समीर चौघुले, सई ताम्हणकर, मोटे, गोस्वामींची उपस्थिती

दिशा सोशल फाऊंडेशनचा २८ एप्रिलला कार्यक्रम

पुणे (पुणे 24 तास ब्युरो )

महाराष्ट्रातच नव्हे तर जगभरातील मराठी माणसाच्या घराघरात, मनामनात अढळ स्थान मिळवलेल्या `महाराष्ट्राची हास्यजत्रा’ या सर्वाधिक लोकप्रिय मालिकेच्या टीमसोबत दिलखुलास संवाद साधण्याचा कार्यक्रम दिशा सोशल फाऊंडेशनने २८ एप्रिलला चिंचवड येथे आयोजित केला आहे. निमित्त आहे, आगामी ‘गुलकंद’ या सिनेमाचे.
गेल्या काही दिवसांपासून समाजमाध्यमांमध्ये बहुचर्चित ठरलेला ‘गुलकंद’ हा सिनेमा १ मे पासून सर्वत्र प्रदर्शित होत आहे. याचे औचित्य साधून या सिनेमातील दिग्गजांशी संवाद साधत खुमारदार किस्से आणि गप्पांचा रंगतदार कार्यक्रम दिशा सोशल फाऊंडेशनने आयोजित केला आहे.
चिंचवड येथील प्रा. रामकृष्ण मोरे नाट्यगृहात सोमवारी, २८ एप्रिल, सायंकाळी साडेपाच वाजता हा कार्यक्रम होणार आहे. अभिनेते समीर चौघुले, सई ताम्हणकर, ईशा वडनेरकर, लेखक सचिन मोटे आणि दिग्दर्शक सचिन गोस्वामी आदी उपस्थित राहणार आहेत. कार्यक्रमासाठी सर्वांना विनामूल्य प्रवेश असून प्रथम येईल, त्यास प्राधान्याने प्रवेश दिला जाणार आहे, अशी माहिती संस्थेचे उपाध्यक्ष संतोष बाबर यांनी प्रसिद्धीस दिली आहे.
हास्यजत्रेच्या यशानंतर गुलकंदची निर्मिती

गेल्या आठ वर्षांपासून महाराष्ट्राची हास्यजत्रा ही सोनी मराठीवरील मालिका लोकप्रियतेच्या शिखरावर आहे. आतापर्यंत जवळपास ९०० भाग प्रसारित झाले आहेत. विनोदनिर्मितीचे कुलगुरू म्हणून ख्याती असणारे सचिन मोटे आणि सचिन गोस्वामी यांच्या वेटक्लाऊड प्रॉडक्शनच्या वतीने या मालिकेची निर्मिती करण्यात आली आहे. हास्यजत्रेच्या तुफान यशानंतर याच वेटक्लाऊडने निर्मिती केलेला ‘गुलकंद’ हा पहिलाच चित्रपट आहे. कौटुंबिक, विनोदी प्रकारातील या चित्रपटाचा नायक म्हणून समीर चौघुले यांचा हा पहिलाच सिनेमा आहे. सई ताम्हणकर ही समीरच्या नायिकेच्या भूमिकेत आहे, हे गुलकंदचे वैशिष्ट्य आहे. याशिवाय, प्रसाद ओक, ईशा वडनेरकर, वनिता खरात, तेजस राऊत, जुई भागवत यांच्यासह मोटे आणि गोस्वामी यांच्याही भूमिका या चित्रपटात आहेत.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post निमित्त गुलकंदचे, हास्यजत्रा टीमसोबत दिलखुलास संवाद appeared first on पुणे २४ तास.

पुणे (पुणे 24 तास ब्युरो )

व्यंगचित्र वास्तव अधिक उजागर करून मांडतं. स्वतःला कुरूप बघणे कोणालाच आवडत नाही पण तुमच्यात नेमकं काय कमी आहे, हे व्यंगचित्र दाखवतं. देशाचं आणि समाजाचं चित्र कुठं बिघडल आहे हे योग्य आणि बोलक्या रितीने व्यंगचित्रातून मांडलं जातं. त्याला कोणताही फिल्टर नसतो, म्हणून ते प्रभावी ठरतं. व्यक्ती असो वा समाज त्याला व्यंगचित्राची गरज आहे, असं विधान सुप्रसिद्ध दिग्दर्शक व कवी नागराज मंजुळे यांनी केलं. ते महाराष्ट्र अंधश्रद्धा निर्मूलन समितीच्या वतीने आयोजित केलेल्या ‘विवेकरेषा’ या व्यंगचित्र प्रदर्शनाच्या उद्घाटन समारंभात बोलत होते.

