आरोग्य Archives - पुणे २४ तास

त्या १२ रुग्णालयांवर ठोस कारवाई करण्याची महाराष्ट्र प्रदेश युवक काँग्रेसची मागणी

पुणे २४ तास — Fri, 18 Apr 2025 04:46:57 +0000

दोन दिवसात कारवाई करणार असल्याची धर्मादाय अधीक्षकांची माहिती

पुणे : (पुणे 24 तास ब्युरो )

दीनानाथ मंगेशकर रुग्णालयाच्या चुकीच्या भूमिकेमुळे एका गर्भवती महिलेचा मृत्यू झाला. शहरात दीनानाथ मंगेशकर रुग्णालयासह एकूण ५८ धर्मादाय रुग्णालयांची नोंदणी आपल्याकडे आहे. या ५८ रुग्णालयांपैकी १२ रुग्णालयांनी वर्षभरात एकही खाटा रिकाम्या ठेवल्या नसल्याची धक्कादायक बाब समोर आली आहे. यासह या रुग्णालयांनी सगळ्याच रुग्णांना सरसकट शंभर टक्के शुल्क लावल्याची बाब देखील समोर आली आहे. याअनुषंगाने बुधवारी (दि. १६) महाराष्ट्र प्रदेश युवक काँग्रेसचे सरचिटणीस रोहन सुरवसे पाटील यांनी धर्मादाय
अधीक्षकांकडे त्या १२ रुग्णालयांवर कडक कारवाई करण्याची मागणी निवेदनाद्वारे करण्यात आली. तसेच, या रुग्णालयांवर जर २ दिवसात
कोणतीही कारवाई केली नाही तर जोरदार आंदोलन केले जाईल असा इशारा देण्यात आला आहे. यावेळी धर्मादाय अधीक्षक शंकर गडाळे यांना निवेदन देण्यात आले.
धर्मादायच्या निर्देशांनुसार संबंधित रुग्णालयांवर ‘धर्मादाय’ असा ठळक उल्लेख असणे अपेक्षित आहे. गरीब व निर्धन रुग्णांसाठी १० टक्के खाटा
राखीव असल्याचा फलक दर्शना भागात लावणे देखील आवश्यक आहे. तसेच या योजनांची माहिती देणारा स्वतंत्र प्रतिनिधी आणि त्याचा
संपर्क क्रमांक प्रदर्शित करणे देखील गरजेचे आहे. मात्र, शहरात बहुतांश सगळ्याच धर्मादाय रुग्णालयांकडून या निर्देशांना केराची टोपलीच
दाखवल्याचे प्रत्यक्ष पाहणीत दिसून येते. धर्मादायचे नियम न पाळल्याने गरीब व गरजू रुग्ण शासकीय योजनांपासून वंचित राहत आहेत. या रुग्णांकडून अनामत रक्कम घेण्यास देखील मनाई असताना, या नियमाचे देखील पालन शहरातील धर्मादाय रुग्णालयांमध्ये होताना दिसून येत नाही.
महात्मा गांधी नेत्र रुग्णालय, रत्ना मेमोरियल हॉस्पिटल, हरजीवन हॉस्पिटल, जोशी हॉस्पिटल, एन. एम. वाडिया हॉस्पिटल, दीनदयाळ
मेमोरियल हॉस्पिटल, परमार हॉस्पिटल, मीरा हॉस्पिटल, गिरीराज हॉस्पिटल, मातोश्री मदनाबाई धारीवाल हॉस्पिटल, काशीबाई नवले जनरल
हॉस्पिटल आणि डॉ. जल मेहता रुरल क्रिटिकल केअर सेंटर या १२ रुग्णालयांनी नियमानुसार गरीब रुग्णांसाठी बेड राखीव न ठेवल्याची
माहिती आपल्याच कार्यालयाद्वारे समोर आली आहे.
यामुळे अशाप्रकारे नियमांचे उल्लंघन करणाऱ्या, नागरिकांना मरणास कारणीभूत ठरणाऱ्या, मनमानी पद्धतीने पैसे उकळणाऱ्या ‘धर्मादाय’च्या
नावाखाली लोकांना लुबाडणाऱ्या रुग्णालयांवर आपण कठोरातील कठोर कारवाई करावी अशी मागणी निवेदनाद्वारे करण्यात आली आहे.

तसेच, लवकरात लवकर या रुग्णालयांवर आपण योग्य ती कारवाई करावी, अन्यथा आम्हाला धर्मादाय आयुक्त कार्यालयाच्या विरोधात ‘आपलीही या प्रकाराला मूक संमंती’ असल्याचे समजून तीव्र आंदोलन करण्यात येईल. तसेच भविष्यात ही ‘धर्मादाय’च्या नावाखाली चालणारी रुग्णालये नियमाप्रमाणे काम करतायेत की नाही, याची वेळोवेळी तपासणी करण्यात यावी अशी मागणी देखील यावेळी करण्यात आली. रोहन सुरवसे पाटील यांच्यासह यावेळी दिपक चौगुले आणि ज्ञानेश्वर जाधव या पदाधिकाऱ्यांची उपस्थिती होती.

