सामाजिक Archives - पुणे २४ तास https://pune24taas.com/category/social/ पुणे २४ तास Wed, 19 Aug 2026 07:13:42 +0000 en-US hourly 1 https://wordpress.org/?v=7.1 https://pune24taas.com/wp-content/uploads/2025/01/cropped-पुणे-२४-तास-1-1-32x32.png सामाजिक Archives - पुणे २४ तास https://pune24taas.com/category/social/ 32 32 वाघ्या-मुरळी परिषदेतर्फे 21 ऑगस्टला पुरस्कार वितरण सोहळा https://pune24taas.com/_latest-news-in-baghya-murli-parishad-bhor/ Wed, 19 Aug 2026 07:13:42 +0000 https://pune24taas.com/?p=29017 शिव मल्हार गड संस्थानचा वर्धापन दिन व महंत प्रा. मार्तंड साठे यांच्या जन्मोत्सवानिमित्त आयोजन मोहिनी मोहिते, संपादक भोर : शिव मल्हार गड संस्थान, भोर आणि वाघ्या-मुरळी परिषद, महाराष्ट्र राज्य यांच्या संयुक्त विद्यमाने संस्थेच्या वर्धापन दिनानिमित्त तसेच शिव मल्हार गडाचे महंत व वाघ्या-मुरळी परिषदेचे संस्थापक-अध्यक्ष प्रा. मार्तंड साठे सर यांच्या जन्मोत्सवानिमित्त विविध क्षेत्रात उल्लेखनीय कार्य करणाऱ्या […]

The post वाघ्या-मुरळी परिषदेतर्फे 21 ऑगस्टला पुरस्कार वितरण सोहळा appeared first on पुणे २४ तास.

]]> शिव मल्हार गड संस्थानचा वर्धापन दिन व महंत प्रा. मार्तंड साठे यांच्या जन्मोत्सवानिमित्त आयोजन

मोहिनी मोहिते, संपादक

भोर : शिव मल्हार गड संस्थान, भोर आणि वाघ्या-मुरळी परिषद, महाराष्ट्र राज्य यांच्या संयुक्त विद्यमाने संस्थेच्या वर्धापन दिनानिमित्त तसेच शिव मल्हार गडाचे महंत व वाघ्या-मुरळी परिषदेचे संस्थापक-अध्यक्ष प्रा. मार्तंड साठे सर यांच्या जन्मोत्सवानिमित्त विविध क्षेत्रात उल्लेखनीय कार्य करणाऱ्या मान्यवरांचा पुरस्कार वितरण व सन्मान सोहळा आयोजित करण्यात आला आहे.

Oplus_16908288

हा कार्यक्रम रविवार, 21 ऑगस्ट 2026 रोजी सायंकाळी 6 वाजता शिव मल्हार गड, भोर, जि. पुणे येथे होणार आहे. कार्यक्रमाचे अध्यक्षस्थान प्रा. मार्तंड साठे सर भूषविणार आहेत.

या सोहळ्यात विविध क्षेत्रात उल्लेखनीय कार्य करणाऱ्या मान्यवरांना प्रमुख सत्कारमूर्ती पुरस्कार देऊन गौरविण्यात येणार आहे.

सत्कारमूर्ती

ह.भ.प सोहंम महाराज देहूकर तुकाराम महाराज यांचे अकरावे वंशज – युवा किर्तन रत्न समाज भूषण जीवनगौरव, ज्ञानेश्वर उर्फ माऊली कृष्णात मगर – कृषिरत्न समाजभूषण जीवनगौरव, डॉ. राजेंद्र सर्जेराव मगर – साहित्यरत्न समाजभूषण जीवनगौरव, ह.भ.प सुभाष रामचंद्र साठे – जनतेतून सरपंच निमगाव मगर वारकरी रत्न समाजभूषण जीवनगौरव, विक्रम हनुमंत मगर – वक्तृत्व कला समाजभूषण जीवनगौरव, ह.भ.प प्रवीण महाराज लोखंडे – शिव मल्हार वारकरी कीर्तन रत्न समाजभूषण जीवनगौरव, मकरंद नागनाथ साठे – झुंजार पत्रकार समाजभूषण जीवनगौरव, मोहिनी मोहिते – झुंजार पत्रकार समाज भूषण जीवनगौरव, योगेश जाधव – झुंजार पत्रकार समाज भूषण जीवनगौरव, संतोष साठे – आदर्श निवेदक जीवनगौरव पुरस्कार, सचिन रणदिवे – झुंजार पत्रकार समाजभूषण जीवनगौरव

तसेच या सोहळ्यात ‘कलारत्न कला भूषण जीवनगौरव पुरस्कार’ देखील प्रदान करण्यात येणार आहेत.

कलारत्न कला भूषण जीवनगौरव पुरस्कार नावे 

अविनाश लक्ष्मण पवार, सोमनाथ सीताराम नांगरे पाटील, महेंद्र विश्राम गुरव, चंद्रभान महादजी सोन्नर (रामचंद्र वाघे), ह.भ.प. समाधान संदीपान नाडकर (समाधान माय महाराज), दादासाहेब रामभाऊ जगताप, राजेंद्र सुखदेव घोलप, संदीप सदाशिव सीताफळे, मायादेवी दिगंबर बाने, रोहन कुमार जाधव, दौलतराव भाऊराव सावळे पाटील, नाथाभाऊ बाबुराव गाडेकर, शिवाजी गोविंद शिंदे, बाबुराव नारायण खाताळ, प्रकाश माने वाळे खिंडीकर आणि सुभाष कोरेगावकर यांचा गौरव करण्यात येणार आहे.

कार्यक्रमाला मार्तंड देवस्थान पाली मुख्य मानकरी देवराजदादा पाटील, मार्तंड देवस्थान जेजुरी प्रमुख विश्वस्त मा. अध्यक्ष मंगेश घोणे, मा. गृहराज्यमंत्री रमेश बागवे, भाजपा उपाध्यक्ष महा. राज्य केशवराव उपाध्याय, भारतीय राष्ट्रीय काँग्रेस पंजाब राज्य प्रभारी रवींद्र दळवी, आमदार अमित गोरखे, मार्तंड देवस्थान जेजुरी अध्यक्ष ऍड विश्वासराव पानसे, माळशिरस तालुका सभापती दत्ताभैय्या रावसाहेब मगर, शिंदे शिवसेना समन्वयक महा. राज्य ॲड वैजनाथ वाघमारे यांच्यासह विविध क्षेत्रातील मान्यवर उपस्थित राहणार आहेत.

वाघ्या-मुरळी परिषद, महाराष्ट्र राज्याचे पदाधिकारी, कार्यकर्ते, समाजबांधव, मल्हार भक्त आणि हितचिंतकांनी मोठ्या संख्येने उपस्थित राहून कार्यक्रमाची शोभा वाढवावी, असे आवाहन आयोजकांकडून करण्यात आले आहे.

स्थळ : शिव मल्हार गड, भोर, जि. पुणे

दिनांक : 21 ऑगस्ट 2026

वेळ : सायंकाळी 6 वाजता

The post वाघ्या-मुरळी परिषदेतर्फे 21 ऑगस्टला पुरस्कार वितरण सोहळा appeared first on पुणे २४ तास.

]]> ‘अ, ब, क, ड’ उपवर्गीकरणासाठी भोरमध्ये राज्यस्तरीय नियोजन बैठक https://pune24taas.com/_latest-news-in-bhor/ Wed, 19 Aug 2026 06:32:11 +0000 https://pune24taas.com/?p=29012 मातंग समाज समन्वय समिती महाराष्ट्र राज्याच्या वतीने अण्णाभाऊ साठे जयंती उत्सवानिमित्त आयोजन मोहिनी मोहिते, संपादक भोर : अनुसूचित जातीतील ‘अ, ब, क, ड’ उपवर्गीकरण त्वरित जाहीर व्हावे, या मागणीसाठी मातंग समाज समन्वय समिती, महाराष्ट्र राज्याच्या वतीने अण्णाभाऊ साठे जयंती उत्सवानिमित्त भव्य राज्यस्तरीय नियोजन बैठक आयोजित करण्यात आली आहे. ही बैठक शुक्रवार, २१ ऑगस्ट २०२६ रोजी […]

The post ‘अ, ब, क, ड’ उपवर्गीकरणासाठी भोरमध्ये राज्यस्तरीय नियोजन बैठक appeared first on पुणे २४ तास.

