पुणे: भवानी पेठ क्षेत्रीय कार्यालयाच्या शेजारीच रहदारीच्या रस्त्यावर कचऱ्याचा मोठा ढीग साचला आहे. भंगार दुकानांमधील जुने फ्रिज आणि अनावश्यक स्क्रॅप रस्त्यावर टाकल्याने नागरिकांना त्रास सहन करावा लागत असल्याचा आरोप आहे.

सामान्य नागरिकांनी कचरा टाकला तर दंड आकारला जातो; मग या ठिकाणी रस्त्यावर कचऱ्याचा ढीग साचत असताना कारवाई कधी होणार?
या भंगार दुकानदारांवर कोणाची मेहरबानी आहे? प्रशासनाने याकडे गांभीर्याने लक्ष देण्याची गरज असल्याची तक्रार रिपाइं पुणे शहर विद्यार्थी आघाडीचे अध्यक्ष रमेश मोरे यांनीं केली आहे. यावेळी शाळेच्या विद्यार्थ्यांना ही आरोग्याच्या समस्येला सामोरे जावे लागत आहे.

📍 भवानी पेठ, पुणे

#भवानीपेठ #पुणे #कचरासमस्या #कचऱ्याचाडोंगर #स्वच्छताअभियान #भंगारदुकान #पुणेमहापालिका #PuneNews #Pune24Taas #PuneCity #PuneUpdates #CleanPune #PMC

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post 🗑️ भवानी पेठ क्षेत्रीय कार्यालयाशेजारी कचऱ्याचा डोंगर! appeared first on पुणे २४ तास.

विद्यार्थ्यांच्या सुरक्षिततेचा गंभीर प्रश्न

पुणे : पुण्यातील सोलापूर बाजार, पुलगेट परिसरातील डॉ. बाबासाहेब आंबेडकर टेक्निकल हायस्कूलची सध्या अत्यंत दयनीय अवस्था झाल्याचे चित्र समोर आले आहे. भर पावसात शाळेच्या वर्गखोल्यांमध्ये पावसाचे पाणी झिरपत असून, विद्यार्थ्यांना याच परिस्थितीत वर्गात बसावे लागत आहे.

शाळेच्या काही खोल्यांमध्ये तुटलेले, गंजलेले व कुजलेले साहित्य आणि कचरा साचलेला आहे. छताची तसेच काही पिलरची अवस्थाही चिंताजनक दिसत आहे. यामुळे विद्यार्थ्यांसह शिक्षक आणि इतर कर्मचाऱ्यांच्या सुरक्षिततेचा प्रश्न निर्माण झाला आहे.

शाळेमध्ये आवश्यक सोयी-सुविधांचा अभाव असून, कुजलेल्या साहित्यामुळे दुर्गंधीचाही त्रास होत असल्याचे सांगण्यात येत आहे.

शाळेच्या मुख्याध्यापिकांनी दिलेल्या माहितीनुसार, परिस्थितीची माहिती मिळताच पुणे कॅन्टोन्मेंट बोर्डाचे CEO विद्याधर पवार यांच्याशी संपर्क साधण्यात आला. त्यानंतर त्यांनी शाळेला भेट देऊन पाहणी केली असून, देखभाल-दुरुस्ती आणि आवश्यक उपाययोजनांबाबत लवकरच निर्णय घेण्यात येईल, असे सांगण्यात आले आहे.

विद्यार्थ्यांच्या सुरक्षिततेचा प्रश्न लक्षात घेता, शाळेची दुरुस्ती आणि आवश्यक उपाययोजना तातडीने होणे गरजेचे आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post सोलापूर बाजारातील शाळेची दुरवस्था; पावसात विद्यार्थ्यांचा जीव धोक्यात? appeared first on पुणे २४ तास.

पुणे : द बिशप्स स्कूल, उंड्री येथील इयत्ता नववीची विद्यार्थिनी अविस्मा उपेश मर्लेचा हिने जपान येथे आयोजित सैतामा एशियन कप २०२६ मध्ये उल्लेखनीय कामगिरी करत भारताचा गौरव केला आहे. इनलाइन फ्रीस्टाइल क्लासिक स्लॅलम स्केटिंग स्पर्धेत अविस्माने पाचवे स्थान पटकावले.