बुधवारी आम्ही सहाय्यक धर्मादाय आयुक्त परदेशी यांना भेटलो. त्यांनी निवेदनाची दखल घेऊन तात्काळ योग्य ती कारवाई केली जाईल असे आश्वासन दिले. दोन दिवसांमध्ये जर धर्मादाय आयुक्त यांनी धर्मादाय अंतर्गत येणाऱ्या १२ हॉस्पिटलने गेल्या वर्षभरापासून गोरगरीब लोकांना योजनेचा लाभ दिला नाही त्या बारा हॉस्पिटल वरती दोन दिवसात कारवाई करावी, अन्यथा महाराष्ट्र प्रदेश युवक काँग्रेसच्या वतीने धर्मादाय आयुक्त कार्यालयासमोर धरणे आंदोलन करण्यात येईल.

रोहन सुरवसे पाटील
सरचिटणीस महाराष्ट्र प्रदेश युवक काँग्रेस

पुणे २४ तास

महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post त्या १२ रुग्णालयांवर ठोस कारवाई करण्याची महाराष्ट्र प्रदेश युवक काँग्रेसची मागणी appeared first on पुणे २४ तास.

त्या १२ रुग्णालयांवर ठोस कारवाई करण्याची महाराष्ट्र प्रदेश युवक काँग्रेसची मागणी

पुणे २४ तास — Thu, 17 Apr 2025 06:56:06 +0000

दोन दिवसात कारवाई करणार असल्याची धर्मादाय अधीक्षकांची माहिती

पुणे (पुणे 24 तास ब्युरो )

तसेच, लवकरात लवकर या रुग्णालयांवर आपण योग्य ती कारवाई करावी, अन्यथा आम्हाला धर्मादाय आयुक्त कार्यालयाच्या विरोधात ‘आपलीही या प्रकाराला मूक संमंती’ असल्याचे समजून तीव्र आंदोलन करण्यात येईल. तसेच भविष्यात ही ‘धर्मादाय’च्या नावाखाली चालणारी रुग्णालये नियमाप्रमाणे काम करतायेत की नाही, याची वेळोवेळी तपासणी करण्यात यावी अशी मागणी देखील यावेळी करण्यात आली. रोहन सुरवसे पाटील यांच्यासह यावेळी दिपक चौगुले आणि ज्ञानेश्वर जाधव या पदाधिकाऱ्यांची उपस्थिती होती.

रोहन सुरवसे पाटील
सरचिटणीस महाराष्ट्र प्रदेश युवक काँग्रेस

पुणे २४ तास

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

माणसातला देव : डॉ. प्रमोद लोहार

पुणे २४ तास — Sun, 13 Apr 2025 07:51:20 +0000

पुणे (पुणे 24 तास ब्युरो )
करोना काळात हजारो रुग्ण बरे करणारे, 18 करोना योद्धा सन्मान तसेच 7 नॅशनल पुरस्कार मिळवणारे देहू येतील प्रसिद्ध डॉ. प्रमोद लोहार यांनी चिंचवड मधील युवक केदार पारिठे (वय 29 वर्ष ) जो 2 वर्ष पासून अंथरुणात होता. चालताना अंगात थरकाप होता. सगळेच उपाय केले परंतु काहीच उपयोग होत नव्हता. केदार ची मावशी ने देहू चे डॉ. प्रमोद लोहार यांची माहिती दिली.
आज आपण हॉस्पिटल, क्लिनिक बदनाम होताना बघतो. परंतु असें पण माणसातले देवदूत सुद्धा भेटतात.
डॉ. प्रमोद लोहार यांना मी चांगले ओळखतो की ते आजाराच्या मुळाशी जाऊन ट्रीटमेंट करतात.
त्यांनी केदार ला ट्रीटमेंट दिली आणि चमत्कार घडावा असा तो काहीच मदत न घेता चालायला लागला.
डॉ. लोहार हे प्रामाणिक पणे लोकांना चांगला सल्ला देतात.
दरवर्षी वारी ला मोफत तपासणी करतात. रोज सकाळी भंडारा डोंगर पायी जातात. मला एकच सांगायचं आहे. की परमेश्वरा चा आशीर्वाद त्यांना आहे. हातगुण चांगला आहे.
अनेक स्तरावरून त्यांचे कौतुक होत आहे.
त्यांचे क्लिनिक देहू मध्ये गाथा मंदिर समोरच आहे.
पुन्हा एकदा केदार ला संजीवनी दिल्या बद्दल अभिनंदन

पुणे २४ तास

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post माणसातला देव : डॉ. प्रमोद लोहार appeared first on पुणे २४ तास.

दीनानाथ मंगेशकर रुग्णालयातील दोषींवर सदोष मनुष्यवधाचा गुन्हा दाखल करून

पुणे २४ तास — Sat, 12 Apr 2025 08:51:16 +0000

एसआयटी चौकशी करा : हर्षवर्धन सपकाळ

तनिषा भिसेंच्या मृत्यूनंतर तात्काळ गुन्हे दाखल करायला हवे होते पण सरकारकडून वेळकाढूपणा, प्रकरण दडपण्याचा प्रयत्न.