]]> मातंग समाज समन्वय समिती महाराष्ट्र राज्याच्या वतीने अण्णाभाऊ साठे जयंती उत्सवानिमित्त आयोजन

मोहिनी मोहिते, संपादक

भोर : अनुसूचित जातीतील ‘अ, ब, क, ड’ उपवर्गीकरण त्वरित जाहीर व्हावे, या मागणीसाठी मातंग समाज समन्वय समिती, महाराष्ट्र राज्याच्या वतीने अण्णाभाऊ साठे जयंती उत्सवानिमित्त भव्य राज्यस्तरीय नियोजन बैठक आयोजित करण्यात आली आहे. ही बैठक शुक्रवार, २१ ऑगस्ट २०२६ रोजी दुपारी १२ ते सायंकाळी ५ वाजेपर्यंत शिव मल्हार संस्थान, भोर, जिल्हा पुणे येथे होणार आहे.

Oplus_16908288

बैठकीच्या अध्यक्षस्थानी मातंग समाज समन्वय समितीचे राज्य सल्लागार मा. प्रा. मार्तंड साठे राहणार आहेत.

आयोजक व प्रमुख उपस्थिती

बैठकीचे आयोजन मातंग समाज समन्वय समिती महाराष्ट्र राज्य यांच्या वतीने करण्यात आले आहे.

बैठकीस संस्थापक अध्यक्ष संजय बोदडे, महासचिव आत्माराम सुतार, प्रदेशाध्यक्ष डॉ. जे. जे. मानकर आणि कार्याध्यक्ष दिलीपदादा तुपे यांची प्रमुख उपस्थिती राहणार आहे.

सत्कारमूर्ती

बैठकीत  आमदार अमित गोरखे  – विधान परिषद सदस्य तसेच  पंजाब काँग्रेस प्रभारी रवींद्र दळवी यांचा सत्कार करण्यात येणार आहे.

यावेळी  प्रमुख अतिथी म्हणून माजी गृहराज्यमंत्री रमेश बागवे, पुणे ज्येष्ठ नेते शंकर तडाखे, ज्येष्ठ नेते अण्णा धगाटे, माजी नगरसेवक तसेच मातंग एकता आंदोलनचे कार्याध्यक्ष अविनाश बागवे, ज्येष्ठ नेते धुळे मधुकरराव मरसाळे, महाराष्ट्र राज्य प्रवक्ता संघटक योगेश सोनोने आदी उपस्थित राहणार आहेत.

तसेच महाराष्ट्र राज्यातील मातंग समाज समन्वय समिती पदाधिकारी कायदेशीर सल्लागार ऍड चंद्रकांत बोदडे, महिला आघाडी कार्याध्यक्ष सई नृपनारायण, उपाध्यक्ष मच्छिंद्र पुंड, उपाध्यक्ष डॉ. चंद्रशेखर गायकवाड, विदर्भ सल्लागार महादेवराव जाधव, उत्तर महासल्लागार बाळासाहेब शिरसाट, राजीव उपाध्यक्ष शहादेवराव खंडारे, गजाननराव करडे – राज्य उपाध्यक्ष, ॲड. राजेश दाभाडे – राज्य सदस्य, संतोष कसबे – पश्चिम महाराष्ट्र अध्यक्ष, रामदास दाभाडे – प्रवक्ता, सुभाष अन्ना पुरकर – मराठवाडा अध्यक्ष, कृष्णा लोंढे – अध्यक्ष सोशल मीडिया, डॉ. सागर दुतोंडे – सचिव, अनिल कसबे – राज्य उपाध्यक्ष, सदाशिव कांबळे – सांगली, संजय खंडारे – अमरावती, नाना साठे – बीड, दीपक बिरांजे – कोल्हापूर, विकास साबळे – औरंगाबाद आणि रवींद्र दळवी – कोल्हापूर, मनोज लोखंडे – उत्तर मुंबई, प्रकाश बोदडे – बुलढाणा, बालाजी करंडकर – नांदेड, डॉ. सचिन धुरदैव – अकोला, जिओ तायडे – बुलढाणा, नामदेवराव चांदणे – अहिल्यानगर, खंडोजी गोणे – लातूर, माधव पवार – नांदेड, दयानंद सुरोसे – यवतमाळ, डॉ. अमोल रणदिवे – सोलापूर, अक्षय साबळे – पुणे, फकिरा खंडारे – बुलढाणा आणि युवराज पोळ – धाराशिव, राघवेंद्र गायकवाड – नंदुरबार, सुनील अंभोरे – अकोला, डॉ. कैलास भिसे – ठाणे, दिलीप नेमाडे – संभाजीनगर, प्रताप जाधव – परभणी, दिलीप कांबळे – जालना, सागर सुरवकर – बुलढाणा, राजेश अवचार – अकोला, तानाजी अवघडे – पुणे, नितीन साठे – उपाध्यक्ष, आशिष नामवाड – चंद्रपूर आणि सचिन चांदणे – धुळे, दिलीप मस्के– रायगड, दीपक जाधव  – गडचिरोली, प्रशांत डोंगरे– भंडारा, रंगनाथ कुचेकर – नाशिक, डॉ. अशोक तायडे– बुलढाणा, राजकुमार बोराडे – सोलापूर, संतोष निकाळजे– बुलढाणा, नामदेवराव जाधव – मुंबई प्रदेश अध्यक्ष, बाळासाहेब गायकवाड – अमरावती, उमेश अवसरे – गोदिया, अनिल खंडारे– हिंगोली, राजेश शेंडे – भंडारा आणि पुरुषोत्तम वाघमारे – अकोला यांच्यासह अन्य पदाधिकारी उपस्थित राहणार आहेत.

बैठकीस राज्यातील समितीचे  विविध जिल्ह्यांतील पदाधिकारी व कार्यकर्त्यांचीही मोठ्या संख्येने उपस्थिती राहणार आहे.

मातंग समाजाच्या विविध प्रश्नांवर राज्यस्तरावर संघटनात्मक भूमिका निश्चित करण्यासाठी ही बैठक महत्त्वपूर्ण ठरणार आहे.

The post ‘अ, ब, क, ड’ उपवर्गीकरणासाठी भोरमध्ये राज्यस्तरीय नियोजन बैठक appeared first on पुणे २४ तास.

]]> छत्रपती शिवाजी महाराजांच्या पुतळ्यावरील कथित गैरकृत्याचा निषेध; गंगावणे गट व भीम आर्मी रिपब्लिकन एकता मिशनचे आंदोलन https://pune24taas.com/latest-news-in-rpi-chhatrapati-shivaji-maharaj/ Thu, 13 Aug 2026 05:09:43 +0000 https://pune24taas.com/?p=28987 “राष्ट्रपुरुषांचा अवमान खपवून घेणार नाही” — सीताराम गंगावणे, वसीम पैलवान यांचा इशारा ! पुणे : छत्रपती शिवाजी महाराज यांच्या पुतळ्याबाबत एका महिलेकडून कथितरित्या करण्यात आलेल्या गैरकृत्याचा निषेध करण्यासाठी रिपब्लिकन पार्टी ऑफ इंडिया (गंगावणे गट) व भीम आर्मी रिपब्लिकन एकता मिशन यांच्या वतीने निषेध व्यक्त करण्यात आला. यावेळी मोठ्या संख्येने कार्यकर्ते व नागरिक उपस्थित होते. या […]

The post छत्रपती शिवाजी महाराजांच्या पुतळ्यावरील कथित गैरकृत्याचा निषेध; गंगावणे गट व भीम आर्मी रिपब्लिकन एकता मिशनचे आंदोलन appeared first on पुणे २४ तास.