अविस्मा महर्षी नगर, पुणे येथील शिवशंकर सभागृह येथे प्रशिक्षक प्रफुल चंदणे व अर्चना चंदणे यांच्या मार्गदर्शनाखाली नियमित सराव करते. कठोर मेहनत, सातत्यपूर्ण सराव आणि स्केटिंगविषयीची तिची आवड यामुळे तिने आंतरराष्ट्रीय स्तरावर ही उल्लेखनीय कामगिरी केली.

विशेष म्हणजे, रोलर स्केटिंग फेडरेशन ऑफ इंडिया (RSFI) मार्फत अविस्माने सलग तिसऱ्यांदा भारताचे प्रतिनिधित्व केले आहे. जपानमध्ये विविध देशांतील खेळाडूंच्या उपस्थितीत झालेल्या या स्पर्धेत तिने आपल्या कौशल्याची प्रभावी छाप पाडली.

अविस्माच्या या यशामुळे पुण्याच्या क्रीडा क्षेत्रासह तिचे कुटुंब, शाळा, प्रशिक्षक आणि नागरिकांमध्ये आनंदाचे वातावरण आहे. तिच्या या कामगिरीबद्दल सर्व स्तरांतून अभिनंदनाचा वर्षाव होत असून, आगामी स्पर्धांसाठी तिला शुभेच्छा दिल्या जात आहेत.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post सैतामा एशियन कप २०२६ मध्ये पुण्याच्या अविस्माची चमकदार कामगिरी appeared first on पुणे २४ तास.

मोहिनी मोहिते (संपादक)

पुणे: पद्मपाणी फाउंडेशन आणि सावित्रीबाई फुले पुणे विद्यापीठ कर्मचारी संघ यांच्या संयुक्त विद्यमाने आयोजित करण्यात येणाऱ्या ‘लोकशाहीर अण्णा भाऊ साठे विचारवेध साहित्य संमेलना’च्या अध्यक्षपदी ज्येष्ठ लेखिका आणि विचारवंत डॉ. प्रज्ञा दया पवार यांची एकमताने निवड करण्यात आली आहे. आयोजकांनी केलेल्या नम्र विनंतीला मान देऊन डॉ. प्रज्ञा दया पवार यांनी या संमेलनाचे अध्यक्षपद स्वीकारण्यास आपला सहर्ष होकार दिला आहे, अशी माहिती संमेलनाचे संयोजन समिती अध्यक्ष राहुल डंबाळे यांनी प्रेस नोटद्वारे प्रसिद्धीस दिली आहे.

हे विशेष वैचारिक साहित्य संमेलन आगामी १६ ऑगस्ट २०२६ रोजी सकाळी १० वाजता सावित्रीबाई फुले पुणे विद्यापीठ परिसर येथे संपन्न होणार आहे. लोकशाहीर अण्णा भाऊ साठे यांच्या पुरोगामी, विद्रोही आणि कष्टकरी जनतेच्या हक्कांच्या विचारांचा वेध घेणे हा या संमेलनाचा मुख्य उद्देश आहे.

संमेलनाचे संयोजन समिती अध्यक्ष राहुल डंबाळे यावेळी म्हणाले, “लोकशाहीर अण्णा भाऊ साठे यांचे ‘जग बदल घालूनी घाव, सांगूनी गेले मज भीमराव’ हे विचार आजही समाजाला दिशा देणारे आहेत. डॉ. प्रज्ञा दया पवार यांचे मराठी साहित्य क्षेत्रातील योगदान आणि त्यांची सामाजिक जाणीव अत्यंत प्रगल्भ आहे. त्यांच्यासारख्या खंबीर आणि ज्येष्ठ विचारवंताचे नेतृत्व या संमेलनाला लाभल्यामुळे या वैचारिक सोहळ्याची उंची आणि समृद्धी अधिक वाढणार आहे.”

या संमेलनाच्या यशस्वी आयोजनासाठी संयोजन समितीचे प्राज्ञ वैशाली देठे, डॉ. राहुल ससाणे, सतिष वाघमारे आणि संतोष मदने हे विशेष परिश्रम घेत आहेत.

