणूक निर्णय अधिकारी यांचे कार्यालयात वाहनांच्या ताफ्यामध्ये तीन पेक्षा जास्त मोटारगाड्या, वाहने यांचा समावेश नसावा तसेच निवडणूक निर्णय अधिकारी यांच्या दालनात पाच व्यक्ती उपस्थित राहतील, या व्यतिरिक्त कोणालाही प्रवेश दिला जाणार नाही. तसेच निवडणूक निर्णय अधिकारी कार्यालयाच्या परिसरात नामनिर्देशनपत्र दाखल करतेवेळी मिरवणूक, सभा घेणे, घोषणा देणे, वाद्य वाजविणे किवा गाणी म्हणणे आणि कोणत्याही प्रकारचा निवडणूक प्रचार करण्यास निर्बंध घालण्यात आले आहे.

कोणत्याही प्रकारचे जात, भाषा, धर्मावर शिबिरांचे आयोजन तसेच जिल्ह्यातील धार्मिक स्थळे, रुग्णालये, शैक्षणिक संसथा व सार्वजनिक ठिकाणाच्या जवळपास तात्पुरत्या स्वरुपात पक्ष कार्यालये स्थापन करण्यावर निर्बंध घालण्यात येत आहे. या प्रतिबंधात्मक आदेशाचे उल्लंघन करणारी कोणतीही व्यक्ती भारतीय न्याय संहिता, २०२३ मधील कलम २२३ तसेच इतर प्रचलित कायद्यांनुसार शिक्षेस पात्र राहील असेही आदेशात नमुद करण्यात आले आहे.

 

 

The post नगरपरिषद व नगरपंचायत सार्वत्रिक निवडणुका शांततेत, निर्भय आणि न्याय वातावरणात पाडण्याच्यादृष्टीने जिल्हाधिकाऱ्यांचे आदेश जारी appeared first on पुणे २४ तास.

]]> आगामी महापालिकेच्या निवडणुकीसाठी पुणे महापालिकेकडून आरक्षण सोडत जाहीर… https://pune24taas.com/election-2025naval-kishor-rampmc/ Wed, 12 Nov 2025 03:53:43 +0000 https://pune24taas.in/?p=25362 पुणे 24 तास : आगामी महापालिकेच्या निवडणुकीच्या पार्श्वभूमीवर सर्वच पक्षांकडून जोरदार तयारी करण्यात आली असून आज पुणे महापालिकेच्या निवडणुकीच्या साठी महापालिकेचे आयुक्त नवल किशोर राम यांच्या उपस्थितीत आज आरक्षण सोडत जाहीर करण्यात आली आहे. महापालिकेच्या निवडणुकीत यंदा 41 प्रभाग आणि 165 सदस्यपदासाठी आज आरक्षण सोडत जाहीर झाली असून यात 83 जागा महिलांसाठी तर 82 जागा […]

The post आगामी महापालिकेच्या निवडणुकीसाठी पुणे महापालिकेकडून आरक्षण सोडत जाहीर… appeared first on पुणे २४ तास.

]]> पुणे 24 तास : आगामी महापालिकेच्या निवडणुकीच्या पार्श्वभूमीवर सर्वच पक्षांकडून जोरदार तयारी करण्यात आली असून आज पुणे महापालिकेच्या निवडणुकीच्या साठी महापालिकेचे आयुक्त नवल किशोर राम यांच्या उपस्थितीत आज आरक्षण सोडत जाहीर करण्यात आली आहे. महापालिकेच्या निवडणुकीत यंदा 41 प्रभाग आणि 165 सदस्यपदासाठी आज आरक्षण सोडत जाहीर झाली असून यात 83 जागा महिलांसाठी तर 82 जागा पुरुषांसाठी आहे तर महिलांच्या 83 जागामध्ये महिला खुला प्रवर्ग 48, ओबीसी महिला 23,एसी महिला 11, एसटी महिला 1 अश्या तर पुरुष मध्ये सर्वसाधारण 48,ओबीसी सर्वसाधारण 22,एस सी पुरुष 11, एस टी पुरुष 1 अस जाहीर करण्यात आलं आहे.