]]> “राष्ट्रपुरुषांचा अवमान खपवून घेणार नाही” — सीताराम गंगावणे, वसीम पैलवान यांचा इशारा !

पुणे : छत्रपती शिवाजी महाराज यांच्या पुतळ्याबाबत एका महिलेकडून कथितरित्या करण्यात आलेल्या गैरकृत्याचा निषेध करण्यासाठी रिपब्लिकन पार्टी ऑफ इंडिया (गंगावणे गट) व भीम आर्मी रिपब्लिकन एकता मिशन यांच्या वतीने निषेध व्यक्त करण्यात आला. यावेळी मोठ्या संख्येने कार्यकर्ते व नागरिक उपस्थित होते.

या प्रसंगी रिपब्लिकन पार्टी ऑफ इंडिया (गंगावणे गट)चे राष्ट्रीय अध्यक्ष आयु. सीताराम गंगावणे आणि महाराष्ट्र प्रदेश अल्पसंख्याक आघाडीचे अध्यक्ष वसीम भाई पैलवान यांनी उपस्थितांना संबोधित केले.

“राष्ट्रपुरुषांचा असा अवमान आम्ही खपवून घेणार नाही,” असा इशारा यावेळी सीताराम गंगावणे आणि वसीम पैलवान यांनी दिला.

छत्रपती शिवाजी महाराजांनी स्वराज्याची स्थापना करताना सर्व समाजघटकांना सोबत घेतले. त्यांनी जात-पात न मानता सर्व धर्मांचा आणि समाजघटकांचा आदर केला. त्यांच्या स्वराज्यात सर्वांना स्थान होते, असे यावेळी वक्त्यांनी सांगितले.

यावेळी छत्रपती शिवाजी महाराज, डॉ. बाबासाहेब आंबेडकर यांच्यासह राष्ट्रपुरुषांच्या जयघोषाने परिसर दुमदुमून गेला. उपस्थित कार्यकर्त्यांनी छत्रपती शिवाजी महाराजांच्या विचारांचा आणि सामाजिक एकतेचा संदेश दिला.

या कार्यक्रमाला राष्ट्रीय अध्यक्ष सीताराम गंगावणे, महाराष्ट्र प्रदेश अल्पसंख्याक आघाडीचे अध्यक्ष वसीम भाई पैलवान, पुणे जिल्हाध्यक्षा आम्रपाली पाटील, नदीम बाबरखान, भीम आर्मी पुणे शहर कार्याध्यक्ष बापू भाऊ चांदणे, विलसन डॅनियल, मंगेश भाऊ यांच्यासह पदाधिकारी, कार्यकर्ते आणि मुस्लिम समाजातील नागरिक मोठ्या संख्येने उपस्थित होते.

या घटनेच्या पार्श्वभूमीवर सामाजिक सलोखा आणि सर्व धर्मीयांच्या भावनांचा आदर राखण्याचे आवाहनही यावेळी करण्यात आले.

The post छत्रपती शिवाजी महाराजांच्या पुतळ्यावरील कथित गैरकृत्याचा निषेध; गंगावणे गट व भीम आर्मी रिपब्लिकन एकता मिशनचे आंदोलन appeared first on पुणे २४ तास.

]]> धार्मिक कार्यक्रमावरून पास्टर पंकज जेम्स देवन्नूर यांच्याविरोधात गुन्हा https://pune24taas.com/latest-news-pavitra-naam-devalay-church-pastor-pankaj-dwvnoor/ Wed, 12 Aug 2026 13:22:39 +0000 https://pune24taas.com/?p=28958 गुरुवार पेठेतील पवित्र नाम देवालयातील कार्यक्रमावरून अमित राजू भोसले यांची तक्रार; धर्मांतरासाठी प्रवृत्त केल्याचा आरोप पुणे : गुरुवार पेठेतील पवित्र नाम देवालय येथे आयोजित धार्मिक कार्यक्रमावरून पास्टर पंकज जेम्स देवन्नूर यांच्याविरोधात खडक पोलिस ठाण्यात गुन्हा दाखल करण्यात आला आहे. अमित राजू भोसले यांनी दिलेल्या तक्रारीवरून हा गुन्हा नोंदविण्यात आला आहे. संबंधित कार्यक्रमात ख्रिस्ती धर्माचा प्रचार […]

The post धार्मिक कार्यक्रमावरून पास्टर पंकज जेम्स देवन्नूर यांच्याविरोधात गुन्हा appeared first on पुणे २४ तास.

]]> गुरुवार पेठेतील पवित्र नाम देवालयातील कार्यक्रमावरून अमित राजू भोसले यांची तक्रार; धर्मांतरासाठी प्रवृत्त केल्याचा आरोप

पुणे : गुरुवार पेठेतील पवित्र नाम देवालय येथे आयोजित धार्मिक कार्यक्रमावरून पास्टर पंकज जेम्स देवन्नूर यांच्याविरोधात खडक पोलिस ठाण्यात गुन्हा दाखल करण्यात आला आहे. अमित राजू भोसले यांनी दिलेल्या तक्रारीवरून हा गुन्हा नोंदविण्यात आला आहे. संबंधित कार्यक्रमात ख्रिस्ती धर्माचा प्रचार करताना हिंदू धार्मिक परंपरा, अभंग, भारूड, पोवाडा आदींचा वापर करून नागरिकांची दिशाभूल करण्यात आली तसेच धर्मांतरासाठी प्रवृत्त करण्याचा प्रयत्न झाल्याचा आरोप तक्रारीत करण्यात आला आहे.

7 ऑगस्ट 2026 रोजी सायंकाळी सुमारे 7.45 ते 8.15 वाजण्याच्या दरम्यान हा कार्यक्रम झाल्याचे FIRमध्ये नमूद आहे. तक्रारदार अमित राजू भोसले यांच्या म्हणण्यानुसार, सोशल मीडियावर कार्यक्रमाची माहिती मिळाल्यानंतर ते कार्यक्रमस्थळी गेले.

तक्रारीनुसार, कार्यक्रमात ‘Truthful Living God’ तसेच ख्रिस्ती धर्माशी संबंधित प्रवचन व प्रार्थना करण्यात आली. यावेळी हिंदू धार्मिक आणि सांस्कृतिक परंपरेतील अभंग, भारूड, पोवाडा, टाळ, वीणा, मृदंग, तबला, गोंधळ तसेच ‘माऊली’ अशा शब्दांचा वापर करण्यात आल्याचा दावा तक्रारदाराने केला आहे.

तसेच ‘येशूच देव आहे’, आजार बरे होणे, पाऊस पडणे आदी बाबी धार्मिक श्रद्धेशी जोडून सांगण्यात आल्याचा आरोप तक्रारीत करण्यात आला आहे. या माध्यमातून हिंदू धर्मीय नागरिकांना ख्रिस्ती धर्म स्वीकारण्यास प्रवृत्त करण्याचा प्रयत्न झाल्याचे तक्रारदाराने म्हटले आहे.

धार्मिक भावना दुखावल्याचा तक्रारदाराचा दावा

हिंदू धार्मिक परंपरा आणि प्रतीकांचा वापर करून ख्रिस्ती धर्माचा संदेश देण्यात आल्याने आपल्या धार्मिक भावना दुखावल्या गेल्याचे अमित राजू भोसले यांनी तक्रारीत नमूद केले आहे.

या प्रकरणात पोलिसांनी संबंधित कायद्यांनुसार गुन्हा नोंदविला असून, Immigration and Foreigners Act, 2025 अंतर्गत कलम 23चाही समावेश FIRमध्ये करण्यात आला आहे.

दरम्यान, पास्टर पंकज जेम्स देवन्नूर हे ब्रिटिश नागरिक असल्याचा उल्लेख FIRमध्ये करण्यात आला आहे. त्यामुळे त्यांच्या भारतातील वास्तव्याचा कायदेशीर दर्जा, व्हिसा किंवा OCI स्थिती आणि धार्मिक कार्यक्रमातील सहभागासंबंधीच्या अटी हा देखील तपासाचा स्वतंत्र मुद्दा ठरणार आहे.

