सांस्कृतिक Archives - पुणे २४ तास https://pune24taas.com/tag/सांस्कृतिक/ पुणे २४ तास Mon, 21 Apr 2025 07:03:54 +0000 en-US hourly 1 https://wordpress.org/?v=7.0 https://pune24taas.com/wp-content/uploads/2025/01/cropped-पुणे-२४-तास-1-1-32x32.png सांस्कृतिक Archives - पुणे २४ तास https://pune24taas.com/tag/सांस्कृतिक/ 32 32 व्हॉइस केअर पुस्तकाचे प्रकाशन : लेखक डॉ. मिलिंद भोई https://pune24taas.com/%e0%a4%b5%e0%a5%8d%e0%a4%b9%e0%a5%89%e0%a4%87%e0%a4%b8-%e0%a4%95%e0%a5%87%e0%a4%85%e0%a4%b0-%e0%a4%aa%e0%a5%81%e0%a4%b8%e0%a5%8d%e0%a4%a4%e0%a4%95%e0%a4%be%e0%a4%9a%e0%a5%87-%e0%a4%aa%e0%a5%8d/ Mon, 21 Apr 2025 07:03:29 +0000 https://pune24taas.in/?p=12822 पुणे (पुणे 24 तास ब्युरो ) आवाज “ही आपल्याला मिळालेली ईश्वरी देणगी आहे. तिची जपणूक करणे, काळजी घेणे हे खूप आवश्यक आहे. आपल्या स्वरयंत्र मध्ये जर काही दोष निर्माण झाले आणि आवाज खराब झाला तर हे बरे होणे अतिशय कठीण असून यासाठी आहार, विहार ,विविध सवयी, दिनक्रम या सर्व गोष्टींचा काळजीपूर्वक विचार करणे आवश्यक आहे.या […]

The post व्हॉइस केअर पुस्तकाचे प्रकाशन : लेखक डॉ. मिलिंद भोई appeared first on पुणे २४ तास.

]]> पुणे (पुणे 24 तास ब्युरो )

आवाज “ही आपल्याला मिळालेली ईश्वरी देणगी आहे. तिची जपणूक करणे, काळजी घेणे हे खूप आवश्यक आहे. आपल्या स्वरयंत्र मध्ये जर काही दोष निर्माण झाले आणि आवाज खराब झाला तर हे बरे होणे अतिशय कठीण असून यासाठी आहार, विहार ,विविध सवयी, दिनक्रम या सर्व गोष्टींचा काळजीपूर्वक विचार करणे आवश्यक आहे.या दृष्टीने सुप्रसिद्ध स्वरतज्ञ डॉ. मिलिंद भोई यांनी लिहिलेल्या व्हॉइस केअर या पुस्तकाचा गायक ,निवेदक, कीर्तनकार, शिक्षक , व्याख्याते विशेषता आवाजाशी संबंधित मंडळींना खूप मोलाचे मार्गदर्शन होत आहे.

यामधील संगीत विषयक माहिती, शास्त्रीय वैज्ञानिक माहिती आणि आयुर्वेदिक औषधी वनस्पती या सर्वांचा उत्कृष्ट संगम ही अतिशय दुर्मिळ गोष्ट आहे. त्यामुळे या पुस्तकाचा प संदर्भ ग्रंथ म्हणून नक्की वापर होऊ शकेल असा मला विश्वास आहे. स्वरतज्ञ डॉ. मिलिंद भोई यांनी गायकांसाठी केलेले या संशोधनाबद्दल मी त्यांच्या प्रति कृतज्ञ आहे असे प्रतिपादन जगप्रसिद्ध गायक हरिहरनजी यांनी व्यक्त केले.

गायकांसाठी स्वरतज्ञ डॉ. मिलिंद भोई यांनी लिहिलेल्या व्हॉइस केअर फॉर सिंगर्स अँड प्रोफेशनलस या पुस्तकाची दुसरी आवृत्ती च्या निमित्ताने स्वर साधना या विषयावर बोलताना पं. हरिहरन यांनी हे मत व्यक्त केलं.

याप्रसंगी जगप्रसिद्ध शास्त्रीय गायक, स्वराधीश डॉ. भरत बलवल्ली यांनी स्वरसाधना, संगीत साधना या गोष्टी केवळ प्रसिद्धी, पैसा मिळवण्यासाठी नसून ती तपश्चर्या आहे, हा विचार गायक आणि विशेषता या क्षेत्रात येणारे विद्यार्थ्यांनी लक्षात ठेवला पाहिजे असे मत व्यक्त केले.

The post व्हॉइस केअर पुस्तकाचे प्रकाशन : लेखक डॉ. मिलिंद भोई appeared first on पुणे २४ तास.

]]> दगडूशेठ गणपतीला 50 लाख फुलांची सजावट https://pune24taas.com/%e0%a4%a6%e0%a4%97%e0%a4%a1%e0%a5%82%e0%a4%b6%e0%a5%87%e0%a4%a0-%e0%a4%97%e0%a4%a3%e0%a4%aa%e0%a4%a4%e0%a5%80%e0%a4%b2%e0%a4%be-50-%e0%a4%b2%e0%a4%be%e0%a4%96-%e0%a4%ab%e0%a5%81%e0%a4%b2%e0%a4%be/ Thu, 17 Apr 2025 17:06:36 +0000 https://pune24taas.in/?p=12484 पुणे (पुणे 24 तास ब्युरो ) मोगरा महोत्सवाच्या निमित्ताने सुवासिक विविधरंगी फुलांनी सजलेले श्रीमंत दगडूशेठ हलवाई गणपती मंदिर आणि लाडक्या गणरायाचे रुप डोळ्यांमध्ये साठविण्यासाठी पुणेकरांनी मोठया संख्येने गर्दी केली. मोग-याच्या ५० लाख फुलांसह लिली, झेंडू, जास्वंद, गुलाब, चाफा यासारख्या फुलांनी गाभा-यासह सभामंडपात आकर्षक सजावट करण्यात आली. फुलांनी सजलेल्या गाभा-यातील गणरायाचे रुप अधिकच मनोहारी दिसत होते. […]

The post दगडूशेठ गणपतीला 50 लाख फुलांची सजावट appeared first on पुणे २४ तास.

]]> पुणे (पुणे 24 तास ब्युरो )

मोगरा महोत्सवाच्या निमित्ताने सुवासिक विविधरंगी फुलांनी सजलेले श्रीमंत दगडूशेठ हलवाई गणपती मंदिर आणि लाडक्या गणरायाचे रुप डोळ्यांमध्ये साठविण्यासाठी पुणेकरांनी मोठया संख्येने गर्दी केली. मोग-याच्या ५० लाख फुलांसह लिली, झेंडू, जास्वंद, गुलाब, चाफा यासारख्या फुलांनी गाभा-यासह सभामंडपात आकर्षक सजावट करण्यात आली. फुलांनी सजलेल्या गाभा-यातील गणरायाचे रुप अधिकच मनोहारी दिसत होते.

श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे मंदिरात वासंतिक उटी, मोगरा महोत्सव आयोजित करण्यात आला. यावेळी ट्रस्टचे अध्यक्ष सुनील रासने, उपाध्यक्ष डॉ. रामचंद्र उर्फ बाळासाहेब परांजपे, माणिक चव्हाण, कोषाध्यक्ष महेश सूर्यवंशी, सरचिटणीस व आमदार हेमंत रासने, सहचिटणीस अमोल केदारी, उत्सवप्रमुख अक्षय गोडसे, सुवर्णयुग तरुण मंडळाचे अध्यक्ष प्रकाश चव्हाण यांसह पदाधिकारी व कार्यकर्ते आदी उपस्थित होते.

ट्रस्टचे अध्यक्ष सुनील रासने म्हणाले, दोन दिवसांपासून पुष्पसजावटीची तयारी तब्बल १४० महिला व ८० पुरुष कारागिर करीत होते. यंदाच्या पुष्पसजावटीमध्ये ३००० गुलाब बंडल, १५०० लिली बंडल, १४०० किलो झेंडू, १५०० किलो शेवंती, १००० किलो गुलछडी, २० हजार चाफा, १०० किलो गुलाब पाकळी तसेच कमळ, जाई-जुई, जास्वंद यांसह अनेक प्रकारची फुले वापरण्यात आली होती. मंंदिरात रंगीबेरंगी फुलांची सजावट प्रत्येक जण आपल्या मोबाईलमध्ये टिपत होता. गणरायाच्या चांदीच्या मूर्तीला उटीचे लेपन करण्यात आले. तसेच मोगरा महोत्सवासह वासंतिक उटीचे भजन अखिल भारतीय वारकरी मंडळातर्फे करण्यात

The post दगडूशेठ गणपतीला 50 लाख फुलांची सजावट appeared first on पुणे २४ तास.