संमेलनामध्ये विविध वैचारिक सत्रांचे, परिसंवादांचे आणि सांस्कृतिक कार्यक्रमांचे आयोजन करण्यात आले आहे. या सोहळ्याला पुणे शहर व महाराष्ट्रातील पुरोगामी चळवळीतील कार्यकर्ते, साहित्यिक, अभ्यासक आणि विद्यार्थी मोठ्या संख्येने उपस्थित राहणार आहेत. तरी सर्व साहित्यप्रेमींनी आणि नागरिकांनी या संमेलनाला बहुसंख्येने उपस्थित राहावे, असे आवाहन पद्मपाणी फाउंडेशन आणि सावित्रीबाई फुले पुणे विद्यापीठ कर्मचारी संघाच्या वतीने करण्यात आले आहे.

संमेलन अध्यक्षा डॉ. प्रज्ञा दया पवार यांचा परिचय

‘लोकशाहीर अण्णा भाऊ साठे विचारवेध साहित्य संमेलना’च्या नवनियुक्त अध्यक्षा डॉ. प्रज्ञा दया पवार या मराठी साहित्य क्षेत्रातील एक आघाडीच्या, ख्यातनाम कवयित्री, कादंबरीकार, ललित लेखिका आणि प्रखर विचारवंत म्हणून सुपरिचित आहेत. मराठी साहित्यातील दलित, विद्रोही आणि स्त्रीवादी चळवळीत त्यांचे योगदान अत्यंत मोलाचे मानले जाते.

 साहित्यिक प्रवास व लेखन:

डॉ. प्रज्ञा पवार यांनी आपल्या लेखनातून नेहमीच सामाजिक विषमता, शोषितांचे प्रश्न आणि स्त्रियांच्या हक्कांवर सडेतोड भाष्य केले आहे. त्यांचे ‘अंतस्थ’, ‘उत्कट शब्दवेध’, ‘मी भिडवू इच्छितेय समोरासमोर डोळे’ आणि ‘आरपारं’ यांसारखे काव्यसंग्रह प्रचंड गाजले आहेत. काव्याव्यतिरिक्त ‘धादांत खैरलांजी’ (दीर्घ कविता), ‘केंद्रांकित’ (ललित लेखसंग्रह) आणि ‘मातीचा पोत’ यांसारख्या वैचारिक व ललित साहित्यातून त्यांनी आपली स्वतंत्र ओळख निर्माण केली आहे.

 पुरस्कार आणि सन्मान:

त्यांच्या साहित्यिक आणि सामाजिक क्षेत्रातील उत्कृष्ट कार्याची दखल घेऊन त्यांना महाराष्ट्र शासनाच्या ‘कवी केशवसुत पुरस्कारा’सह अनेक नामांकित राज्यस्तरीय व राष्ट्रीय पुरस्कारांनी सन्मानित करण्यात आले आहे. विविध विद्यापीठांच्या अभ्यासक्रमांमध्येही त्यांच्या साहित्याचा समावेश करण्यात आलेला आहे.

 वैचारिक भूमिका:

महाराष्ट्रातील पुरोगामी, आंबेडकरी आणि समतावादी चळवळींमध्ये डॉ. प्रज्ञा पवार यांचा नेहमीच सक्रिय सहभाग राहिला आहे. चळवळीतील एक खंबीर आणि विवेकी आवाज म्हणून त्यांच्याकडे पाहिले जाते. संमेलनाच्या अध्यक्षा म्हणून त्यांची झालेली निवड ही अण्णा भाऊ साठे यांच्या पुरोगामी आणि क्रांतिकारी विचारांना अधिक गती देणारी ठरेल.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post ज्येष्ठ लेखिका डॉ. प्रज्ञा दया पवार यांच्या अध्यक्षतेखाली पुण्यात होणार ‘लोकशाहीर अण्णा भाऊ साठे विचारवेध साहित्य संमेलन appeared first on पुणे २४ तास.

