पुणे: दहावीच्या परीक्षेपूर्वी निरोप घेतलेल्या हडपसर येथील प्रगती महाविद्यालयातील शाळेतील माजी विद्यार्थ्यांची शाळा 25 वर्षांनी पुन्हा भरली. प्रगतीच्या शिलेदारांचे स्नेहसंमेलन हा कार्यक्रम रविवारी (दि. 23) मोठ्या उत्साहात पार पडला. शिक्षक आणि सध्या विविध क्षेत्रात कार्यरत असलेल्या विद्यार्थ्यांनी 25 वर्षापूर्वीच्या जुन्या आठवणींना उजाळा दिला.
यावेळी शिक्षक शिवाजी चव्हाण, सुभाष भारद्वाज, एन. एम. कुंडीयावाला, अरुण झांबरे, निजाम शेख, विठ्ठल कोंडे, संजय पाटील, भारत कदम, लक्ष्मण कणसे, सरोज अस्मर, रामचंद्र गाढवे रेखा आबनावे तसेच शाळेतील सध्याच्या शिक्षिका कोलते मॅडम आणि शिक्षेतर कर्मचारी व माजी विद्यार्थी मोठ्या संख्येने उपस्थित होते.   

यावेळी विद्यार्थ्यांना शिकवणारे काही शिक्षक निवृत्त झाले ते गावाला असतानाही त्यांनी पुण्यात येऊन कार्यक्रमास उपस्थिती दर्शवली. तर बाहेर गावी असलेली मुले तसेच सासरी नांदत असलेल्या मुलींनीही मुंबई, सोलापूर तसेच इतर भागातून  येऊन कार्यक्रमास हजेरी लावली. रविवारी सकाळी साडेदहा वाजता  कार्यक्रमाची सुरवात काळेपडळ येथील शाळेच्या प्रांगणात राष्ट्रगीताने झाली. क्रीडा शिक्षिका रेखा आबनावे यांनी सर्वाना राष्ट्रगीतासाठी रांगेत उभे केले. राष्ट्रगीतानंतर सर्व माजी विद्यार्थी वर्गात जाऊन बसले. त्या ठिकाणी लक्ष्मण कणसे सरांनी विद्यार्थ्यांची हजेरी घेतली. त्यानंतर सर्वजण पुन्हा एका शाळेच्या प्रागंणात कार्यक्रमासाठी हजर झाले. यावेळी सर्व विद्यार्थ्यांनी आपला परिचय करून दिला. यामध्ये सध्या कोण काय करतंय याबद्दल माहिती दिली. यापरिचयामधून त्यावेळचे आपले सहकारी कोणी डॉक्टर, कोणी इंजिनिअर तर कोणी मोठे व्यावसायिक झाल्याचे समजले. यावेळी प्रातिनिधिक स्वरूपात साजिद सय्यद, संपदा शेळके -लावंड, संदीप जाधव यांनी मनोगत व्यक्त करताना शाळेच्या जुन्या आठवणी डोळ्या समोर उभ्या केल्या. तर उपस्थित सर्व शिक्षकांनी आपले मनोगत व्यक्त केले. यावेळी विद्यार्थ्यांबरोबरच शिक्षकांचे डोळेही पानवल्याचे दिसून आलेे. आपल्या जुन्या मित्र मैत्रिणींची 25 वर्षांनंतर भेट झाल्यामुळे हा दिवस सर्वांसाठी एखाद्या सणाहून कमी नसल्याचे यावेळी पहायला मिळाले. यावेळी मुलींनी शिक्षकांचे पाद्यपुजनही केले. कार्यक्रमाचे सूत्रसंचालन अमोल तोष्णीवाल, निर्मला इंगळे-तापकीर यांनी केले. तर कार्यक्रमाच्या संयोजनाची जबाबदारी माजी विद्यार्थी प्रितम जगताप, जुबेर पठाण, विकास हांडे, बापु हांडे, मयूर गायकवाड, महेंद्र कांबळे दत्ता ताम्हाणे, वर्षा जगताप, झीनत शेख,  विजय यादव, प्रियंका शिंदे -भोसले, स्वप्ना खोले -नाझरे, जया होले, अमृता नाझरे, निलेश भोसले यांच्यासह सर्व माजी विद्यार्थ्यांनी सांभाळली. सायंकाळी चार वाजता पुन्हा भेटू या वाक्यावर कार्यक्रमाची सांगता झाली,  अन सर्वांचे पाय पुन्हा आपल्या वाटेकडे वळले.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post प्रगती महाविद्यालयाच्या विद्यार्थ्यांची पंचवीस वर्षांनी पुन्हा भरली शाळा<br>– शिक्षक, विद्यार्थ्यांनी दिला आठवणींना उजाळा appeared first on पुणे २४ तास.

