पर्यावरणाची काळजी आणि वाढते प्रदूषण नियंत्रणात आणण्यासाठी महाराष्ट्र (Maharashtra) शासनाने इलेक्ट्रिक वाहनांच्या (EVs) वापराला प्रोत्साहन देण्याचा निर्णय घेतला आहे. या अंतर्गत राज्यातील दोन प्रमुख द्रुतगती मार्गांवर इलेक्ट्रिक वाहनांना टोलमधून सूट देण्यात येणार असून, यासाठी आवश्यक चार्जिंग सुविधा उभारण्यावरही भर दिला जात आहे. १ मे २०२५ पासून ही योजना लागू होण्याची शक्यता आहे.

इलेक्ट्रिक वाहनांना प्रोत्साहन-
राज्य सरकारने घेतलेल्या निर्णयानुसार, मुंबई-पुणे द्रुतगती महामार्ग (Mumbai-Pune Expressway) आणि मुंबई-नागपूर बाळासाहेब ठाकरे समृद्धी महामार्ग (Mumbai-Nagpur Balasaheb Thackeray Samruddhi Mahamarg) या दोन्ही मार्गांवरून प्रवास करणाऱ्या सर्व प्रकारच्या इलेक्ट्रिक वाहनांना टोल भरावा लागणार नाही. पेट्रोल व डिझेल वाहनांमुळे होणारे कार्बन उत्सर्जन कमी करणे हा यामागील मुख्य उद्देश आहे.

या टोलमाफीमुळे सरकारच्या तिजोरीवर अंदाजे १०० कोटी रुपयांचा भार पडणार असला तरी, पर्यावरणपूरक वाहतुकीला चालना देण्यासाठी हे पाऊल उचलण्यात आले आहे. यामध्ये ‘इंडिगो’ (‘Indigo’) सारख्या व्यावसायिक वापराच्या वाहनांचाही समावेश आहे.

इलेक्ट्रिक वाहनांचा अवलंब वाढला-

इलेक्ट्रिक वाहनांच्या विक्रीला गती देण्यासाठी राज्य सरकार आधीपासूनच प्रयत्नशील आहे. सध्या महाराष्ट्रात विकल्या जाणाऱ्या एकूण वाहनांपैकी ५ ते ८ टक्के इलेक्ट्रिक वाहने आहेत. राज्याच्या प्राथमिक धोरणानुसार आणि पायाभूत सुविधांच्या विकासामुळे इलेक्ट्रिक वाहनांचा अवलंब वाढला आहे. देशात इलेक्ट्रिक वाहन विक्रीत महाराष्ट्र (१२ टक्के) आघाडीवर असून, त्यानंतर कर्नाटक (Karnataka) (१० टक्के) आणि तामिळनाडू (Tamil Nadu) (८ टक्के) यांचा क्रमांक लागतो. सरकारने २०२५ पर्यंत नवीन नोंदणीकृत वाहनांपैकी १० टक्के वाहने इलेक्ट्रिक असावीत, असे लक्ष्य ठेवले आहे. १ जानेवारी २०२५ पर्यंत राज्यात ४८ लाख इलेक्ट्रिक वाहनांची नोंदणी करण्याचे उद्दिष्ट आहे.

महामार्गांवर चार्जिंगचे जाळे-

टोलमाफीसोबतच इलेक्ट्रिक वाहन चालकांसाठी आवश्यक चार्जिंग पायाभूत सुविधांचा विकास करण्यावरही सरकार लक्ष केंद्रित करत आहे. नमूद केलेल्या दोन्ही प्रमुख महामार्गांवर दर २५ किलोमीटर अंतरावर चार्जिंग स्टेशन्स उभारली जाणार आहेत. यामुळे लांब पल्ल्याचा प्रवास करणाऱ्या ईव्ही चालकांची चिंता मिटेल. विशेषतः ‘इंडिगो’ सारख्या व्यावसायिक गाड्या, बसेस आणि ट्रक्ससाठी दर २५ किलोमीटरवर डीसी फास्ट चार्जिंगची (DC Fast Charging) सोय उपलब्ध करून दिली जाईल.

ही चार्जिंग स्टेशन्स केवळ द्रुतगती मार्गांपुरती मर्यादित नसतील. बाळासाहेब ठाकरे समृद्धी महामार्गावर (Balasaheb Thackeray Samruddhi Mahamarg) चार्जिंग पॉईंट्स कार्यान्वित झाले असून, याच धर्तीवर राज्यातील इतर महत्त्वाचे राज्य महामार्ग आणि राष्ट्रीय महामार्गांवरही टप्प्याटप्प्याने ही सुविधा सुरू केली जाणार आहे. परिवहन विभाग (Transport Department) या योजनेच्या अंमलबजावणीसाठी पुढाकार घेईल. जरी वित्त विभागाने (Finance Department) ‘इंडिगो’ गाड्यांना टोलमाफी देण्याच्या प्रस्तावाला विरोध दर्शवला असला, तरी पर्यावरण रक्षणासाठी इलेक्ट्रिक वाहनांचा वापर वाढवणे गरजेचे असल्याचे परिवहन विभागाचे मत आहे

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post मुंबई-पुणे एक्सप्रेस वे वर इलेक्ट्रिक वाहनांना आता टोल नाही appeared first on पुणे २४ तास.

वीज ही मूलभूत झालेली आहे. दैनंदिन कामे किंवा एकूणच जीवनमान हे विजेवरच अवलंबून आहे अशी स्थिती आहे. विजेची गरज वाढल्याने स्वाभाविकच वीज वापर वाढत आहे. साधारणतः उन्हाळ्यात विजेचा वापर सर्वाधिक होतो. परिणामी वीज बिलांची रक्कम वाढत जाते. तथापि, विजेचा अनावश्यक वापर टाळून किंवा काही सोपे व साधे उपाय करून केवळ उन्हाळ्यातच नव्हे तर वर्षभर आपण विजेची व पर्यायाने आर्थिक बचत करू शकतो. घरामध्ये आवश्यक अनेक उपकरणांना वीज आवश्यक असली तरी ते योग्यप्रकारे वापरले तर वीज बचत होऊ शकते.

वीजबिलात वाढ करणारे उपकरणे– घरातील पंखे, एअर कंडिशनर, गीझर, वॉशिंग मशीन, इस्त्री, रेफ्रिजरेटर, मायक्रोवेव ओवन, ज्यूसर, फूड प्रोसेसर, मिक्सर, ग्राइंडर, संगणक, चार्जर, व्हॅक्यूम क्लिनर अशा उपकरणांचा समावेश होतो. ही उपकरणे वीज बचतीच्या जाणीवेने वापरली तर वीज बचतीला निश्चितच मोठा वाव आहे अन् उपायही खूपच साधे आहेत.

एअर कंडिशनरवर नियंत्रण– सर्वाधिक वीज लागणारे उपकरण म्हणजे एअर कंडिशनर आहे. उन्हाळ्यात विजेची मागणी वाढते त्यात एसीचा मोठा वाटा आहे. या एसीला पंख्यापेक्षा नऊ पट अधिक वीज लागते. त्यामुळे आवश्यकतेनुसार एसी वापरता येईल. एसीचे नियमितपणे फिल्टर तपासणे, स्वच्छ करणे, एसी सुरु असताना दरवाजे, खिडक्या व्यवस्थित बंद करणे आवश्यक आहे. एसी वापरायचा असल्यास गारवा निर्माण झाला की एसी बंद करावा व त्यावेळी शक्यतो पंखाच वापरावा.

रेफ्रिजरेटर– घरात वर्षभर जेवढी वीज वापरलेली असते त्यात सुमारे २५-३० टक्के वाटा हा फक्त एकट्या रेफ्रिजरेटरचा असतो. प्रामुख्याने उन्हाळ्यात फ्रिजचा दरवाजा सतत उघडावा लागला तर आतील तापमान वाढत जाते आणि शीतकरणासाठी विजेचा वापर जास्त होतो. त्यामुळे फ्रिजमधून एकामागे एक भाजी किंवा पदार्थ काढण्याऐवजी आवश्यक भाज्या किंवा पदार्थ एकाच वेळी काढावेत. सतत फ्रिजचे दरवाजे उघडल्यास विजेचा वापर वाढतो.

