काय आहे नेमके प्रकरण?

शिलोह चर्च ऑफ क्राईस्टचे पाळक रॉबिन महाडकर यांनी दिलेल्या माहितीनुसार, गेल्या ३० वर्षांपासून हे चर्च स्मशानभूमीतील एका रिकाम्या जागेत उपासना करत आहे. या स्मशानभूमीत ब्रिटिश काळातील काही कबरी असून, तिथे असलेल्या एका रिकाम्या जागेत भाविकांनी प्रार्थनेसाठी एक छोटे शेड उभारले आहे. मात्र, आता कॅन्टोन्मेंट बोर्डाने हे शेड अनधिकृत ठरवत ते पाडण्याची नोटीस दिली आहे.

पाळक रॉबिन महाडकर यांचे म्हणणे:

याबाबत बोलताना पाळक महाडकर म्हणाले, “आम्ही गेल्या तीन दशकांपासून येथे शांततेत प्रार्थना करत आहोत. या जागेचा वापर सुरू करण्यापूर्वी येथे चोर, मद्यपी आणि असामाजिक तत्त्वांचा वावर होता. मात्र, जेव्हापासून येथे प्रार्थना सुरू झाली, तेव्हापासून या अनैतिक कृत्यांना आळा बसला आहे. आम्ही या शेडसाठी रीतसर परवानगी मिळावी म्हणून कॅन्टोन्मेंट बोर्डाच्या समितीची भेट घेतली, अर्जही केला, पण प्रशासनाने परवानगी नाकारली आहे.”

आंदोलनाचा पवित्रा:

कॅन्टोन्मेंट बोर्डाच्या या कारवाईच्या विरोधात चर्चचे सभासद आणि ख्रिस्ती बांधव मोठ्या संख्येने एकत्र आले आहेत. “आम्ही इतकी वर्षे येथे प्रार्थना करत असताना आता अचानक ही नोटीस का? एवढ्या मोठ्या संख्येने लोक प्रार्थनेसाठी कुठे जाणार?” असा सवाल भाविकांनी उपस्थित केला आहे.

प्रशासनाने या विषयावर सामोपचाराने मार्ग काढावा, अशी मागणी आता जोर धरत आहे. दरम्यान, कॅन्टोन्मेंट बोर्ड यावर काय भूमिका घेते, याकडे सर्वांचे लक्ष लागले आहे.

यावेळी माजी गृहराज्यमंत्री रमेश बागवे, काँग्रेस कमिटीचे पुणे शहराध्यक्ष अरविंद शिंदे, नगरसेवक रफिक शेख, नगरसेवक विवेक यादव, पुणे कॅन्टोन्मेंट बोर्डाचे माजी उपाध्यक्ष विनोद मथुरावाला आदी सामाजिक, राजकीय नेते पदाधिकारी कार्यकर्त्यांनी घटनास्थळी ख्रिस्ती बांधवांची भेट घेत त्यांच्यासोबत असल्याची सहमती दर्शवली..

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post कॅन्टोन्मेंट बोर्डाची शिलोह चर्चला नोटीस; स्मशानभूमीतील प्रार्थनास्थळ पाडण्यावरून वाद पेटला! appeared first on पुणे २४ तास.

पुणे, दि. १३ : जिल्ह्यासाठी सन २०२६ मधील केंद्र शासनाच्या ध्वनी प्रदुषण (नियमन व नियंत्रण) सुधारित नियम २०१७ च्या नियम ५ उपनियम (३) अन्वये १५ दिवसांसाठी ध्वनीक्षेपक व ध्वनीवर्धकाच्या वापरासाठी सकाळी ६ वाजल्यापासून ते रात्री १२ वाजेपर्यंत वापर करण्यासाठी परवानगी देण्याबाबतचा आदेश जिल्हाधिकारी जितेंद्र डुडी यांनी जारी केले आहेत.

शिवजयंती १९ फेब्रुवारी, डॉ. बाबासाहेब आंबेडकर जयंती १४ एप्रिल, महाराष्ट्र दिन १ मे, गणपती उत्सव , ईद ए मिलाद व अनंत चतुर्दशीकरिता १९, २०, २२, २३, २४ व २५ सप्टेंबरपर्यंत ६ दिवस, नवरात्री उत्सव १९ व २० ऑॅक्टोबर, ख्रिसमस (नाताळ) २५ डिसेंबर व वर्षाअखेर ३१ डिसेंबर तसेच महत्वाच्या कार्यक्रमासाठी २ दिवस राखीव ठेवण्यात आले असून आवश्यकेतनुसार परवानगी दिली जाईल, असे आदेशात नमुद आहे.