पुणे (पुणे 24 तास ब्युरो )

: राज्य शासन प्रत्येक बालकांचे आरोग्य व उज्ज्वल भविष्याची जबाबदारी पूर्ण निष्ठेनी पार पाडेल; सर्वांनी मिळून राष्ट्रीय बाल स्वास्थ्य कार्यक्रमाअंतर्गत आयोजित विशेष तपासणी मोहीम यशस्वी करुया, व या माध्यमातून प्रत्येक बालकांना सशक्त आणि निरोगी जीवनाची हमी देण्याचे काम करुया, असे आवाहन उपमुख्यमंत्री तथा जिल्ह्याचे पालकमंत्री अजित पवार यांनी केले.

औंध येथील इंदिरा गांधी मॉडेल स्कूल येथे आयोजित राष्ट्रीय बाल स्वास्थ्य कार्यक्रम अंतर्गत विशेष तपासणी मोहीमेचा शुभारंभ आणि राज्यस्तरीय मेळाव्याच्या उद्घाटनप्रसंगी ते बोलत होते. शालेय शिक्षण मंत्री दादाजी भुसे (दूरदृष्यप्रणीलीद्वारे) तर व्यासपीठावर सार्वजनिक आरोग्य व कुटुंब कल्याण मंत्री प्रकाश आबिटकर, पुणे महानगर पालिकेचे आयुक्त डॉ. राजेंद्र भोसले, जिल्हाधिकारी जितेंद्र डुडी, जिल्हा परिषदेचे मुख्य कार्यकारी अधिकारी गजानन पाटील, आरोग्य सेवा संचालक डॉ. नितीन अंबाडेकर, शहरी आरोग्य सेवा संचालक डॉ. स्वप्नील लाळे, अतिरिक्त संचालक डॉ. बबिता कमलापूरकर आदी उपस्थित होते.

श्री. पवार म्हणाले, सार्वजनिक आरोग्य विभाग, एकात्मिक बाल विकास विभाग, शिक्षण विभाग, आदिवासी विभाग, नगर विकास विभाग यांच्या समन्वयाने राष्ट्रीय बाल स्वास्थ्य कार्यक्रमाअंतर्गत राज्यातील ० ते १८ वर्षापर्यंतची बालके तसेच किशोरवयीन मुला-मुलींची सर्वांगीण आरोग्य तपासणी करण्यात येणार आहे. याअंतर्गत ६ हजार शाळांमधील १४ लाख विद्यार्थी आणि ३० हजार अंगणवाडीतील २० लाख बालकांची डोक्यापासून ते नखा पर्यत वैद्यकीय तपासणी करण्यात येणार आहे. तसेच यामाध्यमातून बालकांच्या आरोग्य विषयी माहिती मिळणार आहे. पहिल्याच टप्प्यात शारीरिक, मानसिक आजाराचे निदान होऊन त्यांच्यावर वेळेत मोफत उपचार करता येणार आहे, अशाप्रकारचा उपक्रम हाती घेतल्याबद्दल सार्वजनिक आरोग्य विभागाचे अभिनंदन करुन पुढील वाटचालीस श्री. पवार यांनी शुभेच्छा दिल्या.

ते पुढे म्हणाले, बालकांचे आरोग्य एखाद्या कुटुंबापुरते मर्यादित नसून ते समाज, देशाच्या उज्जवल भविष्याकरीता महत्वाचे असते. त्यामुळे राज्यातील बालके सदृढ असली पाहिजे, त्याचे आरोग्य चांगले असले पाहिजे, अभ्यासात प्राविण्य मिळवले पाहिजे, यापद्धतीने सुदृढ व जबाबदार नागरिक घडविण्याचे काम केले पाहिजे. बालकांना जन्मजात कुपोषण, ॲनेमिया, डोळे व दाताचे आजार, हद्यरोग, कुष्ठरोग आदीप्रकारचे आजार असतात त्यामुळे त्यांना विविध समस्यांना सामोरे जावे लागते, या मोहिमेचा माध्यमातून अशा बालकांवर शासकीय रुग्णालय, महात्मा ज्योतिबा फुले जन आरोग्य योजनेअंतर्गत अंगीकृत असलेल्या रुग्णालयात तज्ज्ञ डॉक्टराद्वारे वेळेत उपचार, शस्त्रक्रिया करण्यात येणार असल्याने गरजू बालकांना मोठ्या प्रमाणावर याचा लाभ होणार आहे.

वैद्यकीय क्षेत्रातील तज्ज्ञ सामाजिक बांधिलकी जपत आरोग्यविषयक सेवा देण्याकरीता पुढे येत असून त्यांच्या सेवेचा लाभ गरजू नागरिकांना लाभ मिळण्याकरीता राज्यशासन प्रयत्नशील आहे. राज्यात महिलांमध्ये कर्करोगाचे वाढते प्रमाण लक्षात घेता त्यावर प्रतिबंधात्मक उपाययोजना म्हणून लस देण्याबाबत राज्य शासन विचार करीत असून त्याबाबत लवकर निर्णय घेण्यात येईल, असेही श्री. पवार म्हणाले.

