२२ केव्हीच्या दोन नवीन वीजवाहिन्या कार्यान्वित

पुणे  (पुणे  24 तास ब्युरो )

  कोंढवा, पिसोळी परिसरातील घरगुती, व्यावसायिक व औद्योगिक वीजग्राहकांना आणखी दर्जेदार वीजपुरवठा करण्यासाठी महावितरणच्या दोन नवीन २२ केव्ही वीजवाहिन्या मुख्य अभियंता श्री. राजेंद्र पवार यांच्याहस्ते कार्यान्वित करण्यात आल्या. या नवीन वीजवाहिन्यांमुळे ४१ हजार ९०० वीजग्राहकांना दर्जेदार व सुरळीत वीजपुरवठा मिळणार आहे.

बिबवेवाडी येथील १३२/२२ केव्ही अतिउच्चदाब उपकेंद्रातून निघणाऱ्या आरती २२ केव्ही औद्योगिक वीजवाहिनीचे तसेच ब्रम्हा २२ केव्ही वीजवाहिनी उभारण्याचे काम पूर्ण झाले. मुख्य अभियंता श्री. राजेंद्र पवार यांच्याहस्ते या दोन्ही नवीन वीजवाहिन्या नुकत्याच कार्यान्वित करण्यात आल्या. यावेळी अधीक्षक अभियंता श्री. अरविंद बुलबुले, कार्यकारी अभियंता श्री. चंद्रकांत दिघे, श्रीमती वर्षा बोरकर, अतिरिक्त कार्यकारी अभियंता श्री. राजेंद्र भुजबळ, सहायक अभियंता श्री. श्रीकांत अवचार आदींची प्रमुख उपस्थिती होती.

आरती २२ केव्ही औद्योगिक वीजवाहिनीमुळे कुमार पाम २२ केव्ही वीजवाहिनी व शोभा उपकेंद्राचा वीजभार कमी झाला आहे. आरती वीजवाहिनीद्वारे पुण्यधाम आश्रम रोड, टायनी औद्योगिक परिसर, पिसोळी रस्ता परिसरातील १८ हजार ९०० औद्योगिक, व्यावसायिक व घरगुती ग्राहकांना आणखी दर्जेदार वीजपुरवठ्याचा थेट फायदा होईल.

कोंढवा परिसराला ब्रम्हा स्विचिंग स्टेशनमधून वीजपुरवठा केला जातो. या स्विचिंग स्टेशनला वीजपुरवठा करण्यासाठी ब्रम्हा २२ केव्ही वीजवाहिनीचे काम पूर्ण झाले. त्यामुळे कोंढवा, भाग्योदय नगर, शिवनेरी, कुबा मस्जिद परिसर, वाघजई आदी परिसरातील २३ हजार वीजग्राहकांना दर्जेदार व सुरळीत वीजपुरवठा होईल. सोबतच ब्रम्हा स्विचिंग स्टेशनला नव्या वीजवाहिनीमुळे पर्यायी वीजपुरवठ्याची सोय देखील उपलब्ध झाली आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post कोंढवा, पिसोळीतील दर्जेदार वीजपुरवठ्यासाठी appeared first on पुणे २४ तास.

शिवाजीनगर, डेक्कन भागात आज वीजपुरवठा बंद राहणार

पुणे, (पुणे 24 तास ब्युरो )

 शिवाजीनगर ते हिंजवडी मार्गावरील पुणे मेट्रो व महापारेषणच्या अतिउच्चदाब वीजवाहिन्यांच्या अत्यावश्यक कामांसाठी महापारेषणच्या तीन अतिउच्चदाब उपकेंद्रांचा वीजपुरवठा बंद ठेवण्यात येणार आहे. परिणामी महावितरणच्या उपकेंद्रांचा वीजपुरवठा बंद राहणार आहे. त्यामुळे शनिवारी (दि.१ फेब्रुवारी) सकाळी ८ ते दुपारी उशिरापर्यंत प्रामुख्याने शिवाजीनगरसह डेक्कनमधील परिसरात वीजपुरवठा बंद राहणार आहे.