उत्सवाच्या दिवशी ध्वनीची विहित मर्यादा राखून ध्वनीक्षेपक व ध्वनीवर्धक यंत्रणेचा वापर करण्यास मर्यादा शिथील करुन पुढील अटींवर परवानगी देण्यात येईल. झोनींगप्रमाणे ठरलेल्या मयादेपेक्षा जास्त आवाज ठेवू नये. ही सूट शांतता क्षेत्रात लागू नसल्याने त्याची अंमलबजावणी करण्याची जबाबदारी संबंधित सर्व यंत्रणांची राहील, असेही आदेशात नमुद करण्यात आले आहे. नियमांचे पालन करुन प्रशासनास सहकार्य करावे, असे आवाहन श्री. डुडी यांनी आदेशान्वये केले आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post आगामी उत्सव कालावधीत १५ दिवस ध्वनीक्षेपक व ध्वनीवर्धक यंत्रणेचा वापर करण्यास मर्यादा शिथील appeared first on पुणे २४ तास.

श्री क्षेत्र भीमाशंकर, श्री क्षेत्र औंढा नागनाथ व श्री क्षेत्र घृष्णेश्वर ज्योतिर्लिंग विकास आराखडा बैठक

पुणे 24 तास:- मुंबई,दि.१० : राज्यातील ज्योतिर्लिंगाना वर्षभर मोठ्या प्रमाणात भाविक भेट देतात हे लक्षात घेवून श्री क्षेत्र भीमाशंकर, श्री क्षेत्र औंढा नागनाथ व श्री क्षेत्र घृष्णेश्वर ज्योतिर्लिंगाचा सर्वसमावेशक विकास आराखडा असावा.मंदिर परिसरातील सुरू असलेली कामे गतीने करून प्रस्तावित कामांचे योग्य नियोजन करा.या परिसरात भाविकांच्या सुरक्षेला प्राधान्य देण्यासाठी अत्याधुनिक एकात्मिक सुरक्षाप्रणाली कार्यरत करून भाविकांसाठी उत्कृष्ठ दर्जाच्या सेवा सुविधा तयार करण्यासाठी गतीने कार्यवाही करण्याच्या सूचना मुख्यमंत्री देवेंद्र फडणवीस यांनी केल्या.

वर्षा निवासस्थान येथे पुणे जिल्ह्यातील श्री क्षेत्र भीमाशंकर, हिंगोली जिल्ह्यातील श्री क्षेत्र औंढा नागनाथ व छत्रपती संभाजीनगर जिल्ह्यातील श्री क्षेत्र घृष्णेश्वर ज्योतिर्लिंग विकास सादरीकरणाबाबत बैठक आयोजित करण्यात आली होती. या बैठकीत मुख्यमंत्री देवेंद्र फडणवीस बोलत होते. या बैठकीला राज्याचे मुख्य सचिव राजेश कुमार, महसूल विभागाचे अपर मुख्य सचिव विकास खारगे, अपर मुख्य सचिव सामान्य प्रशासन विभाग व्ही.राधा,वित्त विभागाचे अपर मुख्य सचिव ओ.पी.गुप्ता, .नगर विकास विभागाचे अपर मुख्य सचिव असिमकुमार गुप्ता, उच्च व तंत्र शिक्षण विभागाचे अपर मुख्य सचिव वेणू गोपाल रेड्डी,सामान्य प्रशासन विभागाचे अपर मुख्य सचिव राजेश अग्रवाल या बैठकीला उपस्थित होते.

मुख्यमंत्री देवेंद्र फडणवीस म्हणाले की, राज्यातील ज्योतिर्लिंगांच्या ठिकाणी येणा-या सध्याची भाविकांची व भविष्यातील संख्यानुसार दर्शन रांगांचे नियोजन, यात्रा उत्सव कालावधी हे लक्षात घेवून मंदिर परिसरात प्रतिक्षा कक्ष,पिण्याच्या पाण्याची सोय, निवासाची व्यवस्था, अंतर्गत रस्ते, परिसर साफसफाई करणे, माहिती फलक, पर्यटक स्वागत कक्ष, पार्कींग व्यवस्थापन, आपत्कालीन यंत्रणा, तिकीट कक्ष, आरोग्य सुविधा, उपहारगृह यासह पर्यटन वाढीला चालना देणारे उपक्रम या भागात प्रामुख्याने राबवा.स्थानिक नागरिक व प्रशासनाला विचारात घेवून येथील कामे पूर्ण करण्यावर भर देण्यात यावा अशा सूचनाही त्यांनी केल्या.

मुख्यमंत्री देवेंद्र फडणवीस म्हणाले की, ज्योतिर्लिंगांच्या ठिकाणी सुरक्षा व्यवस्था काटेकार असावी यासाठी खबरदारी घेण्यात यावी.अत्याधुनिक यंत्रणा तसेच कृत्रिम बुध्दीमत्तेच्या सहाय्याने एकात्मिक सुरक्षा प्रणाली विकसित करा.जेणेकरून तात्काळ आपत्कालीन परिस्थीतीत नागरिकांना मदत मिळेल.मंदिर व्यवस्थापनासाठी काटेकोर नियम असणे गरजेचे आहे.पर्यावरण संवर्धन व रोजगार निर्मितीसाठी पर्यटन विभागानेही येथील प्रस्तावित कामे गतीने करावीत.आज सादर झालेल्या आराखड्यांना उच्चस्तरीय समितीकडून मंजूरीनंतर निधी मिळेल.पुरातत्व विभागाकडून घेण्यात येणा-या मंजुरीसाठी केंद्र शासनाच्या अधिका-यांसोबत एक वेगळी बैठक आयोजित करावी अशा सूचनाही त्यांनी यावेळी केल्या.