पुण्यातील गणेश कला क्रीडामंच येथे दि. 11 नोव्हेंबर रोजी सकाळी महापालिका आयुक्त नवल किशोर राम यांच्या नेतृत्वाखाली महापालिकेच्या निवडणुकीसाठी आरक्षण सोडत जाहीर करण्यात आली आहे.

सन २०११ च्याजनगणनेनुसार पुणे महापालिकेची लोकसंख्या ही ३४,८१,३५९ एवढी असून यात अनुसूचित जातीची लोकसंख्या ही ४,६८,६३३ तर अनुसूचित जमातीची लोकसंख्या ही ४०.६८७ एवढी आहे.पुणे महानगरपालिकेसाठी एकूण ४१ प्रभाग असून त्यामध्ये १६५ इतकी सदस्य संख्या निश्चित केलेली आहे. पुणे महानगरपालिकेच्या एकूण ४१ प्रभागापैकी ४० प्रभाग हे चार सदस्यीय असून एक प्रभाग क्रमांक ३८ हा पाच सदस्यीय आहे. राज्य निवडणूक आयोगाच्या मान्यतेने अनुसूचित जाती, अनुसूचित जमाती, यांच्या जागा लोकसंख्येच्या टक्केवारी ज्या प्रभागात सर्वाधिक असेल त्या प्रभागापासून सुरुवात करून उतरल्या क्रमाने निश्चित केलेल्या आहेत.राज्य निवडणूक आयोगाच्या मान्यतेने नागरिकांचा मागासवर्ग प्रवर्ग (२७%) प्रमाणे एकूण ४४ जागा नागरिकांचा मागासवर्ग प्रवर्गासाठी निश्वित करण्यात आलेल्या आहेत.

अनुसूचित जातीसाठी आरक्षित प्रभाग …ज्या प्रभागातील अनुसूचित जातीच्या लोकसंख्येची टक्केवारी त्या प्रभागातील एकूण लोकसंख्येच्या तुलनेत सर्वाधिक असेल अशा प्रभागापासून सुरुवात करून उतरत्या क्रमाने प्रभागांची मांडणी करून राज्य निवडणूक आयोगाच्या मान्यतेने २२ प्रभागातील अ जागा प्रभाग क्र. १.२.४.६.७.८.१२.१३. १४, १५, १७, २१, २२, २३.२६.२७०२८. ३२. ३६.३९.४०, ४१) २२ जागा अनुसूचित जातीसाठी थेट नेमून देण्यात आलेल्या आहेत.

अनुसूचित जमातीसाठी आरक्षित प्रभाग….

प्रभाग क्रमांक १अ,प्रभाग क्रमांक १२ अ,प्रभाग क्रमांक ७ अ, प्रभाग क्रमांक ३२ अ,प्रभाग क्रमांक २८ अ,प्रभाग १४ अ,प्रभाग क्रमांक ४१ अ, प्रभाग क्रमांक १५ अ, प्रभाग क्रमांक ३९ अ, प्रभाग क्रमांक २२ अ,प्रभाग क्रमांक २ अ

अनुसूचित जाती सर्वसाधारण प्रवर्ग….

४अ,६अ,८अ,१३अ,१७अ,२१अ,२३अ,२६अ,२७अ,३६अ,४०अ

अनुसूचित जमाती महिला...

९अ,अन्य: १ ब

नागरिकांचा मागासवर्ग महिला…

३ अ,२५अ,३८अ,

The post आगामी महापालिकेच्या निवडणुकीसाठी पुणे महापालिकेकडून आरक्षण सोडत जाहीर… appeared first on पुणे २४ तास.

]]>