याबाबत माहिती अशी की, शिवाजीनगर ते हिंजवडी मार्गावर मेट्रोचे काम सुरु आहे. या मार्गावरील महापारेषणच्या १३२ केव्ही भूमिगत वीजवाहिन्यांचे काम करण्यात येत आहे. मात्र त्यासाठी २२०/१३२ केव्ही गणेशखिंड व चिंचवड अतिउच्चदाब उपकेंद्र आणि कोथरूडमधील जीकेआरएस उपकेंद्राचा वीजपुरवठा बंद ठेवावा लागणार आहे. त्यामुळे महावितरणकडून गणेशखिंड, मॉडेल कॉलनी, दीप बंगला परिसर, वडारवाडी, गोखलेनगर, जनता वसाहत, एमआयजी कॉलनी, वैदूवाडी, जनवाडी, वेताळबाबा चौक, मंगलवाडी, सेनापती बापट मार्ग, रमणबाग चौक, न्यू मराठी स्कूल, नारायणपेठ, शिवाजीनगर गावठाण, जंगली महाराज रोड, रोकडोबा मंदिर परिसर, लक्ष्मी रोड, कुमठेकर चौक, पोलीस लाईन वसाहत, घोले रोड, मॉडर्न कॉलेज, विजय टॉकीज, रेवेन्यू कॉलनी, सिमला ऑफीस, आकाशवाणी, जिल्हा न्यायालय, कामगार पुतळा, मेट्रो स्टेशन, संचेती हॉस्पिटल, ठुबे पार्क, औंध गाव, सिद्धार्थ नगर, परिहार चौक, ब्रेमेन चौक, संघवी रोड, ओम सुपर मार्केट, थोरात चौक, वाकडेवाडी, साखर संकुल रोड, चाफेकरनगर, आकाशवाणी कॉलनी, राहुल थिएटर, खैरेवाडी, दळवी हॉस्पिटल, अशोकनगर, रेंज हिल्स रोड, काकडे मॉल, एबीआयएल, मोदीबाग, चव्हाणनगर तसेच आपटे रोड, रुपाली गल्ली, शिरोळे रोड, घोले रोड, पुलाची वाडी, संभाजी गार्डन, एफसी रोड, वैशाली हॉटेल, सुतारदरा, शिवतिर्थनगर, साम्राज्यनगर, शिक्षकनगर, जयभवानीनगर, किष्किंधानगर आदी परिसरातील वीजपुरवठा शनिवारी (दि. १ फेब्रुवारी) सकाळी ८ ते दुपारी उशिरापर्यंत बंद राहणार आहे. या कालावधीत नागरिकांनी सहकार्य करावे असे आवाहन मेट्रो, महापारेषण व महावितरणकडून करण्यात आले आहे. महावितरणकडून वीज बंदच्या कालावधीबाबत संबंधित वीजग्राहकांना नोंदणीकृत मोबाईल क्रमांकावर एसएमएसद्वारे कळविण्यात आले आहे. 

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post मेट्रो व महापारेषणच्या अत्यावश्यक विद्युत कामांमुळे appeared first on पुणे २४ तास.

महावितरणने महाराष्ट्र विद्युत नियामक आयोगाकडे दाखल केलेल्या वीजदर याचिकेमध्ये घरगुती ग्राहकांसाठीच्या वीजदरात टप्प्याटप्प्याने कपात करण्यास परवानगी मागतानाच त्यांना दिवसा वीज वापरल्यास अधिक सवलत देण्याचेही प्रस्तावित केले आहे.