राज्यातील ज्योतिर्लिंगाच्या विकास आराखड्याची प्रभावी व तात्काळ अंमलबजावणी करण्यासाठी नियुक्त असलेले अधिकारी यांनी यावेळी विकास आराखड्यांचे सादरीकरण केले. पुणे जिल्ह्यातील श्री क्षेत्र भीमाशंकर तीर्थक्षेत्र विकास आराखडा व श्री क्षेत्र भीमाशकर विकास आराखडा कुंभमेळा २०२७ चे सादरीकरण सामान्य प्रशासन विभागाच्या अपर मुख्य सचिव व्ही.राधा, हिंगोली जिल्ह्यातील श्री क्षेत्र औंढा नागनाथचे सादरीकरण वित्त विभागाच्या प्रधान सचिव रिचा बागला, छत्रपती संभाजीनगर जिल्ह्यातील श्री क्षेत्र घृष्णेश्वर ज्योतिर्लिंग मंदिर विकास आराखडा सादरीकरण अपर मुख्य सचिव वेणुगोपाल रेड्डी यांनी केले.

या बैठकीला नियोजन विभागाचे प्रधानसचिव सौरभ विजय, ग्रामविकास विभागाचे प्रधान सचिव एकनाथ डवले, नगर विकास विभागाचे प्रधान सचिव डॉ.के. एच. गोविंदराज, विधी व न्याय विभागाच्या प्रधान सचिव सुवर्णा केवले, वित्त विभागाच्या प्रधान सचिव रिचा बागला, मुख्यमंत्री कार्यालयाच्या प्रधान सचिव अश्विनी भिडे, सचिव डॉ.श्रीकर परदेशी, पर्यटन विभागाचे सचिव संजय खंदारे, माहिती तंत्रज्ञान विभागाचे सचिव वीरेंद्र सिंह,सचिव बांधकामे आबासाहेब नागरगोजे, इतर मागास बहुजन कल्याण विभागाचे सचिव अप्पासाहेब धुळाज नाशिक – त्रंबकेश्वर कुंभमेळा प्राधिकरणाचे आयुक्त शेखर सिंग दूरदृश्यप्रणालीव्दारे नाशिक विभागीय आयुक्त प्रवीण गेडाम,पुणेचे विभागीय आयुक्त डॉ.चंद्रकात पुलकंडवार,छत्रपती संभाजी नगर विभागीय आयुक्त जितेंद्र पापळकर इतर विभागाचे अधिकारी या बैठकीला उपस्थित होते.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post भाविकांसाठी उत्कृष्ठ दर्जाच्या सेवा – सुविधा तयार करा: : मुख्यमंत्री देवेंद्र फडणवीस appeared first on पुणे २४ तास.

पुणे 24 तास: मोहिनी मोहिते

मामाच्या गावाला जाऊया, जैन मंदिर खाऊया

पुण्यातील जैन मंदिर व जैन होस्टेलच्या जागेचा अपहार : राष्ट्रवादी व काँग्रेसचे भाजपच्या व मुरलीधर मोहोळ यांच्या विरोधात आंदोलन

जवळपास ३ आठवड्यापासून पुण्यातील जैन मंदिर व जैन होस्टेलच्या जागेच्या विक्रीचा व्यवहार देशभरातील माध्यमांमध्ये चर्चेचा विषय ठरला आहे. महाराष्ट्राचे मुख्यमंत्री देवेंद्र फडणवीस यांचे सख्खे मामेभाऊ महाराष्ट्राचे धर्मादाय आयुक्त आहेत. या आयुक्तांना हाताशी धरून जैन मंदिर व होस्टेलच्या जागेचा व्यवहार कवडीमोल भावात करण्यात आला. समाजाची जागा बिल्डरच्या घशात घालणाऱ्या या भ्रष्ट कारभाराच्या विरोधात दिनांक २७ ऑक्टोबर रोजी राष्ट्रवादी काँग्रेस पार्टी शरदचंद्र पवार पक्ष व काँग्रेस पक्षाच्यावतीने धर्मादाय आयुक्त कार्यालय येथे आंदोलन करण्यात आले.

पूर्वीच्या काळी दानशूर मंडळींनी आपल्या समाजाच्या भल्यासाठी, समाजाच्या हितासाठी जागा दान केलेल्या आहेत. या जागा सुरक्षित असाव्यात, या जागांचे व्यवहार कायदेशीर असावेत ही धर्मदाय आयुक्तांची जबाबदारी असते. मात्र, केवळ मुख्यमंत्र्यांचे मामेभाऊ आहेत म्हणून या धर्मादाय आयुक्त यांनी पुण्यातील केंद्रीय मंत्र्यांच्या गैरव्यवहाराला पाठिंबा दिला.

