केंद्रीय सामाजिक न्याय राज्यमंत्री रामदास आठवले  यांच्या वाढदिवसानिमित्त रीपाईच्यावतीने हाफपिच डे नाईट क्रिकेट स्पर्धा आयोजित करण्यात आली. भवानी पेठेतील श्रीमती सावित्रीबाई फुले शाळेच्या प्रांगणात कार्यक्रम स्पर्धा संपन्न झाली.

यावेळी स्पर्धेचे आयोजन रीपाई पक्षाचे कँटोन्मेंट मतदार संघाचे अध्यक्ष संदीप धांडोरे, कार्याध्यक्ष शशांक माने व सामाजिक कार्यकर्ते सुशील मंडल यांनी केले. यावेळी प्रथम क्रमांक -शिवा ग्रुप (गोखले नगर), द्वितीय क्रमांक -सचिनदादा रणपिसे (येरवडा), तृतीय क्रमांक- सिद्धिविनायक सी सी (बालेवाडी), चतुर्थ क्रमांक  – सय्यद बॉईज (भवानी पेठ काशिवाडी ), पाचवे क्रमांक -अमरदादा खेडेकर प्रतिष्ठान (घोरपडी पेठ) यांनी पटकविला आहे.
याप्रसंगी कार्यक्रमाला प्रमुख पाहुणे म्हणून परशुराम वाडेकर, विवेक  यादव, तुषार पाटील, रशीद शेख, संजय सोनावणे, चेतन मोरे, महेंद्र कांबळे, उमेश कांबळे, विपुल बहुले, वसीम पहिलवान, विक्रम सोलंकी, रोहित कांबळे आदी मान्यवर कार्यक्रमाला उपस्थित होते.

भवानी पेठ सावित्रीबाई फुले शाळेच्या  प्रांगणात क्रिकेट स्पर्धेच्या निकलाप्रसंगी आनंदोत्सव साजरा करताना उपस्थित सर्व मान्यवर व खेळाडू

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post केंद्रीय सामाजिक न्याय राज्यमंत्री रामदास आठवले  यांच्या वाढदिवसानिमित्त  रिपाईच्या वतीने क्रिकेट स्पर्धा.. appeared first on पुणे २४ तास.

पुणे: (पुणे २४ तास ब्युरो)

किओकुशन कराटे ऑर्गनायझेशन इंडिया पुणे या संस्थेच्या वतीने सालाबाद प्रमाणे यंदाही 20 व्या कराटे बेल्ट स्पर्धेचे व पारितोषिक वितरण समारंभाचे आयोजन महात्मा फुले प्रशाला, ढोले पाटील रोड या ठिकाणी करण्यात आले. यावेळी स्पर्धेत जवळपास 220 कराटे प्रशिक्षणार्थीनी  सहभाग नोंदविला. स्पर्धेत फर्स्ट डॅन ब्लॅक बेल्ट अनुक्रमे तन्मय जिमन, विनम बडीपल्ली यांनी पटकविला तर बेस्ट स्टुडंट ऑफ दि इयर हे पारितोषिक अनुक्रमे राजनंदनी सोनकांबळे, वारीन गोनाडे, विवान नेगी,तर ब्राऊन बेल्ट हे पारितोषिक मनाली लुनावत, लक्ष्मी कुमार, अलोक सूर्यवंशी, कृषीकेश कसबे, मिताली लुनावत यांनी पटकविले. तर संपूर्ण स्पर्धेचे परीक्षक म्हणून सुमित परदेशी, मितेश परदेशी, ओमकार ठोंबरे, मयुरेश डोईफोडे, अर्जुन बहादूर, रिया जिमन  यांनी काम पहिले.