मात्र तक्रारीतील आरोप हे अद्याप तपासाधीन असून ते न्यायालयात सिद्ध झालेले नाहीत. कार्यक्रमात नेमके काय घडले, कोणती वक्तव्ये करण्यात आली आणि धर्मांतरासाठी कायद्याने प्रतिबंधित पद्धतीचा वापर झाला का, याचा तपास पोलिसांकडून केला जाणार आहे.

या प्रकरणात आरोपीची बाजू आणि तपासातून समोर येणारी अधिकृत माहिती अद्याप स्वतंत्रपणे समोर आलेली नसल्याने, त्याबाबत निष्कर्ष काढणे योग्य ठरणार नाही.

पुणे 24 तास — तपासातील अधिकृत माहिती समोर आल्यानंतर या प्रकरणाचा पुढील पाठपुरावा केला जाईल.

The post धार्मिक कार्यक्रमावरून पास्टर पंकज जेम्स देवन्नूर यांच्याविरोधात गुन्हा appeared first on पुणे २४ तास.

]]> ज्येष्ठ लेखिका डॉ. प्रज्ञा दया पवार यांच्या अध्यक्षतेखाली पुण्यात होणार ‘लोकशाहीर अण्णा भाऊ साठे विचारवेध साहित्य संमेलन https://pune24taas.com/latest-news-in-annbhau-sathe-sahity-samellan/ Wed, 05 Aug 2026 07:21:16 +0000 https://pune24taas.com/?p=28928 १६ ऑगस्ट २०२६ रोजी सकाळी १० वाजता सावित्रीबाई फुले पुणे विद्यापीठ परिसर येथे संपन्न होणार विशेष वैचारिक साहित्य संमेलन   मोहिनी मोहिते (संपादक) पुणे: पद्मपाणी फाउंडेशन आणि सावित्रीबाई फुले पुणे विद्यापीठ कर्मचारी संघ यांच्या संयुक्त विद्यमाने आयोजित करण्यात येणाऱ्या ‘लोकशाहीर अण्णा भाऊ साठे विचारवेध साहित्य संमेलना’च्या अध्यक्षपदी ज्येष्ठ लेखिका आणि विचारवंत डॉ. प्रज्ञा दया पवार […]

The post ज्येष्ठ लेखिका डॉ. प्रज्ञा दया पवार यांच्या अध्यक्षतेखाली पुण्यात होणार ‘लोकशाहीर अण्णा भाऊ साठे विचारवेध साहित्य संमेलन appeared first on पुणे २४ तास.

]]> १६ ऑगस्ट २०२६ रोजी सकाळी १० वाजता सावित्रीबाई फुले पुणे विद्यापीठ परिसर येथे संपन्न होणार विशेष वैचारिक साहित्य संमेलन

 

मोहिनी मोहिते (संपादक)

पुणे: पद्मपाणी फाउंडेशन आणि सावित्रीबाई फुले पुणे विद्यापीठ कर्मचारी संघ यांच्या संयुक्त विद्यमाने आयोजित करण्यात येणाऱ्या ‘लोकशाहीर अण्णा भाऊ साठे विचारवेध साहित्य संमेलना’च्या अध्यक्षपदी ज्येष्ठ लेखिका आणि विचारवंत डॉ. प्रज्ञा दया पवार यांची एकमताने निवड करण्यात आली आहे. आयोजकांनी केलेल्या नम्र विनंतीला मान देऊन डॉ. प्रज्ञा दया पवार यांनी या संमेलनाचे अध्यक्षपद स्वीकारण्यास आपला सहर्ष होकार दिला आहे, अशी माहिती संमेलनाचे संयोजन समिती अध्यक्ष राहुल डंबाळे यांनी प्रेस नोटद्वारे प्रसिद्धीस दिली आहे.

हे विशेष वैचारिक साहित्य संमेलन आगामी १६ ऑगस्ट २०२६ रोजी सकाळी १० वाजता सावित्रीबाई फुले पुणे विद्यापीठ परिसर येथे संपन्न होणार आहे. लोकशाहीर अण्णा भाऊ साठे यांच्या पुरोगामी, विद्रोही आणि कष्टकरी जनतेच्या हक्कांच्या विचारांचा वेध घेणे हा या संमेलनाचा मुख्य उद्देश आहे.

संमेलनाचे संयोजन समिती अध्यक्ष राहुल डंबाळे यावेळी म्हणाले, “लोकशाहीर अण्णा भाऊ साठे यांचे ‘जग बदल घालूनी घाव, सांगूनी गेले मज भीमराव’ हे विचार आजही समाजाला दिशा देणारे आहेत. डॉ. प्रज्ञा दया पवार यांचे मराठी साहित्य क्षेत्रातील योगदान आणि त्यांची सामाजिक जाणीव अत्यंत प्रगल्भ आहे. त्यांच्यासारख्या खंबीर आणि ज्येष्ठ विचारवंताचे नेतृत्व या संमेलनाला लाभल्यामुळे या वैचारिक सोहळ्याची उंची आणि समृद्धी अधिक वाढणार आहे.”

या संमेलनाच्या यशस्वी आयोजनासाठी संयोजन समितीचे प्राज्ञ वैशाली देठे, डॉ. राहुल ससाणे, सतिष वाघमारे आणि संतोष मदने हे विशेष परिश्रम घेत आहेत.

संमेलनामध्ये विविध वैचारिक सत्रांचे, परिसंवादांचे आणि सांस्कृतिक कार्यक्रमांचे आयोजन करण्यात आले आहे. या सोहळ्याला पुणे शहर व महाराष्ट्रातील पुरोगामी चळवळीतील कार्यकर्ते, साहित्यिक, अभ्यासक आणि विद्यार्थी मोठ्या संख्येने उपस्थित राहणार आहेत. तरी सर्व साहित्यप्रेमींनी आणि नागरिकांनी या संमेलनाला बहुसंख्येने उपस्थित राहावे, असे आवाहन पद्मपाणी फाउंडेशन आणि सावित्रीबाई फुले पुणे विद्यापीठ कर्मचारी संघाच्या वतीने करण्यात आले आहे.

संमेलन अध्यक्षा डॉ. प्रज्ञा दया पवार यांचा परिचय

‘लोकशाहीर अण्णा भाऊ साठे विचारवेध साहित्य संमेलना’च्या नवनियुक्त अध्यक्षा डॉ. प्रज्ञा दया पवार या मराठी साहित्य क्षेत्रातील एक आघाडीच्या, ख्यातनाम कवयित्री, कादंबरीकार, ललित लेखिका आणि प्रखर विचारवंत म्हणून सुपरिचित आहेत. मराठी साहित्यातील दलित, विद्रोही आणि स्त्रीवादी चळवळीत त्यांचे योगदान अत्यंत मोलाचे मानले जाते.

 साहित्यिक प्रवास व लेखन:

डॉ. प्रज्ञा पवार यांनी आपल्या लेखनातून नेहमीच सामाजिक विषमता, शोषितांचे प्रश्न आणि स्त्रियांच्या हक्कांवर सडेतोड भाष्य केले आहे. त्यांचे ‘अंतस्थ’, ‘उत्कट शब्दवेध’, ‘मी भिडवू इच्छितेय समोरासमोर डोळे’ आणि ‘आरपारं’ यांसारखे काव्यसंग्रह प्रचंड गाजले आहेत. काव्याव्यतिरिक्त ‘धादांत खैरलांजी’ (दीर्घ कविता), ‘केंद्रांकित’ (ललित लेखसंग्रह) आणि ‘मातीचा पोत’ यांसारख्या वैचारिक व ललित साहित्यातून त्यांनी आपली स्वतंत्र ओळख निर्माण केली आहे.