फुले दाम्पत्य ज्या प्रवृत्तींच्या विरोधात लढले त्या प्रवृत्तीने पुन्हा डोके वर काढले; समता, बंधुता व सामाजिक न्यायाला बाजूला सारण्याचा सत्ताधाऱ्यांकडून प्रयत्न.

काँग्रेस प्रदेशाध्यक्षांनी फुले वाड्याला भेट देऊन महात्मा फुले यांना अभिवादन केले तसेच भिसे कुटुंबाची सांत्वनपर भेट घेतली.

पुणे, (पुणे 24 तास ब्युरो )

पुण्यातील दीनानाथ मंगेशकर रुग्णालयाने पैशासाठी तनिषा भिसे या भगिनीला उपचार नाकारल्याने तिचा मृत्यू झाला. हा रुग्णालयाने घेतलेला बळी आहे. या धर्मादाय रुग्णालयाने अटी व शर्थींचा भंग केलेला आहे पण कारवाई करताना सरकार वेळकाढूपणा करत आहे. मंगेशकर रुग्णालयातील दोषींना वाचवण्याचा प्रयत्न केला जात आहे. या रुग्णालयाचे संचालक मंडळ बरखास्त करून सरकारने दवाखाना ताब्यात घ्यावा. डॉ. केळकर व रुग्णालयाच्या विश्वस्त मंडळावर सदोष मनुष्यवधाचा गुन्हा दाखल करावा आणि संपूर्ण प्रकरणाची निवृत्त न्यायाधिशांमार्फत एसआयटी चौकशी करावी, अशी मागणी महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांनी केली आहे.

काँग्रेस प्रदेशाध्यक्ष हर्षवर्धन सपकाळ यांनी आज पुण्यात महात्मा ज्योतीबा फुले जयंतीनिमित्त फुलेवाड्यात जाऊन अभिवादन केले व त्यानंतर भिसे कुटुंबाची सांत्वनपर भेट घेतली, त्यानंतर पत्रकार परिषदेत बोलताना ते पुढे म्हणाले की, लता मंगेशकर यांच्या जादुई आवाजाने सर्वांना मंत्रमुग्ध केले पण आता, कोण होतास तू काय झालस तू, अशी अवस्था झाली आहे. जी घटना झाली ती अत्यंत वाईट आहे. एका गर्भवती महिलेला पैशासाठी साडेपाच तास ताटकळत ठेवून उपचार नाकारले. या प्रकरणाची सखोल चौकशी करण्यासाठी मंगेशकर रुग्णालयातील सीसीटीव्ही फुटेज ताब्यात घ्यावे. मयत भिसे यांच्या पतीचा व डॉ. केळकर यांचा सीडीआर ताब्यात घ्यावा. या घटनेनंतर तात्काळ गुन्हे दाखल करायला हवे होते पण सरकार वेळकाढूपणा करत आहे, असे सपकाळ म्हणाले.

दीनानाथ मंगेशकर रुग्णालयात जो प्रकार झाला तो अमानुष असून माणुसकीला काळीमा फासणारा आहे. एवढी मोठी घटना होऊन रुग्णालय प्रशासन व डॉक्टरांना जराही शरम वाटत नाही. प्रशासन हे प्रकरण दडपण्याचा प्रयत्न करत आहे का असा संशय येत आहे. सर्व घटनाक्रम विषण्ण करणारा आहे. स्वांतत्र्याचा अमृत महोत्सव साजरा करत असताना जर असा प्रकार घडत असेल तर- अत्यंत दुखःद आहे. या प्रकरणात डॉ. केळकर असल्याचे दिसते, प्रशासनाने त्यांना बडतर्फ करावे त्यांच्यावर कटात सहभागी असल्याचा गुन्हा दाखल करावा, डॉ. केळकर यांनी पहिला फोन उचलला पण नंतर एकही फोन उचलला नाही. जबाबदार माणूस असे कसे वागू शकतो. डॉ. केळकर यांचा सीडीआर तपासला पाहिजे. सरकार हे प्रकरण दडपण्याचा प्रयत्न करत आहे असे वाटते. झालेली घटना दुर्दैवी आहे, आज भिसे परिवाराला आधार देण्यासाठी त्यांची सांत्वनपर भेट घेतली असे सपकाळ म्हणाले.

हर्षवर्धन सपकाळ पुढे म्हणाले की, क्रांतीसूर्य महात्मा जोतीबा फुले व क्रांतीज्योती सावित्रीबाई फुले यांचा वसा व वारसा आपल्याला पुढे न्यायचा आहे. परंतु फुले दाम्पत्य ज्या प्रवृत्तींच्या विरोधात लढले त्या प्रवृत्तींनी आज पुन्हा एकदा डोके वर काढले आहे. चातुर्वर्ण्य व्यवस्था पुन्हा लागू करण्याचा डाव आहे. संविधानातील समता, बंधुता व सामाजिक न्याय या मुल्ल्यांना बाजूला सारण्याचा प्रयत्न सत्ताधाऱ्यांकडून होत आहे. फुले दाम्पत्याने मुलींची पहिला शाळा काढली त्यावेळी सावित्रीबाई फुलेंवर दगड फेकणारे, शेण फेकणारे विदेशातून आले नव्हते, महिला शिकली तर धर्म बुडेल या विचारांच्या लोकांनीच त्यांना छळले. आता फुले चित्रपटातून तो भाग वगळावा असे सेन्सॉर बोर्ड सांगत आहे, ही लपवाछपवी कशासाठी? मंत्री चंद्रकांत पाटील आज फुले वाड्यावर बोलताना म्हणाले की पूर्वी तसे होत होते पण आता होत नाही. संविधानामुळे ते होत नाही. पण चंद्रकांत पाटील यांच्या पक्षाला हे मान्य आहे का? भाजपासाठी गोळवलकरांचे ‘बंच ऑफ थॉट’ हे बायबल आहे, त्यात महिला शिक्षणाला थारा नाही. चातुर्वर्ण्याबरोबर पाचवा वर्ण महिला सांगितलेला असून महिलांना अति शुद्र म्हटले आहे ते चंद्रकांत पाटील यांना मान्य आहे का? असा प्रश्न सपकाळ यांनी उपस्थित केला.