सुप्रसिद्ध राजकीय व्यंगचित्रकार मंजुल या कार्यक्रमाच्या अध्यक्षस्थानी होते. ते म्हणाले, आम्ही व्यंगचित्राच्या माध्यमातून प्रश्न विचारतो. जो कोणी चमत्काराला नमस्कार करतो, त्या गोष्टीवर प्रश्नचिन्ह उपस्थित करतो. कोणी नेता आपण अजैविक असल्याचा दावा करतो, त्यावर आम्ही व्यंगचित्रातुन प्रश्न विचारतो.

सा. मार्मिकचे व्यंगचित्रकार गौरव सर्जेराव हे या व्यंगचित्र प्रदर्शनाचे संयोजक आहेत. त्यांनी आपल्या मनोगतात त्यांचा सनातनी विचारांपासून ते महा. अंनिस पर्यंतचा प्रवास कसा झाला हे सांगितले. ते म्हणाले, फुले-शाहू- आंबेडकर ते दाभोलकरां पर्यंतचे विचार हे अंधश्रद्धेविरूद्धची लस आहे, ती फक्त आपल्याला सर्वत्र न्यायची आहे.

पटकथा लेखक अरविंद जगताप हे प्रमुख पाहुणे म्हणून उपस्थित होते. त्यांनी जवाहरलाल नेहरू आणि व्यंगचित्रकार यांच्यातील उमद्या संवादाची उदाहरणे दिली. राजकारणी नेते व व्यंगचित्रकार याचं बोलणं होईल असा काळ पाहिजे, अशी भावना व्यक्त केली. या व्यंगचित्र प्रदर्शनाच्या निमित्ताने व्यंगचित्र स्पर्धा देखील आयोजित करण्यात आली होती, त्या सर्व विजेत्या स्पर्धकांचा सत्कार करण्यात आला.

कार्यक्रमाचे सूत्रसंचालन रुपाली आर्डे यांनी केले. प्रास्ताविक मुक्ता दाभोलकर यांनी केले. श्रीपाल ललवाणी, अनिल वेल्हाळ,मिलिंद देशमुख,संजय मालती कमलाकर, श्रीराम नलावडे, अरविंद पाखले, दीपक गिरमे, गणेश चिंचोले, सौरभ बागडे इ. कार्यकर्ते उपस्थित होते.

…………………

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post देशाचं आणि समाजाचं चित्र कुठं बिघडल आहे हे व्यंगचित्र दाखवतं- नागराज मंजुळे appeared first on पुणे २४ तास.

मुख्यमंत्री देवेंद्र फडणवीस यांची मनोजकुमार यांना श्रद्धांजली

पुणे (पुणे 24 तास ब्युरो )

ज्येष्ठ अभिनेते आणि दिग्दर्शक मनोजकुमार यांच्या निधनाने भारतीय सिनेसृष्टीतील एका महान व्यक्तिमत्व आपल्यातून हरपले आहे. चित्रपटांच्या माध्यमातून राष्ट्रभक्ती आणि भारतीय समाजजीवन जनमानसावर बिंबवणाऱ्या या अष्टपैलू आणि भारतकुमार हे नाव खऱ्या अर्थाने सार्थकी लावणाऱ्या कलाकाराला मी भावपूर्ण श्रद्धांजली अर्पण करतो, असे मुख्यमंत्री देवेंद्र फडणवीस यांनी आपल्या शोकसंदेशात म्हटले आहे.