]]> राम सुतार यांना महाराष्ट्र भूषण पुरस्कार जाहीर https://pune24taas.com/%e0%a4%b0%e0%a4%be%e0%a4%ae-%e0%a4%b8%e0%a5%81%e0%a4%a4%e0%a4%be%e0%a4%b0-%e0%a4%af%e0%a4%be%e0%a4%82%e0%a4%a8%e0%a4%be-%e0%a4%ae%e0%a4%b9%e0%a4%be%e0%a4%b0%e0%a4%be%e0%a4%b7%e0%a5%8d%e0%a4%9f/ Thu, 20 Mar 2025 13:52:59 +0000 https://pune24taas.in/?p=9988 उपमुख्यमंत्री कार्यालय (जनसंपर्क कक्ष) राम सुतार यांनी शिल्पकलेत महाराष्ट्राचे नाव जगात मोठे केले उपमुख्यमंत्री एकनाथ शिंदेंकडून महाराष्ट्र भूषण पुरस्काराबद्दल अभिनंदन मुंबई दिनांक 20: भारतातील सर्वात वयोवृद्ध, तपोवृद्ध आणि कला तपस्वी शिल्पकार पद्मभूषण राम सुतार यांना २०२४ चा ‘महाराष्ट्र भूषण’ हा सन्मान्य पुरस्कार आम्ही जाहीर केल्यानं या पुरस्काराची प्रतिष्ठा उंचावली आहे, अशा शब्दात उपमुख्यमंत्री एकनाथ शिंदे […]

The post राम सुतार यांना महाराष्ट्र भूषण पुरस्कार जाहीर appeared first on पुणे २४ तास.

]]> उपमुख्यमंत्री कार्यालय (जनसंपर्क कक्ष)

राम सुतार यांनी शिल्पकलेत महाराष्ट्राचे नाव जगात मोठे केले

उपमुख्यमंत्री एकनाथ शिंदेंकडून महाराष्ट्र भूषण पुरस्काराबद्दल अभिनंदन

मुंबई दिनांक 20: भारतातील सर्वात वयोवृद्ध, तपोवृद्ध आणि कला तपस्वी शिल्पकार पद्मभूषण राम सुतार यांना २०२४ चा ‘महाराष्ट्र भूषण’ हा सन्मान्य पुरस्कार आम्ही जाहीर केल्यानं या पुरस्काराची प्रतिष्ठा उंचावली आहे, अशा शब्दात उपमुख्यमंत्री एकनाथ शिंदे यांनी राम सुतार यांचे अभिनंदन केले.

जगातील सर्वात उंच असा सरदार वल्लभभाई पटेल यांचा स्टॅच्यू ऑफ युनिटी पुतळा निर्माण करून देशाच्या अस्मिताचिन्हाचा यथोचित गौरव करणारे राम सुतार हे शिल्पकलेच्या क्षेत्रातील भीष्माचार्य आहेत. आपली सारी कला आणि सर्जनशीलता भारतीय संस्कृती आणि परंपरांची प्रतिष्ठा उंचावण्यासाठी समर्पित करणाऱ्या कलामहर्षी सुतार यांचे या पुरस्कारासाठी मनःपूर्वक अभिनंदन, आणि त्यांच्या कलासाधनेला शतशः प्रणाम

कलेच्या क्षेत्रातील उत्तुंग कामगिरी करणारे आंतरराष्ट्रीय ख्यातीचे ज्येष्ठ शिल्पकार राम सुतार यांनी आपल्या शिल्पकलेने महाराष्ट्राचे नाव जगात मोठे केले असे गौरवोद्गार काढून उपमुख्यमंत्री एकनाथ शिंदे म्हणतात की, वयाची शंभरी गाठली असूनही मातीतून अक्षरशः जिवंत वाटावीत अशी शिल्पं निर्माण करणारे ज्येष्ठ राम सुतार यांना महाराष्ट्र भूषण 2024 देण्याचा निर्णय आम्ही घेतला. समर्पण, कामाविषयी निष्ठा, मेहनत आणि आभाळाइतकी उंची गाठण्याची जिद्द हाच राम सुतार यांच्या यशाचा मंत्र आहे. पुढच्या अनेक पिढ्यांना त्यांचे काम प्रेरणा देत राहील असेही उपमुख्यमंत्री एकनाथ शिंदे यांनी त्यांना शुभेच्छा देतांना सांगितले.

गेल्या वर्षीच आम्ही मालवण येथे छत्रपती शिवरायांचा भव्य आणि सुंदर असा पुतळा साकारण्याची जबाबदारी राम सुतारांवर सोपविली. मी स्वतः देखील राम सुतार आणि त्यांचे चिरंजीव आणि सुतार यांच्याशी त्यावेळी बोललो. मला खात्री आहे की हा पुतळा करोडो शिवप्रेमींना प्रेरणा देणारा ठरेल. दिल्लीत संसद भवन, राष्ट्रपती भवन अशा महत्त्वाच्या ठिकाणी राम सुतार यांनी उभारलेले महनीय व्यक्तींचे आणि महापुरुषांचे पुतळे हे केवळ लोकप्रिय झालेले नाहीत तर तर ही शिल्पकला बघून जगातील नामवंत शिल्पकारांनी समाधान व्यक्त केलं आहे.

राम सुतार यांचा सन्मान करून आम्ही देशातल्या सगळ्या चांगल्या शिल्पकारांचा एकप्रकारे गौरव केला आहे असेही उपमुख्यमंत्री आपल्या अभिनंदनपर संदेशात म्हणतात.

The post राम सुतार यांना महाराष्ट्र भूषण पुरस्कार जाहीर appeared first on पुणे २४ तास.

]]> देशातील पहिले संविधान संमेलन पुण्यात होणार  https://pune24taas.com/%e0%a4%a6%e0%a5%87%e0%a4%b6%e0%a4%be%e0%a4%a4%e0%a5%80%e0%a4%b2-%e0%a4%aa%e0%a4%b9%e0%a4%bf%e0%a4%b2%e0%a5%87-%e0%a4%b8%e0%a4%82%e0%a4%b5%e0%a4%bf%e0%a4%a7%e0%a4%be%e0%a4%a8-%e0%a4%b8%e0%a4%82/ Sun, 09 Mar 2025 15:13:52 +0000 https://pune24taas.in/?p=9039  विकास दिव्यकिर्ती यांच्या हस्ते होणार उद्घाटन  पुणे (पुणे 24 तास ब्युरो ) संविधानाच्या मूल्यांना सन्मान देण्यासाठी आयोजित देशातील पहिले संविधान सन्मान संमेलन यंदा मार्चच्या शेवटच्या आठवड्यात पुण्यात होणार आहे. प्रबुद्ध भारत आणि बार्टी (डॉ. बाबासाहेब आंबेडकर संशोधन व प्रशिक्षण संस्था) यांच्या संयुक्त विद्यमाने या संमेलनाचे आयोजन करण्यात आले आहे. या संमेलनाचे उद्घाटन प्रसिद्ध शिक्षणतज्ज्ञ आणि […]

The post देशातील पहिले संविधान संमेलन पुण्यात होणार  appeared first on पुणे २४ तास.

]]>

 विकास दिव्यकिर्ती यांच्या हस्ते होणार उद्घाटन

 पुणे (पुणे 24 तास ब्युरो )

संविधानाच्या मूल्यांना सन्मान देण्यासाठी आयोजित देशातील पहिले संविधान सन्मान संमेलन यंदा मार्चच्या शेवटच्या आठवड्यात पुण्यात होणार आहे. प्रबुद्ध भारत आणि बार्टी (डॉ. बाबासाहेब आंबेडकर संशोधन व प्रशिक्षण संस्था) यांच्या संयुक्त विद्यमाने या संमेलनाचे आयोजन करण्यात आले आहे.

या संमेलनाचे उद्घाटन प्रसिद्ध शिक्षणतज्ज्ञ आणि समाजप्रबोधनकार स्पर्धा परीक्षा मार्गदर्शक माजी सनदी अधिकारी विकास दिव्यकिर्ती यांच्या हस्ते होणार असून, संमेलनाच्या अध्यक्षस्थानी प्रबुद्ध भारतचे संपादक ॲड. प्रकाश आंबेडकर असणार आहेत. 