यावेळी प्रदेशाध्यक्षांसोबत पुणे शहर जिल्हा अध्यक्ष अरविंद शिंदे, प्रदेश उपाध्यक्ष मोहन जोशी, माजी मंत्री रमेश बागवे, माजी आमदार बाळासाहेब शिवरकर, दिप्ती चौधरी, प्रदेश सरचिटणीस ॲड. अभय छाजेड, राजीव गांधी पंचायत राज संघटनेचे महाराष्ट्र अध्यक्ष संजय ठाकरे, प्रदेश प्रवक्ते गोपाल तिवारी, नगरसेवक अजित दरेकर, रफिक शेख, अविनाश बागवे, नीता रजपूत, प्राची दुधाने, अर्चना शहा, ॲड. राजश्री अडसुळ, स्वाती शिंदे, उषा राजगुरू, ज्योती चंदवेळ, सुंदरा ओव्‍हाळ, शारदा वीर, राजेंद्र शिरसाट, मेहबुब नदाफ, सुनिल मलके, विल्सन चंदेवळ, युवक अध्यक्ष सौरभ अमराळे, ब्लॉक अध्यक्ष सुजित यादव, रमेश सकट, रमेश सोनकांबळे, आसिफ शेख, हेमंत राजभोज, राज अंबिके, विशाल जाधव, प्रशांत सुरसे, प्रदिप परदेशी, रवि आरडे, वैभव डांगमाळी, रवि पाटोळे, अमित कांबळे आदींसह असंख्य काँग्रेसजण उपस्थित होते.

पुणे २४ तास

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post दीनानाथ मंगेशकर रुग्णालयातील दोषींवर सदोष मनुष्यवधाचा गुन्हा दाखल करून appeared first on पुणे २४ तास.

वैद्यकीय आयोगाने डॉ. केळकर यांची मान्यता रद्द करावी

पुणे २४ तास — Tue, 08 Apr 2025 11:01:54 +0000

दीनानाथ मंगेशकर हॉस्पिटल प्रकरण
विशाल विमल यांची मागणी

पुणे (पुणे 24 तास ब्युरो )

पुण्यातील दीनानाथ मंगेशकर रुग्णालयाच्या हलगर्जी कारभारामुळे गेल्या आठवड्यात एका तरुण महिलेचा प्रसुतीच्या दरम्यान मृत्यू झाला. सदर महिलेकडे दिनानाथ मंगेशकर रुग्णालयाच्या प्रशासनाने आणि डॉक्टरने प्रसुतीसाठी ऍडमिट होताना सुमारे दहा लाख रुपये डिपॉझिटची मागणी केली होती. मात्र सदर महिला, कुटुंबीय नातेवाईक यांनी दहा लाख रुपयांऐवजी तीन लाखांची तजवीज करून देखील त्यांना ऍडमिट करून घेतले नाही. त्यामुळे सदर महिलेला अन्य हॉस्पिटलमध्ये जावे लागले. या सगळ्या प्रक्रियेमध्ये सदर महिलेचा वेळ गेला आणि त्यामुळे सदर महिलेच्या प्रसुतीसंबंधी अनेक गुंतागुंतीच्या अडचणी निर्माण झाल्या. त्यामुळे सदर महिलेचा प्रसूती दरम्यान मृत्यू झाला. या प्रकरणामुळे दीनानाथ मंगेशकर रुग्णालयाच्या हलगर्जी कारभारावर विविध क्षेत्रातून रोष व्यक्त होत आहे. त्यामुळे संबंधित प्रकरणाचा खुलासा करण्यासाठी रुग्णालयाचे वैद्यकीय संचालक डॉ. धनंजय केळकर यांनी प्रसार माध्यमांशी संवाद साधला. यावेळी बोलताना ते म्हणाले की, ‘रुग्णालयामध्ये ऍडमिट होताना रुग्णांनी भरून द्यावयाच्या फॉर्ममध्ये डिपॉझिट रक्कम डॉक्टरांनी लिहिण्याची पद्धत नाही. मात्र ती डॉ. सुश्रुत घैसास यांच्याकडून लिहिली गेली. कारण राहू, केतू त्यांच्या डोक्यात आले म्हणून दहा लाख रुपये ते लिहून गेले, असा अशास्त्रीय खुलासा डॉ. धनंजय केळकर यांनी केला आहे.