‘शहीद’ मध्ये भगतसिंग साकारून मनोजकुमार हे देशाला सुपरिचित झाले. त्यानंतर शेतीसारखा विषय त्यांनी चित्रपटातून हाताळला आणि ‘मेरे देश की धरती’ सारखे गीत आजही प्रत्येक स्वातंत्र्यदिनाला त्याच अभिमानाने ऐकले जाते. त्यांच्या ‘पुरब और पश्चिम’ सारख्या चित्रपटांनी तर जागतिक पातळीवर अनेक विक्रम प्रस्थापित केले. ‘रोटी कपडा और मकान’ सारख्या चित्रपटांनी त्यांनी सामाजिक विषयांना हात घातला. उपकार, क्रांती असे अनेक चित्रपट त्यांनी गाजवले. त्यांनी आपल्या प्रत्येक कलाकृतीतून देशप्रेमाची आणि राष्ट्रीयत्वाची भावना रुजवण्यासाठी प्रयत्न केले. भारतीय चित्रपटसृष्टीसाठी त्यांनी दिलेले योगदान अमूल्य असून त्यांची जागा कधीही भरून निघणार नाही. मनोजकुमार यांनी दिग्दर्शन, पटकथा-गीत लेखन, संकलन या क्षेत्रातही काम केले. त्यांनी अनेक नवोदित कलाकारांना संधी दिली. त्यांनी भारतीय चित्रपटसृष्टीला सक्षम करण्यासाठी प्रयत्न केले. त्यांना भारत सरकारकडून पद्मश्री आणि दादासाहेब फाळके पुरस्काराने गौरवण्यात आले होते. त्यांच्या निधनाने हिंदी सिनेसृष्टीतील ज्येष्ठ कलाकार हरपला आहे. त्यांच्या कुटुंबियांच्या आणि कोट्यवधी चाहत्यांच्या दु:खात आम्ही सहभागी आहोत. त्यांच्या आत्म्यास सद्गती प्राप्त होवो, अशी मी प्रार्थना करतो, असेही मुख्यमंत्री देवेंद्र फडणवीस यांनी आपल्या शोकसंदेशात म्हटले आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post देशप्रेमाची भावना रुजवणारा महान अभिनेता गमावला appeared first on पुणे २४ तास.

पुणे, 🙁 पुणे 24 तास ब्युरो )

लोककला, पथनाट्याद्वारे शासनाच्या विविध योजनांची प्रचार, प्रसिद्धी करावयाची आहे. त्यासाठी पुणे जिल्हयातील कलापथक /पथनाट्य संस्थांकडून कार्यक्रम मिळणेबाबत अर्ज मागविण्यात येत आहेत. मागणी अर्जामध्ये एका कार्यक्रमाचे सर्व खर्चासह एकूण मानधनाचा उल्लेख करणे आवश्यक आहे.
संस्थांनी इतर विभागांच्या योजनांची प्रसिद्धी केलेल्या कार्यक्रमाची 3 ते 5 मिनिटांची ऑडिओ, व्हिडीओ क्लिप पेनड्राईव्हमध्ये सोबत आणणे आवश्यक आहे. प्रत्येक कार्यक्रमासाठी कलापथक/ पथनाट्य ग्रुपमध्ये स्त्री-पुरुष, गायक-वादक यांच्यासह एकूण 10 कलावंत असणे आवश्यक आहे. कार्यक्रमासाठी वाहन व्यवस्था, ध्वनीक्षेपण यंत्रणा, संगीत साहित्य, बॅनर, कलाकारांना अल्पोपहार, भोजन इत्यादी पुरविण्याची जबाबदारी संबंधित संस्थेची राहील.
सादरीकरणाद्वारे संस्थांची निवड करण्याकरीता दि. 25 फेब्रुवारी 2025 रोजी सकाळी 11 वाजता जिल्हा माहिती कार्यालय, मध्यवर्ती प्रशासकीय इमारत, तळ मजला, ससून रुग्णालयासमोरील दगडी बिल्डींग (सेंट्रल बिल्डींग) पुणे स्टेशन, पुणे 411001 येथे स्वखर्चाने उपस्थित रहावे, असे आवाहन पुणे जिल्हा माहिती कार्यालयाच्यावतीने करण्यात आले आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post कलापथक प्रमुखांनी 25 फेब्रुवारीला सादरीकरणास उपस्थित राहण्याचे आवाहन appeared first on पुणे २४ तास.

पुणे, 🙁 पुणे 24 तास ब्युरो )

दिल्ली येथे होणाऱ्या 98 व्या अखिल भारतीय साहित्य संमेलनाच्या पार्श्वभूमीवर या संमेलनात सहभागी होणाऱ्या साहित्य रसिकांसाठी पुणे ते दिल्ली यादरम्यान महादजी शिंदे एक्सप्रेस ही विशेष रेल्वे सेवा सुरु करण्यात येणार आहे, ही विशेष रेल्वे 19 फेब्रुवारी रोजी दुपारी पुण्यातून निघणार असून 20 फेब्रुवारी रोजी रात्री दिल्ली येथे पोहोचणार आहे, अशी माहिती मराठी भाषा विभागाचे सचिव डॉ.किरण कुलकर्णी यांनी दिली आहे.