पुणे: NEET परीक्षेच्या पेपरफुटीमुळे देशभरात २३ पेक्षा जास्त विद्यार्थ्यांनी आत्महत्या करून आपले जीवन संपवले. या निष्पाप विद्यार्थ्यांच्या मृत्यूस जबाबदार असलेल्या केंद्रीय शिक्षण मंत्र्याचा राजीनामा मागण्यासाठी राजधानी दिल्ली सह देशभरात विद्यार्थ्यांनी आंदोलन उभे केले. हे आंदोलन पोलीस बळाचा वापर करून चिरडून टाकण्याचे कुकर्म देशाचे गृहमंत्री अमित शहा यांनी केले. विद्यार्थ्यांवर लाठ्या, टिअर गॅस, पॅलेट गन्स तर काही ठिकाणी अगदी AK47 सारखी दहशतवाद्यांच्या विरोधात वापरली जाणारी शस्त्रे विद्यार्थ्यांवर वापरण्यात आली. अमित शहांच्या या हल्ल्यात अनेक विद्यार्थी गंभीर जखमी झाले, अनेकांची दृष्टी केली, अनेकांची श्रवण शक्ती केली, अनेक विद्यार्थी कायमचे अधू झाले. या पोलीस हल्ल्यात अनेक विद्यार्थिनींचा, महिलांचा विनयभंग झाला. देशातील तरुणाईला चिरडून टाकण्याचा प्रयत्न करणारे गृहमंत्री अमित शहा 1 ऑगस्ट 2026 रोजी लोकमान्य टिळक पुरस्कारांच्या निमित्ताने पुणे शहरात येणार आहेत. या पार्श्वभूमीवर पुणे शहर (पूर्व) काँग्रेस कमिटीच्या वतीने शहराध्यक्ष प्रशांत जगताप यांनी आंदोलनाची हाक दिली आहे.

अगदी आंदोलन संपल्यानंतरही सरकारने दिलेले वचन मोडून आंदोलकांवर खोटे गुन्हे दाखल करण्यास, त्यांची धरपकड करण्यास, विद्यार्थ्यांच्या कुटुंबीयांना छळण्यास सुरुवात केली आहे. दिनांक 1 ऑगस्ट 2026 रोजी, सकाळी 10.30 वाजता अमित शहा यांच्या नियोजित प्रवास मार्गावर सेव्हन लव्हज चौक, शंकरशेठ रोड, पुणे येथे अमित शहांचा निषेध करण्यासाठी पुणेकरांनी, तरुणांनी, विद्यार्थ्यांनी मोठ्या संख्येने जमावे असे आवाहन प्रशांत जगताप यांच्याकडून करण्यात आले आहे.

या आंदोलनाच्या माध्यमातून तमाम पुणेकर मोदी सरकारच्या हुकूमशाही वृत्तीचा, विद्यार्थ्यांवर झालेल्या हिंसक हल्ल्याचा निषेध नोंदवतील अशी भूमिका प्रशांत जगताप यांनी स्पष्ट केली आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post विद्यार्थ्यांवर हल्ला करणाऱ्या केंद्रीय गृहमंत्री अमित शहा यांच्या विरोधात निषेध आंदोलन appeared first on पुणे २४ तास.

पुणे : गेल्या दशकभरापासून भारतातील तरुणाईच्या मनात असंतोष साचला आहे. NEET परीक्षेचा पेपर फुटला, या नैराश्यात २३ विद्यार्थ्यांनी आत्महत्या केली आणि विद्यार्थ्यांच्या भावनांचा कडेलोट झाला. विद्यार्थ्यांच्या आत्महत्येस जबाबदार असलेल्या, शिक्षण व्यवस्था उध्वस्त करणाऱ्या धर्मेंद्र प्रधान यांचा राजीनामा घ्यावा इतकी साधी विद्यार्थ्यांची मागणी होती. मात्र सत्तेच्या मग्रुरीत असलेल्या मोदी सरकारने विद्यार्थ्यांच्या या मागणीकडे दुर्लक्ष केलं. शेतकऱ्यांचं आंदोलन जसं पोलिस बळाचा वापर करून चिरडून टाकलं तसंच विद्यार्थ्यांचं आंदोलनही चिरडून टाकू अशी हवा मोदी सरकारच्या डोक्यात होती. मात्र, विद्यार्थ्यांनी देशव्यापी संघर्ष उभा केला, काँग्रेसचे नेते तथा लोकसभेचे विरोधीपक्ष नेते राहुल गांधी यांनी “छात्रों की गुंज” या देशव्यापी मोहिमेतून जी क्रांतीची मशाल पेटवली आणि या क्रांतीच्या शक्तिपुढे मग्रूर मोदी सरकारला झुकावं लागलं. धर्मेंद्र प्रधान यांनी राजीनामा दिला आणि जवळपास २८ दिवसांच्या संघर्षाला यश आले.