विकास दिव्यकिर्ती हे भारतभर UPSC मार्गदर्शक, लेखक आणि शिक्षणतज्ज्ञ म्हणून प्रसिद्ध आहेत. दृष्टी IAS या प्रतिष्ठित संस्थेचे संस्थापक असलेल्या दिव्यकिर्ती यांनी हजारो विद्यार्थ्यांना नागरी सेवा परीक्षेसाठी प्रशिक्षित केले आहे. त्यांचे संविधान, समाजशास्त्र आणि प्रशासनशास्त्र यावरील मार्गदर्शन विशेषतः तरुणांमध्ये लोकप्रिय आहे. त्यांच्या सहज आणि स्पष्ट शैलीमुळे ते युवा पिढीमध्ये प्रेरणादायी वक्ते म्हणून ओळखले जातात. 

संमेलनात संविधानाच्या विविध अंगांवर तज्ज्ञांची व्याख्याने, चर्चासत्रे आणि संवाद होणार आहेत. सामाजिक न्याय, समानता आणि लोकशाही मूल्यांचा प्रसार करण्याच्या उद्देशाने या संमेलनाचे आयोजन करण्यात आले आहे. संमेलनाबाबत सविस्तर रूपरेषा लवकरच जाहीर करण्यात येणार असल्याचे प्रबुद्ध भारतच्या संपादक मंडळाकडून कळवण्यात आले आहे.

 —  

The post देशातील पहिले संविधान संमेलन पुण्यात होणार  appeared first on पुणे २४ तास.

]]> गांधीजींच्या मूलभूत शिक्षण विचारातूनच देशात सकारात्मक बदल घडेल https://pune24taas.com/%e0%a4%97%e0%a4%be%e0%a4%82%e0%a4%a7%e0%a5%80%e0%a4%9c%e0%a5%80%e0%a4%82%e0%a4%9a%e0%a5%8d%e0%a4%af%e0%a4%be-%e0%a4%ae%e0%a5%82%e0%a4%b2%e0%a4%ad%e0%a5%82%e0%a4%a4-%e0%a4%b6%e0%a4%bf%e0%a4%95%e0%a5%8d/ Sat, 08 Mar 2025 10:50:10 +0000 https://pune24taas.in/?p=8936 ‘नई तालीम’च्या संचालिका सुषमा शर्मा यांचे प्रतिपादन पुणे (पुणे 24 तास ब्युरो ) महात्मा गांधीजींच्या ‘नई तालीम’चे शिक्षण समानता आणि लोकशाहीच्या स्वरूपात होते. ते एक तत्त्वज्ञान आहे. मुलांच्या शिक्षणाबाबत ‘नई तालीम’ अत्याधुनिक आहे. यात शिक्षक मुलांना शेतीतून सर्व शिकवतो. ते आणि आपण यात भेद नाही हे शिकवतो, यातून माणूस बदलण्याची दृष्टी देतो. त्यामुळेच गांधीजींच्या या […]

The post गांधीजींच्या मूलभूत शिक्षण विचारातूनच देशात सकारात्मक बदल घडेल appeared first on पुणे २४ तास.

]]>


‘नई तालीम’च्या संचालिका सुषमा शर्मा यांचे प्रतिपादन

पुणे (पुणे 24 तास ब्युरो )

महात्मा गांधीजींच्या ‘नई तालीम’चे शिक्षण समानता आणि लोकशाहीच्या स्वरूपात होते. ते एक तत्त्वज्ञान आहे. मुलांच्या शिक्षणाबाबत ‘नई तालीम’ अत्याधुनिक आहे. यात शिक्षक मुलांना शेतीतून सर्व शिकवतो. ते आणि आपण यात भेद नाही हे शिकवतो, यातून माणूस बदलण्याची दृष्टी देतो. त्यामुळेच गांधीजींच्या या मूलभूत शिक्षण विचारातूनच समाजात सकारात्मक बदल घडेल, असे प्रतिपादन ‘नई तालीम’च्या संचालिका सुषमा शर्मा यांनी शनिवारी केले.
महाराष्ट्र गांधी स्मारक निधी आयोजित गांधी विचार साहित्य संमेलनातील दुसऱ्या दिवसाच्या पहिल्या सत्रात ‘गांधीजींची नयी तालीम – आजची शिक्षण व्यवस्था बदलू शकेल का?’ या विषयावर त्या बोलत होत्या. शिक्षण चळवळीतील ज्येष्ठ अभ्यासक हेरंब कुलकर्णी, प्रयोगशील शिक्षक सचिन देसाई या वेळी उपस्थित होते. मच्छिंद्र गोरडे यांनी सुषमा शर्मा आणि हेरंब कुलकर्णी, तर प्रेम वाघ यांनी सचिन देसाई यांचा या वेळी सत्कार केला.
शर्मा म्हणाल्या, ‘नई तालीम’मध्ये हाताने काम करणाऱ्याला प्रतिष्ठा आहे, शहरी आणि ग्रामीण भागाच्या मूलभूत गरजा वेगळ्या नाहीत, श्रमाकडे आपण प्रतिष्ठा म्हणून पाहत नाही, तर श्रमाचे निर्मितीमूल्य आपण नाकारले. त्यातूनच समाजाशी जोडलेला विचार प्रचलित शिक्षण पद्धतीत समोर येत नाही. मूल शिकते कसे हे औद्योगिक क्रांतीत दुर्लक्षिले गेले. त्याला निसर्ग, मातीपासून दूर करून केवळ पुस्तकी विद्या शिकविली गेली. त्यामुळे ते मूल हाताचा आणि बुद्धीचा वापर करत नाही. शिकूनही ते कौशल्यधारित होत नाहीत. यामध्ये गांधीजींच्या ‘नई तालीम’चे तत्त्व नसल्यानेच ही समस्या निर्माण झाली आहे. शिक्षण चिकित्सक पद्धतीने झाले पाहिजे, हे प्रत्यक्षात यायचे असल्यास त्याची नाळ समाजाशी जोडायला हवी. पालक, समाज म्हणून याची सुरुवात व्हायला हवी. आपण उपभोक्ता असलो, की आनंदी राहू, हेच आपल्याला ज्ञात आहे. त्यातूनच आज पर्यावरण, प्रदूषण या समस्या निर्माण झाल्या आहेत. यातून पुढच्या दोन-तीन पिढ्या तरतील, मात्र त्या नंतरच्या पिढ्यांचे काय? पुढील पिढीचा विचार करायचा असल्यास ‘या व्यवस्थेतील न्याय वाटा प्रत्येकाला मिळायला हवा’, हे शिकविणाऱ्या गांधींच्या ‘नई तालीम’ या शिक्षण पद्धतीची अंमलबजावणी आवश्यक आहे. ‘संपत्ती आणि अधिकारांचे केंद्रीकरण धोकादायक असून यातून लोकशाहीकडे कसे पाहायचे, हेच आपण विसरलो आहोत. लोकशाहीत सर्वात सधन, आणि गरीब यांना न्याय्य, कायदा समान हवा, असे गांधी मानत. पण आपल्याला मताचा अधिकार असूनही आजचा समाज लोकशाही मानतो का? आपल्याला लोकशाही हवी आहे का? असा प्रश्न स्वतःला विचारायला हवा.’
देशातल्या सर्वसामान्य लोकांना जे येते, समजते ते आपल्या शिक्षण व्यवस्थेत का नाही? हा आपल्या समोरचा प्रश्न आहे, असे सांगून हेरंब कुलकर्णी म्हणाले, ‘सन १९१५-१६ च्या सुमारास महात्मा गांधी हे भारतात आले, त्याआधी त्यांनी विदेशात शिक्षण पद्धतीत काही प्रयोग केले होते. पण ‘नई तालीम’ ही शिक्षण पद्धती भारतात सुरू करण्यास गांधींना १९३७ साल उजाडले. त्या-त्या परिसरातील उत्पादक काम हे शिक्षणाचा केंद्रबिंदू असले पाहिजे, परिसराची त्याला ओळख हवी आणि त्या उत्पादनातून शाळेचा खर्च भागेल, अशी संकल्पना ‘नई तालीम’ची होती. त्यामुळे अर्थव्यवस्था आणि समाजव्यवस्थेतून गांधींची शिक्षणव्यवस्था बाजूला करता येत नाही. मात्र, या शाळा विकसित होऊ शकल्या नाहीत, हे आपले दुर्दैव आहे. या शाळांमधून समाजात अहिंसा पाझरली असती. तसे झाले नाही, म्हणून २००२ मध्ये गुजरातमध्ये अमानुष हिंसा झाली आणि आता बीडमध्ये झालेली घटना हे त्याचेच द्योतक आहे. हाताने काम करणाऱ्याला कारागीर म्हटले जाते, तर तोंडाने बडबड करणाऱ्याला प्रोफेशनल म्हणले जाते. नई तालीमची पुनर्रचना करायची असल्यास हाताने काम करणाऱ्याला प्रतिष्ठा द्यावी लागेल, कारण हाताने काम केल्याने मुले लवकर शिकतात, त्यासाठी उपक्रमशील शाळा असणे आवश्यक आहे. देशातील नागरीकरण ५२ टक्के झाले आहे, त्यामुळे या नागरीकरणात मुलांच्या हाती काय उपक्रम देता येतील, यावर लक्ष देणे आवश्यक आहे. तसेच प्रयोगशील किंवा उपक्रमशील शाळांनी एकत्र आले पाहिजे. अशा शाळांना सरकारने मोठा निधी द्यावा, सामाजिक उत्तरदायित्व निधी (सीएसआर) निधी जोडून द्यावा, याकरिता एक दबावगट तयार व्हायला हवा आणि यातून गांधी विचार पोहोचवायला हवा.’ देसाई म्हणाले, ‘शिक्षण हे पुस्तक, शिक्षक आणि विद्यार्थी यांच्यापुरते मर्यादित नसून समाजाच्या शेवटच्या घटकाशी संबंधित आहे. त्यामुळे शिक्षणाची परिभाषा बदलण्याची गरज आहे. शिक्षणात सामाजिक व्यवस्थेचा भाग हा महत्त्वाचा असून, पंचक्रोशीतल्या समस्या या देखील शिक्षणातील एक अंग हवे, हे गांधीजींनी ‘नई तालीम’मध्ये मांडले आहे. शाळांमधून पर्जन्यजल पुनर्भरणसारखे प्रयोग होतात का? अशा प्रयोगातून समाज काही शिकू शकेल, तर असे प्रयोग होत नाहीत. त्याचे कारण आपल्या शिक्षण व्यवस्थेत यांचा समावेशच नाही. यात शिक्षकांचा काही दोष नाही. त्यामुळे प्रचलित शिक्षण व्यवस्थेला समांतर शिक्षण व्यवस्था उभी करण्याची गरज आहे. समांतर शिक्षण पद्धतीला स्वीकारताना त्याची पारंपरिक शिक्षण पद्धती होता कामा नये. सामाजिक समस्येचे निराकरण हा समांतर शिक्षण पद्धतीचा गाभा आहे, त्यात विद्यार्थ्यांचा वयोगट निश्चित नाही. ज्या पालकांना मुलांना पारंपरिक शिक्षण पद्धतीनुसार शिक्षण द्यायचे नाही, पण असा एकदम प्रवाहाविरुद्धचा निर्णय घेण्यात त्यांना संकोच वाटत आहे, त्यांच्यासाठी नॅशनल इन्स्टिट्यूट ऑफ ओपन स्कुलिंग हा पर्याय आहे. ही संकल्पना केंद्र सरकारची असून या अंतर्गत प्रत्येक राज्यात मुक्त शाळा सुरू झाल्या आहेत. समांतर शिक्षण पद्धतीचे संघटन व्हायला हवे, तरच शिक्षण पद्धतीत सकारात्मक बदल होतील.’ धनश्री हेबळीकर यांनी सूत्रसंचालन केले. प्रेम वाघ यांनी आभार मानले.

