मुंबई महापालिकेत ठाकरे गटाला पहिली गळती; नगरसेविका शिंदे गटाच्या संपर्कात
मुंबई : पुणे २४ तास- कल्याण-डोंबिवलीनंतर आता मुंबई महापालिकेतही उद्धव ठाकरे यांच्या शिवसेनेला धक्का बसला आहे. प्रभाग क्रमांक १५७च्या नवनिर्वाचित नगरसेविका डॉ. सरिता म्हस्के यांनी ठाकरे गटापासून दूर जात उपमुख्यमंत्री एकनाथ शिंदे यांच्या शिवसेनेत प्रवेशाचे संकेत दिल्याने राजकीय हालचालींना वेग आला आहे.
शिवसेना (ठाकरे गट)ने मंगळवारी सेना भवनात नगरसेवकांची महत्त्वाची बैठक बोलावली होती. मात्र, डॉ. सरिता म्हस्के या बैठकीला तसेच गटनोंदणी प्रक्रियेलाही अनुपस्थित राहिल्या. भाजपच्या उमेदवाराचा पराभव करत निवडून आलेल्या म्हस्के सध्या शिंदे गटाच्या संपर्कात असल्याचे वृत्त आहे.
या घडामोडीमुळे ठाकरे गटाचे संख्याबळ ६५ वरून ६४ वर येण्याची शक्यता व्यक्त केली जात आहे. दरम्यान, म्हस्के यांच्यावर अपात्रतेची कारवाई करण्यासाठी ठाकरे गटाने हालचाली सुरू केल्या आहेत. पक्षाने किशोरी पेडणेकर यांची पालिकेतील गटनेतेपदी निवड करत संघटनात्मक तयारीही वाढवली आहे.
मुंबईपुरतेच नव्हे, तर कल्याण-डोंबिवली महापालिकेतही ठाकरे गटाला फटका बसला असून, तेथील ११ पैकी चार नगरसेवकांनी शिंदे गटाला पाठिंबा देण्याची तयारी दर्शवली आहे. या फोडाफोडीच्या राजकारणामुळे आगामी महापौर निवडणूक अधिकच चुरशीची ठरण्याची चिन्हे आहेत.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