राष्ट्रीय बाल स्वास्थ्य कार्यक्रम यशस्वी करण्याकरीता सहकार्य करण्यात येईल- मंत्री दादाजी भुसे

मंत्री श्री. भुसे म्हणाले, राष्ट्रीय बाल स्वास्थ्य कार्यक्रमातंर्गत आयोजित विशेष तपासणी मोहीमेअंतर्गत ० ते १८ वयोगटातील बालके तसेच किशोरवयीन मुला-मुलींच्या आजाराचे निदान झाल्यानंतर त्यांच्यावर मोफत उपचार करण्याचे काम करावयाचे आहे. गंभीर आजारावर उपचाराकरीता सुपर स्पेशिलिटी रुग्णालयातही विविध योजनांच्या माध्यमातून लाभ देण्याचे काम करावे. विद्यार्थ्यांना होणाऱ्या आजारावर वेळेत उपचार होण्याकरीता आगामी काळात एक कक्ष स्थापन करण्याबाबत नियोजन करावे. एकही विद्यार्थी उपचारापासून वंचित राहणार नाही, याबाबत शालेय शिक्षण विभागाने दक्षता घ्यावी. शालेय शिक्षण विभाग आणि सार्वजनिक आरोग्य विभाग मिळून ही मोहिम यशस्वी करण्याकरीता काम करावे, असे श्री. भुसे म्हणाले.

आगामी काळात आरोग्यसंपन्न पिढी निर्माण करण्याचे काम करुया- मंत्री प्रकाश आबिटकर

श्री. आबिटकर म्हणाले, सार्वजनिक आरोग्य विभागामार्फत सर्व सामान्य नागरिकांकरीता विविध योजना राबवून त्यांना लाभ दिला जात आहे. या सर्वप्रकारच्या योजनांचे सुक्ष्म नियोजन करुन अपेक्षित लाभार्थ्यांना लाभ देण्यात येत आहे. राज्यातील सुमारे दोन कोटी महिलांची आरोग्यविषयक तपासणी करुन त्यांच्यावर आवश्यक त्या सर्व प्रकारचे उपचार करण्यात येत आहे. राज्य शासनाच्या १०० दिवसाच्या विशेष कार्यक्रमाअंतर्गत राज्यातील सुमारे दोन कोटी बालकांची आरोग्य तपासणी करण्यात येत आहे. प्राथमिक आरोग्य केंद्र, ग्रामीण जिल्हा रुग्णालय उप जिल्हा रुग्णालयाचेही लोकार्पण करुन नागरिकांना अधिकाधिक आरोग्यविषयक सेवा देण्याचे काम विभागाच्यावतीने करण्यात येत आहे.

‘निरोगी बालपण आणि सुरक्षित भविष्य “या संकल्पनेवर आधारित राष्ट्रीय बाल स्वास्थ्य कार्यक्रम अंतर्गत विशेष तपासणी मोहिम आयोजित करण्यात आली आहे. राज्यातील ० ते १८ वर्षापर्यंतची बालकांची आरोग्य विषयक तपासणी करण्यात येणार आहे. बालकांमधील आजाराचे वेळेत निदान करुन त्यांच्यावर उपचार करण्यात येणार असून त्यांना आगामी काळात निरोगी व सुरक्षित आरोग्य जगता येणार आहे. त्यामुळे मुख्याध्यापक, शिक्षक, पालक तसेच आरोग्य विभागाच्या पथकांनी मिळून काटेकोरपणे नियोजन करावे. अतिशय नीटनिटके, पारदर्शक आणि लोकांप्रती उपयुक्त अशाप्रकाची कामे करुन ही मोहिम यशस्वी करण्याकरीता सर्वांनी प्रयत्न करावे, यामाध्यमातून आगामी काळात आरोग्यसंपन्न पिढी निर्माण करण्याचे काम करुया, असेही श्री. आबिटकर म्हणाले.

उपमुख्यमंत्री श्री. पवार यांच्या हस्ते राष्ट्रीय बाल स्वास्थ्य कार्यक्रमाच्या जनजागृतीकरीता तयार करण्यात आलेले पोस्टर, बोधचिन्ह तसेच ॲनेमियामुक्त भारत मोहीम पोस्टर्स व फ्लिप बुकचे अनावरण करण्यात आले.

डॉ. अंबाडेकर यांनी कार्यक्रमाचे प्रास्ताविक केले तर डॉ. कमलापूरकर यांनी उपस्थितीतांचे आभार मानले.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post प्रत्येक बालकांना सशक्त आणि निरोगी जीवनाची हमी देण्याचे काम करुया- उपमुख्यमंत्री अजित पवार appeared first on पुणे २४ तास.

