पुणे ः- पुणे ग्रँड चॅलेंज टूर–२०२६ आंतरराष्ट्रीय सायकलिंग स्पर्धेच्या चौथ्या टप्प्याच्या पार्श्वभूमीवर पुणे महानगरपालिका हद्दीतील सर्व सरकारी व खासगी शाळा शुक्रवार, २३ जानेवारी रोजी दुपारी १२ वाजेनंतर बंद ठेवण्याचे आदेश जिल्हाधिकारी जितेंद्र डूडी यांनी दिले आहेत.
ही स्पर्धा बालेवाडी ते बालगंधर्व रंगमंदिर दरम्यान होणार असून, चौथ्या टप्प्याचे अंतर सुमारे ५८ किलोमीटर आहे. या मार्गावर मोठ्या प्रमाणावर वाहतूक कोंडी होण्याची शक्यता लक्षात घेता तसेच विद्यार्थ्यांची गैरसोय टाळण्यासाठी हा निर्णय घेण्यात आल्याचे आदेशात नमूद करण्यात आले आहे.
जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष या नात्याने डूडी यांनी हे आदेश जारी केले असून, शाळांनी सकाळी नियोजित वेळेनुसार अध्यापन सुरू ठेवून दुपारी १२ वाजता शाळा बंद कराव्यात, असे स्पष्ट करण्यात आले आहे.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