मात्र, या २८ दिवसांत एक गोष्ट प्रकर्षाने पुढे आली. “धर्मेंद्र प्रधान” हा प्रश्न खूप छोटा असून, मोदी सरकारचा अहंकार हा मुख्य प्रश्न म्हणून पुढे आले. मोदी सरकारने विद्यार्थ्यांवर पोलिसांचे बळ वापरले, मोर्चात भाजपाचे गुंड घुसवले, विद्यार्थ्यांवर टिअर गॅसचा, पॅलेट गनचा वापर केला, भाजपच्या मंत्र्यांनी विद्यार्थ्यांना दहशतवादी संबोधले, त्यांचे आयुष्य उध्वस्त करण्याची उघड धमकी दिली… हे चित्र पाहून मोदी सरकारचा अहंकार हा सर्वांत मोठा प्रश्न आहे ही बाब समोर आली. सरकारचा हा अहंकार मोडून काढण्यासाठी काँग्रेस पक्षाकडून या कॅन्डल मार्चचे आयोजन करण्यात आले. विशेष म्हणजे या मोर्चाची हाक काँग्रेस पक्षाने दिली असली, तरीही मोर्चात कोणत्याच पक्षाचा राजकीय झेंडा दिसला नाही, कोणतीही राजकीय घोषणाबाजी झाली नाही, केवळ देशातील तरुणाईच्या न्यायासाठी तिरंगा राष्ट्रध्वज हातात घेऊन हजारो पुणेकर या मोर्चात सहभागी झाले.

मोदी सरकारने विद्यार्थ्यांवर केलेल्या अमानुष हल्ल्याबाबत जाहीर माफी मागावी, आंदोलक विद्यार्थ्यांचे आयुष्य उध्वस्त करण्यासाठी त्यांच्यावर नोंदवलेले गुन्हे तत्काळ मागे घ्यावे, आत्महत्या केलेल्या निष्पाप विद्यार्थ्यांच्या कुटुंबीयांना सहाय्य द्यावे या प्रमुख मागण्यांसाठी काँग्रेस पक्षाने आयोजित केलेल्या या कॅन्डल मार्चला तमाम पुणेकरांनी हजारोंच्या संख्येने उपस्थित राहून भरभरून प्रतिसाद दिला.

या आंदोलनात काँग्रेस पक्षाचे पुणे (पूर्व) शहराध्यक्ष प्रशांत जगताप, काँग्रेसचे गटनेते चंदूशेठ कदम, ज्येष्ठ नेते गोपाल तिवारी, रफिक शेख, साहिल केदारी, सुनील शिंदे, शिवा मंत्री, विशाल मलके, वैशाली भालेराव, अश्विनी लांडगे, दिपाली डोख, सौरव अमराळे, अभिजीत गोरे, पुष्कर आबनावे, अक्षय जैन, स्वाती शिंदे यांच्यासह पुणे शहरातील नागरिक व विद्यार्थी हजारोंच्या संख्येने इतर मान्यवर उपस्थित होते.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post पुण्यात घुमली “छात्रों की गुंज” appeared first on पुणे २४ तास.