विद्रोह केल्याशिवाय भारतीय म्हणून जगता येणार नाही
जात मोठी होते तेव्हा वाईट माणूस नेत्तृत्व म्हणून डोके वर काढतो. असे नेत्तृत्व स्वजातीच्या लोकांनाही प्रतिकार केल्यावर सोडत नाहीत. सध्या जातींनी डोके वर काढले आहे. त्यामुळे सर्व जातींत विद्रोही तयार केल्याशिवाय जात जाणार नाही आणि स्व जातीशी विद्रोह केल्याशिवाय भारतीय म्हणून जगता येणार नाही. राज्यघटना बनविताना जुना-नवा जातीयवाद नष्ट करणे, सर्व समाजाला समानतेची मात्रा देणे, सर्वांना समान आणि सन्मानाची वागणूक हे गांधीजींना यांना अभिप्रेत होते आणि तशीच घटना डॉ. बाबासाहेब आंबेडकर यांच्या नेत्तृत्वात तयार झाली. डॉ. आंबेडकर आणि महात्मा गांधी यांच्यात द्वेष, मत्सराची भावना नव्हती, हे आपण सर्वांनी समाजासमोर ठासून सांगितले पाहिजे, असे मत महाराष्ट्र गांधी स्मारक निधीचे अध्यक्ष डॉ. कुमार सप्तर्षी यांनी व्यक्त केले.
महाराष्ट्र गांधी स्मारक निधी आयोजित गांधी विचार साहित्य संमेलनातील दुसऱ्या दिवसाच्या दुसऱ्या सत्रात ‘गांधी आणि आंबेडकर – आधुनिक भारताचे शिल्पकार’ या विषयावर ते बोलत होते. ज्येष्ठ विचारवंत प्रा.डाॅ. आनंद कुमार, ज्येष्ठ आंबेडकरवादी विचारवंत डॉ. ऋषीकेश कांबळे आणि रिपब्लिकन युवा मोर्चाचे अध्यक्ष राहुल डंबाळे या वेळी उपस्थित होते. आनंदकुमार म्हणाले, ‘अस्पृश्यता निवारण, सर्व धर्म समभाव यातून गांधी हे भारतीय समाजाचे नायक झाले. गांधी यांनी आपल्या आयुष्यातील झालेल्या चुकांबाबत आणि पत्नी, मुलगा, काँग्रेस पक्ष यांसह खासगी जीवनाबाबत आत्मचरित्रात लिहले आहे. दुसऱ्याने लिहण्याच्या आधी हेच त्यांचे मोठेपण असून यातून गांधी हे पारदर्शकतेचे प्रतीक असल्याचे सिद्ध होते. हयातीत गांधी, आंबेडकर जेवढे महान होते त्यापेक्षा ते त्यांच्या असामान्य योगदानामुळे आता ते महान वाटतात. कांबळे म्हणाले, ‘भारतीय समाज आणि समाजाची मानसिकता गांधी, आंबेडकर या दोघांनाच समजली. सन १९३२ नंतर या दोन महान राष्ट्रपुरूषांनी राष्ट्राच्या उभारणीसाठी काम केले.’ डंबाळे म्हणाले, ‘स्वातंत्र्यपूर्व आणि स्वातंत्र्योत्तर काळातील भारताचा विचार गांधी, आंबेडकर यांच्याशिवाय होऊ शकत नाही. या दोघांत वाद होते, असा समज समाजात आहे. गांधी वगळून आपले नेतृत्व प्रस्थापित करू पाहणारे व्यक्ती, संघटना यांनी जाणीवपूर्वक हा भ्रम पसरविला.’ यावेळी सत्र २ मध्ये तेजस भालेराव यांनी आभार मानले.

  • प्रवीण प्र. वाळिंबे
  • माध्यम समन्वयक
  • ९८२२४५४२३४/७३८७००२०९७.

The post गांधीजींच्या मूलभूत शिक्षण विचारातूनच देशात सकारात्मक बदल घडेल appeared first on पुणे २४ तास.

]]> गांधी विचार साहित्य संमेलनाचे७ मार्च रोजी खा. मनोजकुमार झा यांच्या हस्ते उद्घाटन https://pune24taas.com/%e0%a4%97%e0%a4%be%e0%a4%82%e0%a4%a7%e0%a5%80-%e0%a4%b5%e0%a4%bf%e0%a4%9a%e0%a4%be%e0%a4%b0-%e0%a4%b8%e0%a4%be%e0%a4%b9%e0%a4%bf%e0%a4%a4%e0%a5%8d%e0%a4%af-%e0%a4%b8%e0%a4%82%e0%a4%ae%e0%a5%87/ Thu, 06 Mar 2025 12:20:31 +0000 https://pune24taas.in/?p=8752 गांधी विचार साहित्य संमेलनाचे७ मार्च रोजी खा. मनोजकुमार झा यांच्या हस्ते उद्घाटन पुणे ( पुणे 24 तास ब्युरो ) गांधी विचार साहित्य संमेलन पुण्यात आज पासून सुरु होत असून, तीन दिवसांच्या या साहित्य संमेलनाचे उद्घाटन शुक्रवार दि. ७ मार्च रोजी सायंकाळी ४.०० वाजता राष्ट्रीय जनता दलाचे प्रवक्ते खासदार मनोजकुमार झा यांच्या हस्ते गांधी भवन, कोथरूड, […]

The post गांधी विचार साहित्य संमेलनाचे७ मार्च रोजी खा. मनोजकुमार झा यांच्या हस्ते उद्घाटन appeared first on पुणे २४ तास.