एलईडी बल्बचा वापर- घरातील ४० किंवा ६० वॅटचे जुने पारंपरिक विजेचे दिवे (बल्ब) व ट्यूबलाईट त्वरीत बदलून त्याठिकाणी नवीन तंत्रज्ञानाचे एलईडी बल्ब लावण्यास प्राधान्य दिले पाहिजे. एलईडी (लाईट एमिटिंग डायोडस्) हे कमीत कमी वीज खर्च करणारे बल्ब आहेत. पारंपरिक विजेच्या बल्बचे आयुष्य सुमारे ५ हजार तास असते. याउलट एलईडी बल्बचे आयुष्य तब्बल एक लाख तास एवढे असते. सोबतच एलईडी बल्ब वापरल्यास ४० किंवा ६० वॅट क्षमतेच्या बल्ब व ट्यूबलाईट्च्या तुलनेत सुमारे ८० टक्के वीजबचत होऊ शकते. घरातील बाथरूम किंवा बेडरूमध्ये ‘झिरो’ बल्बचा पूर्वीपासूनच वापर होत आहे. हा ‘झिरो’ म्हणजे पारंपरिक बल्ब तब्बल १५ वॅटचा असतो. त्यामुळे या बल्बऐवजी आता कमी वॅटचे एलईडीचे बल्ब लावता येईल. बाजारात एक वॅट, तीन वॅटमध्ये देखील एलईडी बल्ब उपलब्ध आहेत.

उपकरणे ‘अनप्लग’ करा– उन्हाळी सुट्ट्यांमध्ये आणि उन्हाच्या तडाख्यामुळे बहुतांश वेळ हा घरातच घालवला जातो. त्यामुळे टिव्ही, संगणक किंवा मोबाईल व इतर इलेक्ट्रॉनिक्स उपकरणे गेम्स किंवा चित्रपटांसाठी जादा वेळ सुरु राहतात. संगणक किंवा मोबाईलच्या चार्जिंगचा वेळ वाढतो. घरातील लहानथोरांच्या मनोरंजनासाठी सध्या हे उपकरणे महत्वाचे आहेत. मात्र ज्यावेळी हे सर्व उपकरणे वापरात नसतील तेव्हा ते बंद करताना अनप्लग करणे महत्त्वाचे आहे. वापरात नसतानाही टीव्ही, संगणक आणि चार्जर किंवा अन्य उपकरणे स्टॅण्डबायवर असल्यास वीज वापरतात. त्यामुळे ही उपकरणे स्टॅण्डबायवर ठेवू नका तर ती अनप्लग करणे वीज बचतीसाठी आवश्यक आहे.

सूर्यप्रकाशाचा वापर- विजेच्या बचतीसाठी भरपूर असलेल्या सूर्यप्रकाशाचा जास्तीत जास्त वापर करणे महत्वाचे आहे. सूर्यप्रकाशाचा घरात कसा वापर करता येईल यासाठी उपाययोजना करता येतात. घराची सजावट व खिडक्यांची पडदे फिकट रंगाचे असणे वीजबचतीसाठी उपयुक्त आहे. ज्यावेळी उपयोगात नसतील तेव्हा घरातील विविध विद्युत उपकरणे व लाईट बंद करणे आवश्यक आहे. यातही महत्वाचा पंखा आहे. ज्या उपकरणांमध्ये कॉईलचा वापर केला जातो ते सर्वच उपकरणे वीज अधिक खातात. त्यात विजेचा पंखा आघाडीवर आहे. त्यामुळे पंख्याला गरज नसताना विश्रांती देणे वीज बचतीसाठी योग्य ठरते.

इतर काही उपकरणे- मायक्रोवेवमधील पदार्थ तयार झाला की नाही हे पाहण्यासाठी वारंवार दार उघडले की प्रत्येक वेळी सुमारे २५ अंश सेल्सिअस तापमान खाली येते व तेवढेच तापमान वाढायला अधिकची वीज खर्च होते. सिलिंग पंख्यासाठी पारंपरिक रेग्युलेटर वापरण्याऐवजी इलेक्ट्रॉनिक रेग्युलेटर वापरलेला बरा. योग्य प्रमाणात कपडे धुण्याची पावडर वापरून वाशिंग मशीन तसेच ओव्हनमध्ये टायमरचा वापर केल्यास अधिक खर्च होणारी वीज नियंत्रणात राहते. आंघोळीसाठी गरम पाणी लागत असल्यास आंघोळ होईपर्यंत गिझर सुरु ठेवणे हे वीज खर्चाचे आणखी एक कारण आहे. त्यापेक्षा गरम झालेले पाणी एकदाच बादलीत घेऊन गिझर बंद करणे योग्य. सद्यस्थितीत वेगवेगळी विद्युत उपकरणे उपलब्ध आहेत. त्यामध्ये कमीत कमी चार एनर्जी स्टार असलेले उपकरणे खरेदी केल्यास ५० टक्के विजेच्या बचतीची संधी आहे.

मोफत वीज व वीज उत्पादक होण्याची संधी- घराच्या छतावर १ ते ३ किलोवॅट क्षमतेच्या सौर ऊर्जा निर्मिती प्रकल्पाद्वारे महावितरणच्या घरगुती ग्राहकांना दरमहा सुमारे १२० ते ३६० युनिटपर्यंत वीज मोफत मिळविण्याची संधी प्रधानमंत्री सूर्यघर योजनेत आहे. या योजनेसाठी केंद्र सरकारकडून घरगुती वीजग्राहकांना एक किलोवॅटसाठी ३० हजार रुपये, दोन किलोवॅटसाठी ६० हजार रुपये आणि तीन किलोवॅट व त्यापेक्षा जास्त क्षमतेसाठी कमाल ७८ हजार रुपये अनुदान थेट मिळत आहे. तसेच गृहनिर्माण संस्था, घरसंकुलांसाठी विद्युत वाहन चार्जिंग स्टेशन व कॉमन उपयोगासाठी ५०० किलोवॅटपर्यंत प्रति किलोवॅट १८ हजार रुपये असे कमाल ९० लाख रुपयांपर्यंत अनुदान देण्यात येत आहे. छतावरील सौर प्रकल्पांतून वीजग्राहकांच्या गरजेपेक्षा वीज शिल्लक राहिल्यास महावितरणकडून विकत घेण्यात घेते व त्याची रक्कम संबंधित ग्राहकांच्या वीजबिलात समायोजित केली जात आहे.

लेखक – निशिकांत राऊत, उपमुख्य जनसंपर्क अधिकारी, महावितरण, पुणे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post वीजबचत; अशी करा तजवीज appeared first on पुणे २४ तास.

विश्रांतवाडी, मोशी, धानोरीमध्ये वीजपुरवठा विस्कळीत

पुणे (पुणे 24 तास ब्युरो )

:आळंदी-कळस रस्त्यावर ग्रेफ सेंटरसमोर असलेल्या ओढ्यात ट्रेंचवर फेकलेल्या कचऱ्याला आग लागली. यात ट्रेंचमधील महावितरणच्या २२ केव्ही क्षमतेच्या ८ वीजवाहिन्या जळाल्या. आज पहाटे २.३० च्या सुमारास हा प्रकार घडला. त्यामुळे विश्रांतवाडी, कळस, धानोरी, लोहगाव परिसरातील सुमारे १ लाख १५ हजार ग्राहकांचा वीजपुरवठा पहाटे ५ वाजेपर्यंत टप्प्याट्प्याने सुरु करण्यात आला. तर विश्रांतवाडी, कळस परिसरातील सुमारे १० हजार आणि दिघी परिसरातील १७ हजार अशा २७ हजार वीजग्राहकांचा वीजपुरवठा दुपारी १२.३० वाजेपर्यंत बंद होता.

याबाबत माहिती अशी की, नगररोड विभाग अंतर्गत आळंदी-कळस रस्त्यावर ग्रेफ सेंटरसमोर एक ओढा आहे. तेथील एका ट्रेंचमध्ये महावितरणच्या ८ वीजवाहिन्या आहेत व त्याद्वारे विश्रांतवाडी, कळस, धानोरी, लोहगाव, दिघी परिसरातील सुमारे १ लाख ४२ हजार ग्राहकांना वीजपुरवठा केला जातो. मात्र ओढ्यातील या ट्रेंचवर सातत्याने कचरा टाकण्यात येत होता. साठलेल्या या कचऱ्याला आज पहाटे २.३० च्या सुमारास आग लागली. आग वाढल्याने महावितरणकडून पुढील धोका टाळण्यासाठी तातडीने वीजपुरवठा खंडित करण्यात आला. सोबतच अग्निशमन दलानेही त्वरेने दाखल होऊन पहाटे ३ च्या सुमारास आग विझविली.