कोणताही शास्त्रीय आणि व्यवहारिक आधार नसलेल्या ज्योतिषात राहू, केतू हे दोन ग्रह मानले आहेत. मात्र खगोलशास्त्रामध्ये राहू, केतूला ग्रह म्हणून मान्यता नाही. आणि खरे तर कोणतेही ग्रह हे पृथ्वीवरील मनुष्यावर काहीही परिणाम करत नाहीत, हे शास्त्रीय पद्धतीने स्पष्ट झालेले आहे. रुग्णालयाचे जबाबदार म्हणून डॉ. धनंजय केळकर यांनी केलेला दावा हा डॉ. सुश्रुत घैसास यांच्याकडून माहिती घेऊनच केलेला असणार आहे. त्यामुळे विज्ञान शाखेचे असणारे डॉ. धनंजय केळकर आणि डॉ. सुश्रुत घैसास यांना ग्रहांसंबंधी शास्त्रीय माहिती नसणे हे अत्यंत धक्कादायक आहे. पूर्वपरंपार त्यांच्यावर असणारे संस्कार हे शिक्षणाने देखील गेलेले नाही, याचा त्यांच्या वक्तव्यातून पुरावा मिळतो. अंधश्रद्धाळू, कर्मकांडी आणि ब्राह्मण्यवादी प्रभाव डॉ. धनंजय केळकर यांच्यावर असल्याने त्यांनी राहू, केतू डोक्यात आल्याने दहा लाख रुपये डिपॉझिट रुग्णाने भरण्यासंबंधीची घटना घडल्याचे वक्तव्य केले आहे. स्वतःच्या चुकांची जबाबदारी झटकून त्या चुका राहू आणि केतूच्या माथी मारणे, यामागे चालूगिरी, कावेबाजपणा आणि धूर्तपणा आहे. भविष्यात एखाद्या रुग्णावर निदान, उपचार करत असताना रुग्णालय आणि डॉक्टरांकडून एखाद्या रुग्णावर विपरीत परिणाम झाले अथवा एखादा रुग्ण दगावला तर हे रुग्णालय आणि डॉक्टर हे सदर गोष्ट ही शनी, मंगळ अथवा राहू, केतूमुळे घडल्याचे सांगून हात वर करणार असल्याचे दिसते. आणि मग सदर चुकीसंबंधी न्यायालयाने नक्की शनी, मंगळ, राहू,केतूला शिक्षा ठोठावायची का ? असा प्रश्न पडतो.

एकूण वैद्यकशास्त्र हे कार्यकारणभाव, वैज्ञानिक दृष्टिकोन या पद्धतीवर उभे आहे. आजारांचे निदान, उपचार, शस्त्रक्रिया, औषध निर्माण हे सर्व वैज्ञानिक दृष्टिकोनाच्या पद्धतीने घडत असते. याचे सर्व शिक्षण डॉ. धनंजय केळकर आणि डॉ. सुश्रुत घैसास यांनी घेऊन देखील ते शास्त्रीय उपचार पद्धती विसरले की काय असा प्रश्न पडतो. डॉ. धनंजय केळकर यांनी केलेल्या बेकायदेशीर अशास्त्रीय आणि दिशाभूल करणाऱ्या वक्तव्यामुळे समाजामध्ये अंधश्रद्धा आणि कर्मकांड यांचे समर्थन घडले आहे. उद्या वैद्यकशास्त्रातील इतर लोकही स्वतःच्या चुकांचे खापर हे राहू, केतुवर फोडून मोकळे होतील. त्यामुळे असा अशास्त्रीय दावा केल्याससंबंधी डॉ. धनंजय केळकर डॉ. सुश्रुत घैसास यांची उपचार, निदान करण्यासंबंधीची मान्यता राष्ट्रीय वैद्यकीय आयोगाने रद्द करावी, अशी आम्ही मागणी करत आहोत.

विशाल विमल
कार्यकर्ते अंधश्रद्धा निर्मूलन चळवळ

पुणे २४ तास

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post वैद्यकीय आयोगाने डॉ. केळकर यांची मान्यता रद्द करावी appeared first on पुणे २४ तास.

महिला आयोगाच्या अध्यक्ष रुपाली चाकणकर यांनी घेतली भिसे कुटूंबियांची भेट

पुणे २४ तास — Mon, 07 Apr 2025 05:55:48 +0000

पुणे (पुणे 24 तास ब्युरो )

: पुण्यातील दीनानाथ मंगेशकर रुग्णालयातील गर्भवती मृत्यू प्रकरणी सोमवारी महिला आयोगाचे अध्यक्ष रूपाली चाकणकर यांनी भिसे कुटुंबाची भेट घेतली. यावेळी सविस्तर प्रकरणाची माहिती घेऊन दोषींवर कठोर कारवाई करण्यासाठी प्रयत्न करणार असल्याचे चाकणकर यांनी सांगितले.