 पुरस्कार आणि सन्मान:

त्यांच्या साहित्यिक आणि सामाजिक क्षेत्रातील उत्कृष्ट कार्याची दखल घेऊन त्यांना महाराष्ट्र शासनाच्या ‘कवी केशवसुत पुरस्कारा’सह अनेक नामांकित राज्यस्तरीय व राष्ट्रीय पुरस्कारांनी सन्मानित करण्यात आले आहे. विविध विद्यापीठांच्या अभ्यासक्रमांमध्येही त्यांच्या साहित्याचा समावेश करण्यात आलेला आहे.

 वैचारिक भूमिका:

महाराष्ट्रातील पुरोगामी, आंबेडकरी आणि समतावादी चळवळींमध्ये डॉ. प्रज्ञा पवार यांचा नेहमीच सक्रिय सहभाग राहिला आहे. चळवळीतील एक खंबीर आणि विवेकी आवाज म्हणून त्यांच्याकडे पाहिले जाते. संमेलनाच्या अध्यक्षा म्हणून त्यांची झालेली निवड ही अण्णा भाऊ साठे यांच्या पुरोगामी आणि क्रांतिकारी विचारांना अधिक गती देणारी ठरेल.

The post ज्येष्ठ लेखिका डॉ. प्रज्ञा दया पवार यांच्या अध्यक्षतेखाली पुण्यात होणार ‘लोकशाहीर अण्णा भाऊ साठे विचारवेध साहित्य संमेलन appeared first on पुणे २४ तास.

]]> लोकशाहीर अण्णाभाऊ साठे यांच्या जीवनपटाला चंदन कांबळे यांच्या स्वरांनी दिला जिवंत स्पर्श; हजारोंच्या साक्षीने रंगला १०६ वा जयंती महोत्सव https://pune24taas.com/latest-news-in-annabhau-sathe-jayanti-vivek-yadav/ Sun, 02 Aug 2026 20:50:59 +0000 https://pune24taas.com/?p=28913 रामोशी गेट येथे भव्य सांस्कृतिक सोहळा; नगरसेवक विवेक यादव यांचे नियोजन ठरले कौतुकास्पद, मान्यवरांच्या उपस्थितीत सत्कार व स्नेहभोजनाचा कार्यक्रम    मोहिनी मोहिते, संपादक पुणे : लोकशाहीर अण्णाभाऊ साठे यांचे जीवन, त्यांचा संघर्ष, शाहिरीतून उभा केलेला सामाजिक क्रांतीचा लढा आणि समतेचा संदेश… हे सर्व शब्दांपेक्षा सुरांतून अधिक प्रभावीपणे हजारो नागरिकांपर्यंत पोहोचले. सुप्रसिद्ध गायक चंदन कांबळे यांनी […]

The post लोकशाहीर अण्णाभाऊ साठे यांच्या जीवनपटाला चंदन कांबळे यांच्या स्वरांनी दिला जिवंत स्पर्श; हजारोंच्या साक्षीने रंगला १०६ वा जयंती महोत्सव appeared first on पुणे २४ तास.

]]>

रामोशी गेट येथे भव्य सांस्कृतिक सोहळा; नगरसेवक विवेक यादव यांचे नियोजन ठरले कौतुकास्पद, मान्यवरांच्या उपस्थितीत सत्कार व स्नेहभोजनाचा कार्यक्रम 

 

oplus_0

मोहिनी मोहिते, संपादक

पुणे : लोकशाहीर अण्णाभाऊ साठे यांचे जीवन, त्यांचा संघर्ष, शाहिरीतून उभा केलेला सामाजिक क्रांतीचा लढा आणि समतेचा संदेश… हे सर्व शब्दांपेक्षा सुरांतून अधिक प्रभावीपणे हजारो नागरिकांपर्यंत पोहोचले. सुप्रसिद्ध गायक चंदन कांबळे यांनी अण्णाभाऊ साठे यांच्या जीवनपटावर आधारित सादर केलेल्या शाहिरी आणि गीतांनी संपूर्ण परिसर भारावून गेला. त्यांच्या प्रत्येक गीतातून अण्णाभाऊंचे कार्य, विचार आणि समाजासाठीचे योगदान जिवंत झाले आणि याच बहारदार सादरीकरणामुळे १०६ वा जयंती महोत्सव अविस्मरणीय ठरला.

रविवार (दि. २ ऑगस्ट) रोजी श्रीमती सावित्रीबाई फुले प्रशाला प्रांगण, रामोशी गेट येथे साहित्यरत्न, लोकशाहीर अण्णाभाऊ साठे यांच्या १०६ व्या जयंतीनिमित्त भव्य सांस्कृतिक महोत्सवाचे आयोजन नगरसेवक विवेक यादव यांच्या वतीने करण्यात आले होते. हजारोंच्या संख्येने नागरिक, महिला, युवक आणि ज्येष्ठ नागरिकांनी उपस्थित राहून कार्यक्रमाला उत्स्फूर्त प्रतिसाद दिला.

कार्यक्रमाच्या प्रारंभी मान्यवरांच्या हस्ते लोकशाहीर अण्णाभाऊ साठे यांच्या प्रतिमेस पुष्पहार अर्पण करून अभिवादन करण्यात आले. समाजातील वंचित, शोषित, कष्टकरी आणि उपेक्षित घटकांच्या हक्कासाठी आपल्या लेखणी, साहित्य आणि शाहिरीच्या माध्यमातून आयुष्यभर संघर्ष करणाऱ्या अण्णाभाऊ साठे यांच्या कार्याचा यावेळी गौरव करण्यात आला. त्यांच्या समता, स्वाभिमान आणि सामाजिक न्यायाच्या विचारांचा वारसा नव्या पिढीपर्यंत पोहोचविण्याचा निर्धार उपस्थितांनी व्यक्त केला.

माजी राज्यमंत्री दिलीप कांबळे यांनी आपल्या मार्गदर्शनात अण्णाभाऊ साठे यांच्या विचारांची आजच्या काळातील आवश्यकता अधोरेखित केली. तसेच नगरसेवक विवेक यादव यांनी अत्यंत नियोजनबद्ध आणि भव्य स्वरूपात कार्यक्रमाचे आयोजन केल्याबद्दल त्यांचे विशेष कौतुक केले.

आयोजकांच्या वतीने विविध राजकीय पक्षांतील पदाधिकारी, सामाजिक कार्यकर्ते आणि समाजासाठी उल्लेखनीय योगदान देणाऱ्या मान्यवरांचा शाल, श्रीफळ आणि सन्मानचिन्ह देऊन सत्कार करण्यात आला.

सांस्कृतिक कार्यक्रमात चंदन कांबळे यांनी सादर केलेल्या शाहिरी, पोवाडे आणि गीतांनी अण्णाभाऊ साठे यांचा संपूर्ण जीवनप्रवास जणू रसिकांसमोर उभा केला. त्यांच्या दमदार आवाजाला आणि प्रभावी सादरीकरणाला उपस्थितांकडून उत्स्फूर्त दाद मिळाली. अनेकांनी हा कार्यक्रम अण्णाभाऊ साठे यांचे विचार नव्या पिढीपर्यंत पोहोचविणारा प्रेरणादायी सांस्कृतिक सोहळा असल्याची भावना व्यक्त केली.

कार्यक्रमानंतर उपस्थित हजारो नागरिकांसाठी स्नेहभोजनाचेही आयोजन करण्यात आले. सर्वांनी एकत्र भोजनाचा आस्वाद घेत सामाजिक ऐक्य आणि बंधुभावाचा संदेश दिला.

या कार्यक्रमाला माजी राज्यमंत्री दिलीप कांबळे, आमदार सुनील कांबळे, माजी नगरसेवक बापू कांबळे, नगरसेविका मृणाल कांबळे, नगरसेवक निलेश आल्हाट, माजी नगरसेवक संदीप लडकत, पुणे शहर जिल्हा मातंग समाजाचे अध्यक्ष अनिल हातागळे, सचिव ॲड. महेश सकट, स्वीकृत नगरसेवक जयप्रकाश पुरोहित, रिपाइं शहराध्यक्ष संजय सोनवणे, माजी नगरसेवक लक्ष्मण आरडे, नगरसेवक देवेंद्र वडके,राजेंद्र काकडे ,सुधीर जानजोत, सोनू भाऊ निकाळजे, अविनाश मोरे, सुजित यादव, भाजपचे अल्पसंख्याक अध्यक्ष सादिक लुकडे आदी  विविध राजकीय, सामाजिक क्षेत्रातील मान्यवर मोठ्या संख्येने उपस्थित होते.