वयाच्या ८८ व्या वर्षात पदार्पण

पुणे :- सकल जैन समाजाचा पितामह म्हणून ओळख असलेले दानशूर व्यक्तिमत्व असलेले, १४ जुलै १९३९ रोजी अहमदनगर जिल्ह्यातील राहुरी येथे जन्मलेल्या  वालचंद देवचंद संचेती यांच्या जीवनाला आज ८७ वर्षे पूर्ण होत आहेत. अत्यंत प्रतिकूल परिस्थितीवर मात करून १९५० साली शिक्षणासाठी पुण्यात आलेल्या या तरुणाने कॅम्प एज्युकेशन सोसायटी’च्या राजा धनराज गिरजी हायस्कूलमधून शिक्षणाची सुरुवात केली, आणि पुढे त्याच संस्थेचे मानद सचिव म्हणून गेली ५५ वर्षे शिक्षण क्षेत्रासाठी आपले संपूर्ण जीवन अर्पण केले. जेव्हा त्यांनी संस्थेची जबाबदारी घेतली तेव्हा तेथे ३८०० विद्यार्थी होते आणि आज त्यांच्या दूरदृष्टी आणि अथक परिश्रमामुळे ती संख्या १५००० पर्यंत पोहोचली आहे. संस्थेला १४२ वर्षांची शैक्षणिक परंपरा लाभली असून गरीब विद्यार्थ्यांना दर्जेदार शिक्षण मिळावे यासाठी त्यांनी इंग्रजी माध्यमात २५% विद्यार्थ्यांची फी समाजातून गोळा करून भरण्याची व्यवस्था केली तसेच ज्यांच्या घरी इंग्रजीचा पाया नाही अशा विद्यार्थ्यांसाठी मोफत प्रशिक्षण वर्ग सुरु केले. संस्थेचा १० वी चा निकाल गेली ५ वर्षे सलग १००% लागत असून याचे सर्व श्रेय त्यांच्या नेतृत्वाला जाते. काळाची गरज ओळखून त्यांनी बीसीए, बीबीए, एमबीए, आय एच एम सारखे व्यवसायाभिमुख अभ्यासक्रम आणि ‘डॉ. सायरस पुनावाला स्किल डेव्हलपमेंट सेंटर’ सुरु करून विद्यार्थ्यांना शिक्षणानंतर रोजगार आणि स्वयंरोजगाराच्या संधी उपलब्ध करून दिल्या. शिक्षण क्षेत्रातील भरीव योगदानाची दखल घेऊन १९८५ मध्ये तत्कालीन राष्ट्रपती ज्ञानी झैलसिंग आणि २०१२ मध्ये तत्कालीन राष्ट्रपती प्रतिभा पाटील यांच्या हस्ते त्यांना मानचिन्ह देऊन गौरविण्यात आले तसेच त्यांनी २०११ मध्ये १२००० विद्यार्थ्यांसाठी इलर्निंग ची सुविधा सुरु केली. व्यवसायाने ते फूड प्रोसेसिंग क्षेत्रातील यशस्वी उद्योजक असून गेली ६१ वर्षे ‘पुणे मर्चंट्स चेंबर’ शी निगडित आहेत आणि अनेक वर्षे अध्यक्षपदही भूषविले आहे. चेंबरची भव्य इमारत उभारण्यात त्यांचा सिंहाचा वाटा असून १९९२ मध्ये उपराष्ट्रपती शंकरदयाल शर्मा यांच्या हस्ते त्यांचा व्यापारी क्षेत्रातील उल्लेखनीय कार्याबद्दल सत्कार झाला. ‘ओसवाल बंधू समाज’ चे अध्यक्ष आणि संस्थापक सदस्य म्हणून ते दरवर्षी १ कोटी २५ लाख रुपयांपर्यंतची आर्थिक मदत जैन समाजातील गरजू विद्यार्थ्यांना उच्च शिक्षणासाठी देतात तसेच सर्व समाजातील सुमारे पाच हजार गरजू रुग्णांच्या बायपास सर्जरीसाठी मदत करून त्यांना नवजीवन दिले आहे. ‘द फेडरेशन ऑफ असोसिएशन ऑफ ट्रेड्स – महाराष्ट्र राज्य’ चे अध्यक्ष, जैन इंटरनॅशनल ट्रेड ऑर्गनायझेशन चे सदस्य आणि महाराष्ट्र शासनाच्या एम्प्लॉयी कामगार बोर्ड चे प्रतिनिधी म्हणूनही ते कार्यरत आहेत. समाजभूषण पुरस्कार आणि लाइफ टाइम अचिव्हमेंट अवॉर्ड ने सन्मानित झालेले श्री. वालचंद संचेती वयाच्या ८८ व्या वर्षीही तितक्याच उत्साहाने समाजकार्यात सक्रिय आहेत आणि त्यांचे जीवन आपल्याला शिकवते की स्वतःसाठी जगलात तर आयुष्य संपते पण दुसऱ्यांसाठी जगलात तर आयुष्य अमर होते. सतत कार्य करण्याची वृत्ती, चारित्र्य संपन्नता, विनम्रता, उद्यमशीलता, समाजातील गरजू लोकांविषयी कळकळ, विद्यार्थ्यांविषयी तळमळ, शिक्षकांबददल आत्मीयता, प्रामाणिकपणा, निरलसपणे काम करण्याची धारणा, व्यावसाय आणि समाजसेवा यांची योग्य सांगड घालून आपली जीवनक्रमण करीत आहे. आणि म्हणूनच जीवनात सर्वस्पर्शी गुणांनी संपन्न असणा-या वालचंदजींचे व्यक्तीमत्व “बहुआयामी” वनलेले आहे. नुकताच  संचेती यांचा शैक्षणिक, सामाजिक व धार्मिक क्षेत्रात केलेल्या उल्लेखनिय कामगिरीबद्दल जैन समाजातर्फे ” समाजरत्न” पुरस्कार देऊन सन्मान करण्यात आलेला आहे . यावेळी ज्येष्ठ पत्रकार अनिल दाहोत्रे व  त्यांच्या परिवाराकडून त्यांना ८८ व्या वाढदिवसानिमित्त  हार्दिक शुभेच्छा देण्यात आल्या.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post शिक्षणाचा वसा आणि सेवेचा ध्यास : वालचंद देवचंद संचेती  appeared first on पुणे २४ तास.