यावेळी प्रमुख उपस्थिती म्हणून माजी नगरसेवक प्रदीप गायकवाड, माजी नगरसेविका लता राजगुरू, शाळेच्या मुख्याध्यापिका कांता सोनवणे , कात्रज दूध संघाच्या संचालक हर्षल चव्हाण, पिंपळकर, शहर काँग्रेस अनुसूचित जाती विभागाचे शहराध्यक्ष सुजित आप्पा यादव, प्रदेश काँग्रेस प्रतिनिधी नेते मेहबूबजी नदाफ, युवा नेते सोनु निकाळजे, राष्ट्रवादी युवक काँग्रेसचे प्रदेश उपाध्यक्ष डॉ. मयुर गायकवाड, भीम छावा संघटनेचे प्रमुख शाम गायकवाड, शहर काँग्रेसचे चिटणीस राहुल तायडे, राष्ट्रवादी काँग्रेसचे विधानसभा कार्याध्यक्ष नितीन रोकडे, सामाजिक कार्यकर्ते अविनाश मोरे यांच्या सह अनेक प्रशिक्षण वर्गातील सहभागी विद्यार्थी, पालक वर्ग उपस्थित होते.  सदर स्पर्धेचे आयोजन किओकुशन कराटे ऑर्गनायझेशन इंडिया पुणे या संस्थेचे प्रमुख व कराटे प्रशिक्षक सोहन परदेशी यांनी केले.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post किओकुशन कराटे ऑर्गनायझेशन इंडिया पुणे आयोजित  20 वी वार्षिक कराटे बेल्ट परीक्षा व पारितोषिक वितरण समारंभ संपन्न.. appeared first on पुणे २४ तास.

पुणे: (पुणे २४ तास ब्युरो)

माजी गृहराज्यमंत्री रमेश बागवे यांच्या वाढदिवसानिमित्त नाना पेठ पुणे अहिल्याआश्रम, डॉ बाबासाहेब आंबेडकर महाविद्यालयाच्या मैदानामध्ये भव्य फुल पीच क्रिकेट स्पर्धेचे आयोजन करण्यात आले.  या क्रिकेट स्पर्धेचे उद्घाटन माजी नगरसेवक अविनाश बागवे व डीसीएम सोसायटी ऑफ इंडियाचे जनरल सेक्रेटरी विशाल शेवाळे यांच्या हस्ते करण्यात आले.  दोन दिवस चाललेल्या या क्रिकेट स्पर्धेमध्ये सुमारे 16 संघ सहभागी झाले,
या क्रिकेट स्पर्धेचे बक्षीस वितरण माजी गृहराज्यमंत्री रमेशदादा बागवे यांच्या हस्ते संपन्न झाले.

निकाल पुढील प्रमाणे:

यास्पर्धेमध्ये प्रथम क्रमांक राजेवाडी (आर सी सी)  संघ, द्वितीय क्रमांक कसबा वॉरियर संघ तर तृतीय क्रमांक एकता क्रिकेट संघाने  पटकविला.
या विजेता संघांना स्मृतिचिन्ह व विजय चषक देऊन त्यांचा गौरवण्यात आला.
या क्रिकेट स्पर्धेचे आयोजन पुणे शहर युवक काँग्रेसचे सरचिटणीस व मातंग एकता आंदोलन राजेवाडी शाखेचे अध्यक्ष अक्षय अवचिते यांनी केले होते.
यावेळी माजी नगरसेवक अविनाश बागवे, डीसीएम सोसायटी ऑफ इंडियाचे जनरल सेक्रेटरी विशाल शेवाळे, विठ्ठल थोरात, दयानंद अडागळे, किरण लोंढे, सुरेश अवचिते, विकी भिसे, राजू शेखमेजर, साहिल खान, कौस्तुभ वाघमारे, विशाल पवार, अक्षय पवार, चंद्रकांत वाघमारे, किरण चकाले, आदि यावेळी उपस्थित होते.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post <br>माजी गृहराज्यमंत्री रमेश बागवे यांच्या वाढदिवसानिमित्त क्रिकेट स्पर्धेचे बक्षीस वितरण संपन्न..<br> appeared first on पुणे २४ तास.

पुणे (पुणे 24 तास ब्युरो): महावितरणच्या पुणे परिमंडलातील पर्वती विभागमध्ये कार्यरत प्रतीक वाईकर यांच्या नेतृत्वात भारतीय खो-खो संघाने पहिल्या विश्वचषकाचे विजेते होण्याचा मान पटकावला आहे. तब्बल २० देशांचा सहभाग असलेल्या या विश्वस्पर्धेत भारतीय संघाचा कर्णधार व उत्कृष्ट खेळाडू म्हणून प्रतीक वाईकर यांनी मोलाची कामगिरी केली. विजेत्या संघासह श्री. वाईकर यांच्यावर देशभरातून कौतुकाचा वर्षाव होत आहे.

