आंतरराष्ट्रीय सायकल स्पर्धेमुळे आज पुण्यात अनेक रस्ते बंद; पर्यायी मार्गांचा वापर करण्याचे आवाहन
पुणे २४ तास-बजाज पुणे ग्रँड टूर या आंतरराष्ट्रीय सायकल स्पर्धेच्या पार्श्वभूमीवर पुणे शहरातील वाहतुकीत आज आणि शुक्रवार, २३ जानेवारी रोजी मोठे बदल करण्यात आले असून, स्पर्धा मार्गावरील अनेक रस्ते काही कालावधीसाठी बंद ठेवण्यात येणार आहेत. नागरिकांनी पर्यायी मार्गांचा वापर करावा, असे आवाहन वाहतूक पोलिसांनी केले आहे.
पुणे जिल्हा प्रशासनाच्या विद्यमाने आणि सायकलिंग फेडरेशन ऑफ इंडियाच्या सहकार्याने ही स्पर्धा १९ ते २४ जानेवारी २०२६ दरम्यान आयोजित करण्यात आली आहे. शहरातून स्टेज २ आणि स्टेज ४ हे दोन टप्पे जाणार असून, त्या अनुषंगाने संबंधित मार्गांवरील वाहतूक काही काळ वाहनविरहित व मनुष्यविरहित ठेवण्यात येणार आहे, अशी माहिती वाहतूक पोलीस उपआयुक्त हिम्मत जाधव यांनी दिली.
स्टेज ४ (२३ जानेवारी)
शुक्रवारी सकाळी ९ ते सायंकाळी ६ वाजेपर्यंत बाणेर, पाषाण, पुणे विद्यापीठ परिसर, एस.बी. रोड, कर्वे रोड, सिंहगड रोड, लक्ष्मी रोड, कॅम्प, डेक्कन आणि बालगंधर्व चौक परिसरातील वाहतुकीत बदल लागू राहणार आहेत. काही रस्ते पूर्णतः बंद, तर काही ठिकाणी वाहतूक वळवण्यात येणार आहे.
महत्त्वाच्या सूचना
किराड चौक ते इस्कॉन मंदिर दरम्यानचा मार्ग आज सकाळी ७ वाजल्यापासून सर्व प्रकारच्या वाहनांसाठी बंद ठेवण्यात येणार आहे. स्टेज २ आणि स्टेज ४ च्या संपूर्ण मार्गावर स्पर्धेच्या कालावधीत ‘नो-पार्किंग झोन’ लागू राहील. तसेच या दोन दिवसांत पुणे शहरात जड वाहनांना प्रवेशबंदी राहणार आहे.
रुग्णवाहिका, अग्निशमन दल, पोलीस वाहने आणि स्पर्धेशी संबंधित वाहनांना मात्र सूट देण्यात आली आहे. नागरिकांनी वाहतूक पोलिसांच्या सूचनांचे पालन करावे, पर्यायी मार्गांचा वापर करावा आणि स्वयंसेवक व पोलिसांना सहकार्य करावे, असे आवाहन अपर पोलीस आयुक्त मनोज पाटील यांनी केले आहे.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