पुणे, (पुणे 24 तास ब्युरो )

सामाजिक न्याय व विशेष सहाय विभागामार्फत डॉ. बाबासाहेब आंबेडकर २५० मुलांचे शासकीय वसतिगृह, युनिट क्र.३ विश्रांतवाडी येरवडा, पुणे हे वसतिगृह नुकतेच सुरू करण्यात आलेले आहे. गुणवत्तेनुसार १४० पात्र मागासवर्गीय विद्यार्थ्यांना या ठिकाणी प्रवेश देण्यात आलेला असून त्यांनी तात्काळ वसतिगृहात हजर व्हावे, असे आवाहन करण्यात आले आहे.

या वसतिगृहात विद्यार्थ्यांना प्रवेश देण्यासाठी वर्तमान पत्रात जाहिरात देण्यात आलेली होती. सदर जाहिरातीच्या अनुषंगाने प्राप्त झालेले अर्ज व सन २०२४-२५ या शैक्षणिक वर्षात ज्या मागासवर्गीय विद्यार्थ्यांना प्रवेश मिळालेला नव्हता अशा सर्व अर्जांची एकत्रित गुणवत्ता यादी तयार करण्यात आलेली असून गुणवत्तेनुसार वसतिगृह प्रवेश मंजूर केलेली विद्यार्थ्यांची यादी वसतिगृहाच्या गृहप्रमुखांच्या कार्यालयात प्रसिद्ध करण्यात आलेली आहे. या वसतिगृहाची मंजूर विद्यार्थी संख्या २५० इतकी असून सद्यस्थितीत गुणवत्तेनुसार १४० पात्र मागासवर्गीय विद्यार्थ्यांना प्रवेश देण्यात आलेला आहे. उर्वरीत ११० जागा कनिष्ठ महाविद्यालय व बिगर व्यावसायिक विभागाच्या वर्गवारीनुसार प्रवेश अर्ज प्राप्त न झाल्याने रिक्त आहेत.

वसतिगृहाच्या गृहप्रमुखांकडून प्रवेश मंजूर झालेल्या १४० विद्यार्थ्यांना वसतिगृहात प्रवेश घेण्याबाबत भ्रमणध्वनीद्वारे कळविण्यात आले आहे, अशीही माहिती सहायक आयुक्त, समाज कल्याण विशाल लोंढे यांनी दिली आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post प्रवेश मंजूर झालेल्या विद्यार्थ्यांनी तात्काळ वसतिगृहामध्ये हजर होण्याचे समाज कल्याण विभागाचे आवाहन appeared first on पुणे २४ तास.

जी.डी.सी.अँड ए. व सी. एच. एम. परीक्षा अर्ज भरण्यास मुदत वाढ पुणे दि. 25 : जी.डी.सी.अँड ए व सी. एच. एम. परीक्षा, २०२५ साठी https://gdca.maharashtra.gov.in या संकेतस्थळावर ऑनलाईन अर्ज भरण्याची मुदत दि. 7 मार्च 2025 रोजी रात्री 8 वाजेपर्यंत वाढविण्यात आली आहे. तसेच बँकेमध्ये चलनाने भरणा करण्याची मुदत दि. 13 मार्च 2025 पर्यंत (बँकेचे कामकाजाचे वेळेत) वाढविण्यात आली आहे अशी माहिती सचिव, जी.डी.सी.अँड ए. बोर्ड तथा उपनिबंधक (प. व प्र. ), सहकारी संस्था, पुणे यांनी कळविली आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post जी डी सी अँड सी एच एम परीक्षा अर्ज भरण्यास मुदतवाढ appeared first on पुणे २४ तास.

पुणे, (पुणे 24 तास ब्युरो )

महाराष्ट्र राज्य परीक्षा परिषदेमार्फत १० नोव्हेंबर २०२४ रोजी घेण्यात आलेल्या शिक्षक पात्रता परीक्षेचा अंतिम निकाल परिषदेच्या http://mahatet.in या संकेतस्थळावर प्रसिद्ध करण्यात आला असल्याची माहिती महाराष्ट्र राज्य परीक्षा परिषदेच्या आयुक्त अनुराधा ओक यांनी कळविली आहे.

या परीक्षेसाठी प्रविष्ठ एकूण ३ लाख ५३ हजार ९५२ परीक्षार्थीपैकी ११ हजार १६८ परीक्षार्थी पात्र ठरले होते. या परीक्षेचा अंतरिम निकाल ३१ जानेवारी २०२५ रोजी प्रसिद्ध करुन १० फेब्रुवारीपर्यंत आक्षेप मागविण्यात आले होते. पात्र उमेदवारांना अंतिम निकाल पाहण्यासाठी संकेतस्थळावर उपलब्ध असून प्रमाणपत्राची प्रत संबंधित शिक्षणाधिकारी (प्राथमिक), जिल्हा परिषद, शिक्षण निरीक्षक, मुंबई (उत्तर, दक्षिण, पश्चिम) यांच्यामार्फत यथावकाश पाठविण्यात येईल, असेही श्रीमती ओक यांनी कळविले आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post महाराष्ट्र शिक्षक पात्रता परीक्षेचा अंतिम निकाल प्रसिद्ध appeared first on पुणे २४ तास.