महावितरणचे खेळाडू म्हणून विश्वचषक विजेत्या संघाचे नेतृत्व करणाऱ्या प्रतीक वाईकर यांचे राज्याचे मुख्यमंत्री व ऊर्जामंत्री देवेंद्र फडणवीस, ऊर्जा विभागाच्या अपर मुख्य सचिव आभा शुक्ला, महावितरणचे अध्यक्ष व व्यवस्थापकीय संचालक लोकेश चंद्र, संचालक (संचालन / मानव संसाधन) अरविंद भादिकर, पुणे प्रादेशिक संचालक भुजंग खंदारे, पुणे परिमंडलाचे मुख्य अभियंता राजेंद्र पवार यांनी अभिनंदन केले आहे.

क्रीडा कोट्यातून १९ जून २०१२ मध्ये प्रतीक वाईकरवयाच्या १९ व्या वर्षी महावितरणमध्ये रुजू झाले. दि. २७ मार्च १९९२ रोजी जन्मलेले प्रतीक यांनी सन २००० च्या सुमारास बास्कटेबॉल, लंगडी व गोल खो-खो खेळायला सुरवात केली. प्रामुख्याने खो-खो खेळातील चपळाई व प्रगती पाहून पुण्याच्या नामांकित नवमहाराष्ट्र क्लबमध्ये प्रतीक यांना प्रवेश मिळाला. तेव्हापासून ते उत्कृष्ट खो-खोपटू म्हणून घडत गेले. संगणकशास्त्रात बीएस्सी पदवीधर असलेल्या प्रतीक यांनी फायनान्समध्ये एमबीए केलेले आहे. त्यामुळे खेळ व अभ्यास या दोहोंना कायम महत्व दिल्याने कुटुंबियांचे देखील प्रतीक यांना खो-खो खेळण्यासाठी मोठे पाठबळ मिळाले.

महाराष्ट्र शासनाचा श्री शिवछत्रपती क्रीडा पुरस्कारप्राप्त असलेले प्रतीक वाईकर यांनी महाराष्ट्र संघाच्या १४ वर्षाखालील, १६ वर्षाखालील व १८ वर्षाखालील वयोगटाचे व वरिष्ठ गटाचे नेतृत्व केले आहे. अशी कामगिरी करणारे ते एकमेव खो-खोपटू आहे. खो-खोमध्ये मातीकडून मॅटकडे प्रवास सुरु केल्यानंतर दुखापत होण्याचा धोका वाढला तरी कौशल्य, चपळाई व शारीरिक फिटनेसकडे अधिक लक्ष देत प्रतीक यांनी व्यावसायिक खो-खो स्पर्धेत भाग घेणे सुरू केले. यात खो-खो प्रोफेशनल लिगमध्ये तेलगू योद्धांचे नेतृत्व करीत उपविजेतेपद पटकावले.

खो-खो खेळात ‘कॅप्टन कूल’ म्हणून ख्याती असलेले प्रतीक हे संघ नेतृत्वामध्ये सांघिक कामगिरीला नेहमीच प्राधान्य देतात, हे विशेष. त्यांच्यासोबत महावितरणच्या पुणे परिमंडलामध्ये खो-खोचे उत्कृष्ट खेळाडू घडत आहेत. प्रतीक यांना खो-खोच्या विविध स्पर्धा व सरावासाठी महावितरणकडून कायमच सहकार्य करण्यात आले आहे. यासाठी प्रतीक यांचे घर, क्रीडांगण व कार्यालय केवळ दोन किलोमीटर परिघात ठेवण्यात आले आहे.

राजेंद्र पवार, मुख्य अभियंता, पुणे परिमंडल– ‘प्रतीक वाईकर यांना महावितरणमध्ये एक खेळाडू म्हणूनच पाहिले गेले. खेळाडू म्हणून त्यांना आवश्यक सर्व सोयीसुविधा पुरवण्यात आल्या. कोणत्याही परिस्थितीत नोकरी करताना खेळाडू म्हणून कोणतीही अडचण येणार नाही याची वेळोवेळी काळजी घेण्यात आली. त्याची फलश्रृती म्हणून प्रतीकने महावितरणच नव्हेतर देशासाठी अभिमानास्पद कामगिरी केली आहे’.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post महावितरणचे प्रतीक वाईकर खो-खोच्या विश्वचषक विजेत्या भारतीय संघाचे कर्णधार… appeared first on पुणे २४ तास.