चाकणकर म्हणाल्या, दिनानाथ मंगेशकर रुग्णालयाची घटना घडली त्याचे पडसाद संपूर्ण महाराष्ट्रामध्ये उमटताना दिसत आहेत. आरोग्य सुविधा ही मूलभूत अशी गरज आहे नागरिकांना धर्मादाय संस्थांनी चांगल्या पद्धतीची आरोग्य सुविधा देण अपेक्षित असताना आणि तशी नियमावली असताना रुग्णाला त्यांनी उपचार देण्यासाठी टाळाटाळ केली. यामुळे रुग्णाचा मृत्यू झाला.

रुग्ण आणि डॉक्टर यांच्यामध्ये झालेली चर्चा ही गोपनीय असते पण रुग्णालयाने स्वतःला वाचवण्यासाठी अहवाल सोशल मीडियाच्या माध्यमातून प्रसिद्ध केला आहे. आणि त्यामध्ये रुग्णच्या बऱ्याचश्या गोपनीय गोष्टी जाहीर केले आहे. हे अत्यंत चुकीचा आहे हा अहवाल रुग्णालयाने समिती समोर मांडायला पाहिजे होता. याबद्दल त्यांना कडक शब्दात समज देणार आहे. असे ही रुपाली चकणकर म्हणाल्या.

आज राज्य महिला आयोगाच्या वतीने पोलीस आयुक्तालयांमध्ये बैठक बोलवण्यात आलेली आहे या बैठकीमध्ये राज्याच्या वतीने जी समिती केली आहे त्याचा अहवाल पोलिस आयुक्तालयात सादर केला जाणार आहे. शिवाय पोलिसांनी जो जबाब नोंदवलं आहे त्यावर सुद्धा चर्चा केली जाणार असल्याचे चाकणकर म्हणाल्या.

पुणे २४ तास

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post महिला आयोगाच्या अध्यक्ष रुपाली चाकणकर यांनी घेतली भिसे कुटूंबियांची भेट appeared first on पुणे २४ तास.

दीनानाथ मंगेशकर रूग्णालयात घडलेला प्रकार असंवेदनशील-मुख्यमंत्री देवेद्र फडणवीस यांची स्पष्टोक्ती

पुणे २४ तास — Sat, 05 Apr 2025 13:56:57 +0000

-संपूर्ण धर्मादाय व्यवस्था एका ऑनलाईन प्लॅटफॉर्मवर आणणार
पुणे (पुणे 24 तास ब्युरो )
दीनानाथ मंगेशकर हे रुग्णालय लतादीदी आणि मंगेशकर परिवाराने खूप मेहनतीने उभारले आहे. हे रुग्णालय अत्यंत नावाजलेले आहे. या रुग्णालयात अनेक शस्त्रक्रिया आणि उपचार होतात. या रुग्णालयातील सगळ्याच गोष्टी चूक आहेत, असे म्हणता येणार नाही. मात्र,नुकताच घडलेला प्रकार हा असंवेदनशील होता. जिथे चूक आहे, तिथे चूक म्हणावे लागेल, अशा शब्दांत मुख्यमंत्री देवेंद्र फडणवीस यांनी दीनानाथ मंगेशकर रुग्णालयाचे प्रशासन आणि विश्वस्त मंडळाचे अप्रत्यक्षपणे कान टोचले. दरम्यान संपूर्ण धर्मादाय व्यवस्था एका ऑनलाईन प्लॅटफॉर्मवर यावी, हा आमचा प्रयत्न आहे. रुग्णालयात किती बेड आहेत, ते दिले जात आहेत की नाही, हे सगळं कळण्यासाठी व्यवस्थेत सुधारणा केल्या जातील. ही व्यवस्था मुख्यमंत्री आरोग्य कक्षाशी जोडण्याचा प्रयत्न केला जाईल. असेही मुख्यमंत्र्यांनी यावेळी सांगितले.
मुख्यमंत्री देवेंद्र फडणवीस हे शनिवारी महसूल विभागने राज्यातील अधिका-यांसाठी आयोजित केलेल्या कार्यक्रमाच्या समारोपासाठी आले होते. त्यावेळी पत्रकांराशी ते पत्रकारांशी बोलत होते.
मुख्यमंत्री फडणवीस म्हणाले,“ दीनानाथ मंगेशकर रुग्णालयाला त्यांची चूक सुधारावी लागेल. ते ही चूक सुधारण्यासाठी प्रयत्न करणार असतील तर आम्हाला मला आनंद आहे, जोपर्यंत शासनाने नेमलेल्या समितीचा अहवाल येत नाही, तोपर्यंत याप्रकरणावर बोलणे योग्य ठरणार नाही. मात्र, रुग्णालयाबाहेर आंदोलन करणे योग्य नाही. सरकारने या घटनेची दखल घेतली आहे. दोषींवर कायदेशीर कारवाई केली जाईल. पण शो बाजी बंद झाली पाहिजे. घैसास यांच्या रुग्णालयाची झालेली तोडफोड समर्थनीय नाही. त्यामध्ये भाजपची महिला आघाडी सहभागी असेल तरी हे कृत्य चूक आहे, असे देवेंद्र फडणवीस यांनी सांगितले.
तत्पूर्वी देवेंद्र फडणवीस यांनी तनिषा भिसे यांच्या कुटुंबीयांची भेट घेतली. दीनानाथ मंगेशकर रुग्णालयातील दोषींवर कठोर कारवाई केली जाईल, असे आश्वासन मुख्यमंत्र्यांनी म्हटले. या प्रकरणात कारवाई केली जाणार आहे. मात्र, भविष्यात असे प्रकार घडू नयेत, यासाठी प्रयत्न केले जाणार आहेत. यासाठी एक एसओपी तयार करण्याचे काम सुरु आहे. या घटनेनंतर धर्मादाय आयुक्तांना नव्याने काही अधिकार देण्यात आले आहेत. भविष्यात त्यादृष्टीने कायद्यात बदल केला जाईल. संपूर्ण धर्मादाय व्यवस्था एका ऑनलाईन प्लॅटफॉर्मवर यावी, हा आमचा प्रयत्न आहे. रुग्णालयात किती बेड आहेत, ते दिले जात आहेत की नाही, हे सगळं कळण्यासाठी व्यवस्थेत सुधारणा केल्या जातील. ही व्यवस्था मुख्यमंत्री आरोग्य कक्षाशी जोडण्याचा प्रयत्न केला जाईल, असेही देवेंद्र फडणवीस यांनी सांगितले.

