न्यू इंडिया स्कूल मध्ये प्रजासत्ताक दिन उत्साहात साजरा

January 27, 2025

271

पुणे: (पुणे २४ तास ब्युरो)

कोथरूड, न्यू इंडिया स्कूल येथे ७६वा प्रजासत्ताक दिन दरवर्षीप्रमाणे अतिशय उत्साहात साजरा करण्यात आला. प्रजासत्ताक दिनासाठी प्रमुख पाहुणे वीरता सेना पदक प्राप्त सेवानिवृत्त कर्नल विवेक काणे लाभले. कार्यक्रमाला न्यू इंडिया स्कूलमधील सर्व कर्मचारी, माजी विद्यार्थी, पालक- शिक्षक संघाचे सदस्य, पालक व आदी मान्यवर उपस्थित होते.

अतिशय आनंदी आणि उत्साही वातावरणात अनेक कार्यक्रमांचे सादरीकरण झाले. ध्वरोहणानंतर शशिकांत सुतार आणि प्रमुख पाहुण्यांनी मार्गदर्शनपर भाषण केले. देशभक्तीपर गीते, योगासने, नृत्य, मल्लखांब, लेझीम तसेच झांजपथक , ढोलपथक आणि ध्वजपथक यांनी अनेक उत्तमोत्तम रचना सादर केल्या. सर्वच विद्यार्थी प्रजासत्ताकदिनासाठी उत्साही होते. संपूर्ण कार्यक्रम नियोजित वेळेत पार पडला. उत्तम सादरीकरण आणि वेळेचे नियोजन ही न्यू इंडिया स्कूलची खासियत आहे. यासाठी राजा श्री शिवराय प्रतिष्ठानचे अध्यक्ष शशिकांत सुतार, संचालिका पूर्णा विद्वांस यांनी वेळोवेळी मार्गदर्शन केले. सर्व विभागातील मुख्याध्यापिका व शिक्षिका, शिक्षकेतर कर्मचारी; तसेच सेवकवर्ग यांच्या सहकार्याने कार्यक्रम उत्तम रीतीने पार पडला.