पुणे 🙁 पुणे 24 तास ब्युरो )

महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्च 2025 ची उच्च माध्यमिक प्रमाणपत्र (इ. बारावी) परीक्षा दि. 11 फेब्रुवारी ते दि. 18 मार्च 2025 आणि माध्यमिक शालांत प्रमाणपत्र (इ. दहावी) परीक्षा दि. 21 फेब्रुवारी ते दि. 17 मार्च 2025 या कालावधीत आयोजित करण्यात आली आहे. या परीक्षांच्या पार्श्वभूमीवर कॉपी प्रकरणास पूर्णतः प्रतिबंध करण्यासाठी राज्यभर कॉपीमुक्त अभियान यशस्वी करण्याचे आवाहन मुख्य सचिव सुजाता सौनिक यांनी केले आहे.

मुख्यमंत्री देवेंद्र फडणवीस यांच्या 100 दिवसांच्या कृती आराखडा कार्यक्रमांतर्गत शिक्षणमंत्री दादाजी भुसे यांनी बारावी आणि दहावीच्या परीक्षा कॉपीमुक्त, भयमुक्त आणि निकोप वातावरणामध्ये सुरळीत पार पडाव्यात यासाठी शालेय शिक्षण विभाग आणि महाराष्ट्र राज्य माध्यमिक व उच्च माध्यमिक मंडळाने प्रयत्न करण्याचे निर्देश दिले होते. या पार्श्वभूमीवर मुख्य सचिव श्रीमती सौनिक यांनी मंत्रालयात झालेल्या बैठकीत यासंदर्भात आढावा घेतला. शालेय शिक्षण विभागाचे प्रधान सचिव रणजित सिंह देओल यावेळी उपस्थित होते. तर शालेय शिक्षण आयुक्त, राज्यातील सर्व जिल्हाधिकारी, सर्व पोलीस आयुक्त, पोलीस अधीक्षक व मुख्य कार्यकारी अधिकारी दूरदृश्य प्रणालीद्वारे बैठकीत सहभागी झाले.

मुख्य सचिव यांनी दिलेल्या निर्देशानुसार शिक्षण मंडळामार्फत राज्यातील संवेदनशील परीक्षा केंद्र परिसरामध्ये जिल्हा प्रशासनामार्फत ड्रोन कॅमेराद्वारे परीक्षा केंद्राची निगराणी करण्यात येईल. परीक्षा सुरू होण्याच्या एक दिवस आधी परीक्षा केंद्रावर आवश्यक भौतिक सुविधा सुव्यवस्थित आहेत का ? याची जिल्हा प्रशासनाकडून खात्री केली जाईल. परीक्षा केंद्राच्या बाहेर जिल्हा प्रशासनामार्फत व्हिडीओ चित्रीकरण करण्यात येईल. जिल्ह्यातील सर्व विभागांचे शासकीय अधिकारी व कर्मचाऱ्यांच्या साहाय्याने कॉपीमुक्त परीक्षा होण्यासाठी सर्व परीक्षा केंद्रांवर भरारी पथके व बैठी पथके उपलब्ध होतील याचे नियोजन करण्यात येणार आहे.

जिल्हा प्रशासनाकडून परीक्षा केंद्रावर नियुक्त केलेल्या केंद्र संचालक, पर्यवेक्षक व परीक्षेशी संबंधीत घटकांची फेशियल रेकग्निशन सिस्टीमद्वारे तपासणी करण्यात येईल. तसेच विभागीय मंडळामार्फत परीक्षेशी संबंधित सर्व घटकांना अधिकृत ओळखपत्र देण्यात येईल. महाराष्ट्र प्रिव्हेंशन ऑफ मालप्रॅक्टीसेस ॲक्ट 1982 या कायद्याची अंमलबजावणी करुन व कोणत्याही परीक्षा केंद्रावर गैरप्रकार घडल्यास गैरप्रकारांना उद्युक्त करणारे, मदत करणारे व प्रत्यक्ष गैरमार्ग करणाऱ्यांवर दखलपात्र व अजामीनपात्र गुन्हा दाखल करण्यात येईल. परीक्षा केंद्रापासून 500 मीटर परिसरात झेरॉक्स सेंटर परीक्षा कालावधीत बंद ठेवण्यात येतील तसेच संबंधित परीक्षा केंद्राच्या परिसरात 144 कलम लागू करण्यात येईल.