पुणे २४ तास

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post दीनानाथ मंगेशकर रूग्णालयात घडलेला प्रकार असंवेदनशील-मुख्यमंत्री देवेद्र फडणवीस यांची स्पष्टोक्ती appeared first on पुणे २४ तास.

मंगेशकर रुग्णालयात दाखल होणाऱ्या रुग्णाकडून अनामत रक्कम घेणार नाही

पुणे २४ तास — Sat, 05 Apr 2025 06:17:46 +0000

पुणे (पुणे 24 तास ब्युरो )

महिलेच्या दुर्दैवी मृत्यूनंतर निर्माण झालेल्या संतापाच्या पार्श्वभूमीवर, दीनानाथ मंगेशकर रुग्णालयाने मोठा निर्णय घेतला आहे. रुग्णालयाच्या विश्वस्त मंडळ व व्यवस्थापनाने आत्मचिंतन करत इमर्जन्सी विभागातील धोरणात महत्त्वपूर्ण बदल केला आहे.
यापुढे रुग्णालयात इमर्जन्सी कक्षात दाखल होणाऱ्या कोणत्याही रुग्णांकडून, डिलिव्हरीसाठी येणाऱ्या महिलांकडून, तसेच बालरोग विभागात येणाऱ्या रुग्णांकडून डिपॉझिट रक्कम घेतली जाणार नाही, असा ठराव करण्यात आला आहे. आजपासून या निर्णयाची अंमलबजावणी होणार आहे.

रुग्णालयाचे वैद्यकीय संचालक डॉ. धनंजय केळकर यांनी पत्राद्वारे ही माहिती दिली. त्यांनी काल घडलेल्या घटनेबद्दल तीव्र खेद व्यक्त करत, तो दीनानाथ रुग्णालयाच्या इतिहासातील एक अत्यंत दु:खद व सुन्न करणारा दिवस असल्याचं म्हटलं आहे.

डॉ. केळकर म्हणाले “घटनेतील सत्य शासकीय चौकशीद्वारे उघड होईलच, मात्र या निमित्ताने सुरू झालेला असंवेदनशीलतेचा वाद संपवण्याची ही सुरुवात आहे. नागरिकांनी आणि माननीय मुख्यमंत्र्यांनी याची नोंद घ्यावी.”

पुणे २४ तास

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post मंगेशकर रुग्णालयात दाखल होणाऱ्या रुग्णाकडून अनामत रक्कम घेणार नाही appeared first on पुणे २४ तास.

तनीशाचा दुर्दैवी अंत ; रुग्णालयाचा हलगर्जीपणा

पुणे २४ तास — Sat, 05 Apr 2025 02:19:11 +0000

पुणे (पुणे 24 तास ब्युरो )

तनिषा आणि सुशांत च्या आयुष्यात आठ वर्षांनंतर गुड न्यूज झाली होती. मात्र हॉस्पिटलच्या हलगर्जीपणामुळे आठ वर्षानंतर न मातृत्वाच्या उंबरठ्यावर असलेल्या तनिषाचा असा दुर्दैवी अंत होणं, हे केवळ तिच्या कुटुंबासाठीच नव्हे, तर संपूर्ण समाजासाठी विचार करण्यासारखं आहे.

पुण्यातील दीनानाथ मंगेशकर रुग्णालयाने गर्भवती तनिषा भिसे यांना १० लाख रुपयांची आगाऊ रक्कम न भरल्यामुळे दाखल करण्यास नकार दिला, असा आरोप आहे. त्यामुळे त्यांच्या पतीने त्यांना दुसऱ्या रुग्णालयात नेले, जिथे त्यांनी जुळ्या मुलींना जन्म दिला, परंतु दुर्दैवाने तनिषा यांचे निधन झाले.