दिल्ली येथे 21 ते 23 फेब्रुवारी 2025 या कालावधीत छत्रपती शिवाजी महाराज साहित्यनगरी, ताल कटोरा स्टेडियम येथे हे संमेलन होत आहे. या साहित्य समेंलनात सहभागी होणाऱ्या साहित्य रसिकांकरीता सुरु करण्यात येणाऱ्या या रेल्वेच्या डब्यांना गडकिल्यांची नावे देण्यात येणार आहे.

98 व्या अखिल भारतीय साहित्य संमेलनाच्या पार्श्वभूमीवर पुणे ते दिल्ली रेल्वे प्रवासादरम्यान फिरत्या चाकांवर प्रवासी साहित्य संमेलन या संकल्पनेतून ‘मराठी साहित्ययात्री संमेलन’ आयोजित करण्यात येणार आहे. मुख्य संमेलनानिमित्त रेल्वेत होणारे हे मराठीतील पहिलेच आणि जगातील सर्वात मोठे आणि दिर्घ साहित्य संमेलन असणार आहे.

पुणे-दिल्ली प्रवासादरम्यान रंगणार ‘मराठी साहित्ययात्री संमेलन’

साहित्यरसिकांना पुण्यातून दिल्लीला घेऊन जाणाऱ्या रेल्वेला महान सेनानी महादजी शिंदे यांचे नाव देण्यात येणार असून या विशेष रेल्वेला 16 डब्बे असणार असून डब्याला छत्रपती शिवाजी महाराज यांच्या गडकिल्ल्यांची नावे दिली जाणार आहेत. राज्याचे मराठी भाषामंत्री उदय सामंत या संमेलनाचे स्वागताध्यक्ष असून तेही ‘मराठी साहित्ययात्री संमेलनात’सहभागी होत आहेत. ते या रेल्वेद्वारे प्रवास करणार करणार आहेत आणि साहित्यिक, कलावंतांशी ते संवाद साधणार आहेत. साहित्य अकादमी पुरस्कारप्राप्त लेखिका डॉ. संगीता बर्वे यांची प्रमुख उपस्थिती असणार आहे. प्रवासा दरम्यान प्रत्येक बोगीत विविध साहित्यिक-सांस्कृतिक कार्यक्रम घेतले जाणार आहेत.

युवा साहित्यिक व कलाकारांना हक्काचे व्यासपीठ मिळावे या उद्देशाने ‘मराठी साहित्ययात्री संमेलन भरविण्यात येत आहे.‘मराठी साहित्ययात्री संमेलनात’महाराष्ट्रातील वेगवेगळ्या गावा-गावांमधून साहित्यिक, युवक, लोककलाकार, स्टँडअप कॉमेडियन्स, सोशल मीडिया इन्फ्लुएन्सर्स तसेच शाहिर व भजनी मंडळांचा मोठ्या संख्येने सहभागी होणर आहे. मोठ्या प्रमाणात तरुणांच्या सहभागामुळे हे संमेलन तरुणाईचे संमेलन ठरणार आहे.

19 रोजी असलेल्या शिवजयंतीचे औचित्य साधून सुरुवातीस छत्रपती शिवाजी महाराज यांच्या प्रतिमेचे पूजन करून अभिवादन केले. ‘गर्जा महाराष्ट्र माझा’ या महाराष्ट्र गीताच्या सामूहिक गायनानंतर पुण्यातून रेल्वे निघणार आहे. तत्पूर्वी पुस्तक दिंडीही काढली जाणार आहे. याच रेल्वे प्रवासात १ हजार २०० पेक्षा अधिक साहित्यिक येणार असून जळगाव आणि ग्वाल्हेर येथे ही विशेष रेल्वे पोहोचल्यानंतर ग्वाल्हेर येथील स्थानिक नागरिक भव्य स्वागत करणार आहेत. रेल्वे 20 फेब्रुवारी रोजी दिल्लीत पोहोचणार असून दिल्ली स्थानकावर पोहोचल्यानंतर पसायदानाने ‘मराठी साहित्ययात्री संमेलना’ची व पहिल्या टप्प्यातील प्रवासाची सांगता होणार आहे. या वेळी दिल्लीतील मराठीजन मोठ्या संख्येने स्वागतासाठी उपस्थित राहणार आहेत. परतीच्या प्रवासात देखील हे संमेलन रंगणार असून 25 फेब्रुवारी रोजी पुणे रेल्वे स्थानकावर या संमेलनाची समारोप होणार आहे.