गेल्या वर्षी महावीर जयंतीच्या शुभ सोहळ्यासाठी केंद्रीय मंत्री मुरलीधर मोहोळ यांना सदर जागेवर आयोजित करण्यात आलेल्या सोहळ्यासाठी आमंत्रित करण्यात आले होते. हे आमंत्रण स्वीकारून मुरलीधर मोहोळ कार्यक्रमासाठी आले, या जागेवर त्यांची नजर पडली आणि इथेच जैन समाजाचा घात झाला. धर्मादाय आयुक्तांना हाताशी धरून ही जागा गोखले बिल्डर्सच्या घशात घालण्यासाठी मुरलीधर मोहोळ यांनी आपल्या पदाचा गैरवापर केला. या जागेच्या विक्रीचा पूर्ण व्यवहार बेकायदेशीर व संशयास्पद आहे. याबाबत आंदोलनाच्या माध्यमातून राष्ट्रवादी काँग्रेस पार्टी शरदचंद्र पवार पक्षाचे पुणे शहराध्यक्ष प्रशांत जगताप यांनी माहिती दिली. महाराष्ट्रातील असंख्य ठिकाणी ट्रस्टच्या जमिनीच्या विकसनाचे अर्जं गेली १०-१० वर्षांपासून प्रलंबित आहेत. मात्र धर्मादाय आयुक्त यांच्या आशीर्वादाने व केंद्रीय मंत्र्यांच्या हस्तक्षेपाने पुण्यात मात्र अवघ्या १० दिवसात ट्रस्टच्या जमीन विक्रीचा व्यवहार करण्यात आला. आपल्यासारख्या सर्वसामान्य माणसांना एखाद्या लाखाचे कर्ज घेण्यासाठी ४-५ दिवस बँकेत फेऱ्या माराव्या लागतात. मात्र पुण्यातील जमिनीच्या व्यवहारासाठी गोखले बिल्डर्सला अवघ्या २४ तासात ७० कोटी चे कर्ज उपलब्ध करून देण्यात आले. यासाठी बुलढाणा अर्बन को-ऑपरेटिव्ह बँक, कर्नाटकातील पतसंस्था यांचे सहाय्य घेण्यात आले. यासाठीही केंद्रीय सहकार राज्यमंत्री मुरलीधर मोहोळ यांनी आपले राजकीय वजन वापरले. भ्रष्टाचाराची मालिका इथेच थांबली नाही, यात पुणे महानगरपालिकेनेही आपले योगदान दिले. गोखले बिल्डर्सच्या नावाने जमिनीचा व्यवहार झालेला असताना, त्यावर बांधकामाचा आराखडा मात्र ट्रस्टच्या नावाने करण्यात आला. ट्रस्टच्या नावाने आराखडा केल्यास वाढीव 1 एफएसआय फुकट मिळेल हा स्वार्थी उद्देश यामागे होता. म्हणजे जमिनीचा व्यवहार गोखले बिल्डर्सच्या नावाने, त्यावरील उभारलेली इमारत विकणार गोखले बिल्डर्स, मात्र वाढीव एफएसआय साठी परवानगी मात्र ट्रस्टच्या नावाने. हा भ्रष्ट कारभार पुणे महानगरपालिकेने केला, तोही मुरलीधर मोहोळ यांच्याच दबावामुळे. हा व्यवहार ताबडतोब रद्द करण्यात यावा, या भ्रष्टाचारासाठी कारणीभूत असलेले केंद्रीय मंत्री मुरलीधर मोहोळ, धर्मादाय आयुक्त व महानगरपालिकेतील अधिकारी यांच्यावर कारवाई व्हावी अशी मागणी प्रशांत जगताप यांनी केली.

यावेळी प्रशांत जगताप यांच्या समवेत काँग्रेसचे शहराध्यक्ष अरविंद शिंदे, माजी आमदार जयदेवराव गायकवाड, दिप्तीताई चवधऱी, अभय छाजेड, कमलताई व्यवहारे, उदय महाले, किशोर कांबळे, रफिक शेख, अजित दरेकर यांच्यासह राष्ट्रवादी काँग्रेस पार्टी शरदचंद्र पवार व काँग्रेस पक्षाचे सर्व पदाधिकारी, कार्यकर्ते मोठ्या संख्येने उपस्थित होते.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post मामाच्या गावाला जाऊया, जैन मंदिर खाऊया… appeared first on पुणे २४ तास.

गोमातेचे दैनंदिन जीवनातील अनन्यसाधारण महत्त्व ओळखून शासनाने “गोमातेला राज्य मातेचा” दर्जा दिला आहे. त्या अनुषंगाने दरवर्षीप्रमाणे यंदा दि. १७ ऑक्टोबर २०२५ रोजी वसुबारस या सणाने दीपोत्सवाला प्रारंभ होत आहे. हा दिवस कृषी आणि पशुपालन संस्कृतीशी घट्टपणे जोडलेला असल्याने तो मोठ्या श्रद्धेने साजरा करणे हे प्रत्येक शेतकरी व गोपालकाचे कर्तव्य असल्याचे मुंदडा यांनी सांगितले.

वसुबारस सप्ताहाच्या निमित्ताने राज्यभरात विविध उपक्रमांचे आयोजन करण्यात यावे, असेही त्यांनी सांगितले. या उपक्रमांमध्ये व्याख्याने, गोपूजन, शाळांमधील चित्रकला स्पर्धा, “सेल्फी विथ राज्यमाता” अशा कार्यक्रमांचा समावेश करावा .

