पुणे 24 तास:- डॉ. बाबासाहेब आंबेडकर मराठवाडा विद्यापीठ, छत्रपती संभाजीनगर अंतर्गत सामाजिक शास्त्र शाखेअंतर्गत समाजकार्य या विषयात जयश्री सोनकवडे यांना पीएचडी प्रदान करण्यात आली आहे. त्यांचा विषय “ मायावतीजी यांनी बहुजन समाज विकासासाठी केलेल्या कार्याचा अभ्यास “ असून त्यांनी मायावतीजी यांच्या विविध सामाजिक, राजकीय, शैक्षणिक, सांस्कृतिक, आर्थिक कामाविषयीची सखोल माहितीची मांडणी केली आहे. तसेच यावरती पुस्तक काढण्याचा त्यांचा मानस आहे.
प्रशासकीय अधिकारी असणाऱ्या जयश्री सोनकवडे यांनी यापूर्वी SNDT कॉलेज पुणे येथून बी.कॉम केले आहे त्यानंतर एम. एस. डब्लू आणि बॅचलर ऑफ जर्नलिज्म आणि मास्टर ऑफ जर्नलिज्म केले आहे. मुळातच सोनकवडे या प्रशासकीय अधिकारी असल्यातरी अभ्यासू असल्यामुळे त्यांनी पीएचडी साठी प्रवेश घेतला. स्वतः नेहमी व्यस्त असणाऱ्या जयश्री सोनकवडे यांनी वेळ काढून पीएचडी चा अभ्यासक्रम डॉ. प्राचार्य राजकुमार मस्के, जालना समाजकार्य महाविद्यालय , जालना त्यांच्या मार्गदर्शनाखाली पूर्ण केला आहे.
मुळातच त्यांना लेखनाची आवड असून अनेक लेख विविध वृत्तपत्रात प्रसिद्ध झाले आहेत. विविध विषयांवर त्यांनी व्याख्याने दिली आहेत. तसेच त्यांनी अनेक कविता लिहिल्या आहेत.
अशा अभ्यासू आणि सामाजिक बांधिलकी असणाऱ्या जयश्री सोनकवडे यांनी विविध पदांवर विविध प्रशासकीय कामे केली आहेत . त्या आता डॉ. जयश्री सोनकवडे – जाधव झाल्या आहेत.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