मुख्यमंत्री देवेंद्र फडणवीस यांच्या नेतृत्वात महावितरणने गेल्या अडीच वर्षात ऊर्जा परिवर्तासाठी भरीव काम करून सौर ऊर्जा वापराला महत्त्व दिले आहे. सौरऊर्जेद्वारे निर्माण झालेली वीज स्वस्तात मिळाल्यामुळे महावितरणला विजेचे दर कमी करणे शक्य होणार आहे. त्यासोबतच सौरऊर्जा दिवसा मिळणार असल्याने त्यावेळी जे घरगुती ग्राहक वीज वापरतील त्यांना प्रत्येक युनिटमागे ८० पैसे ते १ रुपया सवलत देण्याचा प्रस्ताव मांडणेही महावितरणला शक्य झाले आहे, असे सांगण्यात आले.

महावितरणने विद्युत नियामक आयोगाकडे सादर केलेल्या प्रस्तावानुसार घरगुती ग्राहकांना सकाळी ९ ते सायंकाळी ५ या वेळेतील वीज वापरासाठीच्या दरात सवलत देण्यात येईल. आर्थिक वर्ष २०२५ -२६ मध्ये प्रती युनिट ८० पैसे, २०२६ -२७ मध्ये ८५ पैसे, २०२७ -२८ मध्ये ९० पैसे, २०२८ -२९ मध्ये ९५ पैसे आणि २०२९ -३० या वर्षात १ रुपया सवलत देण्यात येईल. आयोगाने मान्यता दिल्यानंतर दि. १ एप्रिलपासून ही सवलत सुरू होऊ शकते.

कोणत्या वेळी वीज वापरली त्यानुसार विजेच्या दरात सवलत देण्यास तांत्रिक भाषेत टीओडी म्हणतात. ही सुविधा आतापर्यंत फक्त उद्योगांना होती पण आता ती उद्योगधंद्यांसोबतच घरगुती ग्राहकांनाही देण्यात येणार आहे.

घरगुती वीज वापरात मिक्सर, इस्त्री, वॉशिंग मशिन, ओव्हन इत्यादींना मोठ्या प्रमाणात वीज लागते. या उपकरणांचा वापर सकाळी ९ ते सायंकाळी ५ या वेळेत करण्याचे नियोजन केले तर घरगुती ग्राहकांना टीओडी सवलतीचा प्रभावी वापर करता येईल. तसेच उन्हाळ्यात दिवसा पंखे, कूलर आणि एसी यांचा वापर वाढतो. त्यावेळीही ग्राहकांना टीओडी सवलतीचा अधिक उपयोग होईल.

*टीओडी मीटर मोफत मिळणार*

टीओडी सुविधा मिळण्यासाठी वीज ग्राहकाने कोणत्या वेळेला विजेचा वापर केला हे समजणे आवश्यक आहे. घरगुती ग्राहकांकडे सध्या बसविलेल्या मीटरमध्ये टीओडीची सुविधा नाही. तथापि, घरगुती ग्राहकांना टीओडी सवलतीचा लाभ घेता यावा यासाठी महावितरणकडून त्यांना मोफत टीओडी मीटर बसवून देण्यात येणार आहेत, असे सांगण्यात आले.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post घरगुती ग्राहकांना दुहेरी लाभ, वीजदर कपातीसोबतच दिवसाच्या वीज वापराला अधिक सवलत* appeared first on पुणे २४ तास.

‘वीज खासगीकरण विरोधी जन आंदोलन समिती’ने केला विरोध  

पुणे  (पुणे 24 तास ब्युरो )

  प्रीपेड मिटर बसविण्याच्या निर्णयाविरोधात महावितरणच्या रास्तापेठ कार्यालयासमोर ‘वीज खासगीकरण विरोधी जन आंदोलन समिती’कडून आंदोलन करण्यात आले. स्मार्ट मीटर कशासाठी अदाणीच्या खिशासाठी, अदाणीचे कंत्राट रद्द झालेच पाहिजे, अदानी हटाव देश बचाव, मोदी शहा अदाणी नाका तोंडात जाईल पाणी, अशा घोषणा यावेळी आंदोलनकर्त्यांनी दिल्या.