कार्यक्रम यशस्वी होण्यासाठी संयोजन समिती संतोष यादव , नितीन भूरेवार , महेश यादव, अमित मते, रोहित ओझरकर , शशांक माने, संदीप धांडोरे, रणवीर अरगडे, कैलाश तातुस्कर , सागर परदेशी, अभिजीत कसबे ,योगेश नेटके, लोकेश अवचिते, कैलेश कदम सर्व पदाधिकारी मित्र परिवार, कार्यकर्ते व मंडळ पदाधिकारी यांचे श्रमदान लाभले

समता, स्वाभिमान आणि सामाजिक परिवर्तनाचा विचार रुजवणाऱ्या लोकशाहीर अण्णाभाऊ साठे यांच्या स्मृतींना अभिवादन करत हजारो नागरिकांच्या उपस्थितीत पार पडलेला हा जयंती महोत्सव पुण्यातील एक संस्मरणीय सामाजिक-सांस्कृतिक सोहळा ठरला.

The post लोकशाहीर अण्णाभाऊ साठे यांच्या जीवनपटाला चंदन कांबळे यांच्या स्वरांनी दिला जिवंत स्पर्श; हजारोंच्या साक्षीने रंगला १०६ वा जयंती महोत्सव appeared first on पुणे २४ तास.

]]> विद्यार्थ्यांवर हल्ला करणाऱ्या केंद्रीय गृहमंत्री अमित शहा यांच्या विरोधात निषेध आंदोलन https://pune24taas.com/latest-news-in-delhi-jantar-mantar-protest-ncp-pune-prashant-jagtap-amit-shaha/ Tue, 28 Jul 2026 10:20:40 +0000 https://pune24taas.com/?p=28909 १ ऑगस्ट रोजी अमित शहांचा पुणे दौरा : काँग्रेस पक्षाची आंदोलनाची हाक पुणे: NEET परीक्षेच्या पेपरफुटीमुळे देशभरात २३ पेक्षा जास्त विद्यार्थ्यांनी आत्महत्या करून आपले जीवन संपवले. या निष्पाप विद्यार्थ्यांच्या मृत्यूस जबाबदार असलेल्या केंद्रीय शिक्षण मंत्र्याचा राजीनामा मागण्यासाठी राजधानी दिल्ली सह देशभरात विद्यार्थ्यांनी आंदोलन उभे केले. हे आंदोलन पोलीस बळाचा वापर करून चिरडून टाकण्याचे कुकर्म देशाचे […]

The post विद्यार्थ्यांवर हल्ला करणाऱ्या केंद्रीय गृहमंत्री अमित शहा यांच्या विरोधात निषेध आंदोलन appeared first on पुणे २४ तास.

]]> १ ऑगस्ट रोजी अमित शहांचा पुणे दौरा : काँग्रेस पक्षाची आंदोलनाची हाक

पुणे: NEET परीक्षेच्या पेपरफुटीमुळे देशभरात २३ पेक्षा जास्त विद्यार्थ्यांनी आत्महत्या करून आपले जीवन संपवले. या निष्पाप विद्यार्थ्यांच्या मृत्यूस जबाबदार असलेल्या केंद्रीय शिक्षण मंत्र्याचा राजीनामा मागण्यासाठी राजधानी दिल्ली सह देशभरात विद्यार्थ्यांनी आंदोलन उभे केले. हे आंदोलन पोलीस बळाचा वापर करून चिरडून टाकण्याचे कुकर्म देशाचे गृहमंत्री अमित शहा यांनी केले. विद्यार्थ्यांवर लाठ्या, टिअर गॅस, पॅलेट गन्स तर काही ठिकाणी अगदी AK47 सारखी दहशतवाद्यांच्या विरोधात वापरली जाणारी शस्त्रे विद्यार्थ्यांवर वापरण्यात आली. अमित शहांच्या या हल्ल्यात अनेक विद्यार्थी गंभीर जखमी झाले, अनेकांची दृष्टी केली, अनेकांची श्रवण शक्ती केली, अनेक विद्यार्थी कायमचे अधू झाले. या पोलीस हल्ल्यात अनेक विद्यार्थिनींचा, महिलांचा विनयभंग झाला. देशातील तरुणाईला चिरडून टाकण्याचा प्रयत्न करणारे गृहमंत्री अमित शहा 1 ऑगस्ट 2026 रोजी लोकमान्य टिळक पुरस्कारांच्या निमित्ताने पुणे शहरात येणार आहेत. या पार्श्वभूमीवर पुणे शहर (पूर्व) काँग्रेस कमिटीच्या वतीने शहराध्यक्ष प्रशांत जगताप यांनी आंदोलनाची हाक दिली आहे.

अगदी आंदोलन संपल्यानंतरही सरकारने दिलेले वचन मोडून आंदोलकांवर खोटे गुन्हे दाखल करण्यास, त्यांची धरपकड करण्यास, विद्यार्थ्यांच्या कुटुंबीयांना छळण्यास सुरुवात केली आहे. दिनांक 1 ऑगस्ट 2026 रोजी, सकाळी 10.30 वाजता अमित शहा यांच्या नियोजित प्रवास मार्गावर सेव्हन लव्हज चौक, शंकरशेठ रोड, पुणे येथे अमित शहांचा निषेध करण्यासाठी पुणेकरांनी, तरुणांनी, विद्यार्थ्यांनी मोठ्या संख्येने जमावे असे आवाहन प्रशांत जगताप यांच्याकडून करण्यात आले आहे.

या आंदोलनाच्या माध्यमातून तमाम पुणेकर मोदी सरकारच्या हुकूमशाही वृत्तीचा, विद्यार्थ्यांवर झालेल्या हिंसक हल्ल्याचा निषेध नोंदवतील अशी भूमिका प्रशांत जगताप यांनी स्पष्ट केली आहे.

 

The post विद्यार्थ्यांवर हल्ला करणाऱ्या केंद्रीय गृहमंत्री अमित शहा यांच्या विरोधात निषेध आंदोलन appeared first on पुणे २४ तास.

]]> विद्यार्थ्यांवरील अन्यायाच्या विरोधात.. काँग्रेस पक्ष मैदानात! https://pune24taas.com/latest-news-in-pune-delhi-jantar-mantar-students-strike-pune-congress-commity/ Thu, 23 Jul 2026 05:27:59 +0000 https://pune24taas.com/?p=28876 राजभवनसमोर काळे झेंडे दाखवून विद्यार्थ्यांवरील हल्ल्याचा निषेध   पुणे : देशातील विद्यार्थी आपल्या न्यायासाठी व हक्कांसाठी दिल्लीतील जंतर मंतर येथे सनदशीर, शांततेच्या मार्गाने आंदोलन करत असताना क्रूर मोदी सरकारने या विद्यार्थ्यांवर हिंसक हल्ला चढवला. या अमानुष अत्याचारांच्या विरोधात देशाचे नेते, लोकसभेचे विरोधी पक्ष नेते  राहुल गांधी, अखिल भारतीय काँग्रेस कमिटीचे अध्यक्ष तथा राज्यसभेचे विरोधी पक्ष […]

The post विद्यार्थ्यांवरील अन्यायाच्या विरोधात.. काँग्रेस पक्ष मैदानात! appeared first on पुणे २४ तास.