]]>

गांधी विचार साहित्य संमेलनाचे
७ मार्च रोजी खा. मनोजकुमार झा यांच्या हस्ते उद्घाटन

पुणे ( पुणे 24 तास ब्युरो )

गांधी विचार साहित्य संमेलन पुण्यात आज पासून सुरु होत असून, तीन दिवसांच्या या साहित्य संमेलनाचे उद्घाटन शुक्रवार दि. ७ मार्च रोजी सायंकाळी ४.०० वाजता राष्ट्रीय जनता दलाचे प्रवक्ते खासदार मनोजकुमार झा यांच्या हस्ते गांधी भवन, कोथरूड, पुणे येथे संपन्न होत आहे. संमेलनाध्यक्ष जेष्ठ संपादक व विचारवंत सुरेश द्वादशीवार उद्घाटन सोहळ्याचे अध्यक्षस्थान भूषवतील. अ.भा. मराठी साहित्य संमेलनाचे माजी अध्यक्ष लक्ष्मीकांत देशमुख हे स्वागताध्यक्ष असून, महाराष्ट्र गांधी स्मारक निधी ट्रस्टचे अध्यक्ष डॉ. कुमार सप्तर्षी हे संयोजक आहेत. प्रारंभी सर्वधर्म प्रार्थना व उद्देशिकेचे वाचन होऊन संमेलनास सुरवात होईल.यामध्ये महात्मा गांधींच्या जीवनावर आधारित अनेक पुस्तके प्रकाशित होणार आहेत. या उद्घाटन सोहळ्याचे सूत्रसंचालन धनश्री करणार आहेत.

याची पूर्वतयारी पूर्ण झाली असून, यासाठी कोथरूडच्या गांधी भवन प्रांगणात १३० x 65 फुट असा भव्य मंडप उभारण्यात आला असून, १५०० आसन क्षमता आहे. या सभागृहास भारतरत्न डॉ. बाबासाहेब आंबेडकर यांचे नाव देण्यात आले आहे. २० व्यक्ती बसू शकतील असा भव्य व कलात्मक मंच उभारण्यात आला असून, त्यास जेष्ठ गांधीवादी विचारवंत ‘(कै) बाळासाहेब भारदे व्यासपीठ’ असे नाव देण्यात आले आहे. स्टेजवर भव्य बॅकड्रोप उभारण्यात आला असून आकर्षक प्रकाश योजना व ध्वनी योजनेची व्यवस्था करण्यात आली आहे.

गांधी भवन येथे प्रवेशद्वारापाशी भव्य आकर्षक कमान उभारण्यात आली आहे. येथे एकावेळी ४०० व्यक्ती जेवण करू शकतील असा भोजनाचा मंडप असून, ‘गुरुदेव रवींद्रनाथ टागोर पुस्तक व ग्रामोद्योग वस्तूंच्या प्रदर्शनात’ एकूण ३० स्टॉल्स उभारण्यात आले आहेत. त्यातील २० स्टॉल्स मध्ये महात्मा गांधीवरील प्रकाशित ग्रंथ व पुस्तकांचे प्रदर्शन व विक्री व्यवस्था असणार असून, १० स्टॉल्स मध्ये खादी, गांधीजींची स्मृतिचिन्हे, ग्रामोद्योग व स्वदेशी वस्तूंचे स्टॉल्स असणार आहेत.

भोपाळच्या शिळाचित्र कलाकार अनिता दुबे यांनी दगडातून साकारलेल्या गांधी जीवन दर्शनाच्या 50 शिल्पकृतीचे प्रदर्शन हे विशेष आकर्षण असून, सोबत गांधी छायाचित्र प्रदर्शनही असणार आहे.

या संमेलनाच्या निमित्य गांधी भवन येथील वास्तूच्या टेरेसवरून सुमारे १० फुट व्यासाचा भव्य ‘हेलियम बलून’ सोडण्यात आला असून, सुमारे ६० ते ७० फुट उंच आकाशात डोलणार हा बलून आकर्षण बनला आहे. येथे सुमारे २०० चारचाकी व सुमारे ५०० दुचाकी वाहनांच्या पार्किंगची स्वतंत्र सोयही करण्यात आली आहे. येथे स्वतंत्र सुरक्षा व्यवस्था उपलब्ध करण्यात आली आहे.

सायंकाळी ८ वाजता ‘भारतीय संविधान का संगीतमय सफर’ हा संविधानिक मूल्यांचा उद्घोष करणाऱ्या हिंदी चित्रपट गीतांचा विशेष कार्यक्रम सादर होईल. याची संहिता लक्ष्मीकांत देशमुख यांची असून, प्रदीप निफाडकर, धनंजय पवार आणि साथीदार हा कार्यक्रम सादर करणार आहेत.

या संमेलनासाठी नोंदणी शुल्क १५० रुपये असून या शुल्कात भोजन व नाष्टा दिला जाणार आहे. या संमेलनास नागरिकांनी विशेषत: तरुणांनी मोठ्या संख्येने सहभागी व्हावे असे आव्हान डॉ. कुमार सप्तर्षी व स्वागताध्यक्ष लक्ष्मीकांत देशमुख यांनी केले आहे.

The post गांधी विचार साहित्य संमेलनाचे७ मार्च रोजी खा. मनोजकुमार झा यांच्या हस्ते उद्घाटन appeared first on पुणे २४ तास.

]]> पं.कुमार गंधर्व यांच्या जन्मशताब्दी वर्षानिमित्त सांस्कृतिक कार्य विभागाची सांगितीक मानवंदना https://pune24taas.com/%e0%a4%aa%e0%a4%82-%e0%a4%95%e0%a5%81%e0%a4%ae%e0%a4%be%e0%a4%b0-%e0%a4%97%e0%a4%82%e0%a4%a7%e0%a4%b0%e0%a5%8d%e0%a4%b5-%e0%a4%af%e0%a4%be%e0%a4%82%e0%a4%9a%e0%a5%8d%e0%a4%af%e0%a4%be-%e0%a4%9c/ Fri, 28 Feb 2025 04:51:36 +0000 https://pune24taas.in/?p=8201 पंडित कुमार गंधर्व यांचा जन्मशताब्दी वर्षानिमित्त पंडित कुमार गंधर्व महोत्सव आयोजन पुणे (पुणे 24 तास ब्युरो ) पंडित कुमार गंधर्व यांच्यावर आधारित सांस्कृतिक कार्य विभागाने सांगितिक सांस्कृतिक कार्यक्रमांचे आयोजन केले आहे. या पंडित कुमार गंधर्व शास्त्रीय संगीत महोत्सवाचे बाल शिक्षण मंदिराजवळ एम.ई.एस. सभागृह, मयूर कॉलनी, कोथरूड, पुणे येथे २६ फेब्रुवारी २०२५ रोजी सायंकाळी ५ वाजता […]

The post पं.कुमार गंधर्व यांच्या जन्मशताब्दी वर्षानिमित्त सांस्कृतिक कार्य विभागाची सांगितीक मानवंदना appeared first on पुणे २४ तास.

]]>

पंडित कुमार गंधर्व यांचा जन्मशताब्दी वर्षानिमित्त पंडित कुमार गंधर्व महोत्सव आयोजन

पुणे (पुणे 24 तास ब्युरो )

पंडित कुमार गंधर्व यांच्यावर आधारित सांस्कृतिक कार्य विभागाने सांगितिक सांस्कृतिक कार्यक्रमांचे आयोजन केले आहे. या पंडित कुमार गंधर्व शास्त्रीय संगीत महोत्सवाचे बाल शिक्षण मंदिराजवळ एम.ई.एस. सभागृह, मयूर कॉलनी, कोथरूड, पुणे येथे २६ फेब्रुवारी २०२५ रोजी सायंकाळी ५ वाजता करण्यात येणार आहे.