महाराष्ट्र राज्य वीज वितरण कंपनीने राज्यातील दोन कोटी ६५ हजार स्मार्ट प्रीपेड मीटर्स लावण्याच्या निर्णयाला समितीचा तीव्र विरोध आहे. प्रीपेड स्मार्ट मीटर्स योजना ही वीज वितरण कंपनीने किंवा खासगी वितरक, कार्पोरेट घराण्यातील कंपन्या किंवा कोणत्याही खासगी कंपनीने यापैकी कुणीही राबविली तरी ती वीज ग्राहकांच्या हिताच्या विरुद्ध आहे. ही योजना महाराष्ट्र राज्य वितरण क्षेत्राच्या खासगीकरणाचे पाऊल आहे, असा आरोप आंदोलनकर्त्यांनी केला. आंदोलनात ज्येष्ठ समाजसेवक बाबा आढाव,  

‘महाराष्ट्र स्टेट इलेक्ट्रिसिटी वर्कर्स फेडरेशन’चे कॉम्रेड भीमाशंकर पोहेकर, ‘अंग मेहनती कष्टकरी पंचायती’चे नितीन पवार, ‘सिटू’चे पुणे जिल्हा अध्यक्ष काँ. अजित अभ्यंकर, ‘श्रमिक हक्क आंदोलन’चे बी युवराज व सागर धनराज, ‘महाऊर्जा कंत्राटदार असोसिएशन’चे योगेश घोरपडे, ‘महाराष्ट्र प्रदेश काँग्रेस कमिटी’चे सरचिटणीस अभय छाजेड, राष्ट्रवादी काँग्रेस पक्ष शरदचंद्र पवार पक्षाचे माजी नगरसेवक रवींद्र माळवदकर, नव समाजवादी पर्यायाच्या निहारिका भोसले, समाजवादी पार्टी पुणे शहर सरचिटणीस दत्ता पाखिरे, ‘हमाल पंचायत’चे सरचिटणीस गोरख मेंगडे, ‘कामगार एकता कमिटी’चे डॉ. प्रदीप आंदोलनात सहभागी झाले होते.

बाबा आढावा म्हणाले, ‘‘सध्या देशात केवळ दडपशाही सुरू असून व्यक्ती व विचार स्वातंत्र्यावर गदा आली आहे. सर्वच क्षेत्रात खासगीकरण सुरू असून त्यातून मोजक्या उद्योजकांचे हित पाहिले जात आहे. या सर्वांच्या विरोधात एकत्र येऊन एक मोठा लढा देण्याची गरज आहे. सरकारी विभाग बंद पाडून त्याचे खासगीकरण झाल्याचे अनेक उदाहरणे आहे. महावितरणचे तसेच व्हायला नको ही आपली जबाबदारी आहे.’’

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post प्रीपेड मीटर बसविण्याविरोधात आंदोलन appeared first on पुणे २४ तास.

प्रीपेड नव्हे तर आधुनिक तंत्रज्ञानाचे!

टीओडीमुळे वीजदरात सवलत तर 

सध्याच्या बिलिंग प्रणालीत बदल नाही

पुणे 🙁 पुणे  24 तास ब्युरो )

नवीन वीजजोडणीसाठी तसेच सदोष व नादुरुस्त मीटर बदलताना आधुनिक तंत्रज्ञानाचे टीओडी वीजमीटर वीजग्राहकांकडे मोफत लावण्यात येत आहेत. हे मीटर प्रीपेड नाहीत. तर सध्याच्या मीटरप्रमाणे पोस्टपेड म्हणजेच वीज वापरानंतर दरमहा बिल या पद्धतीचे आहे. त्यामुळे सध्याच्या बिलिंग प्रणालीमध्ये कोणताही बदल होणार नाही. नव्या टीओडी मीटरमुळे ग्राहकांना त्यांचा वीजवापर नियमितपणे मोबाईल फोनवर समजणार असून अचूक बिलिंग होईल. हा मीटर बसवून ग्राहकांनी लाभ घ्यावा, असे आवाहन महावितरणकडून करण्यात आले आहे.