या अभिनव उपक्रमाची संकल्पना सरहद, पुणेचे अध्यक्ष संजय नहार यांची आहे. संमेलनाच्या निमित्ताने स्वतंत्र संयोजन समितीची स्थापना करण्यात आली आहे. रावण द आंत्रप्रिन्युअर या पुस्तकांचे लेखक शरद तांदळे यांची संमेलनाध्यक्ष तर वंदेमातरम् संघटनेचे अध्यक्ष व व्हायरल माणुसकी या पुस्तकाचे लेखक वैभव वाघ हे संमेलनाचे कार्यकारी अध्यक्ष आहेत. डॉ. शरद गोरे (कार्याध्यक्ष), सचिन जामगे (कार्यवाह), ॲड. अनिश पाडेकर, सोमनाथ चोथे, गणेश बेंद्रे (मुख्य समन्वयक), अक्षय बिक्कड, सागर काकडे (निमंत्रक) यांचा कार्यकारिणीत समावेश आहे, अशी माहिती डॉ. कुलकर्णी यांनी दिली आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post अखिल भारतीय साहित्य संमेलनाच्या पार्श्वभूमीवर पुणे ते दिल्ली यादरम्यान महादजी शिंदे यांच्या नावाने विशेष रेल्वे सेवा-मराठी भाषा विभागाचे सचिव डॉ.किरण कुलकर्णी appeared first on पुणे २४ तास.

पुणे, (पुणे 24 तास ब्युरो )

   तिसऱ्या विश्व मराठी संमलेनाचे ३१ जानेवारी ते २ फेब्रुवारी २०२५ या कालावधीत फर्ग्यूसन महाविद्यालय येथे आयोजन करण्यात येणार असून राज्याचे मुख्यमंत्री देवेंद्र फडणवीस यांच्या हस्ते ३१ जानेवारी रोजी सकाळी ११ वा. संमेलनाचे उद्धाटन होणार आहे. यामध्ये साहित्यरसिकांसाठी विविध कार्यक्रमांची रेलचेल असणार आहे.

यावेळी केंद्रीय सहकार राज्यमंत्री मुरलीधर मोहोळ, उप मुख्यमंत्री एकनाथ शिंदे, उप मुख्यमंत्री अजित पवार, विधानपरिषदेचे उपसभापती प्रा. राम शिंदे, विधानसभेचे अध्यक्ष ॲड. राहूल नार्वेकर, उच्च व तंत्र शिक्षण मंत्री चंद्रकांतदादा पाटील, मराठी भाषा मंत्री उदय सामंत, क्रीडा व युवक कल्याण मंत्री दत्तात्रय भरणे, विधानपरिषेदच्या उपसभापती डॉ. नीलम गोऱ्हे, नगरविकास राज्यमंत्री माधुरी मिसाळ यांच्यासह जिल्ह्यातील खासदार, आमदार आदी उपस्थित राहणार आहे.

संमेलनासाठी क्रांतीज्योती सावित्रीबाई फुले मुख्यमंच, प्र.के. अत्रे सभागृह (ॲम्फी थिएटर) तयार करण्यात आले असून या ठिकाणी कार्यक्रम होणार आहेत.

शुक्रवार ३१ जानेवारी रोजी बालगंधर्व रंगमंदिरापासून फर्ग्यूसन कॉलेजपर्यंत शोभायात्रा, उद्घाटन समारंभ, परिसंवाद- माझी मराठी भाषा अभिजात झाली, लेखक भास्कर हांडे लिखीत छत्रपती शिवाजी महाराज व्यक्तिचित्र तसेच बालभारतीच्या अभिजात मराठी विषयावरील ‘किशोर’ या अंकाचे प्रकाशन, मराठी भाषा आणि प्रसार माध्यमे, नव्या-जुन्यांचे कवी संमेलन, मराठीचा झेंडा अटकेपार, महाराष्ट्राची महासंस्कृती, मराठीच्या बोलींच्या सर्वेक्षणाबाबत सादरीकरण, अनुवाद विषयक चर्चासत्र, परिसंवाद कार्यक्रम होणार आहे.