पंडित कुमार गंधर्व शास्त्रीय संगीत महोत्सवाची संकल्पना ॲड. आशिष शेलार मा. मंत्री सांस्कृतिक कार्य यांची असून श्री विकास खारगे मा. मुख्यमंत्र्यांचे अपर मुख्य सचिव तथा अपर मुख्य सचिव सांस्कृतिक कार्य विभाग यांच्या मार्गदर्शनातून कार्यक्रमाची निर्मिती झाली आहे. या कार्यक्रमात ख्यातनाम कलावंत सहभाग घेणार आहेत. विख्यात गायिका सानिया पाटणकर ,तर पंडित कुमार गंधर्व जी यांचे ज्येष्ठ शिष्य व लेकीन चित्रपटांमध्ये फेम पंडित सत्यशील देशपांडे ,कुमार गंधर्व निर्गुणी भजन पुष्कर लेले यांचे गायन असून अरुंधती पटवर्धन आणि कलावर्धिनी ग्रुप यांची नृत्य संध्या माध्यमातून पंडित कुमार गंधर्व यांच्या स्मृतीला उजाळा देण्यात येईल. महाशिवरात्रनिमित्त रसिक प्रेक्षकांनी व नागरीकांनी या सांगितिक कार्यक्रमाचा लाभ घ्यावा असे आवाहन श्री विभीषण चवरे संचालक सांस्कृतिक कार्य संचालनालय यांनी केले आहे.

The post पं.कुमार गंधर्व यांच्या जन्मशताब्दी वर्षानिमित्त सांस्कृतिक कार्य विभागाची सांगितीक मानवंदना appeared first on पुणे २४ तास.

]]> मराठी भाषा गौरव दिनानिमित्तउद्या मुंबईत पुरस्कार प्रदान सोहळा https://pune24taas.com/%e0%a4%ae%e0%a4%b0%e0%a4%be%e0%a4%a0%e0%a5%80-%e0%a4%ad%e0%a4%be%e0%a4%b7%e0%a4%be-%e0%a4%97%e0%a5%8c%e0%a4%b0%e0%a4%b5-%e0%a4%a6%e0%a4%bf%e0%a4%a8%e0%a4%be%e0%a4%a8%e0%a4%bf%e0%a4%ae%e0%a4%bf/ Wed, 26 Feb 2025 15:34:39 +0000 https://pune24taas.in/?p=8070 पुणे ( पुणे 24 तास ब्युरो )  मराठी भाषेच्या गौरवार्थ आणि भाषा व साहित्याच्या विकासासाठी कार्यरत असणाऱ्या मान्यवरांच्या सन्मानार्थ उद्या 27 फेब्रुवारी रोजी मुंबईतील गेटवे ऑफ इंडिया येथे सायंकाळी 5 वाजता पुरस्कार सोहळा आयोजित करण्यात आला आहे. मराठी भाषा गौरव दिन तसेच ज्ञानपीठ पुरस्कार प्राप्त कविवर्य कुसुमाग्रज यांच्या जयंतीप्रित्यर्थ आयोजित या कार्यक्रमास मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार, विधान […]

The post मराठी भाषा गौरव दिनानिमित्तउद्या मुंबईत पुरस्कार प्रदान सोहळा appeared first on पुणे २४ तास.

]]>

पुणे ( पुणे 24 तास ब्युरो )

 मराठी भाषेच्या गौरवार्थ आणि भाषा व साहित्याच्या विकासासाठी कार्यरत असणाऱ्या मान्यवरांच्या सन्मानार्थ उद्या 27 फेब्रुवारी रोजी मुंबईतील गेटवे ऑफ इंडिया येथे सायंकाळी 5 वाजता पुरस्कार सोहळा आयोजित करण्यात आला आहे.

मराठी भाषा गौरव दिन तसेच ज्ञानपीठ पुरस्कार प्राप्त कविवर्य कुसुमाग्रज यांच्या जयंतीप्रित्यर्थ आयोजित या कार्यक्रमास मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार, विधान परिषद सभापती प्रा.राम शिंदे, विधानसभा अध्यक्ष ॲड.राहुल नार्वेकर, कौशल, रोजगार, उद्योजकता व नाविन्यता मंत्री मंगलप्रभात लोढा, उद्योग व मराठी भाषा मंत्री उदय सामंत, सांस्कृतिक कार्य व माहिती तंत्रज्ञान मंत्री ॲड.आशिष शेलार, विरोधी नेते अंबादास दानवे, उपसभापती डॉ.नीलम गोऱ्हे, संसद तसेच दोन्ही सभागृहातील सदस्य उपस्थित असणार आहे.

मराठी भाषा विभाग अंतर्गत 2024 करिता विंदा करंदीकर जीवनगौरव पुरस्कार ज्येष्ठ साहित्यिक रावसाहेब रंगराव बोराडे यांना जाहीर झाला आहे. नामवंत प्रकाशन संस्‍थेसाठी 2024 चा श्री.पु. भागवत पुरस्कार हा ज्योत्स्ना प्रकाशन, पुणे या संस्थेला जाहिर झाला आहे. डॉ.अशोक केळकर भाषा अभ्यासक पुरस्कार 2024 हा डॉ.रमेश सिताराम सुर्यवंशी यांना आणि श्री.मंगेश पाडगावकर भाषा संवर्धन पुरस्कार  हा श्रीमती भीमाबाई जोंधळे यांना जाहीर झाला आहे.  

याशिवाय ग्रामीण साहित्यासाठी 2023 चे पुरस्कार जाहीर झाले आहे.  वाङमय पुरस्कार प्रकारात प्रौढ वाङमय अंतर्गत काव्य प्रकारामध्ये कवी केशवसूत पुरस्कार हा एकनाथ पाटील यांना ‘अनिष्ठकाळाचे भयसूचन’ या पुस्तकासाठी जाहीर झाला आहे. नाटक / एकांकिका करिता राम गणेश गडकरी पुरस्कार हा मकरंद साठे यांना, कादंबरीकरिता हरी नारायण आपटे पुरस्कार हा आनंद विंगकर यांना, लघुकथेकरिता दिवाकर कृष्ण पुरस्कार हा दिलीप नाईक-निबांळकर यांना, ललितगद्यकरिता अनंत काणेकर पुरस्कार अंजली जोशी यांना, विनोदाकरिता श्रीपाद कृष्ण कोल्हटकर पुरस्कार हा शेखर गायकवाड यांना चरित्राकरिता न.चिं.केळकर पुरस्कार हा विवेक गोविलकर, आत्मचरित्रासाठी लक्ष्मीबाई टिळक पुरस्कार हा डॉ.वसंत भा. राठोड यांना समीक्षा, संशोधन, सौंदर्यशास्त्र, ललितकला व आस्वादपर लेखनाकरिता श्री. के. क्षीरसागर पुरस्कार हा समिर चव्हाण यांना जाहीर झाला आहे. तसेच प्रौढ वाङमय राज्यशास्त्र अथवा  समाजशास्त्रकरिता डॉ.बाबासाहेब आंबेडकर पुरस्कारांसाठी शिफारस नाही.           

त्याचप्रमाणे प्रौढ वाङमय इतिहासाकरिता शाहू महाराज पुरस्कार हा प्रकाश पवार यांना, भाषाशास्त्र अथवा व्याकरणाकरिता नरहर कुरूंदकर पुरस्कार हा उज्ज्वला जोगळेकर यांना, विज्ञान व तंत्रज्ञानाकरिता महात्मा जोतीराव फुले पुरस्कार हा सुबोध जावडेकर यांना, शेती व शेतीविषयक पुरक व्यवसाय लेखनाकरिता वसंतराव नाईक पुरस्कार हा डॉ.ललिता विजय बोरा यांना,  तसेच उपेक्षितांचे साहित्यकरीता  लोकशाहीर अण्णाभाऊ साठे पुरस्कार हा सुनीता सावरकर यांना जाहीर झाला आहे.  तर अर्थशास्त्र व अर्थशास्त्रविषयक लेखनाकरिता सी.डी.देशमुख पुरस्कारांसाठी शिफारस नाही. तत्वज्ञान व मानसशास्त्रकरिता ना.गो.नांदापूरकर पुरस्कार हा या.रा.जाधव यांना, शिक्षणशास्त्राकरिता कर्मवीर भाऊराव पाटील पुरस्कार हा हेमंत चोपडे यांना, पर्यावरणकरिता डॉ.पंजाबराव देशमुख पुरस्कार हा माधव गाडगीळ यांना, संपादित अथवा आधारितसाठी रा.ना.चव्हाण पुरस्कार संपादक रविमुकुल यांना, अनुवादितकरिता तर्कतीर्थ लक्ष्मणशात्री जोशी पुरस्कार हा अनुवादक श्रीकांत अरूण पाठक यांना तर संकीर्णकरिता भाई माधवराव बागल पुरस्कार हा सुप्रिया राज यांना जाहीर झाला आहे.