यानंतर महावितरणकडून सर्वप्रथम पर्यायी व्यवस्थेतून वीजपुरवठा सुरळीत करण्याचे व जळालेल्या वीजवाहिन्यांच्या दुरूस्तीचे कामे युद्धपातळीवर सुरू करण्यात आले. यामध्ये पर्यायी व्यवस्थेतून विश्रांतवाडी, कळस, धानोरी, लोहगाव परिसरातील सुमारे १ लाख १५ हजार ग्राहकांचा वीजपुरवठा पहाटे ५ वाजेपर्यंत टप्प्याटप्प्याने सुरू करण्यात आला. मात्र विजेच्या वाढलेल्या मागणीमुळे पर्यायी वीजवाहिन्यांवर भार व्यवस्थापन शक्य नसल्याने या परिसरातील सुमारे १० हजार लघुदाब आणि दिघी परिसरातील सुमारे १७ हजार ग्राहकांचा वीजपुरवठा सुरू होऊ शकला नाही.

महावितरणकडून दुरुस्ती कामे त्वरित करण्यासाठी एकाचवेळी ६ कंत्राटदारांना पाचारण करण्यात आले. सोबतच नगररोड विभागाचे कार्यकारी अभियंता श्री. अशोक जाधव, अतिरिक्त कार्यकारी अभियंता श्री. शारंगधर केनेकर व हर्षितकुमार वाकोडे यांच्यासह शाखा अभियंते, जनमित्रांनी दुरुस्ती कामात सहभाग घेतला.  वीजवाहिन्यांचा जळालेला भाग बदलणे, जॉईंट देणे व इतर कामांसह वीजवाहिन्यांच्या दुरुस्तीचे कामे दुपारी १२.३० वाजता पूर्ण झाले. त्यानंतर सर्वच परिसरातील वीजपुरवठा दुरुस्त केलेल्या वाहिन्यांद्वारे सुरू करण्यात आला.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post कचऱ्याच्या आगीमध्ये ८ वीजवाहिन्या जळाल्या; appeared first on पुणे २४ तास.

पुणे (पुणे 24 तास ब्युरो )

: महावितरणच्या पुणे परिमंडल लघु प्रशिक्षण केंद्राने सन २०२४-२५ मध्ये उत्कृष्ट कामगिरी करत सलग तिसऱ्या वर्षीही राज्यातील प्रथम क्रमांक कायम ठेवला आहे. पुणे परिमंडलातील ६ हजार ८५८ अभियंते, अधिकारी व कर्मचाऱ्यांच्या प्रशिक्षण वर्गांसह विद्युत अभियांत्रिकीच्या ९ हजार ५०० विद्यार्थांसह १ लाख २६ हजार शालेय व महाविद्यालयीन विद्यार्थी, विविध एजन्सीजचे कर्मचारी व नागरिकांसाठी प्रशिक्षण, कार्यशाळा, प्रबोधन व जनजागृतीपर कार्यक्रमांचे आयोजन केले आहे.

महावितरणच्या राज्यभरातील २५ लघु प्रशिक्षण केंद्रांतून कर्मचाऱ्यांना प्रशिक्षण देण्यात येत आहे. गेल्या आर्थिक वर्षांत पुणे लघु प्रशिक्षण केंद्राने तब्बल २८६ टक्के उद्दिष्ट पूर्ण केले. त्यानुसार नाशिक येथील महावितरणच्या मुख्य प्रशिक्षण व सुरक्षा विभागाने जाहीर केलेल्या मानांकनात पुणे परिमंडलाचे लघु प्रशिक्षण केंद्र सलग तिसऱ्या वर्षी राज्यात प्रथम क्रमांकाचे मानकरी ठरले आहे.

       पुणे परिमंडलामध्ये मुख्य अभियंता श्री. राजेंद्र पवार यांनी कर्मचाऱ्यांचे ज्ञान, कौशल्ये व क्षमता वाढीसाठी प्रशिक्षण व कार्यशाळांवर भर दिला आहे. यासाठी मुख्य महाव्यवस्थापक श्री. दत्तात्रेय बनसोडे (नाशिक) यांचेही महत्वाचे सहकार्य मिळाले. लघु प्रशिक्षण केंद्राचे समन्वयक डॉ. संतोष पाटणी यांनी गेल्या आर्थिक वर्षात १०५ प्रशिक्षण वर्गांचे आयोजन केले. यात अभियंते, अधिकारी, नियमित व बाह्यस्त्रोत कर्मचारी, तांत्रिक कर्मचारी, अप्रेंटीस, विविध एजन्सीचे कर्मचारी अशा ६ हजार ८५८ जणांना प्रामुख्याने सौर ऊर्जेसह विद्युत सुरक्षा, उपकेंद्र व वितरण यंत्रणेची देखभाल व दुरुस्ती, अॅडव्हान्स मीटरींग इन्फ्रास्ट्रक्चर, सौर ऊर्जा, विद्युत वाहने, वीजचोरी रोखण्याच्या उपाययोजना, प्रथमोपचार, ताणतणाव व्यवस्थापन, वीजबिलांचे अचूक बिलींग आदींवर प्रशिक्षण देण्यात आले.

यासोबतच महावितरण व पुण्यातील ३३ विद्युत अभियांत्रिकी महाविद्यालय यांच्यात ज्ञानाचे आदानप्रदान अंतर्गत सामंजस्य करार झाले आहेत. या विद्युत अभियांत्रिकीच्या ९ हजार ५०० विद्यार्थांशी थेट संवाद साधून वीजक्षेत्रातील नवीन तंत्रज्ञान व घडामोडी, वीजसुरक्षा व डिजिटल ग्राहकसेवा आदींबाबत ‘नॉलेज शेअरींग’ करण्यात येत आहे. तसेच घरगुती व सार्वजनिक वीजसुरक्षा, डिजिटल ग्राहकसेवा, वीजबचत आदींबाबत शहरी व ग्रामीण भागात मेळावे, कार्यशाळा व प्रशिक्षण वर्गांद्वारे सुमारे १ लाख २६ हजार नागरिकांचे व शालेय विद्यार्थ्यांचे प्रबोधन करण्यात आले.

राजेंद्र पवार, मुख्य अभियंता, पुणे परिमंडल- ‘इझ ऑफ लिव्हिंग’नुसार ग्राहकसेवा गतिमान करण्यासाठी विविध उपक्रमांना वेग देण्यात आला आहे. यासह कर्मचारी प्रशिक्षणाची व्याप्ती व वेग वाढवण्यात आला. त्याचा प्रशासकीय गतिमानता व तत्पर ग्राहकसेवेसाठी मोठा फायदा झाल्याचे दिसून आले आहे. पुणे परिमंडलाच्या लघु प्रशिक्षण केंद्रांने सलग तिसऱ्यांदा राज्यात प्रथम स्थान पटकावले याचे समाधान आहे’.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post महावितरणच्या प्रशिक्षण केंद्रांमध्ये appeared first on पुणे २४ तास.

मंगळवारी दिल्ली मुख्यालयातून पॉवर पॉईंट् सादरीकरणाद्वारे डॉ.रविचंद्रन आणि डॉ.महापात्रा यांनी पत्रकार परिषदेत ही माहिती दिली.त्यांनी सांगितले की,तीन महत्वाच्या बाबी यंदाचा मान्सून चांगला बरसणार आहे हे सांगत आहेत.यात अल निनो,भारतीय समुद्री स्थिरांक आणि बर्फवृष्टी हे ते तीन निर्देशांक आहेत,ज्या आधारे हा अंदाज हवामान शास्त्रज्ञांनी वर्तवला आहे.संपूर्ण देशात यंदाचा मान्सून जून ते सप्टेंबर या चार महिन्यांच्या कालवाधीत समान्यपेक्षा जास्त म्हणजे 105 टक्के( सरासरी 870 मिलीमीटर) राहील.यात 1971 ते 2020 या 49 वर्षातील मान्सूनच्या डेटाद्वारे शास्त्रज्ञांनी कपल्ड मॉडेलचा अभ्यास करुन हा अंदाज दिला आहे.

महाराष्ट्रात मुसळधारेचा अंदाज..

डॉ.महापात्रा यांनी मान्सून कोणत्या राज्यात किती आणि कसा पडेल याचा अंदाज एका नकाशाद्वारे दिला.यात त्यांनी सांगितले की,देशभर मान्सून सामान्य पेक्षा जास्त म्हणजे सुमारे 105 टक्के पडेल.तर महाराष्ट्र आणि छत्तीसगड राज्यात मुसळधार (अबोव्ह नॉरमल) म्हणजे सुमारे 105 ते 115 टक्के इतका जास्त पडेल.त्यातही मराठवाड्यात यंदा त्याहीपेक्षा जास्त पावसाचा अंदाज आहे.संपूर्ण नकाशात देशभरात निळा रंग दाखवलेला आहे.तर महाराष्ट्र आणि छत्तीसगड ही दोन राज्ये गडद निळ्या रंगात दाखवली आहेत.