या उपक्रमांच्या आयोजनात सर्व गोशाळा संचालकांनी सक्रीय सहभाग नोंदवावा, जेणेकरून कृषी व गोसंस्कृतीला सक्रिय चालना मिळेल, असेही आवाहन महाराष्ट्र गोसेवा आयोगाचे अध्यक्ष शेखर मुंदडा तसेच सदस्य सचिव डॉ. शामकांत पाटील यांनी केले आहे. तसेच आयोजित कार्यक्रमांचा अहवाल व छायाचित्रे महाराष्ट्र गोसेवा आयोगाच्या ई-मेल mhgosevaayog@gmail.com वर पाठविण्याचे आवाहन करण्यात आले आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post वसुबारस सप्ताह उत्साहात साजरा करण्याचे महाराष्ट्र गोसेवा आयोगाचे आवाहन* appeared first on पुणे २४ तास.

गणरायाभोवती केलेली आंब्यांची आकर्षक आरास… मंदिरावर फुलांनी साकारलेल्या आंब्यांच्या प्रतिकृती… प्रवेशद्वारापासून गाभाऱ्यापर्यंत फुलांनी केलेली सजावट अशा मनोहारी वातावरणात स्वराभिषेकातून अक्षयतृतीयेच्या निमित्ताने गणराया चरणी सेवा अर्पण करण्यात आली हि आंब्यांची आरास पाहण्याबरोबरच भाविकांनी पहाटे पासूनच गणरायाच्या दर्शनासाठी मोठी गर्दी केली होती.

पुण्यातील प्रसिद्ध व्यापारी देसाई बंधू आंबेवालेचे मंदार देसाई आणि कुटूंबियांच्या वतीनं हा महानैवैद्य देण्यात आला तत्पूर्वी पहाटे तीन वाजता ब्रह्माणस्पती सूक्त अभिषेक करण्यात आला त्यानंतर वेदश्री खाडिलकर ओक यांनी बाप्पाच्या चरणी आपली गायन सेवा सादर केली सकाळी आठ ते बारा या वेळात गणेश याग हि आयोजित करण्यात आला

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post दगडूशेठ गणपतीला 11 जर आंब्याचा नैवेद्य appeared first on पुणे २४ तास.

• उपमुख्यमंत्री अजित पवार यांचे निर्देश

सार्वजनिक बांधकाम (राष्ट्रीय महामार्ग) विभागाने या प्रकल्पाचा आर्थिक व्यवहार्यता प्रस्ताव सादर करावा

• उपमुख्यमंत्री अजित पवार यांचे निर्देश
• पुणे (पुणे 24 तास ब्युरो )
• माळशेज घाट हे ठाणे आणि पुणे जिल्ह्यांच्या सीमेवर, कल्याण-नगर महामार्गावर वसलेले पश्चिम घाटातील एक निसर्गरम्य पर्यटनस्थळ आहे. या ठिकाणचे पर्यटन दृष्ट्या महत्त्व लक्षात घेऊन माळशेज घाटातील महाराष्ट्र पर्यटन विकास महामंडळाच्या विश्रामगृहाच्या शेजारील टेकडीवर रिकाम्या जागेत काचेचा स्कायवॉक उभारण्यात यावा. सार्वजनिक - खासगी भागीदारी तत्वावर या स्कायवॉकची उभारणी करण्यासाठी एक महिन्यात एकत्रित प्रस्ताव सादर करावा असे निर्देश उपमुख्यमंत्री अजित पवार यांनी दिले. माळशेज घाटामध्ये काचेचा स्कायवॉक बांधण्यासंदर्भात उपमुख्यमंत्री अजित पवार यांच्या अध्यक्षतेखाली त्यांच्या मंत्रालयातील समिती कक्षात बैठकीचे आयोजन करण्यात आले होते. यावेळी उपमुख्यमंत्री अजित पवार मार्गदर्शन करताना म्हणाले की, माळशेज घाट हा मुंबई,पुणे,ठाणे, नाशिक आणि अहमदनगर या प्रमुख शहरांच्या जवळ आहे तसेच घाटाच्या जवळच शिवनेरी किल्ला, हरिश्चंद्रगड, विविध धबधबे, पिंपळगाव जोगा धरण इत्यादी पर्यटन स्थळे आहेत. त्यामुळे स्कायवॉक झाल्यास या ठिकाणी मोठ्या प्रमाणात पर्यटक येतील आणि पर्यटनाला चालना मिळेल. या भागाच्या विकासासाठी पर्यटन विभागाने एकत्रित प्रस्ताव सादर करावा. सार्वजनिक बांधकाम प्रादेशिक विभाग (राष्ट्रीय महामार्ग) यांनी या प्रकल्पाची आर्थिक व्यवहार्यता तपासून प्रस्ताव सादर करावा,असे निर्देशही उपमुख्यमंत्री अजित पवार यांनी दिले.स्काय वॉक प्रकल्प उभारताना त्यातून इको सेन्सिटिव्ह भाग वगळावा तसेच या प्रकल्पामध्ये वनविभागाचे अभिप्राय लक्षात घेऊन ठाणे जिल्हाधिकारी यांनी वन विभागाला पर्यायी जागा उपलब्ध करून द्यावी,असे निर्देशही उपमुख्यमंत्री अजित पवार यांनी यावेळी दिले.या बैठकीस आमदार किसन कथोरे, वित्त विभागाचे अपर मुख्य सचिव ओ पी गुप्ता, नियोजन विभागाचे अपर मुख्य सचिव डॉ. राजगोपाल देवरा, पर्यटन विभागाचे प्रधान सचिव अतुल पाटणे, उपमुख्यमंत्र्यांचे सचिव राजेश देशमुख, सार्वजनिक बांधकाम विभागाचे सचिव संजय दशपुते, ठाण्याचे जिल्हाधिकारी अशोक शिनगारे, सार्वजनिक बांधकाम ( राष्ट्रीय महामार्ग) विभागाच्या अधीक्षक अभियंता तृप्ती नाग व अन्य संबंधित अधिकारी उपस्थित होते. 00000