वाङमय पुरस्कार प्रकारात बाल वाङमयमध्ये कवितेकरीता बालकवी पुरस्कार हा प्रशांत असनारे यांना, नाटक व एकांकिकाकरिता भा.रा.भागवत पुरस्कार संजय शिंदे यांना, कादंबरी प्रकारात साने गुरूजी पुरस्कार हा रेखा बैजल यांना, कथा प्रकारात राजा मंगळवेढेकर पुरस्कार हा शरद आपटे यांना सर्वसामान्य ज्ञानकरिता यदुनाथ थत्ते पुरस्कार हा डॉ.प्रमोद बेजकर यांना तर बालवाङमय संकीर्ण या प्रकारातील ना.धो.ताम्हणकर पुरस्कार हा डॉ.आनंद नाडकर्णी यांना जाहीर झाला आहे. या पुरस्काराचे स्वरूप 50 हजार रूपये आहे. 

वाङमय पुरस्कार प्रकारात प्रथम प्रकाशन अंतर्गत काव्याकरिता बहिणाबाई चौधरी पुरस्कार हा तान्हाजी रामदास बोऱ्हाडे यांना, नाटक/एकांकिकाकरिता विजय तेंडुलकर पुरस्कार हा हरीष बोढारे यांना, कादंबरी या प्रकारातील श्री.ना.पेंडसे पुरस्कार हा प्रदीप कोकरे यांना, लघुकथेसाठीचा ग.ल.ठोकळ पुरस्कार हा डॉ.संजीव कुलकर्णी यांना, ललितगद्याचा ताराबाई शिंदे पुरस्कार हा गणेश मनोहर कुलकर्णी यांना जाहीर झाला आहे. या पुरस्काराचे स्वरूप 50 हजार रूपय असे आहे. तर प्रथम प्रकाशन समीक्षा सौंदर्यशास्त्र या प्रकारातील रा.भा.पाटणकर पुरस्काराकरिता शिफारस नाही.

याचप्रमाणे सरफोजीराजे भोसले बृहन्महाराष्ट्र पुरस्कार प्रकारात सयाजी महाराज गायकवाड पुरस्कार हा अनुवादक योगिनी मांडवगणे यांना ‘आल्बेर काम्यू ला मिथ द सिसीफ’ या पुस्तकासाठी जाहीर झाला आहे. या पुरस्काराचे स्वरूप 1 लाख रूपये आहे.

The post मराठी भाषा गौरव दिनानिमित्तउद्या मुंबईत पुरस्कार प्रदान सोहळा appeared first on पुणे २४ तास.

]]> आंबेगाव येथील शिवसृष्टीच्या दुसऱ्या टप्प्याचे मुख्यमंत्री देवेंद्र फडणवीस यांच्या हस्ते लोकार्पण https://pune24taas.com/%e0%a4%86%e0%a4%82%e0%a4%ac%e0%a5%87%e0%a4%97%e0%a4%be%e0%a4%b5-%e0%a4%af%e0%a5%87%e0%a4%a5%e0%a5%80%e0%a4%b2-%e0%a4%b6%e0%a4%bf%e0%a4%b5%e0%a4%b8%e0%a5%83%e0%a4%b7%e0%a5%8d%e0%a4%9f%e0%a5%80%e0%a4%9a/ Wed, 19 Feb 2025 17:03:27 +0000 https://pune24taas.in/?p=7468 शिवसृष्टीला प्रेरणा आणि अभ्यासाचे केंद्र म्हणून भेट द्यावी- मुख्यमंत्री शिवसृष्टीच्या पुढील टप्प्यासाठी ५० कोटी रुपये निधी देण्याची मुख्यमंत्र्यांची घोषणा पुणे, ( पुणे 24 तास ब्युरो ) छत्रपती शिवाजी महाराजांच्या स्वराज्य, स्वधर्म व स्वभाषा या त्रिसुत्रीवर आधारित शिवसृष्टी येथे मांडण्यात आलेले दालन अत्यंत प्रेरणादायी असून महाराष्टातील व देशातील प्रत्येक विद्यार्थ्यांनी या शिवसृष्टीला प्रेरणा आणि अभ्यासाचे केंद्र […]

The post आंबेगाव येथील शिवसृष्टीच्या दुसऱ्या टप्प्याचे मुख्यमंत्री देवेंद्र फडणवीस यांच्या हस्ते लोकार्पण appeared first on पुणे २४ तास.

]]>

शिवसृष्टीला प्रेरणा आणि अभ्यासाचे केंद्र म्हणून भेट द्यावी- मुख्यमंत्री

शिवसृष्टीच्या पुढील टप्प्यासाठी ५० कोटी रुपये निधी देण्याची मुख्यमंत्र्यांची घोषणा

पुणे, ( पुणे 24 तास ब्युरो )

छत्रपती शिवाजी महाराजांच्या स्वराज्य, स्वधर्म व स्वभाषा या त्रिसुत्रीवर आधारित शिवसृष्टी येथे मांडण्यात आलेले दालन अत्यंत प्रेरणादायी असून महाराष्टातील व देशातील प्रत्येक विद्यार्थ्यांनी या शिवसृष्टीला प्रेरणा आणि अभ्यासाचे केंद्र म्हणून भेट द्यावी, असे आवाहन मुख्यमंत्री देवेंद्र फडणवीस यांनी शिवसृष्टीच्या दुसऱ्या टप्प्याचे लोकार्पण प्रसंगी केले. तसेच शिवसृष्टीच्या पुढील टप्प्याचं काम अधिक वेगाने व्हावे यासाठीही राज्य शासनाकडून आणखी ५० कोटी रुपयांचा निधी उपलब्ध करुन देण्याची घोषणा मुख्यमंत्री श्री. फडणवीस यांनी यावेळी केली.

यावेळी केंद्रीय राज्यमंत्री मुरलीधर मोहोळ, उच्च व तंत्र शिक्षण मंत्री चंद्रकांत पाटील, सांस्कृतिक कार्यमंत्री ॲड. आशिष शेलार, खासदार मेधा कुलकर्णी, उदयनराजे भोसले, आमदार उमा खापरे, अमित गोरखे, विजय शिवतारे, भीमराव तापकीर, सुनील कांबळे, नानासाहेब जाधव, रविंद्र वंजारवाडकर, शिवसृष्टीचे जगदीश कदम, विनय सहस्त्रबुद्धे, अमृत पुरंदरे आदी मान्यवर उपस्थित होते.

मुख्यमंत्री श्री. फडणवीस म्हणाले, छत्रपती शिवाजी महाराज हे उत्तम लढवय्ये, उत्तम योद्धे तर होतेच त्याबरोबरच ते उत्तम प्रशासक होते. महिलांचा सन्मान आणि शेवटच्या घटकापर्यंत सर्वांना संरक्षण देण्याचे काम त्यांनी केले. नुकताच मराठी भाषेला अभिजात भाषेचा दर्जा मिळाला आहे. परंतु खऱ्या अर्थाने मराठी भाषेला राजभाषेचा दर्जा देण्याचे काम शिवरायांनी केले. ज्यावेळी अरबी आणि फारसी या शब्दावलीतून राज्यकारभार चालायचा तेव्हा छत्रपती शिवरायांनी स्वभाषेचा आग्रह धरुन मराठीचा वापर चालू केला. त्याचे पर्यायी मराठी शब्द लिहायला लावले. त्या प्रकारची नवीन आज्ञावली शिवरायांनी तयार केली, असे सांगून मराठी भाषेला अभिजात भाषेचा दर्जा मिळाल्याच्या पार्श्वभूमीवर दिल्ली येथे २१ फेब्रुवारी पासून अखिल भारतीय मराठी साहित्य संमेलन होत असल्याचे त्यांनी सांगितले.