घरगुती वीजग्राहकांसाठी स्वस्त वीज दराच्या स्लॅबसाठी टीओडी (टाईम ऑफ डे) प्रणाली, सौर ऊर्जा प्रकल्पासाठी नेटमिटरिंग, स्वयंचलित व अचूक मीटर रीडिंग तसेच वीजवापर किती झाला याची प्रत्येक मिनिटाला मोबाईलवर माहिती कळू शकेल अशा मुख्य सोयी या नव्या वीज मीटरमध्ये आहेत. महावितरणतर्फे  बसविण्यात येणारे नवे टीओडी मीटर हे ग्राहकांना मोफत मिळत आहेत.

टीओडी मीटरमुळे वीजदरात सवलतीचा लाभ – विजेचे दर महावितरणकडून नव्हे, तर मा. विद्युत नियामक आयोगाकडून जनसुनावणी घेऊन निश्चित केले जातात. कमी वीज वापरणाऱ्यांना कमी दर आणि जास्त वीज वापरणाऱ्या श्रीमतांना अधिक दर असे वीजदराचे सूत्र यापुढेही कायम राहणार आहे. एप्रिल महिन्यापासून घरगुती ग्राहकांना टाईम ऑफ डे (टीओडी) प्रमाणे वीज दर लागू होणार आहे. महावितरणने मा. विद्युत नियामक आयोगाकडे सादर केलेल्या वीजदरनिश्चिती प्रस्तावात घरगुती ग्राहकांनी सकाळी ९ ते सायंकाळी ५ या वेळेत वीज वापरल्यास सवलत देऊ केली आहे. या सवलतीचा लाभ घेण्यासाठी टीओडी मीटर आवश्यक आहे, असे महावितरणकडून सांगण्यात आले.

टीओडी मीटर मोफत अन् प्रीपेडही नाही – मॅकॅनिकल, इलेक्ट्रोमॅग्नेटिक, इलेक्ट्रॉनिक्स अशा प्रवासानंतर आता वीज मीटरमध्ये डिजिटल तंत्रज्ञान आले आहे. जुन्या मीटरची उपयुक्तता संपल्यानंतर महावितरणकडून नव्या तंत्रज्ञानाचे आधुनिक मीटर लावण्यात येतात. सध्या नवीन वीजजोडणी, सदोष व नादुरुस्त ठिकाणी टीओडी मीटर लावण्यात येत आहेत. केंद्र शासनाच्या सुधारित वितरण क्षेत्र योजनेअंतर्गत (आरडीएसएस) महावितरणकडून अॅडव्हान्स मीटरिंग इन्फ्रास्ट्रक्चरसाठी (एएमआय) सेवा पुरवठादारांची (एनसीसी, अदानी, मान्टेकार्लो, जिनस) निविदा प्रक्रियेतून निवड करण्यात आली आहे. या सेवा पुरवठादारांकडून वीजग्राहकांकडे टीओडी मीटर मोफत बसविण्यात येत आहे. यात प्रीपेडची सोय असली तरी प्रीपेडची कोणतीही सक्ती नाही. सध्याच्या पोस्ट पेडप्रमाणे बिलिंग चक्र सुरू राहील.

नवीन मीटरसाठी कर्ज नाही; आर्थिक भुर्दंडही नाही- ‘आरडीएसएस’ योजनेतून आधुनिक डिजिटल मीटर बसविण्यासाठी केंद्र शासनाकडून अनुदान मिळणार आहे. उर्वरित सर्व रक्कम महावितरणकडून एकाच वेळी दिली जाणार नाही. तर प्रत्यक्ष लावलेल्या मीटरचीच रक्कम महावितरणकडून सेवा पुरवठादारांना १२० हप्त्यांत (१० वर्षे) देण्यात येईल. ही रक्कम प्राप्त होणाऱ्या नेहमीच्या महसूलामधून देण्यात येणार आहे. तसेच महावितरणच्या नियंत्रणात पुढील १० वर्ष सदोष व नादुरुस्त मीटर बदलण्याची जबाबदारी संबंधित सेवा पुरवठादारांवर राहणार आहे. यामुळे नव्या तंत्रज्ञानाच्या मीटरचा कोणताही आर्थिक भुर्दंड महावितरण व वीजग्राहकांवर स्वतंत्रपणे पडणार नाही.