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post माळशेज घाटात सार्वजनिक – खासगी भागीदारी तत्त्वावर स्कायवॉक उभारण्यासाठी एक महिन्याभरात एकत्रित प्रस्ताव सादर करावा appeared first on पुणे २४ तास.

पत्नी संगीता कौस्तुभ म्हणाल्या, आम्हाला निर्बल लोकांना बघून ते अतिरेकी आले. आम्ही महिलांनी कपाळाच्या टिकल्या काढून टाकल्या मोठं मोठ्यांनी आजन वाचली तरी आमच्या माणसांना त्या अतिरेक्यानी मारले. त्यावेळी तिथे आमच्या मदतीला कोणीच नव्हते. आम्ही महिला आमचा जीव वाचावात तिथून पळत निघालो. हा थरारक अनुभक कधीही विसरता येणार नाही…

आज कौस्तुभ गणबोटे यांच्यावर वैकुंठ स्मशानभूमीत अंत्यसंस्कार करण्यात येणार आहेत. त्या अगोदर त्यांचे पार्थिव त्यांच्या कोंढव्यातील साईनगर च्या घरी अंत्यदर्शनासाठी ठेवण्यात आले आहे. अंत्यदर्शन घेण्यासाठी परिसरातील नागरिकांनी मोठ्या प्रमाणात गर्दी केली.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post शरद पवार यांनी घेतले उद्योजक गनबोटे यांच्या पार्थिवाचे अंत्यदर्शन appeared first on पुणे २४ तास.

पुढील मार्च पर्यंत देशातून नक्षलवादाचे समूळ उच्चाटन : पियुष गोयल

कर भरणे ही समाजसेवा आहे; सर्वांनी तो अवश्य भरला पाहिजे : राज्यपाल सी पी राधाकृष्णन

पुणे (पुणे 24 तास ब्यूरो )अर्थसंकल्प जाहीर झाला की बहुतांशी लोक व व्यापारी वर्ग आयकराबद्दल बोलत असतात. आपण कर भरला नाही तर देशाच्या सीमेवरील जवानांची काळजी घेता येणार नाही तसेच रस्ते – महामार्ग बांधणे इत्यादी जनहिताची कामे करता येणार नाही. प्रामाणिकपणे कर भरणे प्रत्येक नागरिकाचे कर्त्यव्य आहे तसेच कर भरणे ही समाजसेवा आहे, त्यामुळे सर्वांनी कर अवश्य भरला पाहिजे, असे प्रतिपादन राज्यपाल सी पी राधाकृष्णन यांनी आज येथे केले.

महावीर जयंती निमित्त भारत जैन महामंडळ या संस्थेतर्फे आयोजित ‘महावीर स्वामी जन्म कल्याणक’ महोत्सव राज्यपाल राधाकृष्णन यांच्या प्रमुख उपस्थितीत योगी सभागृह मुंबई येथे संपन्न झाला, त्यावेळी ते बोलत होते.

मृत्यू अटळ आहे, हे प्रत्येकाने लक्षात ठेवले पाहिजे. भौतिक सुखाला कधीही सीमा नसते. कितीही पैसे कमवा, घरे बांधा, बँक ठेवी जमा करा, परंतु त्यामुळे समाधान होणार नाही. त्यामुळे जीवन समाजासाठी व लोकसेवेसाठी व्यतीत केले पाहिजे असे राज्यपालांनी यावेळी सांगितले.

जैन धर्माने शाकाहारी जीवनपद्धतीला महत्व दिले आहे. शाकाहारी भोजनामुळे मनुष्याचे विचार परिवर्तन होते याचा आपण व्यक्तिशः अनुभव घेतला आहे असे सांगून सन २००० साली आपण संपूर्ण शाकाहारी झाल्यापासून आपल्या जीवनात आमूलाग्र परिवर्तन घडले असे राज्यपालांनी यावेळी सांगितले.