शनिवार, १ फेब्रुवारी रोजी महाराष्ट् माझा-जाखडी, नमन, भारुड, गोंधळ, पोवाडा, पालखी, वाद्यांची जुगलबंदी, प्रशासनातील मराठी भाषा, परिसंवाद-समाज माध्यमांवरील प्रभावी व्यक्तीमत्वे, विज्ञान तंत्रज्ञानातील मराठीचा वापर, बाल साहित्याचा अविष्कार, परिसंवाद- नाटक, चित्रपटातील मराठी भाषा, स्वरसंध्या- अभिजात भावसंगीत, अभंग नाट्यसंगीताची सुरेल मैफिल, कार्यशाळा- व्यंगचित्रांची दुनिया (चिंटू) शालेय विद्यार्थ्यांसाठीचा विशेष कार्यक्रम, बालसाहित्याचा अविष्कार, परिसंवाद-वंदे मातरम : स्वातंत्र्य प्रेरणेची 150 वर्षे, महिला कायदा व महिलांना न्याय मराठी भाषेत, मराठी भाषेत कृत्रिम बुद्धीमत्तेचा वापर (एआय), कार्यशाळा: माध्यमांची लेखणी, आराधी लोकनृत्य, दिंडी लोकनृत्य, ज्ञानपीठाचे ज्ञानतपस्वी हे कार्यक्रम होणार आहे.

रविवार, २ फेब्रुवारी रोजी अभंगवाणी, मराठी उद्योजकांचे चर्चा सत्र, मराठी भाषा आणि स्त्री साहित्य, ग्रामीण वास्तव आणि मराठी साहित्य, मराठीचे ग्रंथ वैभव, मराठी भाषा आणि युवक, स्वरझंकार- मराठी संगीताचा बहारदार नजराना, बृहन्महाराष्ट्र मंडळ- सादरीकरण, अध्यात्मातील अभिजात मराठी, अभ्यासक्रमातील मराठी भाषा: वाटचाल, मराठी भाषा आणि रोजगाराच्या संधी, बालगंधर्व रंगमंदीर येथे सागरा प्राण तळमळला, चाणक्य या कार्यक्रमाचे आयोजन करण्यात येणार असून संमेलनाची सांगता होणार आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post तिसऱ्या विश्व मराठी संमलेनाचे ३१ जानेवारी ते २ फेब्रुवारी दरम्यान पुणे येथे आयोजन appeared first on पुणे २४ तास.

महाराष्ट्र सरकारच्या अल्पसंख्याक विकास विभाग आणि महाराष्ट्र राज्य उर्दू साहित्य अकादमीचा विशेष उपक्रम

पुणे 🙁 पुणे 24 तास प्र)

   जासत्ताक दिनानिमित्त २६ जानेवारी २०२५ रोजी मुंबईतील गेटवे ऑफ इंडिया येथे सायंकाळी ५:३० वाजता ‘जश्न-ए-हिंदुस्तान’ या उर्दू मुशायरा कार्यक्रमाचे आयोजन करण्यात आले आहे. या कार्यक्रमात उर्दू शायरी, गझल आणि सूफी संगीताचे सादरीकरण होणार असून, यामुळे उर्दू भाषा आणि सांस्कृतिक परंपरेला प्रोत्साहन मिळणार आहे.

या कार्यक्रमात देशातील अनेक प्रसिद्ध शायर आणि गायक सहभागी होणार आहेत. प्रख्यात गायक सलमान अली यांचे सूफी गायन आणि सिराज अहमद खान यांची गझल सादरीकरण कार्यक्रमाची विशेष आकर्षणे असतील. त्याचबरोबर मोनिका सिंग, शाहिद लतीफ, सिराज सोलापुरी, डॉ. क़मर सुरूर फारूकी, आणि नैम फ़राज़ हे मान्यवर शायरही सहभागी होणार आहेत. या कार्यक्रमाचे सूत्रसंचालन सुप्रसिद्ध निवेदक डॉ. क़ासिम इमाम करतील.

कार्यक्रमात प्रवेश विनामूल्य असेल. हा कार्यक्रम सामाजिक माध्यमांवर आणि डिजिटल व्यासपीठांवर थेट प्रसारित केला जाईल, ज्यामुळे देश-विदेशातील रसिकही याचा आस्वाद घेऊ शकतील.
‘जश्न-ए-हिंदुस्तान’ हा कार्यक्रम उर्दू साहित्य आणि संस्कृतीसाठी महत्त्वाचा आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post गेटवे ऑफ इंडियावर होणार ‘जश्न-ए-हिंदुस्तान’ उर्दू मुशायरा appeared first on पुणे २४ तास.