मुख्यमंत्री पुढे म्हणाले, शासनाने शिवसृष्टीला ‘मेगा टूरिझम’ म्हणून दर्जा दिला असता तरी पर्यटन केंद्र म्हणून भेट देण्यापेक्षा प्रेरणेचे आणि अभ्यासाचे केंद्र म्हणून प्रत्येकाने शिवसृष्टीला भेट द्यावी. शिवसृष्टीमध्ये ३६ मिनीटांमध्ये भारताचा इतिहास आणि स्वराज्यासाठीचे छत्रपती शिवरायांचे योगदान अवर्णनीय पद्धतीने मांडण्यात आले आहे असे सांगून ते म्हणाले, देशामध्ये सर्वोत्तम स्थापत्यशास्त्र हे छत्रपती शिवरायांच्या किल्ल्यांमध्ये पहायला मिळते. किल्ल्यांची रचना, पाण्याच व्यवस्थापन, बाजार व्यवस्था, किल्ल्याच्या संरक्षणासाठीची अभेद्य व्यवस्था ते करायचे. म्हणूनच पंतप्रधान नरेंद्र मोदी यांनी छत्रपती शिवाजी महाराजांचे १२ किल्ल्यांचे युनेस्कोच्या जागतिक वारसासाठी नामांकन केले आहे. या किल्ल्यांच्या स्थापत्य रचनेच्या संदर्भातील सादरीकरण सांस्कृतिक विभागामार्फत युनेस्को येथे लवकरच करण्यात येणार आहे. छत्रपती शिवरायांचे किल्ले हे जागतिक वारसा म्हणून युनेस्कोही स्विकारेल, असा विश्वास त्यांनी व्यक्त केला.

ते म्हणाले, शिवरायांचे वेगवेगळे पैलू शिवसृष्टीच्या माध्यमातून जनतेपुढे यावेत. त्यांच्या आज्ञावलीतील माहिती शिवसृष्टीच्या माध्यमातून सर्वांना मिळावी. देशाभिमानी आणि इतिहास जाणणारी पिढी जोपर्यंत तयार होत नाही तोपर्यंत देशाचा विकास होत नाही. शिवसृष्टी उभारणं हे एक राष्ट्र कार्य आहे. या कार्यामध्ये शासन सर्वतोपरी सहकार्य करेल असे सांगून हे काम लवकरात लवकर पूर्ण करावे, असेही ते म्हणाले.

प्रारंभी शिवसृष्टी येथील स्वराज्य, स्वभाषा व स्वधर्म या त्रिसुत्रीवर आधारित दालन, गंगासागर व भवानी मातेच्या मंदीराला मुख्यमंत्री श्री. फडणवीस यांनी भेट देऊन पाहणी केली. यावेळी रायगड किल्ल्यावरुन आणलेले जल मुख्यमंत्र्यांच्या हस्ते गंगासागर मध्ये अर्पण करण्यात आले.

कार्यक्रमाला विविध मान्यवर तसेच शिवप्रेमी मोठ्या संख्येने उपस्थित होते.

The post आंबेगाव येथील शिवसृष्टीच्या दुसऱ्या टप्प्याचे मुख्यमंत्री देवेंद्र फडणवीस यांच्या हस्ते लोकार्पण appeared first on पुणे २४ तास.

]]> पुणे ते दिल्ली रेल्वे प्रवासात पाहिले मराठी साहित्य यात्री संमेलन https://pune24taas.com/%e0%a4%aa%e0%a5%81%e0%a4%a3%e0%a5%87-%e0%a4%a4%e0%a5%87-%e0%a4%a6%e0%a4%bf%e0%a4%b2%e0%a5%8d%e0%a4%b2%e0%a5%80-%e0%a4%b0%e0%a5%87%e0%a4%b2%e0%a5%8d%e0%a4%b5%e0%a5%87-%e0%a4%aa%e0%a5%8d%e0%a4%b0/ Wed, 19 Feb 2025 17:01:05 +0000 https://pune24taas.in/?p=7466 पुणे ते दिल्ली रेल्वे प्रवासात पाहिले मराठी साहित्य यात्री संमेलनही अभिमानाची बाब-मराठी भाषा मंत्री उदय सामंतअखिल भारतीय मराठी साहित्य संमेलनाकरीता महादजी शिंदे एक्सप्रेस पुणे येथून दिल्लीकरीता रवाना पुणे, ( पुणे 24 तास ब्युरो ) पुणे ते दिल्ली रेल्वे प्रवासात पाहिले मराठी साहित्य संमेलन ही अभिमानाची बाब असून प्रवासात ३० तास हे संमेलन चालणार आहे. अशी […]

The post पुणे ते दिल्ली रेल्वे प्रवासात पाहिले मराठी साहित्य यात्री संमेलन appeared first on पुणे २४ तास.

]]> पुणे ते दिल्ली रेल्वे प्रवासात पाहिले मराठी साहित्य यात्री संमेलन
ही अभिमानाची बाब-मराठी भाषा मंत्री उदय सामंत
अखिल भारतीय मराठी साहित्य संमेलनाकरीता महादजी शिंदे एक्सप्रेस पुणे येथून दिल्लीकरीता रवाना

पुणे, ( पुणे 24 तास ब्युरो )

पुणे ते दिल्ली रेल्वे प्रवासात पाहिले मराठी साहित्य संमेलन ही अभिमानाची बाब असून प्रवासात ३० तास हे संमेलन चालणार आहे. अशी माहिती मराठी भाषा विकास मंत्री उदय सामंत यांनी दिली. दिल्ली येथे २१ ते २३ फेब्रुवारी रोजी होणाऱ्या ९८ व्या अखिल भारतीय मराठी साहित्य संमेलनात सहभागी होणासाठी जाणाऱ्या साहित्य रसिकांच्या महादजी शिंदे एक्सप्रेला मंत्री उदय सामंत यांच्या उपस्थितीत हिरवी झेंडी दाखवून पुणे रेल्वे स्थानक येथून रवाना करण्यात आले त्यावेळी आयोजित कार्यक्रमात ते बोलत होते. मंत्री श्री सामंत म्हणाले, मराठी साहित्य यात्री संमेलनाचा स्वागताध्यक्ष होण्याचा मान मला मिळाला आहे. ही माझ्या साठी भाग्याची बाब आहे. २७ फेब्रुवारीला मराठी भाषा गौरवदिनाच्या निमित्ताने दिल्ली मधील जवाहरलाल नेहरू विद्यापीठात कवी कुसुमाग्रज यांचे नावाने मराठी अध्यसन केंद्र सुरु करण्याचा निर्णय जेनयूच्या कौन्सिल ने घेतला आहे, हा मराठी भाषेचा मान असून मराठी बोलणाऱ्या प्रत्येक मराठी माणसाचा मान आहे. ही अनेक वर्षाची मागणी होती ती आता पूर्ण होत आहे.जेनयू मध्ये एम ए मराठी चा अभ्यासक्रम २७ पासून सुरु होत आहे. दिल्ली मध्ये होणाऱ्या या साहित्य संमेलनाच्या निमित्ताने अनेक चांगल्या गोष्टी घडता आहेत. मराठीसाठी शासन सर्वोतोपरी मदत करित आहे. असे त्यांनी सांगितले. रेल्वे प्रयाणापूर्वी पुस्तक दिंडी काढण्यात आली. शिवजयंतीचे औचित्य साधून सुरुवातीस छत्रपती शिवाजी महाराज यांच्या प्रतिमेचे पूजन करून अभिवादन करण्यात आले. या विशेष रेल्वेत १ हजार २०० ज्येष्ठ साहित्यिक प्रवास करीत आहेत.मराठी भाषा मंत्री श्री. सामंत स्वतः प्रवास करुन साहित्यकांशी संवाद साधत आहे. दरम्यान या रेल्वेमध्ये मराठी साहित्ययात्री संमेलनाचे आयोजन करण्यात आले आहे. ही रेल्वे २० फेब्रुवारी रोजी रात्री दिल्ली येथे पोहोचणार आहे. यावेळी डॉ. डी. वाय. पाटील विद्यापीठाचे कुलपती डॉ. पी. डी. पाटील, मराठी साहित्य यात्री संमेलनाचे संमेलनाध्यक्ष शरद तांदळे, कार्यकारी अध्यक्ष वैभव वाघ कार्याध्यक्ष डॉ. शरद गोरे, साहित्य अकादमी पुरस्कार प्राप्त संगिता बर्वे आदी उपस्थित हाते.

The post पुणे ते दिल्ली रेल्वे प्रवासात पाहिले मराठी साहित्य यात्री संमेलन appeared first on पुणे २४ तास.

]]>