एके काळी तामिळनाडू राज्यातील दोन तृतीयांश लोक भगवान महावीरांची शिकवण पाळत होते. तामिळ भाषेतील पाच महाकाव्यांपैकी दोन महाकाव्ये जैन मुनींनी लिहिली आहेत असे सांगून जैन धर्माचा देशाचा जनमानसावर मोठा प्रभाव असल्याचे राज्यपालांनी सांगितले.

केंद्रीय वाणिज्य आणि उद्योग मंत्री पियुष गोयल यांनी अहिंसेचा पुरस्कार करताना दुष्ट प्रवृत्तींना शासन करणे देखील महत्वाचे असते असे सांगितले. केंद्र शासनाच्या प्रयत्नामुळे अतिरेकी तहव्वूर राणा याचे भारतात प्रत्यार्पण होत असल्याचे त्यांनी सांगितले. केंद्र शासनाने नक्षलवादाचे उच्चाटन करण्याचा विडा उचलला असून पुढील वर्षी मार्च २०२६ पर्यंत देशातून नक्षलवादाचे समूळ उच्चाटन केले जाईल असे त्यांनी सांगितले. देशातील १६० जिल्ह्यांपैकी आज केवळ १२ जिल्ह्यांमध्ये नक्षलवाद शिल्लक असल्याचे त्यांनी सांगितले.

दिनांक ९ एप्रिल रोजी विश्व नवकार महामंत्र दिवस साजरा करताना पंतप्रधान नरेंद्र मोदी यांनी जल संवर्धन, मातेच्या नावाने वृक्षारोपण, स्वच्छतेचा पुरस्कार, स्थानिक उत्पादनांना चालना, देश भ्रमण, नैसर्गिक शेती, निरामय जीवनशैली, योग व खेळाचा पुरस्कार व गोरगरिबांची मदत ही नवसूत्री दिली असे सांगून ही नवसूत्री देशाला समृद्ध करेल असे राज्यपालांनी सांगितले.

यावेळी आचार्य नयपद्मसागर यांनी मुंबईतील १५०० सार्वजनिक शाळांना नवसंजीवनी देऊन तेथील लाखो गरीब मुलांना मोफत भोजन, शिक्षण, कौशल्य शिक्षण व संस्कार देण्याचा संकल्प सोडला.

यावेळी राज्यपालांच्या हस्ते भारत जैन महामंडळ संस्थेच्या १२५ व्या वर्धापन दिनानिमित्त काढलेला ‘जैन जगत’ विशेषांक प्रकाशित करण्यात आला.

कार्यक्रमाला जैन साध्वी प्रियंवदा, राज्य विधानसभेचे अध्यक्ष राहुल नार्वेकर, कौशल्य विकास मंत्री मंगल प्रभात लोढा, खासदार मिलिंद देवरा, जैन अल्पसंख्यांक आर्थिक विकास महामंडळाचे अध्यक्ष ललित गांधी, लोकमत समूहाचे अध्यक्ष विजय दर्डा, भारत जैन महामंडळ संस्थेचे अध्यक्ष सी सी डांगी, माजी अध्यक्ष तसेच जैन समाजातील मान्यवर उपस्थित होते.

Maharashtra Governor, Union Minister Piyush Goyal attend Mahavir Jayanti Celebrations in Mumbai

Maharashtra Governor C.P. Radhakrishnan presided over the ‘Mahavir Swami Janm Kalyanak Mahotsav’ organised by the Bharat Jain Mahamandal on the occasion of Mahavir Jayanti at Yogi Sabhagruh in Mumbai on Thursday (10 April). The Governor released the 125th anniversary issue ‘Jain Jagat’ brought out by Bharat Jain Mahamandal on the occasion.

Speaking on the occasion the Governor said paying taxes is one way of serving the society. He said through the collection of taxes, the Government builds highways and bridges and takes care of the jawans who are defending the nation on the borders. He appealed to the people to pay their taxes as duty to the nation.

Speaking on the occasion, Union Minister Piyush Goyal said non violence also means punishing those indulging in violence. He said the Government has controlled left wing extremism effectively and stated that India will be free of the Naxalism menace by March 2026.

Jain Acharya Nayapadmasagar Maharaj, Sadhvi Priyamvada, Speaker of Maharashtra Legislative Assembly Rahul Narwekar, Minister of Skill Development Mangal Prabhat Lodha, former MP Vijay Darda, President of Jain Minority Financial Development Corporation Lalit Gandhi, Chairman of Bharat Jain Mahamandal C C Dangi, former Presidents and members of the Jain community were present.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post महावीर जयंती उत्साहात साजरी appeared first on पुणे २४ तास.

रस्ते व पालखीतळ दुरुस्तीचे प्रस्ताव दोन दिवसात सादर करा- जयकुमार गोरे

पुणे (पुणे 24 तास ब्युरो )

पालखी सोहळ्यात वारकऱ्यांची गैरसोय टाळण्यासाठी स्वच्छ, शुद्ध पिण्याचे पाणी उपलब्ध करुन देण्यासह पालखी मार्गावरील रस्ते, पालखीतळ दुरुस्तीसाठीचे प्रस्ताव दोन दिवसांत सादर करा. पालखी मार्गावरील रस्ते दुरुस्तीच्या अडचणीवर कायमस्वरुपी तोडगा काढण्यासाठी मुख्यमंत्री ग्राम सडक योजनेतून रस्त्याच्या कामांना मान्यता व निधी उपलब्ध करुन देण्याबाबत शासनस्तरावर पाठपुरावा करण्यात येईल, असे आश्वासन ग्रामविकास व पंचायतराज मंत्री जयकुमार गोरे यांनी दिले.

