“राष्ट्रपुरुषांचा अवमान खपवून घेणार नाही” — सीताराम गंगावणे, वसीम पैलवान यांचा इशारा !
पुणे : छत्रपती शिवाजी महाराज यांच्या पुतळ्याबाबत एका महिलेकडून कथितरित्या करण्यात आलेल्या गैरकृत्याचा निषेध करण्यासाठी रिपब्लिकन पार्टी ऑफ इंडिया (गंगावणे गट) व भीम आर्मी रिपब्लिकन एकता मिशन यांच्या वतीने निषेध व्यक्त करण्यात आला. यावेळी मोठ्या संख्येने कार्यकर्ते व नागरिक उपस्थित होते.
या प्रसंगी रिपब्लिकन पार्टी ऑफ इंडिया (गंगावणे गट)चे राष्ट्रीय अध्यक्ष आयु. सीताराम गंगावणे आणि महाराष्ट्र प्रदेश अल्पसंख्याक आघाडीचे अध्यक्ष वसीम भाई पैलवान यांनी उपस्थितांना संबोधित केले.
“राष्ट्रपुरुषांचा असा अवमान आम्ही खपवून घेणार नाही,” असा इशारा यावेळी सीताराम गंगावणे आणि वसीम पैलवान यांनी दिला.
छत्रपती शिवाजी महाराजांनी स्वराज्याची स्थापना करताना सर्व समाजघटकांना सोबत घेतले. त्यांनी जात-पात न मानता सर्व धर्मांचा आणि समाजघटकांचा आदर केला. त्यांच्या स्वराज्यात सर्वांना स्थान होते, असे यावेळी वक्त्यांनी सांगितले.
यावेळी छत्रपती शिवाजी महाराज, डॉ. बाबासाहेब आंबेडकर यांच्यासह राष्ट्रपुरुषांच्या जयघोषाने परिसर दुमदुमून गेला. उपस्थित कार्यकर्त्यांनी छत्रपती शिवाजी महाराजांच्या विचारांचा आणि सामाजिक एकतेचा संदेश दिला.
या कार्यक्रमाला राष्ट्रीय अध्यक्ष सीताराम गंगावणे, महाराष्ट्र प्रदेश अल्पसंख्याक आघाडीचे अध्यक्ष वसीम भाई पैलवान, पुणे जिल्हाध्यक्षा आम्रपाली पाटील, नदीम बाबरखान, भीम आर्मी पुणे शहर कार्याध्यक्ष बापू भाऊ चांदणे, विलसन डॅनियल, मंगेश भाऊ यांच्यासह पदाधिकारी, कार्यकर्ते आणि मुस्लिम समाजातील नागरिक मोठ्या संख्येने उपस्थित होते.
या घटनेच्या पार्श्वभूमीवर सामाजिक सलोखा आणि सर्व धर्मीयांच्या भावनांचा आदर राखण्याचे आवाहनही यावेळी करण्यात आले.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