या समारंभास प्रमुख पाहुणे म्हणून मा. हानी अहमद फरीद, जनरल सेक्रेटरी, Y & M AKI ट्रस्ट, तसेच मान्यवर पाहुणे हनीफ लकडावाला, ट्रस्टी, Y & M AKI ट्रस्ट आणि प्रा. (डॉ.) पोरिनिता बॅनर्जी, संचालक (कार्यवाहक), PIMSE उपस्थित होते.

कार्यक्रमाची सुरुवात पारंपरिक अकॅडमिक प्रोसेशनने झाली. त्यानंतर स्वागतपर भाषण आणि संस्थेच्या प्रमुख कामगिरींचे सादरीकरण करण्यात आले.

आपल्या मार्गदर्शनपर भाषणात मा. फरीद यांनी विद्यार्थ्यांना जागतिक संधींचा लाभ घेण्याचे आवाहन करत मोठी स्वप्ने पाहण्यास प्रोत्साहित केले. तर डॉ. लकडावाला यांनी सतत शिकत राहण्याचे आणि उद्दिष्टपूर्ण कृती करण्याचे महत्त्व सांगत पदवीप्राप्ती हा नव्या प्रवासाचा प्रारंभ असल्याचे नमूद केले.

या वेळी MBA, MBA-IT आणि MBA-HRD या अभ्यासक्रमातील गुणवंत विद्यार्थ्यांचा सत्कार करण्यात आला. तसेच सर्व पदवीधर विद्यार्थ्यांना सन्मानपत्र देण्यात आले व टॉपर विद्यार्थ्यांना रोख पारितोषिकांनी गौरविण्यात आले.

संशोधन, स्पर्धा, सांस्कृतिक उपक्रम आणि क्रीडा क्षेत्रात राष्ट्रीय व आंतरराष्ट्रीय स्तरावर उल्लेखनीय कामगिरी करणाऱ्या विद्यार्थ्यांचाही विशेष सन्मान करण्यात आला. याशिवाय विद्यार्थ्यांच्या रोजगारक्षमतेत वाढ करण्यासाठी संस्थेमार्फत राबविण्यात आलेल्या अॅड-ऑन स्किल डेव्हलपमेंट कार्यक्रमांच्या प्रमाणपत्रांचेही वितरण करण्यात आले.

कार्यक्रमाचा समारोप आभार प्रदर्शनाने झाला. हा दीक्षांत समारंभ विद्यार्थ्यांच्या यशाचा गौरव करणारा आणि त्यांच्या उज्ज्वल भविष्याच्या दिशेने प्रेरणा देणारा ठरला.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post पीआयएमएसई येथे भव्य दीक्षांत समारंभ २०२६ उत्साहात संपन्न appeared first on पुणे २४ तास.

पुणे : आंतरराष्ट्रीय महिला दिन २०२६ निमित्त दि. ९ मार्च २०२६ रोजी पु ना इन्स्टिट्यूट ऑफ मॅनेजमेंट सायन्सेस अँड आंत्रप्रेन्युअरशिप (पिमसे) तर्फे शिवाजीनगर पोलीस ठाण्यात कार्यरत महिला पोलिस अधिकाऱ्यांचा सन्मान सोहळा आयोजित करण्यात आला.

“Give to Gain” या प्रेरणादायी संकल्पनेखाली आयोजित या कार्यक्रमात समाजाच्या सुरक्षेसाठी अहोरात्र कार्य करणाऱ्या महिला पोलिसांच्या योगदानाचा गौरव करण्यात आला.