विभागीय आयुक्त कार्यालयात आयोजित आषाढीवारी पूर्वतयारी आढावा बैठकीत ते बोलत होते. यावेळी विभागीय आयुक्त डॉ. चंद्रकांत पुलकुंडवार, जिल्हाधिकारी जितेंद्र डुडी, पुणे जिल्हा परिषदेचे मुख्य कार्यकारी अधिकारी गजानन पाटील, जिल्हा आरोग्य अधिकारी डॉ. सचिन देसाई, अतिरिक्त मुख्य कार्यकारी अधिकारी चंद्रकांत वाघमारे, अपर आयुक्त अरुण आनंदकर, उपायुक्त विजय मुळीक, नितीन माने, दत्तात्रय लांघी, तसेच दूरदृश्य प्रणालीद्वारे सातारा, सोलापूर, नाशिक व जळगाव जिल्ह्याचे जिल्हाधिकारी, मुख्य कार्यकारी अधिकारी व पोलीस अधीक्षक उपस्थित होते.

मंत्री श्री. गोरे म्हणाले, प्रत्येक मुक्कामाच्या ठिकाणी, पालखी मार्ग व विसावा स्थानांवर स्वच्छता राखली जाईल याची विशेष खबरदारी घ्यावी. स्वच्छतेसाठी पुरेशा प्रमाणात फिरती शौचालये आणि अधिक प्रमाणात स्वच्छता कर्मचाऱ्यांची नियुक्ती करावी. टँकरमधील पाण्याच्या शुद्धतेबाबत नियमित तपासणी करावी. पाण्याच्या स्रोतांचे शुद्धीकरणही निटपणे होईल याकडे लक्ष द्यावे. पालखी मार्गावरील रेस्टॉरंट, हॉटेल्स यांची स्वच्छता व अन्न शुद्धतेची खात्री करावी. तसेच पंढरपूर शहरातील कचऱ्याची योग्य पद्धतीने विल्हेवाट लावण्यासाठी पुरेसे मनुष्यबळ व वाहनांची व्यवस्था करावी, पंढरपूर शहरात सोलापूर जिल्हा परिषद व पोलीस प्रशासनाने ड्रोनद्वारे नियंत्रण ठेवण्यासाठी संयुक्त व्यवस्थापन यंत्रणा तयार ठेवावी, वारीदरम्यान देण्यात आलेल्या कामांसाठी कंत्राटदारांकडून अटी व शर्तीचे पालन करुन कामे होण्यासाठी त्यांच्यावर शासकीय यंत्रणेने अंकुश ठेवावा, असे निर्देशही त्यांनी यावेळी दिले. ग्रामपंचायतींना आगाऊ निधी देण्याची व्यवस्था करण्यात येईल असे सांगून पालखी सोहळ्यादरम्यान पिण्याचे पाणी, आरोग्य आणि स्वच्छतेसाठी निधीची कमतरता भासू दिली जाणार नाही, अशी ग्वाहीदेखील श्री.गोरे यांनी दिली.

विभागीय आयुक्त श्री. पुलकुंडवार यांनी सादरीकरणाद्वारे करण्यात आलेल्या नियोजनाची माहिती दिली. स्वच्छ आणि निर्मल वारीसाठी विशेष नियोजन करण्यात आले असून पिण्याच्या पाण्याची गुणवत्ता तपासणी, प्रथमोपचार पेट्या, निवारा केंद्र, हिरकणी कक्ष आदी सुविधांसोबत वारकऱ्यांना आरोग्य सुविधा देण्यात येणार असल्याचे सांगून स्वच्छ, निर्मल व सुरक्षित वारीसाठी सर्व विभागांनी समन्वय ठेऊन दिलेल्या सूचनांचे पालन करावे तसेच स्थानिक प्रशासनाशी समन्वय ठेऊन पोलीस वाहतूक विभागाने पाण्याचे टँकर पालखी तळ व विसाव्याच्या ठिकाणी वेळेत पोहोचतील याची खबरदारी घ्यावी, अशा सूचना त्यांनी यावेळी दिल्या.

यावेळी मंत्री श्री. गोरे यांनी आषाढीवारीच्या अनुषंगाने सर्वच जिल्ह्यांच्या अडचणी जाणून घेतल्या. पुणे, सातारा, सोलापूर, नाशिक व जळगाव मुख्य कार्यकारी अधिकारी यांनी पालखी सोहळ्याच्या अनुषंगाने करण्यात आलेल्या पूर्वतयारीची माहिती दिली.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post ग्रामविकास मंत्री जयकुमार गोरे यांच्याकडून ‘आषाढीवारी’ पूर्वतयारीचा आढावा appeared first on पुणे २४ तास.