मराठवाड्यात अतिवृष्टी..

डॉ.महापात्रा यांनी सांगितले की, महाराष्ट्र,छत्तीसगड,आंद्र प्रदेश ही तीन राज्ये गडद निळ्या रंगात दाखवली आहेत.त्यामुळे तेथे सामान्य पेक्षा जास्त पाऊस राहिलच पण मराठवाडा हा भाग अतिगडद निळा दाखवला आहे.म्हणजे तेथे अतिवृष्टीची शक्यता आहे.तेथे 115 मी.मी पेक्षाही जास्त पावसाचा अंदाज आहे.

अल निनो,आयओडी आणि बर्फवृष्टीचे संकेत…

डॉ.महापात्रा म्हणाले, अल निनो,भारतीय समुद्री स्थिरांक (आयओडी) आणि हिमालयातील बर्फवृष्टी (स्नोफॉल) हे तीन महत्वाचे घटक मान्सूनसाठी जबाबदार असतात.यंदा अल निनो,आयडओडी हे जून ते सप्टेंबर पर्यंत तठस्थ राहणार आहेत.तर हिमालयात यंदा बर्फवृष्टी साधारण होती.ती बाबही चांगल्या मान्सूनसाठी सकारात्मक असते.बर्फवृष्टी जास्त झाली तर मान्सून कमजोर,कमी झाली तर चांगला मान्सून चांगला असे संकेत हवामानाच्या भाषेत मानले जातात.

पत्रकार परिषदेतील महत्वाचे मुद्दे…
-मान्सून केरळात नेमका कधी येणार ययाचा अंदाज आता देता येणार नाही

• 15 ते 20 मे दरम्यान मान्सूनचा स्पष्ट अंदाज येईल
• तामीळनाडू आणि पूवोत्तर भारतात सामान्य पेक्षा कमी (94 ते 98 टक्के)पाऊस
• गत पाच वर्षात 15 एप्रील रोजी दिलेले मान्सूनचे सर्व अंदाज खरे ठरल्याचा दावा
• कोकण,मध्य,उत्तर महाराष्ट्र,विदर्भात मुसळधार तर मराठवाड्यात अतिवृष्टीची शक्यता

– प्रशांत महासागर,हिंदी महासागरात भारतीय मान्सूनला अनुकूल स्थिती

(फोटोः मान्सून 2025 नावाच्या फोल्डर मध्ये सेव्ह)

नकाशा 1) फोटोओळः या नकाशात संपूर्ण भारतात मान्सून जून ते सप्टेंबर मध्ये कसा बरसेल ते दाखवले आहे.निळ्या रंगात सामान्य पेक्षा जास्त,गडद निळ्या रंगात अतिवृष्टी तर पिवळ्या रंगात सामान्य पेक्षा कमी पावसाची राज्ये दाखवली आहेत.यात महाराष्ट्र निळ्या रंगात त्यातही मराठवाडा गडद निळ्या रंगात दाखवला आहे.

2)नाकाशा 2 ःफोटोओळः या नकाशात अल निनो तठस्थ असल्याने तो भारतीय मान्सूनला कसा ़अनुकूल आहे ते दाखवले आहे
3) डॉ.आर.रविचंद्रन (सचिव,पृथ्वी विज्ञान मंत्रालय)

4) डॉ.मृत्युंजय महापात्रा (महासंचालक,भारतीय हवामान विभाग,दिल्ली)

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post महाराष्ट्रात यंदा जोरदार पाऊस appeared first on पुणे २४ तास.

विश्रांतवाडी, मोशी, धानोरीमध्ये वीजपुरवठा विस्कळीत

पुणे (पुणे 24 तास ब्युरो )

:आळंदी-कळस रस्त्यावर ग्रेफ सेंटरसमोर असलेल्या ओढ्यात ट्रेंचवर फेकलेल्या कचऱ्याला आग लागली. यात ट्रेंचमधील महावितरणच्या २२ केव्ही क्षमतेच्या ८ वीजवाहिन्या जळाल्या. आज पहाटे २.३० च्या सुमारास हा प्रकार घडला. त्यामुळे विश्रांतवाडी, कळस, धानोरी, लोहगाव परिसरातील सुमारे १ लाख १५ हजार ग्राहकांचा वीजपुरवठा पहाटे ५ वाजेपर्यंत टप्प्याट्प्याने सुरु करण्यात आला. तर विश्रांतवाडी, कळस परिसरातील सुमारे १० हजार आणि दिघी परिसरातील १७ हजार अशा २७ हजार वीजग्राहकांचा वीजपुरवठा दुपारी १२.३० वाजेपर्यंत बंद होता.

याबाबत माहिती अशी की, नगररोड विभाग अंतर्गत आळंदी-कळस रस्त्यावर ग्रेफ सेंटरसमोर एक ओढा आहे. तेथील एका ट्रेंचमध्ये महावितरणच्या ८ वीजवाहिन्या आहेत व त्याद्वारे विश्रांतवाडी, कळस, धानोरी, लोहगाव, दिघी परिसरातील सुमारे १ लाख ४२ हजार ग्राहकांना वीजपुरवठा केला जातो. मात्र ओढ्यातील या ट्रेंचवर सातत्याने कचरा टाकण्यात येत होता. साठलेल्या या कचऱ्याला आज पहाटे २.३० च्या सुमारास आग लागली. आग वाढल्याने महावितरणकडून पुढील धोका टाळण्यासाठी तातडीने वीजपुरवठा खंडित करण्यात आला. सोबतच अग्निशमन दलानेही त्वरेने दाखल होऊन पहाटे ३ च्या सुमारास आग विझविली.

यानंतर महावितरणकडून सर्वप्रथम पर्यायी व्यवस्थेतून वीजपुरवठा सुरळीत करण्याचे व जळालेल्या वीजवाहिन्यांच्या दुरूस्तीचे कामे युद्धपातळीवर सुरू करण्यात आले. यामध्ये पर्यायी व्यवस्थेतून विश्रांतवाडी, कळस, धानोरी, लोहगाव परिसरातील सुमारे १ लाख १५ हजार ग्राहकांचा वीजपुरवठा पहाटे ५ वाजेपर्यंत टप्प्याटप्प्याने सुरू करण्यात आला. मात्र विजेच्या वाढलेल्या मागणीमुळे पर्यायी वीजवाहिन्यांवर भार व्यवस्थापन शक्य नसल्याने या परिसरातील सुमारे १० हजार लघुदाब आणि दिघी परिसरातील सुमारे १७ हजार ग्राहकांचा वीजपुरवठा सुरू होऊ शकला नाही.

महावितरणकडून दुरुस्ती कामे त्वरित करण्यासाठी एकाचवेळी ६ कंत्राटदारांना पाचारण करण्यात आले. सोबतच नगररोड विभागाचे कार्यकारी अभियंता श्री. अशोक जाधव, अतिरिक्त कार्यकारी अभियंता श्री. शारंगधर केनेकर व हर्षितकुमार वाकोडे यांच्यासह शाखा अभियंते, जनमित्रांनी दुरुस्ती कामात सहभाग घेतला.  वीजवाहिन्यांचा जळालेला भाग बदलणे, जॉईंट देणे व इतर कामांसह वीजवाहिन्यांच्या दुरुस्तीचे कामे दुपारी १२.३० वाजता पूर्ण झाले. त्यानंतर सर्वच परिसरातील वीजपुरवठा दुरुस्त केलेल्या वाहिन्यांद्वारे सुरू करण्यात आला.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post कचऱ्याच्या आगीमध्ये ८ वीजवाहिन्या जळाल्या; appeared first on पुणे २४ तास.