तनिषा भिसे या भाजप आमदार अमित गोरखे यांच्या स्वीय सहाय्यक सुशांत भिसे यांच्या पत्नी होत्या. सुशांत भिसे यांनी सांगितले की, रुग्णालयाने १० लाख रुपये आगाऊ भरण्याची मागणी केली होती. त्यांनी तत्काळ २.५ लाख रुपये भरण्याची तयारी दर्शवली, परंतु रुग्णालयाने उपचार नाकारले. त्यामुळे त्यांना दुसऱ्या रुग्णालयात हलवावे लागले, जिथे तनिषा यांचे निधन झाले.

तनिषा आणि सुशांत दोघेही कर्वेनगरमध्ये राहत होते. दोघांची ओळख मित्र- मैत्रिणींच्या माध्यमातून झाली. या दोघांचा आठ वर्षांपासून प्रेमाचा संसार फुलला होता. या सुखी संसांरात तब्बल आठ वर्षांनी गुड न्यूज आली. पण केवळ दीनानाथ मंगेशकर रुग्णालय प्रशासनाने पैशांच्या हव्यासापोटी हे सुख मात्र तनिषा -सुशांतला लाभलं नाही.

विशेष बाब म्हणजे अमित गोरखे यांचे स्वीय सहाय्यक सुशांत भिसे रुग्णालयात पत्नीला दाखल करून घेत नाहीत. म्हटल्यावर त्यांनी दीनानाथ रुग्णालयाला मुख्यमंत्री वैद्यकीय सहाय्यता कक्षातून रामेश्वर नाईक यांनी फोन केला. तरीही रुग्णालय प्रशासनाने त्यांचे काहीही न ऐकता पैसे भरले तरच उपचाराला सुरवाक केली जाईल. असे सांगितले. अखेर सुशांत मोनालीला घेऊन दुसऱ्या रुग्णालयात घेऊन गेला. तिथे भरती केलं आणि मोनालीने २ गोंडस जुळ्या मुलींना जन्म दिला, आणि अतिरक्तस्त्राव झाल्यामुळे तिला आपला जीव गमावला. या घटनेबाबत आमदार अमित गोरखे यांनी मुख्यमंत्र्यांकडे तक्रारही केली आहे. तसेच प्रशासनाने या घटनेची संपूर्ण चौकशी करण्याचे आदेश दिले आहेत.

दरम्यान, सध्या तनिषा ने जन्म दिलेल्या २ चिमुरड्या मुलींवर व्हेंटिलेटवर उपचार सुरु असून एका बाळाला नुकतंच व्हेंटिलेटवरुन काढलं आहे. दोन्ही बाळांची स्थिती स्थिर आहे. मोनालीच्या मृत्यूला जबाबदार कोण? असा प्रश्न उपस्थित होत आहे.

पुणे २४ तास

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post तनीशाचा दुर्दैवी अंत ; रुग्णालयाचा हलगर्जीपणा appeared first on पुणे २४ तास.

पुण्यात वेळेत उपचार न मिळाल्याने महिलेचा मृत्यू;उपमुख्यमंत्री अजित पवार यांनी दिले चौकशीचे आदेश

पुणे २४ तास — Fri, 04 Apr 2025 09:23:25 +0000

श

पुणे (पुणे 24 तास ब्युरो )

: पुणे येथील दीनानाथ मंगेशकर रुग्णालयात तातडीने उपचार न मिळाल्याने श्रीमती तनिषा भिसे या भगिनीला आपला प्राण गमवावा लागला. ही घटना अत्यंत दुर्दैवी असून, शासनाने याची गंभीर दखल घेतली आहे. या प्रकरणाची सखोल चौकशी तज्ज्ञ डॉक्टरांच्या समितीद्वारे करण्याचे आदेश उपमुख्यमंत्री अजित पवार यांनी दिले आहेत.

या दुर्दैवी घटनेची गांभीर्याने दखल घेत उपमुख्यमंत्री अजित पवार यांनी पुणे जिल्हाधिकाऱ्यांकडून याबाबतची संपूर्ण माहिती घेतली आहे. आरोग्य विभागाने तातडीने, पारदर्शक आणि निष्पक्षपणे चौकशी पूर्ण करण्याच्या सूचना दिल्या आहेत. रुग्णालय प्रशासनाने माध्यमांसमोर त्यांचे म्हणणे मांडले असले, तरी शासन या प्रकरणाचा सर्व संबंधित घटकांची सखोल चौकशी करून योग्य ती कारवाई करेल. या घटनेबाबत आंदोलन करणाऱ्या व्यक्ती, संस्था आणि संघटनांच्या भावना शासनाने समजून घेतल्या आहेत. चौकशीच्या निष्कर्षानुसार दोषी आढळणाऱ्यांवर कायद्यानुसार कठोर कारवाई केली जाईल. तसेच अशा घटना भविष्यात घडू नयेत यासाठी आवश्यक ती खबरदारी घेण्याच्या स्पष्ट सूचना प्रशासनाला देण्यात आल्या आहेत. सर्व नागरिकांनी संयम बाळगावा आणि प्रशासनास सहकार्य करावे, असे आवाहन उपमुख्यमंत्री अजित पवार यांनी केले आहे.

पुणे २४ तास

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post पुण्यात वेळेत उपचार न मिळाल्याने महिलेचा मृत्यू;उपमुख्यमंत्री अजित पवार यांनी दिले चौकशीचे आदेश appeared first on पुणे २४ तास.