मंडळामार्फत करण्यात येणाऱ्या या उपाययोजनांची सर्व विद्यार्थी, पालक, शिक्षक व परीक्षेशी संबंधित सर्व घटकांनी नोंद घ्यावी, असे आवाहन मंडळाच्या सचिव डॉ.माधुरी सावरकर यांनी केले आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post बारावी आणि दहावीच्या परीक्षांदरम्यान कॉपीमुक्त अभियान यशस्वी करण्याचे मुख्य सचिवांचे आवाहन appeared first on पुणे २४ तास.

विद्यार्थ्यांमधील वाचन आणि गणितीय क्रियांमध्ये देखील प्रगती

-शालेय शिक्षण विभागाची माहिती

पुणे : (पुणे 24 तास ब्युरो )

   प्रथम एज्युकेशन फाऊंडेशन या संस्थेने शाळा सर्वेक्षणाचा (ग्रामीण) अहवाल (असर) प्रकाशित केलेला आहे. या अनुषंगाने महाराष्ट्र प्राथमिक शिक्षण परिषदेमार्फत ‘असर’ अहवालाबाबत काही मुद्दे स्पष्ट करण्यात आले आहेत. संस्थेने २०.४ टक्के विद्यार्थ्यांकडून संगणकाचा वापर होत असल्याचे अहवालामध्ये म्हटले आहे. तथापि, एकूण १,०८,१४४ शाळांचा विचार करता संगणकाचा वापर करण्याचे प्रमाण ७२.९५ टक्के इतके आहे. सदर संस्थेने ४८.३ टक्के शाळांमध्ये संगणक नसल्याचे नमूद केले आहे. वास्तविकतः एकूण शाळांपैकी ७८.४० टक्के शाळांमध्ये संगणक सुविधा उपलब्ध आहे. मुलींकरिता साधारणतः ९६.८ टक्के इतक्या शाळांमध्ये स्वच्छतागृहांची उपलब्धता असल्याची माहिती शालेय शिक्षण विभागामार्फत देण्यात आली आहे.

प्रथम या संस्थेने ४०९ प्राथमिक व ४६३ उच्च प्राथमिक व त्यावरील अशा ग्रामीण भागातील एकूण ८७२ शाळांचे सर्वेक्षण केले आहे. युडायस (UDISE) डाटा सन २०२३-२४ अनुसार राज्यामध्ये एकूण १,०८,१४४ शाळा आहेत. प्रथम एज्युकेशन फाऊंडेशन या संस्थेने एकूण शाळांच्या केवळ ०.८१ टक्के इतक्या शाळांचेच सर्वेक्षण केलेले आहे. तसेच राज्यातील एकूण २,०९,६१,८०० शालेय विद्यार्थ्यांपैकी केवळ ३३,७४६ मुलांचे सर्वेक्षण संस्थेने केले आहे जे की एकूण विद्यार्थ्यांच्या केवळ ०.१६ टक्के इतके आहे. या आधारांवर अहवाल प्रकाशित केलेला आहे.

या संस्थेने प्रकाशित केलेल्या अहवालामध्ये बरेच सकारात्मक मुद्दे देखील आहेत. यातील काही महत्त्वाचे मुद्दे पुढीलप्रमाणे आहेत :

वय वर्ष ६ ते १४ मधील ६०.९ टक्के बालके ही शासकीय शाळांमध्ये शिक्षण घेत आहेत तर ३८.५ टक्के बालके ही खाजगी शाळांमध्ये शिक्षण घेत आहेत. इयत्ता पहिली व दुसरी मधील वाचन व गणितीय क्रिया यामध्ये विद्यार्थ्यांची संपादणूक व अध्ययन स्तर हा वाढल्याचे दिसून येते. इयत्ता तिसरी मधील पायाभूत साक्षरता व संख्याज्ञान यामध्ये कोरोना मध्ये झालेला अध्ययन क्षय भरून काढण्यात येत आहे असे दिसून येते. शासकीय शाळांमध्ये सन २०२२ च्या तुलनेमध्ये सन २०२४ मध्ये वाचनामध्ये १०.९ टक्के प्रगती दिसून येते. तर खाजगी शाळांमध्ये वाचनामध्ये ८.१ टक्के प्रगती दिसून येते. गणितीय क्रियांमध्ये शासकीय शाळांमध्ये १३.१ टक्के प्रगती दिसून येते व खाजगी शाळांमध्ये ११.५ टक्के प्रगती दिसून येते.

इयत्ता तिसरीतील मुले जी इयत्ता दुसरीच्या पातळीचे वाचन करू शकतात याचे महाराष्ट्राचे प्रमाण देशपातळीपेक्षा १० टक्क्यांनी जास्त आहे. इयत्ता तिसरी मध्ये गणितीय क्रियांमध्ये विद्यार्थ्यांच्या प्रगतीमध्ये महाराष्ट्र हा देशातील पहिल्या पाच राज्यांमध्ये आहे. २०२२ च्या तुलनेमध्ये २०२४ मध्ये यात १३ टक्क्यांची वाढ दिसून येते. इयत्ता पाचवीच्या मुलांमध्ये सन २०२२ च्या तुलनेमध्ये सन २०२४ मध्ये वाचनामध्ये २.२ टक्के अधिकची प्रगती झाल्याचे दिसून येते.