]]> राजभवनसमोर काळे झेंडे दाखवून विद्यार्थ्यांवरील हल्ल्याचा निषेध

 

पुणे : देशातील विद्यार्थी आपल्या न्यायासाठी व हक्कांसाठी दिल्लीतील जंतर मंतर येथे सनदशीर, शांततेच्या मार्गाने आंदोलन करत असताना क्रूर मोदी सरकारने या विद्यार्थ्यांवर हिंसक हल्ला चढवला. या अमानुष अत्याचारांच्या विरोधात देशाचे नेते, लोकसभेचे विरोधी पक्ष नेते  राहुल गांधी, अखिल भारतीय काँग्रेस कमिटीचे अध्यक्ष तथा राज्यसभेचे विरोधी पक्ष नेते मल्लिकार्जुन खरगे , खासदार प्रियांका गांधी यांनी दिल्लीत पंतप्रधानांच्या निवासस्थानासमोर आंदोलन केले. मोदी सरकारने या सर्व नेत्यांवरही पोलीस बळाचा क्रूर वापर केला.

पुणे शहर हे नेहमीच विद्यार्थी चळवळीचे व तरुणाईच्या संघर्षाचे केंद्रस्थान राहिले आहे. पुण्यातूनही विद्यार्थ्यांच्या हक्कांचा आवाज बुलंद करण्यासाठी पुणे शहर जिल्हा काँग्रेस कमिटीच्या वतीने पुण्यातील राजभवनाच्या प्रवेशद्वारावर काळे झेंडे दाखवून निषेध आंदोलन करण्यात आले. या आंदोलनाच्या माध्यमातून २२ विद्यार्थ्यांच्या आत्महत्येस कारणीभूत असलेले शिक्षण मंत्री धर्मेंद्र प्रधान, हजारो विद्यार्थ्यांचे रक्त सांडणारे पंतप्रधान नरेंद्र मोदी व गृहमंत्री अमित शहा यांच्या राजीनाम्याची मागणी करण्यात आली. विद्यार्थ्यांच्या हक्कांसाठी व न्यायासाठी काँग्रेस पक्ष अखेरपर्यंत लढणार हा निर्धारही सर्वांनी व्यक्त केला.

आपले मनोगत व्‍यक्त करताना पुणे शहर जिल्हा काँग्रेस कमिटी पूर्व विभागाचे अध्यक्ष प्रशांत जगताप म्हणाले की, ‘‘सरकार भ्रष्टमुक्त सरकार आहे असे पंतप्रधान नरेंद्र मोदी म्हणतात. परंतु त्यांच्या कारकिर्दीमध्ये पेपरफूटी, राम मंदिरातील दानपेटीतून १४०० कोटी रूपये चोरीला जाणे हे या सरकारचे अपयश आहे. आपली चूक मान्य करून पंतप्रधानांनी त्वरीतच शिक्षण मंत्री धर्मेंद्र प्रधान यांचा राजीनामा घ्यायला हवा होता. देशभरातील विद्यार्थी आपल्या न्यायासाठी दिल्लीतील जंतर-मंतर येथे आंदोलन करीत आहेत. भारतातील अनेक शहरामध्ये विद्यार्थांनी आंदोलन करून मोदी सरकारच्या विरूध्द आपला निषेध व्‍यक्त केला. मोदी सरकारने या सर्व गोष्टींकडे दुर्लक्ष करून शिक्षण मंत्री धर्मेंद्र प्रधान यांना अभय दिले . शिक्षण हे प्रत्येक विद्यार्थ्यांसाठी अतिशय महत्वाचे आहे. आपल्याला चांगले शिक्षण मिळून नीट सारख्या परिक्षेमध्ये उत्तीर्ण होवून चांगली नोकरी मिळावी असे प्रत्येक विद्यार्थ्यांचे स्वप्न असते. पंतप्रधान मोदींनी यांचे स्वप्न भंग केले आणि शांततेने निदर्शन करणाऱ्या विद्यार्थांवर पोलीसांमार्फत लाठी हल्ला केला. शिक्षण मंत्री धर्मेंद्र प्रधान यांनी नैतिक जबाबदारी स्विकारून राजीनामा दिला पाहिजे.’’

पश्चिम विभागाच्या अध्यक्षा दीप्ती चवधरी म्हणाल्या की, ‘‘गेली १ महिना दिल्लीच्या जंतर-मंतर येथे ठिय्या आंदोलन करीत विद्यार्थी केंद्रिय शिक्षण मंत्री धमेंद्र प्रधान यांच्या राजीनाम्याची मागणी करीत आहेत. देशात लाखो विद्यार्थी आपल्या भविष्यासाठी नीटची परिक्षा देतात. त्यासाठी दिवसातील ९ ते १० तास अभ्यास करतात. केंद्र सरकार पेपरफूटी रोखण्यात अपयशी ठरले आहे. या नीट फूटीच्या प्रकरणामध्ये अनेक कोचिंग क्लासेसचे व महाविद्यालयांचे प्राध्यापक यांनी एक साखळी तयार करून पैशाच्या लाभापोटी विकले गेले. पेपरफूटीमळे अनेक विद्यार्थ्यांनी आत्महत्या करून आपले जीव गमावले. सरकारने या विषयाकडे दुर्लक्ष केले. न्याय मागणाऱ्या विद्यार्थ्यांवर पोलीसांमार्फत जो लाठी हल्ला झाला त्याचा मी तीव्र निषेध करीत आहे.’’

यावेळी काँग्रेस पक्षाच्या पुणे (पश्चिम) शहराध्यक्ष श्रीमती दीप्ती चवधरी, नीता रजपूत,  अविनाश साळवे, रफिक शेख, अविनाश बागवे, मेहबूबभाई नदाफ, मोहसीन शेख, लता राजगुरू , भाऊसाहेब आजबे, प्रियंका रनपिसे, विठ्ठल गायकवाड, हर्षल हांडे, यांच्यासह सर्व पदाधिकारी, कार्यकर्ते व पुणेकर नागरिक मोठ्या संख्येने आंदोलनात सहभागी होते.

 

The post विद्यार्थ्यांवरील अन्यायाच्या विरोधात.. काँग्रेस पक्ष मैदानात! appeared first on पुणे २४ तास.

]]> येरवडा कारागृहात अभंग वारी ‘ कार्यक्रम; ५०० बंद्यांचा उत्स्फूर्त सहभाग https://pune24taas.com/latest-news-in-yerwada-jail-cultural-programme-pune-police-news/ Sun, 19 Jul 2026 18:35:37 +0000 https://pune24taas.com/?p=28869 सांस्कृतिक उपक्रमांमुळे बंद्यांना मुख्य प्रवाहात आणण्यास आणि त्यांच्या मानसिक आरोग्यास बळकटी मिळण्यास मदत होत असते – कारागृह अधीक्षक सुनील ढमाळ पुणे : कारागृहातील बंद्यांच्या मानसिक स्वास्थ्याला चालना देत त्यांच्यात सकारात्मक ऊर्जा निर्माण करण्याच्या उद्देशाने येरवडा मध्यवर्ती कारागृहात शुक्रवारी (१७ जुलै) ‘अभंग वाणी’ या सांस्कृतिक कार्यक्रमाचे आयोजन करण्यात आले. या कार्यक्रमात सुमारे ५०० बंद्यांनी उत्स्फूर्त सहभाग […]

The post येरवडा कारागृहात अभंग वारी ‘ कार्यक्रम; ५०० बंद्यांचा उत्स्फूर्त सहभाग appeared first on पुणे २४ तास.

]]> सांस्कृतिक उपक्रमांमुळे बंद्यांना मुख्य प्रवाहात आणण्यास आणि त्यांच्या मानसिक आरोग्यास बळकटी मिळण्यास मदत होत असते – कारागृह अधीक्षक सुनील ढमाळ

पुणे : कारागृहातील बंद्यांच्या मानसिक स्वास्थ्याला चालना देत त्यांच्यात सकारात्मक ऊर्जा निर्माण करण्याच्या उद्देशाने येरवडा मध्यवर्ती कारागृहात शुक्रवारी (१७ जुलै) ‘अभंग वाणी’ या सांस्कृतिक कार्यक्रमाचे आयोजन करण्यात आले. या कार्यक्रमात सुमारे ५०० बंद्यांनी उत्स्फूर्त सहभाग नोंदविला.