महाराष्ट्र पर्यटन विकास महामंडळाने (MTDC) राज्यातील पर्यटन विकासाला चालना देण्यासाठी एक नवीन पर्यटन मार्गदर्शक कार्यक्रम सुरू केला आहे. या कार्यक्रमाचा उद्देश राज्यातील पर्यटन स्थळांच्या उत्तम माहितीची प्रसार करण्यात मदत करणे आणि पर्यटकांना अधिक चांगला अनुभव देणे हा आहे. महाराष्ट्र पर्यटन विकास महामंडळ (एमटीडीसी) तर्फे एमटीडीसी रिसॉर्ट्स डेस्टिनेशन टुरिस्ट गाईड कार्यक्रम 2024-25 सुरू करण्यात आला आहे. या उपक्रमाचा उद्देश एमटीडीसीच्या ठिकाणी पर्यटकांना अधिक चांगला अनुभव देणे आणि स्थानिक तरुणांना कौशल्यविकास व रोजगाराच्या संधी उपलब्ध करून देणे हा आहे. या जबाबदार पर्यटन उपक्रमाद्वारे पर्यटन स्थळांचे संवर्धन;  स्थानिक संस्कृती, परंपरा, पाककृती, कला, हस्तकला, स्थानिक उत्पादने, सण इत्यादींचा प्रचार करण्यात येणार आहे.

या कार्यक्रमाअंतर्गत स्थानिक मार्गदर्शकांना (Guide)  विशेष प्रशिक्षण दिले जाणार आहे, ज्याद्वारे ते महाराष्ट्रातील ऐतिहासिक, सांस्कृतिक आणि नैसर्गिक वारशाची सखोल माहिती पर्यटकांना देऊ शकतील. तसेच, या मार्गदर्शकांना व्यावसायिकता, ग्राहक सेवा आणि संप्रेषण कौशल्यांमध्येही प्रशिक्षित केले जाईल.

*महाराष्ट्र पर्यटन विकास महामंडळाचे व्यवस्थापकीय संचालक श्री. मनोजकुमार सुर्यवंशी (भा.प्र.से.) म्हणाले, “महाराष्ट्रात अनेक पर्यटन स्थळे आहेत जी जगभरातील पर्यटकांना आकर्षित करतात. या मार्गदर्शक कार्यक्रमामुळे पर्यटकांना त्यांच्या प्रवासाचा आनंद घेण्यास मदत होईल आणि पर्यटन उद्योगात स्थानिक रोजगाराच्या संधीही निर्माण होतील.”*

*या उपक्रमांतर्गत मार्गदर्शकांना पर्यटन स्थळांवरील ऐतिहासिक, सांस्कृतिक आणि स्थानिक माहितीच्या अनुषंगाने सखोल शिक्षण दिले जाईल. त्याचप्रमाणे, स्थानिक भाषांबरोबरच इंग्रजी, हिंदी आणि अन्य भाषांमध्येही मार्गदर्शन करण्यासाठी सक्षम केले जाईल, असे प्रतिपादन महामंडळाचे महाव्यवस्थापक श्री. चंद्रशेखर जयस्वाल यांनी केले आहे.*

या उपक्रमासाठीचे पात्रता निकष खालीलप्रमाणे आहेत.

1. वय: 21 ते 35 वर्षे.

2. किमान शैक्षणिक पात्रता: 8 वी, एसएससी किंवा एचएससी उत्तीर्ण.

3. उमेदवाराला इंग्रजी, मराठी, हिंदी किंवा कोणतीही परदेशी भाषा लेखन आणि बोलणे येणे आवश्यक आहे.

4. उमेदवार स्थानिक रहिवासी असावा.

प्रशिक्षण यशस्वीपणे पूर्ण केल्यानंतर उमेदवारांना एमटीडीसीकडून प्रमाणपत्र आणि ओळखपत्र दिले जाईल. तसेच प्रशिक्षित मार्गदर्शकांना एमटीडीसीकडून हँडहोल्डिंग सपोर्ट मिळेल, अशा प्रकारचे फायदे या उपक्रमामुळे युवावर्गास मिळणार आहेत.

सदरच्या उपक्रमामध्ये सहभागी होण्यासाठी खालीलप्रमाणे अटी व शर्ती आहेत :

1. प्रशिक्षणासाठी निवड झाल्यानंतर प्रशिक्षण कालावधी आणि स्थान कळवले जाईल.

2. प्रशिक्षण पूर्ण केल्यावर नोकरीची हमी दिली जाणार नाही.

3.  एमटीडीसी रिसॉर्ट मार्गदर्शकाला कामाच्या आवश्यकतेनुसार अतिरिक्त काम / तास आणि 

     त्यानुसार प्रवास करावा लागेल.

4. शैक्षणिक पात्रतेच्या संदर्भांत कागदपत्रांची पडताळणी, एमटीडीसीचे अधिवास, रिसॉर्ट डेस्टिनेशन, वय 

     आणि ओळख मुलाखतीच्या वेळी केली जाईल. 

5. प्रशिक्षणासाठी निवडलेल्या उमेदवाराने वैद्यकीय फिटनेस प्रमाणपत्र सादर करणे आवश्यक आहे.

6. प्रशिक्षणासाठी निवडलेल्या उमेदवाराची पोलीस पडताळणी केली जाईल.

7. प्रशिक्षणासाठी उमेदवारांना एमटीडीसीकडुन कोणतेही मानधन दिले जाणार नाही.

8.  हा फक्त एक कौशल्य विकास कार्यक्रम आहे आणि रोजगार नाही.

9. प्रशिक्षणासाठी उमेदवारांना त्यांच्या स्वखर्चाने प्रवास करुन मुलाखतीला हजर राहावे लागेल.

10. एमटीडीसी मार्गदर्शक जोपर्यंत त्याची नोंदणी होत नाही तोपर्यंत तो कोणत्याही राजकीय चळवळीचा 

     भाग होणार नाही.

उपरोक्त नुसार सदरच्या प्रशिक्षणासाठी अर्ज केलेल्या उमेदवारांपैकी पात्र उमेदवारांना महामंडळामार्फत प्रशिक्षण देण्यात येणार आहे. सदरच्या प्रशिक्षणादरम्यान पात्र उमेदवारांना विविध क्षेत्रातील तज्ञांकडून मार्गदर्शन करण्यात येणार आहे. सदरचे प्रशिक्षण दोन टप्यात घेण्यात येणार असुन पहील्या गटाचे प्रशिक्षण एप्रिल अखेरीस होणार असुन दुसऱ्या गटाचे प्रशिक्षण साधारणपणे मे महिन्याच्या सुरवातीस होणार आहे.

*महाराष्ट्र पर्यटनाला अधिक बळकटी मिळवून देण्यासाठी महाराष्ट्र पर्यटन विकास महामंडळाच्या या महत्त्वपूर्ण उपक्रमाचा लाभ राज्यभरातील तरुणांना होणार आहे. या प्रशिक्षणाचा लाभ घेण्यासाठी पात्र उमेदवारांनी महामंडळाच्या प्रादेशिक कार्यालयांशी संपर्क साधावा, असे आवाहन महाराष्ट्र पर्यटन विकास महामंडळाचे प्रादेशिक व्यवस्थापक श्री. दिपक रा. हरणे यांचेकडून करण्यात आले आहे.*

कृपया लक्षात ठेवा. 

• निवडलेल्या उमेदवारांनी प्रशिक्षणादरम्यान सर्व मार्कशीटची मुळ प्रत आणि छायांकित प्रत सोबत बाळगणे आवश्यक आहे. पत्रके, ओळखीचा पुरावा, त्यांच्या निवासस्थानाचे अधिवास आणि इतर संबंधित मुलाखती संबंधित कागदपत्रे.

• मुलाखतीसाठी पात्र उमेदवारांना मुलाखतीची तारीख आणि वेळ ईमेलव्दारे कळविण्यात आली आहे.

• मुलाखतीसाठी उपस्थित राहण्यासाठी केलेला प्रवास किंवा इतर कोणत्याही खर्चाची प्रतिपुर्ती केली जाणार नाही.

एमटीडीसी रिसॉर्ट्स डेस्टिनेशन टूरिस्ट गाईड कार्यक्रम २०२४-२५ हा एमटीडीसीच्या पर्यटन स्थळांवरील पर्यटकांच्या अनुभवात वाढ करण्यासाठी राबविण्यात येत आहे. या कार्यक्रमाच्या माध्यमातून स्थानिक तरुणांसाठी कौशल्यविकास व रोजगाराच्या संधी निर्माण होतील. हा जबाबदारीने राबवला जाणारा पर्यटन उपक्रम पर्यटन स्थळांचे संवर्धन, स्थानिक संस्कृती, परंपरा, पाककृती, कला, हस्तकला, स्थानिक उत्पादने व सण-उत्सव यांचे जतन व प्रचार-प्रसार करण्यास मदत करेल.

सदरच्या प्रशिक्षण कार्यक्रमामुळे प्रशिक्षित उमेदवारांना खालीलप्रमाणे फायदा होणार आहे.

