हिंदुहृदयसम्राट बाळासाहेब ठाकरे यांच्या जयंतीनिमित्त भव्य आरोग्य शिबिर

पुणे २४ तास — Mon, 27 Jan 2025 13:36:12 +0000

पुणे: ( पुणे २४ तास)

हिंदुहृदयसम्राट शिवसेनाप्रमुख बाळासाहेब ठाकरे यांच्या जयंतीनिमित्त रामेश्वर चौकात शिवसेना शाखेच्या वतीने भव्य आरोग्य शिबीराचे आयोजन करण्यात आले. यामध्ये रक्तातील साखर तपासणी, हाडांची तपासणी, बीपी, डोळे तपासणी व औषधोपचार यासर्व सुविधा नागरिकांना मोफत देण्यात आल्या. यावेळी महिला, पुरूष, ज्येष्ठ नागरिकांसह लहान मुलांनी ही शिबिराचा लाभ घेतला.

या शिबिरास महाराष्ट्र प्रदेश कॉंग्रेस उपाध्यक्ष माजी आमदार मोहन जोशी, शिवसेना पुणे शहर प्रमुख संजय मोरे, ॲड.शाबीर खान, महाराष्ट्र प्रदेश कॉंग्रेस सोशल मिडिया विभाग सुरेश कांबळे, युवा नेतृत्व गौरव बोराडे, ॲड.निलेश बोराडे, निलेश धुमाळ व आदी पदाधिकाऱ्यांनी भेट देऊन शुभेच्छा दिल्या.

या शिबिराचे आयोजन सागर भोसले, हर्षद ठकार, शुभम भागणे, योगेश येनपुरे, धैर्यशील बांदल, मंगेश जाधव आदींनी केले.

पुणे २४ तास

महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post हिंदुहृदयसम्राट बाळासाहेब ठाकरे यांच्या जयंतीनिमित्त भव्य आरोग्य शिबिर appeared first on पुणे २४ तास.

पुणे कॅन्टोन्मेंट बोर्ड कर्मचाऱ्यांचे प्रश्न त्वरीत सोडवा -माजी आमदार मोहन जोशी यांची मागणी

पुणे २४ तास — Thu, 23 Jan 2025 11:44:26 +0000

पुणे: (पुणे २४ तास ब्युरो)

सातव्या वेतन आयोगाचा फरक पुणे कॅन्टोन्मेंट बोर्डाच्या कर्मचाऱ्यांना मिळावा, वारसा हक्काने नोकऱ्या मिळाव्यात आदी मागण्यांचे निवेदन महाराष्ट्र प्रदेश काँग्रेसचे उपाध्यक्ष, माजी आमदार मोहन जोशी यांच्या नेतृत्वाखालील शिष्टमंडळाने बोर्डाचे मुख्य कार्यकारी अधिकारी सुब्रत पाल यांना दिले.

काँग्रेस पक्षाच्या या शिष्टमंडळात माजी नगरसेवक अविनाश बागवे, अनिता मकवाना, चंद्रकांत चव्हाण, प्रविण करपे, सुरेश कांबळे यांचा समावेश होता.

कॅन्टोन्मेंट बोर्डात कायमस्वरूपी सेवेत ३५० आणि कंत्राटी पद्धतीने नेमलेले २०० कर्मचारी सेवेत आहेत. यातील कायमस्वरूपी सेवेतील काही कर्मचाऱ्यांचे निधन झाले असून, काहीजण सेविनिवृत्त झाले आहेत. अशा कर्मचाऱ्यांच्या ७२ वारसांनी वारसा हक्काने बोर्डात नोकरी मिळावी यासाठी आवश्यक ती वैद्यकीय प्रमाणपत्रे, कागदपत्रे बोर्डाकडे सादर केली आहेत. पण, अद्याप त्यावर निर्णय झालेला नाही. तरी वारसाहक्काने त्या ७२ जणांना बोर्डाच्या सेवेत सामावून घ्यावे, अशी मागणी मोहन जोशी यांनी निवेदनात केली आहे.

कंत्राटी पद्धतीच्या सेवकांना नियमित मासिक वेतन मिळत नाही, अशा तक्रारी आहेत. त्या तक्रारी दूर व्हाव्यात, सात, आठ वर्षे कंत्राटी पद्धतीने काम करणाऱ्या सेवकांची नेमणूक कायमस्वरूपी करण्यात यावी, असे निवेदनात म्हटले आहे.

खडकी कॅन्टोन्मेंट बोर्डाच्या कर्मचाऱ्यांना सातव्या वेतन आयोगाप्रमाणे वेतन दिले जाते. मात्र, पुणे कॅन्टोन्मेंट बोर्डाच्या कर्मचाऱ्यांना हा वेतन आयोग लागू केला जात नाही. ही तफावत दूर केली जावी. याबाबतचा निर्णय तातडीने व्हावा. त्यामुळे आपल्याला न्याय मिळावा अशी भावना कर्मचाऱ्यांमध्ये निर्माण होईल, असे निवेदनात म्हटले आहे.
यावेळी शिष्टमंडळाने सुचविलेल्या मागण्यांंनुसार कर्मचाऱ्यांना योग्य तो न्याय देऊ, असे आश्वासन मुख्य कार्यकारी अधिकारी पाल यांनी दिले.