कारागृह विभागाच्या ‘सुधारणा व पुनर्वसन’ या ब्रीदवाक्यानुसार विविध सामाजिक, सांस्कृतिक आणि प्रबोधनात्मक उपक्रम सातत्याने राबविले जातात. त्याचाच भाग म्हणून आर के स्मृती बहुउद्देशीय संस्था पुणे, ऋषीआनंद वन – हडपसर, व सुकांता थाळी यांच्या संयुक्त विद्यमाने कार्यक्रम आयोजित करण्यात आला.

कार्यक्रमात ओंकार लोहार आणि गायत्री कुंडेकर यांनी अभंग भजने तसेच टाळ-मृदुंगाच्या गजरात भक्तिरसपूर्ण सादरीकरण करून उपस्थित बंद्यांना मंत्रमुग्ध केले.  यावेळी संस्थेचे संस्थापक आनंद साळुंखे, सचिव भाग्यश्री साळुंखे, विजयकुमार मर्लेचा, प्रमोद छाजेड आणि खास प्रमुख अतिथी म्हणुन राज्य विधिमंडळाचे ग्रंथ विभागाचे मुख्य अधिकारी बाबासाहेब वाघमारे उपस्थित होते.

आयुष्यात केलेल्या चुकांमुळे बंदिवानाचे जीवन वाट्याला आले असले तरी अभंगवाणी कार्यक्रमाच्या रूपाने साक्षात विठ्ठलाचा गजर तुरुंगाच्या भिंतीच्या आत घुमल्यामुळे पुढे कैद्याच्या आयुष्यात सकारात्मक घडेल असा विश्वास यावेळी व्यक्त करण्यात आला..

कारागृह अधीक्षक सुनील ढमाळ यांनी अशा सांस्कृतिक उपक्रमांमुळे बंद्यांना मुख्य प्रवाहात आणण्यास आणि त्यांच्या मानसिक आरोग्यास बळकटी मिळण्यास मदत होत असल्याचे सांगितले.

हा उपक्रम अपर पोलीस महासंचालक व महानिरीक्षक (कारागृह व सुधारसेवा) डॉ. सुहास वारके यांच्या संकल्पनेतून आणि विशेष कारागृह महानिरीक्षक योगेश देसाई यांच्या मार्गदर्शनाखाली राबविण्यात आला.सदर कार्यक्रमाचे यशस्वी नियोजनासाठी अति. अधीक्षक पल्लवी पी कदम, उपअधीक्षक आर. ई गायकवाड, वरीष्ठ तुरुंगाधिकारी  एस आर पाटील, शिक्षक  एन आर शिंदे,शिक्षक  जी. व्ही. तागड तसेच इतर कारागृह अधिकारी व कर्मचारी यांनी कामकाज पाहीले.

मानवी मनाला स्पर्श करणारा उपक्रम 

तुरुंगात शिक्षा भोगणाऱ्या प्रत्येक व्यक्तीच्या आयुष्यात एक अशी वेळ असते, जेव्हा ती स्वतःच्या चुकांचा विचार करते. अशा वेळी उपदेशापेक्षा संस्कार, संगीत आणि अध्यात्म अधिक प्रभावी ठरतात. येरवडा कारागृहातील हा कार्यक्रम केवळ सांस्कृतिक सादरीकरण नव्हता, तर बंदिवानांच्या मनात आशा, आत्मपरीक्षण आणि नव्या आयुष्याची प्रेरणा जागविण्याचा एक प्रयत्न होता. तुरुंगाच्या उंच भिंतींच्या आत घुमलेला विठ्ठल नामाचा गजर अनेकांसाठी कदाचित नव्या जीवनप्रवासाची सुरुवात ठरू शकतो.  सर्व उपस्थित बंद्यांच्या एक मुखाने विठ्ठलाचा गजर केला जो मनाने विठ्ठला पर्यंत पोहोचला.

 

The post येरवडा कारागृहात अभंग वारी ‘ कार्यक्रम; ५०० बंद्यांचा उत्स्फूर्त सहभाग appeared first on पुणे २४ तास.

]]> आद्य क्रांतिगुरू लहुजी वस्ताद साळवे यांच्या ऐतिहासिक तालमीस राज्य संरक्षित ऐतिहासिक दर्जाची मिळावा – क्रांतिवीर सेनेची मागणी https://pune24taas.com/latest-news-in-lahiji-vstad-salve-amit-gorkhe/ Sun, 19 Jul 2026 07:50:09 +0000 https://pune24taas.com/?p=28857  आद्य क्रांतिगुरू लहुजी वस्ताद साळवे यांच्या ऐतिहासिक तालमीस राज्य संरक्षित ऐतिहासिक दर्जाची मिळावा  अशा आशयाची मागणी आमदार अमित गोरखे यांना  क्रांतिवीर सेनेच्या वतीने करण्यात आली.    पुणे 19 जुलै- दि. 18 जुलै रोजी आमदार अमित गोरखे  हे सारसबाग,पुणे येथे लोकशाहीर डॉ.अण्णाभाऊ साठे यांच्या 57 व्या पुण्यतिथी निमित्त अभिवादन करण्यासाठी उपस्थित होते. यावेळी क्रांतिवीर सेनेचे संस्थापक […]

The post आद्य क्रांतिगुरू लहुजी वस्ताद साळवे यांच्या ऐतिहासिक तालमीस राज्य संरक्षित ऐतिहासिक दर्जाची मिळावा – क्रांतिवीर सेनेची मागणी appeared first on पुणे २४ तास.

]]>  आद्य क्रांतिगुरू लहुजी वस्ताद साळवे यांच्या ऐतिहासिक तालमीस राज्य संरक्षित ऐतिहासिक दर्जाची मिळावा  अशा आशयाची मागणी आमदार अमित गोरखे यांना  क्रांतिवीर सेनेच्या वतीने करण्यात आली. 

 

पुणे 19 जुलै- दि. 18 जुलै रोजी आमदार अमित गोरखे  हे सारसबाग,पुणे येथे लोकशाहीर डॉ.अण्णाभाऊ साठे यांच्या 57 व्या पुण्यतिथी निमित्त अभिवादन करण्यासाठी उपस्थित होते. यावेळी क्रांतिवीर सेनेचे संस्थापक अध्यक्ष मनोज (आप्पा) क्षीरसागर यांच्या हस्ते त्यांना निवेदन देण्यात आले.

यावेळी निवेदनातील प्रमुख मागण्या :

  •  गंज पेठ, पुणे येथील आद्य क्रांतिगुरू लहुजी वस्ताद साळवे यांच्या ऐतिहासिक तालमीस राज्यस्तरीय ऐतिहासिक/संरक्षित वारसा स्थळाचा दर्जा प्रदान करण्यात यावा.
  • सदर विषय शासनाच्या निदर्शनास आणून विधानभवनाच्या अधिवेशनात ठराव मांडण्यासाठी प्रयत्न करण्यात यावेत.
  • लहुजी वस्ताद साळवे यांचे सामाजिक, शैक्षणिक व क्रांतिकारी कार्य भावी पिढ्यांपर्यंत पोहोचावे यासाठी तालमीचे संवर्धन, संरक्षण व जतन करण्यासाठी आवश्यक शासकीय कार्यवाही करण्यात यावी.
  • क्रांतिवीर सेनेच्या वतीने  आमदार अमित गोरखे  यांनी या मागणीची गांभीर्याने दखल घेऊन शासन स्तरावर सकारात्मक पाठपुरावा करावा, अशी अपेक्षा व्यक्त करण्यात आली.

 

 

 

The post आद्य क्रांतिगुरू लहुजी वस्ताद साळवे यांच्या ऐतिहासिक तालमीस राज्य संरक्षित ऐतिहासिक दर्जाची मिळावा – क्रांतिवीर सेनेची मागणी appeared first on पुणे २४ तास.

]]>