1. एमटीडीसी रिसॉर्ट्स मार्गदर्शकांना प्रशिक्षण यशस्वीरीत्या पूर्ण केल्यावर प्रमाणपत्र व ओळखपत्र दिले जाईल.

2. एमटीडीसीच्या रिसॉर्टमध्ये मार्गदर्शन करताना त्यांना आवश्यक मार्गदर्शन व मदत दिली जाईल.

महाराष्ट्र पर्यटन विकास महामंडळ (एमटीडीसी) यांचा उद्देश हा एमटीडीसीच्या रिसॉर्ट्स, पर्यटनस्थळे आणि त्यालगतच्या परिसरात येणाऱ्या पर्यटकांच्या अनुभवाची गुणवत्ता वाढवण्याचा आहे. हा उपक्रम स्थानिकांना रोजगाराच्या संधी देतो आणि स्थानिकांचा अभिमान वाढवतो. त्यासाठी, एक विशेष मार्गदर्शक प्रशिक्षण कार्यक्रम सुरु करण्यात येत आहे, ज्याद्वारे मार्गदर्शकांना आवश्यक कौशल्ये, ज्ञान आणि साधने मिळतील जेणेकरून ते महाराष्ट्राची समृद्ध वारसा, संस्कृती आणि पर्यटनस्थळे व्यावसायिक पद्धतीने सादर करू शकतील.

या कार्यक्रमात *आदरातिथ्याचे शिष्टाचार, पर्यटनाचे भूगोल, सामान्य ज्ञान, महाराष्ट्र व भारतातील पर्यटन संसाधने, स्थानिक पर्यटन संसाधने,सांस्कृतिक विविधता (Cross Culturalism), प्रतीकशास्त्र (Iconography), ऐतिहासिक बाबी, प्रमुख पर्यटनस्थळांचे ऐतिहासिक आणि सांस्कृतिक महत्त्व, आदरातिथ्य व पर्यटक संवादातील सर्वोत्तम पद्धती, भाषा आणि संवाद कौशल्ये (बहुभाषिक प्रावीण्यासह), शाश्वत आणि जबाबदारीने पर्यटन करण्याचे तत्त्व* अशा बाबींच्या प्रशिक्षणाचा समावेश असणार आहे. सदरचे प्रशिक्षण हे *मान्यताप्राप्त प्राध्यापक, महाराष्ट्राच्या वारसा व संस्कृतीचे तज्ज्ञ, स्थानिक हितधारक (परिसरातील संदर्भ लक्षात घेऊन), शासकीय अधिकारी व संस्थांचे* सहकार्य घेवुन राबविण्यात येणार आहे. *सदरच्या गाईड प्रशिक्षण उपक्रमासाठी पर्यटन विभागाचे प्रधान सचिव मा. डॉ. अतुल पाटणे सर हे मार्गदर्शन करीत आहेत*

या उपक्रमाचा उद्देश महाराष्ट्राला भारतातील एक प्रमुख पर्यटनस्थळ म्हणून उभारण्याचा आहे, जेथे पर्यटकांना एक सकारात्मक अनुभव मिळतो. प्रशिक्षण पूर्ण केल्यानंतर मार्गदर्शकांना ओळखपत्र आणि प्रमाणपत्र दिले जाईल. राज्यातील विविध प्रादेशिक कार्यालयांच्या पर्यटनस्थळांवर प्रशिक्षण सत्रे आयोजित केली जाणार आहेत.

 या उपक्रमाद्वारे किमान ५०० – ७०० उमेदवारांना प्रशिक्षण देण्याचे उद्दिष्ट आहे. आपत्कालीन परिस्थिती हाताळणे, शाश्वतता आणि नीतिमत्ता धोरण अवलंबून जबाबदार पर्यटनाला प्रोत्साहन देणे, स्थानिक वारसा व पर्यावरणाचे संरक्षण करणे, सुव्यवस्थापन (Logistics) तयार करणे अशा बाबींचाही प्रशिक्षणादरम्यान समावेश करण्यात येणार आहे. प्रशिक्षणासाठी योग्य ठिकाण निवडून प्रशिक्षणासाठी हँडआउट्स, मार्गदर्शक पुस्तिका, नकाशे, मल्टिमीडिया सादरीकरणे तयार करण्यात येत आहेत, अशी माहीती *महाराष्ट्र पर्यटन विकास महामंडळाचे प्रादेशिक व्यवस्थापक श्री. दिपक हरणे यांनी दिली आहे. …*

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post एम टी डी सी च्या वतीने रिसॉर्ट डेस्टिनेशन टुरिस्ट गाईड कार्यक्रम appeared first on पुणे २४ तास.

; मांजरीतील वीजग्राहकांना दिलासा

पुणे( (पुणे 24 तास ब्युरो )

: उकाड्यामुळे त्रस्त झालेल्या वीजग्राहकांची गैरसोय टाळण्यासाठी महावितरणच्या अभियंता व कर्मचाऱ्यांनी बुधवारी (दि. ९) रात्री १० च्या सुमारास नादुरुस्त झालेले ६३० केव्हीए क्षमतेचे वितरण रोहित्र अवघ्या चार तासांमध्ये बदलून पहाटेला वीजपुरवठा पूर्ववत केला. यामुळे मांजरी परिसरातील नागरिकांना मोठा दिलासा मिळाला.

याबाबत माहिती अशी की, बंडगार्डन विभाग अंतर्गत मांजरीमधील झेड कॉर्नरच्या शेजारी चिंतामणी कॉलनी, शिवकृष्णा लॉन्स, मांजरी-मुंढवा मुख्य रस्ता या परिसराला वीजपुरवठा करणारे ६३० केव्हीए क्षमतेचे वितरण रोहित्र बुधवारी (दि. ९) रात्री १० च्या सुमारास बंद पडले. परिणामी सुमारे १४०० घरगुती व व्यावसायिक ग्राहकांचा वीजपुरवठा खंडित झाला. महावितरणच्या अभियंता व जनमित्रांनी रोहित्राची पाहणी केली असता ते पूर्णतः नादुरुस्त झाल्याचे व बदलणे आवश्यक असल्याचे दिसून आले. दुसरीकडे रात्री भयंकर उकाडा असल्याने व पर्यायी वीजपुरवठा उपलब्ध होऊ शकत नसल्याने नागरिक हैराण झाले होते.

या संदर्भात अधीक्षक अभियंता (प्र.) श्री. रवींद्र बुंदेले यांनी तातडीने सूचना देत लगेचच रोहित्र बदलण्याचा निर्णय घेतला. त्याप्रमाणे रोहित्राची वाहतूक करण्यासाठी ट्रक व क्रेनची मध्यरात्रीच व्यवस्था करण्यात आली. मुख्य अभियंता श्री. राजेंद्र पवार यांनी नवीन ६३० केव्हीए रोहित्र तातडीने उपलब्ध करून दिले. त्यानंतर रात्री १२ च्या सुमारास नादुरुस्त रोहित्र हटवून त्याठिकाणी नवीन रोहित्र लावण्याचे काम सुरु झाले व पहाटे ४ च्या सुमारास ते पूर्ण झाले. यानंतर ४.३० वाजता वीजपुरवठा सुरळीत झाला. या कालावधीत नागरिकांनी देखील महावितरणला सहकार्य केले.

अवघ्या चार तासांमध्ये वितरण रोहित्र बदलण्याची कामगिरी अतिरिक्त कार्यकारी अभियंता रामचंद्र लोंढे, सहायक अभियंता अभिजित सांगळे, जनमित्र किरण कुंभार, लालू जगवार, पंकज टेकम, शुभम बोरवली, राजू जाधव, विशाल माने, स्वराज तायडे यांनी केली. तर अतिरिक्त कार्यकारी अभियंता वैभव खटावकर, उपकार्यकारी अभियंता फुलचंद फड, गणेश शेळके, ओंकार कुलकर्णी यांनी सहकार्य केले.  

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post अवघ्या चार तासांमध्ये नादुरूस्त रोहित्र बदलले appeared first on पुणे २४ तास.

पुणे (पुणे 24 तास ब्युरो )

आधुनिक काळात अनेक क्षेत्रांतील आव्हानांना नवकल्पना हेच उत्तर आहे. मात्र, त्यासाठी नवकल्पनांसाठी सातत्याने व्यासपीठे उपलब्ध झाली पाहिजेत. या व्यासपीठांचे विकेंद्रीकरण झाले पाहिजे. ज्यामुळे समाजाच्या तळागाळापासूनच्या नवकल्पना पुढे येऊ शकतील. पुणे स्टार्टअप एक्स्पो २०२५ हा उपक्रम अशा सर्वसमावेशक नवकल्पनांना पुढे नेणारा असल्याने तो महत्त्वाचा आणि औचित्याचा आहे, असे प्रतिपादन राज्याचे माहिती-तंत्रज्ञान व सांस्कृतिक कार्य मंत्री ॲड. आशिष शेलार यांनी केले.