वय वर्ष १५ ते १६ याच्यामध्ये ९८ टक्के विद्यार्थी हे शाळांमध्ये प्रवेशित आहेत. सर्वात कमी शाळाबाह्य विद्यार्थी असणाऱ्या राज्यांमध्ये महाराष्ट्र हे एक राज्य आहे. वय वर्ष १४ ते १६ मधील विद्यार्थ्यांच्या डिजिटल साधनांची उपलब्धता मध्ये राज्यातील ९४.२ टक्के विद्यार्थ्यांच्या घरी स्मार्टफोन आहे व यातील ८४.१ टक्के विद्यार्थी त्याचा वापर करू शकतात. यामधील १९.२ टक्के विद्यार्थ्यांनी स्वतःचा स्मार्टफोन असल्याचे नमूद केले आहे. यातील ६३.३ टक्के विद्यार्थी हे शिक्षणाच्या संदर्भात स्मार्टफोनचा वापर करतात, तर विविध सामाजिक माध्यमांसाठी ७२.७ टक्के विद्यार्थी स्मार्टफोनचा वापर करतात.

सन २०२४ मध्ये तीन वर्षाच्या पूर्व प्राथमिक शाळेमध्ये नोंदणी असणाऱ्या मुलांचे प्रमाण ९५ टक्के आहे, २०२२ मध्ये हे प्रमाण ९३.९ टक्के होते. महाराष्ट्रात ६ ते १४ वयोगटातील पटनोंदणी दर गेल्या ८ वर्षांपासून ९९ टक्के पेक्षा जास्त आहे. महामारीच्या काळात शाळा बंद असूनही, २०१८ मधील ९९.२ टक्के वरून एकूण पटनोंदणीचे आकडे २०२२ मध्ये ९९.६ टक्के पर्यंत वाढले आहेत आणि २०२४ मध्ये सुध्दा स्थिर असल्याचे दिसून आले. म्हणजेच या वयोगटातील शाळाबाह्य मुलांचे प्रमाण ०.४ टक्के आहे, जे की देशभरात १.९ टक्के आहे, अशी माहिती शालेय शिक्षण विभागामार्फत देण्यात आली आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post राज्यातील 78.40 टक्के शाळांमध्ये संगणक सुविधा उपलब्ध appeared first on पुणे २४ तास.

गणेशखिंड मॉडर्न महाविद्यालयात कार्यक्रम

पुणे: (पुणे २४ तास ब्युरो) ध्येय, महत्वाकांक्षा, प्रवेग हे डोळ्यासमोर ठेवून धैर्य व शिस्तीने आयुष्यात यशस्वी व्हावे. छत्रपती शिवाजी महाराज व छत्रपती संभाजी महाराज यांनी आपल्या  आई-वडिलांनी पाहिलेले स्वप्न प्रत्यक्षात आणण्यासाठी आयुष्यभर संघर्ष केला. त्यांचा आदर्श घेऊन तुम्ही विद्यार्थ्यांनी आपल्या आई वडिलांचे स्वप्न पूर्ण करावे, असे मत शिक्षण तज्ज्ञ सचिन ढोबळे यांनी व्यक्त केले.
गणेशखिंड येथील मॉडर्न हायस्कूल व कनिष्ठ महाविद्यालयातील बारावी विद्यार्थ्यांच्या शुभेच्छा समारंभात ते बोलत होते. याप्रसंगी प्रमुख्याध्यापक चित्तरंजन कांबळे, शाला समिती अध्यक्ष दीपक मराठे, प्रशालेचे समन्वयक उध्दव खरे, प्रा. योगेश ठिपसे, उपमुख्याध्यापिका वर्षा पाचारणे, पर्यवेक्षिका रेखा खेडेकर, पर्यवेक्षक प्रा. सुनील अडसुळे उपस्थित होते.
प्राचार्या रोहिणी काळे यांनी प्रास्ताविक केले. यावेळी विद्यार्थिनी पलक शिंदे, अस्मिता इंगळे, अर्पिता काकडे आणि सुवर्णा पुजारी यांनी मनोगत व्यक्त केले. प्रा. पुरुषोत्तम मिसाळ व प्रा. नितीन सुर्वे यांनी मनोगत व्यक्त केले.
प्रा. वासंती विभांडिक यांनी प्रास्ताविक केले. पुष्पलता इनामके यांनी आभार मानले.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post आई-वडिलांचे स्वप्न पूर्ण करण्यासाठी प्रयत्नशील राहा:<br>शिक्षणतज्ज्ञ ढोबळे.. appeared first on पुणे २४ तास.