या कार्यक्रमात महिला पोलिस अधिकारी समाजात कायदा व सुव्यवस्था राखण्यासाठी, नागरिकांचे संरक्षण करण्यासाठी आणि समाजाच्या सुरक्षिततेसाठी करत असलेल्या उल्लेखनीय कार्याचा सन्मान करण्यात आला. कठीण परिस्थितीतही कर्तव्यनिष्ठा, धैर्य आणि प्रामाणिकपणे सेवा देणाऱ्या महिला पोलिसांचे योगदान समाजासाठी प्रेरणादायी असल्याचे यावेळी अधोरेखित करण्यात आले.

या कार्यक्रमाला वरिष्ठ पोलीस निरीक्षक दिघवकर सर तसेच पोलीस निरीक्षक कलंगे सर यांची उपस्थिती लाभली. यावेळी डब्ल्यूपीएसआय वालसे मॅडम आणि डब्ल्यूपीएसआय जाधव मॅडम यांचा समाजसेवा व सार्वजनिक सुरक्षेसाठी केलेल्या उल्लेखनीय कार्यायाद्दल विशेष सत्कार करण्यात आला.

पिमसेच्या प्रभारी संचालिका प्रा. डॉ. पोरिनिता बॅनर्जी यांनी उपस्थित प्रत्येक महिला पोलिस अधिकाऱ्यांचा सन्मान करून त्यांच्या धैर्य, जिद्द आणि समाजसेवेप्रती असलेल्या समर्पणाबद्दल कृतज्ञता व्यक्त केली.

प्रा. डॉ. पोरिनिता बॅनर्जी यांच्या मार्गदर्शनाखाली आयोजित या कार्यक्रमाने समाजाच्या सुरक्षेसाठी कार्य करणाऱ्या महिला पोलिसांप्रती कृतज्ञता व्यक्त करत त्यांना मानाचा मुजरा अर्पण केला.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post शिवाजीनगर पोलीस ठाण्यातील महिला पोलिसांचा पिमसेतर्फे गौरव appeared first on पुणे २४ तास.

पुणे : ए.के.आय.च्या पुना इन्स्टिट्यूट ऑफ मॅनेजमेंट सायन्सेस अँड आंत्रप्रेन्युअरशिप (पिमसे) येथे आंतरराष्ट्रीय महिला दिन उत्साहात साजरा करण्यात आला. यावर्षीचा “Give to Gain” हा विषय निःस्वार्थ योगदान, सशक्तीकरण आणि जिद्दीचा संदेश देणारा ठरला.

या कार्यक्रमाचे प्रमुख आकर्षण म्हणजे पुण्याच्या “वॉरियर आजी” म्हणून ओळखल्या जाणाऱ्या शांताबाई बाळू पवार यांची उपस्थिती. वयाच्या ८८ व्या वर्षीही त्या लाठी-काठी या पारंपरिक युद्धकलेचे कौशल्य दाखवत अनेकांना प्रेरणा देत आहेत. धैर्य, ताकद आणि चिकाटीला वयाची मर्यादा नसते, हे त्यांनी आपल्या कार्यातून सिद्ध केले आहे.

आजही त्या आपल्या कुटुंबाचा आधार असून २० अनाथ मुलांच्या संगोपनासाठी अथक परिश्रम घेत आहेत. त्यांचे जीवन जिद्द, संघर्ष आणि समाजसेवेचे प्रेरणादायी उदाहरण आहे.

या कार्यक्रमात पिमसेच्या प्रभारी संचालिका प्रा. डॉ. पोरिनिता बॅनर्जी तसेच महिला प्राध्यापकांनी शांताबाई पवार यांच्या मार्गदर्शनाखाली लाठी-काठीचे प्रात्यक्षिक करून कार्यक्रम अधिक प्रेरणादायी आणि संस्मरणीय केला.

प्रा. डॉ. पोरिनिता बॅनर्जी यांच्या मार्गदर्शनाखाली पिमसे संस्था महिलांच्या सशक्तीकरणासाठी आणि विद्यार्थ्यांमध्ये सामाजिक जाणीव निर्माण करण्यासाठी अशा उपक्रमांचे सातत्याने आयोजन करत आहे.

यावेळी पिमसे तर्फे सर्व महिलांना आंतरराष्ट्रीय महिला दिनाच्या हार्दिक शुभेच्छा देण्यात आल्या.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post पिमसेमध्ये आंतरराष्ट्रीय महिला दिन उत्साहात साजरा appeared first on पुणे २४ तास.