विकसित भारताच्या दिशेने वाटचाल करीत असताना उद्योजकतेला प्रोत्साहन देण्याच्या हेतूने राज्याचे उच्च व तंत्रशिक्षण मंत्री चंद्रकांत पाटील यांच्या पुढाकाराने आज कोथरूड येथील एमआयटी विश्वशांती विद्यापीठाच्या प्रांगणात ‘पुणे स्टार्टअप एक्स्पो २०२५’चे आयोजन करण्यात आले होते. या प्रदर्शनाच्या उद्घाटनप्रसंगी ॲड. शेलार बोलत होते.

चंद्रकांत पाटील यांच्या मार्गदर्शनाखाली डेस्टिनेशन को वर्किंग, पुणे बिझनेस अँड इन्फ्रास्ट्रक्चर ग्रुप, टीडीटीएल, एमआयटी विश्वशांती विद्यापीठ यांचे सहकार्य या प्रदर्शनाला लाभले होते. यावेळी राज्याचे उच्च व तंत्रशिक्षण मंत्री चंद्रकांत पाटील, एमआयटी विश्वशांती विद्यापीठाचे व्यवस्थापकीय अध्यक्ष डॉ. राहुल कराड, कुलगुरू डॉ. आर. एम. चिटणीस, अधिष्ठाता प्रा. डॉ. सिद्धार्थ चक्रवर्ती, एक्स्पोच्या आयोजक अमृता देवगांवकर व मंदार देवगांवकर, डेटा टेकचे संचालक अमित आंद्रे आदी मान्यवर उपस्थित होते. मान्यवरांच्या हस्ते दीप प्रज्ज्वलन करुन कार्यक्रमाची सुरवात झाली. याप्रसंगी सर्वोत्तम २४ स्टार्टअप्सना ॲड. आशिष शेलार तसेच डॉ. राहुल कराड यांच्या हस्ते बक्षिसे देण्यात आली. प्रदर्शनातील सहभागींना गुंतवणूकदारांशी स्टार्टअपसंबंधी थेट चर्चा व सादरीकरणाची संधीही मिळाली.

ॲड. आशिष शेलार म्हणाले, “देशाच्या प्रत्येक नागरिकाला भारतीय राज्यघटनेने समान संधी आणि समान संरक्षणाची हमी प्रदान केली आहे. त्याला अनुसरुन शहरी तसेच ग्रामीण भागांतील नवकल्पनांना व्यासपीठ देणारा पुणे स्टार्टअप एक्स्पो हा उपक्रम कौतुकास्पद आहे. समान संधी आणि संरक्षण, प्रत्येकाला द्यायचे असेल, तर नवकल्पनांचेही विकेंद्रीकरण झाले पाहिजे. नागरी तसेच ग्रामीण भागांतील युवांच्या नवकल्पनांना व्यासपीठ आणि गुंतवणूकदार मिळायला हवेत. अशा प्रदर्शनांच्या माध्यमातून तळागाळातील नवकल्पनांना पाठिंबा मिळेल, व्यापक अवकाश मिळेल, नवकल्पनांची वास्तवातील व्यावहारिकता पुढे येईल आणि अंतिमतः विकसित, आत्मनिर्भर भारताचे स्वप्न साकारण्यासाठी त्यांचे योगदान राहील.” पुण्यासारख्या विकसित, शैक्षणिक, उद्योजकीय आणि व्यावसायिकदृष्ट्या पुढारलेल्या शहरांत या प्रदर्शनाचे आयोजन अधिक औचित्यपूर्ण आहे, असेही ॲड. शेलार यांनी नमूद केले.

चंद्रकांत पाटील यांनी स्टार्टअपची संकल्पना कोविड संकटकाळात खऱ्या अर्थाने पुढे आली, याचा उल्लेख केला. त्याचप्रमाणे कार्पोरेट क्षेत्र आणि वर्क फ्रॉम होम, यांच्यामधील दुवा म्हणून डेस्टिनेशन को वर्किंग काम करत असल्याचे सांगितले. डेस्टिनेशन को वर्किंगमध्ये कार्यरत सुमारे दीडशे व्यावसायिकांच्या वैचारिक आदानप्रदानातूनच स्टार्टअप एक्स्पोची संकल्पना पुढे आली आणि आज ती प्रत्यक्षात आली, असेही त्यांनी सांगितले.

पाटील पुढे म्हणाले, सामान्य नागरिक आज आपल्या नोकरीपलीकडे फारसा विचार करताना दिसत नसल्याने २०१४ साली पंतप्रधान झाल्यानंतर देशाला श्रीमंत बनवायचे असेल तर देशातील नागरिक श्रीमंत व्हायला हवेत हे नरेंद्र मोदी यांच्या लक्षात आले. हे ध्येय साकारताना इनोव्हेशन्स अर्थात नवकल्पना यामध्ये महत्त्वपूर्ण वाटा उचलू शकत असल्याने त्यांना अनुरुप असे नवे शैक्षणिक धोरण, उद्योग क्षेत्राशी संलग्न प्रात्यक्षिक शिक्षण पद्धती त्यांनी आणली. यामध्ये मातृभाषेतील शिक्षणाचा प्राधान्यक्रमही वाढविला. या सर्वांमुळे आज २०२५ साली स्टार्ट अप आणि संशोधक या दोघांनाही चालना मिळत आहे. जागतिक पातळीवर विचार केला तर मागील काही वर्षात भारतातील महिला स्टार्ट अप्स हे जगात पहिल्या क्रमांकावर असून पुरुषांनी बनविलेले स्टार्ट अप्स हे दुसऱ्या क्रमांकावर आहेत. त्यातून रोजगारनिर्मितीला प्रोत्साहन, बचतीचे महत्त्व आणि उद्योजकीय मानसिकता घडवण्याचे कार्य होत आहे.”

डॉ. राहुल कराड यांनी एमआयटी सदैव नव्या शैक्षणिक संकल्पना उचलून धरत असल्याचे सांगितले. स्टार्टअप एक्स्पोला पाठिंबा देणे आणि सर्वतोपरी साह्य करणे, हे त्याचाच एक भाग आहे. एमआयटी नेहमीच विद्यार्थ्यांच्या नवकल्पना, ऊर्जा हे व्यक्त होण्यासाठी पूरक असे उपक्रम आयोजित करते. भारतीय छात्र संसद हा उपक्रम यापैकीच एक असल्याचे कराड यांनी नमूद केले.

अमृता देवगांवकर म्हणाल्या, “या उपक्रमामुळे राज्याच्या विविध भागातील नवोदितांच्या स्टार्टअप्सना एक व्यासपीठ तर विद्यार्थ्यांना आपली कौशल्ये दाखविण्याची संधी मिळणार आहे. या एक्स्पोच्या निमित्ताने काही स्टार्टअप्स उद्योजकांना आपल्या नवकल्पना सादर करण्याची, बाजारात आपली ओळख वाढवण्याची व आपल्या स्टार्टअपला गती देण्यासाठी आवश्यक मार्गदर्शन देखील मिळेल.” मंदार देवगावकर, अमित आंद्रे यांनीही मनोगत मांडले. डॉ. गार्गी कुलकर्णी यांनी सूत्रसंचालन केले.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post विविध क्षेत्रांतील आव्हानांना नवकल्पना हेच उत्तर – ॲड. आशिष शेलार appeared first on पुणे २४ तास.

पुणे (पुणे 24 तास ब्युरो )

कौशल्य विकास, रोजगार, उद्योजकता व नाविन्यता विभाग आणि महाराष्ट्र राज्य नाविन्यता सोसायटीच्या माध्यमातून नवकल्पनांना चालना देण्यासाठी इन्यक्यूबेशन केंद्रे स्थापन करण्यात आली आहेत. अशा कल्पना प्रत्यक्षात आणण्यासाठी भांडवल पुरविण्याच्यादृष्टीने राज्याने भारतीय लघू उद्योग विकास बँकेसोबत 100 कोटी रुपयांचा निधीअंतर्गत निधी तयार केला आहे, असे मुख्यमंत्री देवेंद्र फडणवीस म्हणाले, विद्यार्थ्यांनो, आपल्या प्रकल्पांपुरते मर्यादित न राहता कल्पनामधील त्रुटी शोधा, यशस्वी उद्योजकाशी संवाद साधून त्यांच्या मागणीप्रमाणे व्यवसायिक आणि कौशल्याधिष्ठित मॉडेल तयार करा, याकरीता केंद्र व राज्य शासन आपल्या पाठीशी उभे राहील, अशी ग्वाहीदेखील त्यांनी विद्यार्थ्यांना दिली.