विशेष म्हणजे या नवीन मीटरसाठी महावितरणकडून कोणतेही कर्ज काढण्यात आलेले नाही.  कोणताही अतिरिक्त वीज दर आकारण्यात येणार नाही. पर्यायाने नव्या मीटरमुळे वीज दरवाढीवर कोणताही परिणाम होणार नाही. मुख्य म्हणजे सेवा पुरवठादार हे केवळ कंत्राटदार आहेत. नव्या वीज मीटरची मालकी तसेच वीज व ग्राहकसेवेचे सर्व अधिकार सरकारी कंपनी असलेल्या महावितरणकडेच राहणार आहे. 

स्वयंचलित मीटर रीडिंगमुळे वीजबिल अचूक – नव्या डिजिटल वीजमीटरमुळे ग्राहकांनी वापरलेल्या विजेचे अचूक व स्वयंचलित रीडिंग होणार आहे. ग्राहकांना स्वतःच्या मोबाईलवर विजेचे मीटर रीडिंग प्रत्येक मिनिटाला पाहण्याची सोय उपलब्ध आहे. त्यामुळे दरमहा बिलिंग आणखी अचूक होणार आहे. मीटरचा फोटो अस्पष्ट घेणे, विविध कारणांमुळे मीटर रीडिंग घेता न येणे किंवा नादुरूस्त शेऱ्यामुळे सरासरी किंवा अंदाजे युनिटच्या वीजबिलाचे सध्याचे प्रकार बंद होणार आहे. पर्यायाने चुकीच्या वीजबिलांमुळे ग्राहकांना होणारा मनस्ताप देखील टळणार आहे. या सर्व फायद्यांमुळे कोणताही गैरसमज न ठेवता आणि प्रीपेडची सक्ती नसलेल्या नव्या तंत्रज्ञानाचा टीओडी मीटर बसविण्यासाठी सहकार्य करावे, असे आवाहन महावितरणने केले आहे.

वीजयंत्रणेमध्ये देखील डिजिटल मीटर – पुणे परिमंडलातील ३५ हजार ४३६ वितरण रोहित्रे व उपकेंद्रातील १८६३ उच्चदाब वीजवाहिन्यांना नव्या तंत्रज्ञानाचे डिजिटल मीटर लावण्याचे काम पूर्ण होत आहे. त्यामुळे वीज यंत्रणेतील विजेचा हिशेब आणखी अचूक होणार आहे. तसेच कोणत्या ठिकाणी वीजवाहिनीत किंवा रोहित्रात बिघाड झाला हे संबंधित अभियंता व कर्मचाऱ्यांना लगेचच कळणार आहे. परिणामी वीजपुरवठा खंडित राहण्याचा कालावधी कमी होणार आहे. डिजिटल मीटरमुळे विजेची नेमकी मागणी किती आहे याचा निश्चित अंदाज येणार आहे. याप्रमाणे पुण्यासह राज्यात मागणीच्या आवश्यकतेनुसार विजेची खरेदी करता येईल. प्रामुख्याने ऑक्टोबर हिट किंवा उन्हाळ्याच्या कालावधीत विजेची मागणी वाढल्यास ऐनवेळी महागडी वीज खरेदी करणे टाळता येईल. त्याचा महावितरणसह वीजग्राहकांचा देखील आर्थिक फायदा होणार आहे.

—————————–

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post महावितरणचे नवीन टीओडी मीटर; appeared first on पुणे २४ तास.