पुणे: (पुणे २४ तास ब्युरो)

कोथरूड, न्यू इंडिया स्कूल येथे ७६वा प्रजासत्ताक दिन दरवर्षीप्रमाणे अतिशय उत्साहात साजरा करण्यात आला. प्रजासत्ताक दिनासाठी प्रमुख पाहुणे वीरता सेना पदक प्राप्त सेवानिवृत्त कर्नल विवेक काणे लाभले. कार्यक्रमाला न्यू इंडिया स्कूलमधील सर्व कर्मचारी,  माजी विद्यार्थी, पालक- शिक्षक संघाचे सदस्य, पालक व आदी मान्यवर उपस्थित होते.

अतिशय आनंदी आणि उत्साही वातावरणात अनेक कार्यक्रमांचे सादरीकरण झाले. ध्वरोहणानंतर  शशिकांत सुतार आणि प्रमुख पाहुण्यांनी मार्गदर्शनपर भाषण केले. देशभक्तीपर गीते, योगासने, नृत्य, मल्लखांब, लेझीम तसेच झांजपथक , ढोलपथक आणि ध्वजपथक यांनी अनेक उत्तमोत्तम रचना सादर केल्या. सर्वच विद्यार्थी प्रजासत्ताकदिनासाठी उत्साही होते. संपूर्ण कार्यक्रम नियोजित वेळेत पार पडला. उत्तम सादरीकरण आणि वेळेचे नियोजन ही न्यू इंडिया स्कूलची खासियत आहे. यासाठी राजा श्री शिवराय प्रतिष्ठानचे अध्यक्ष  शशिकांत सुतार, संचालिका  पूर्णा विद्वांस यांनी वेळोवेळी मार्गदर्शन केले. सर्व विभागातील मुख्याध्यापिका व शिक्षिका, शिक्षकेतर कर्मचारी; तसेच सेवकवर्ग यांच्या सहकार्याने कार्यक्रम उत्तम रीतीने पार पडला. 

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post न्यू इंडिया स्कूल मध्ये प्रजासत्ताक दिन उत्साहात साजरा appeared first on पुणे २४ तास.

पुणे: (पुणे २४ तास)

देशभक्तीचे धडे लहान वयापासूनच मुलांमध्ये रुजवले जातात, ही बाब अभिमानाची आहे. लोकशाही भारताच्या विकासासाठी गरजेची असून, त्याची जबाबदारी तरुणाईच्या आहे. कुटुंबानंतर संस्कारक्षम मुले घडविण्याचे काम शाळांमधून केले जात आहे. माहिती आणि ज्ञान यातील फरक समजावून घेत ज्ञान मिळवायला हवे, असे मत ज्येष्ठ उद्योजक दयानंद कराळे यांनी व्यक्त केले.

मोरेवस्ती (मांजरी बु।।, ता. हवेली) येथील रायजिंग स्टार स्कूलमध्ये प्रजासत्ताक दिन सांस्कृतिक कार्यक्रमाने उत्साहात साजरा करण्यात आला. मुख्याध्यापिका योगेश्वरी कुमदाळे यांच्या हस्ते ध्वजवंदन करण्यात आले. याप्रसंगी अपूर्वा कराळे, विलास धनावडे, निखिल मंठाळे, विश्वजित मोठे, विद्यार्थी-पालक आणि शिक्षकवृंद उपस्थित होते. यावेळी विद्यार्थ्यांनी देशभक्तिपर गीते, नृत्याविष्कार, नाटक आणि वक्तृत्व स्पर्धा, लेझीम असे सांस्कृतिक कार्यक्रम सादर करीत उपस्थितांची मने जिंकली. तसेच, विद्यार्थ्यांनी प्रजासत्ताक दिनाच्या महत्त्वावर आधारित भाषणं दिली.
मुख्याध्यापिका योगेश्वरी कुमदाळे यांनी प्रास्ताविक केले. विद्या कुंभार यांनी सूत्रसंचालन केले. अनिता क्षीरसागर, अरुणा बिराजदार, स्वरूपा कंचे, सुवर्णा सोनोने, विद्युतता कुंभार, सारिका चटाले, कादंबरी सणस, वीपा जोशी, शीतल म्हेत्रे, अंबिका घोष, स्वाती गोरे, कल्याणी जळे, जयश्री तनसाळे, ज्योत्सना गायकवाड, श्रुती कांदे, सविता शिंदे, मेघा जाधव यांनी कार्यक्रम यशस्वी करण्यासाठी विशेष परिश्रम घेतले.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post तरुणाईमध्ये विकसित भारताचे स्वप्न पूर्ण करण्याची ताकद –<br>उद्योजक कराळे.. appeared first on पुणे २४ तास.