सीओईपी तंत्रज्ञान विद्यापीठ मैदान, शिवाजीनगर येथे कौशल्य विकास, रोजगार, उद्योजकता व नाविन्यता विभाग, सीओईपी विद्यापीठ, सावित्रीबाई फुले पुणे विद्यापीठ, अखिल भारतीय विद्यार्थी परिषद महाराष्ट्र व गोवा आणि सृजन संस्था यांच्या संयुक्त विद्यमाने आयोजित ‘डीपेक्स-२०२५’ राज्यस्तरीय चलप्रतिकृती प्रदर्शनाला दिलेल्या भेटीप्रसंगी ते बोलत होते. यावेळी उच्च तंत्र व शिक्षण मंत्री चंद्रकांत पाटील, कौशल्य, रोजगार, उद्योजकता व नाविन्यता मंत्री मंगलप्रभात लोढा, शालेय शिक्षण राज्यमंत्री डॉ. पंकज भोयर, आमदार सुनील कांबळे आदी उपस्थित होते.

श्री. फडणवीस म्हणाले, गेल्या दशकापासून तरुणांमधील ज्ञान, कौशल्य आणि त्यांच्यामधील नाविन्यता एकत्रित मांडण्याची संधी ‘डीपेक्स’च्या माध्यमातून मिळत आहे. या मंचावरील संकल्पना विविध प्रयोगामध्ये रूपांतरित झाल्या आहेत.

महाराष्ट्र ही देशाची स्टार्टअप राजधानी
तुमच्या मनातील कल्पना प्रत्यक्षात उतरविण्याची संधी तंत्रज्ञानाने उपलब्ध होत आहे. आज छोटीशी कल्पना व्यवसायिक संधीमध्ये परावर्तित होत असल्याचे आपल्याला बघायला मिळते. महाराष्ट्र ही स्टार्टअप जननी आहे. तसेच स्टार्ट अप इंडियाचा अहवालानुसार देशात सर्वाधिक स्टार्टअप आणि त्यामाध्यमातून होणारी गुतंवणूक असल्यामुळे देशाची स्टार्ट अप राजधानी ही महाराष्ट्र आहे.

‘विकसित भारत -2047’ या संकल्पेच्या मुळाशी देशातील युवाशक्ती व नवोन्मेषक
देशाचे प्रधानमंत्री नरेंद्र मोदी यांनी मांडलेल्या ‘विकसित भारत -2047’ या संकल्पेच्या मुळाशी देशातील युवाशक्ती व नवोन्मेषक होते. हीच युवाशक्ती देशाला विकासाकडे नेईल. ‘मेक इन इंडिया-मेक फॉर वर्ड’ च्या माध्यमातून इतर कुठल्याही देशाकडे नसलेले विविध उच्च प्रतीचे साहित्य आपल्या देशात तयार होत आहे. संरक्षण क्षेत्रात सुमारे ३० ते ३५ हजार कोटी रुपयांचे संरक्षण साहित्य भारत देश जगाला निर्यात करीत आहे. त्यामुळे विकसित भारताचे स्वप्न बघतांना स्वावलंबी भारत, स्वयंपूर्ण भारत आणि आत्मनिर्भर भारत अत्यंत महत्वाचा आहे. आत्मनिर्भर भारताकडे जात असताना तंत्रज्ञानयुक्त स्टार्टअप आणि त्यामाध्यमातून नाविन्यता महत्वाची आहे. यामुळे देशात आज विविध यशस्वी स्टार्टअप बघायला मिळतात. प्रत्येक टाकाऊ वस्तू ही उर्जा निर्मितीचे साधन आहे, त्यामुळे विविध नवनवीन प्रयोग, र्स्टाट अप आणि तंत्रज्ञानाद्वारे त्यावर प्रकिया करुन ऊर्जा निर्मिती भर देण्यात आहे, यामुळे रोजगाराला चालना मिळत आहे. टाकाऊ वस्तूपासून पुनर्वापर त्यामाध्यमातून शाश्वत विकास हेच विकसित भारताचे उद्दिष्ट आहे.

स्टार्टअपच्या परिसंस्थेच्या माध्यमातून विद्यार्थ्यांचा नाविन्यतेवर भर
आज टियर 2 आणि टियर 3 शहरामधील औद्योगिक संस्था, पॉलिटेक्निक, अभियांत्रिकी शाखेत विद्यार्थी मोठ्याप्रमाणात स्टार्टअप परिसंस्थेच्या माध्यमातून नाविन्यतेवर भर देत आहे. ते गटस्वरुपात कल्पना उदयास आणून इज ऑफ लिव्हिंग, इज ऑफ बिझिनेस तयार होतात. इज ऑफ लिव्हिंगसोबतच व्यवसायिक कल्पनेत परिवर्तन केल्यास स्वत:सोबतच अनेकांना रोजगार उपलबध् करुन देता येते.

उर्जा सुरक्षिततेकडे भारताची वाटचाल
इथेनॉल, सौर उर्जेच्या माध्यमातून उर्जा सुरक्षिततेकडे भारताची वाटचाल सुरु आहे. सौर उर्जेकरीता लागणारे सर्व साहित्य देशात निर्माण होत आहे. शेतकऱ्यांना दिवसा वीज देण्याकरीता राज्य शासन प्रयत्नशील आहे, पुढच्या वर्षापर्यंत शेतकऱ्यांना लागणारी १६ हजार मेगावॅट वीज सोलरच्या माध्यमातून उपलब्ध करुन देण्याचा प्रयत्न आहे. यामुळे शेतकऱ्यांना दिवसा मोफत वीज मिळाल्यामुळे त्यांच्या पैशांची तसेच अर्थसंकल्पातून शेतकऱ्यांना देण्यात येणाऱ्या शासनाच्या अनुदानातही बचत होणार आहे. यातून दरवर्षी विजेच्या दरात होणारी वाढ कमी करून नागरिकांना दिलासा देण्याच्या प्रयत्न करीत आहोत. नाविन्यतेच्या माध्यमातून स्वच्छ उर्जा, हरीत उर्जेकडे वाटचाल होत आहे.

उर्जा क्षेत्रात ‘नेट झिरो’कडे जाण्याचा शासनाचा प्रयत्न
पारंपरिक स्त्रोतातून निर्माण होणाऱ्या वीजेमुळे मोठ्याप्रमाणात प्रदूषण होत आहे. वातावरणीय बदलामुळे होणाऱ्या परिणाम लक्षात घेऊन हरीत उर्जेद्वारे कार्बन उत्सर्जन शून्यापर्यंत आणायचे आहे. राज्याला लागणाऱ्या विजेपैकी सन 2030 पर्यंत 52 टक्के वीज अपारंपारिक स्त्रोतून निर्मिती करण्याचा प्रयत्न आहे. हरित ऊजेच्या माध्यमातून २०४७ पर्यत ऊर्जा क्षेत्रात ‘नेट झिरो’कडे जाण्याचा प्रयत्न आहे,असेही श्री. फडणवीस म्हणाले.

यावेळी मुख्यमंत्री देवेंद्र फडणवीस यांच्या हस्ते ‘डीपेक्स-२०२५- प्रोजेक्ट डिरेक्टरी’चे विमोचन करण्यात आले. तसेच त्यांनी प्रत्यक्ष दालनात जावून विद्यार्थ्यांशी संवाद साधला आणि त्यांच्या प्रोजेक्टबाबत माहिती घेत आहेत.

सृजनचे विश्वस्त डॉ. भरत अमळकर यांनी कार्यक्रमाचे प्रास्ताविक केले.

यावेळी ‘डीपेक्स २०२५’ स्वागत समिती अध्यक्ष डॉ. प्रकाश धोका, सचिव प्रसेनजीत फडणवीस, निमंत्रक संकल्प फळदेसाई, अथर्व कुलकर्णी महाविद्यालयांचे कर्मचारी, विद्यार्थी आदी उपस्थित होते.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post विद्यार्थ्यांच्या नवकल्पना, नाविन्यतेला प्रोत्साहन देण्याकरीता राज्य शासनाच्यावतीने सहकार्य करण्यात येईल-मुख्यमंत्री देवेंद्र फडणवीस appeared first on पुणे २४ तास.