पुणे : छत्रपती शिवाजी महाराज यांच्या पुतळ्याबाबत एका महिलेकडून कथितरित्या करण्यात आलेल्या गैरकृत्याचा निषेध करण्यासाठी रिपब्लिकन पार्टी ऑफ इंडिया (गंगावणे गट) व भीम आर्मी रिपब्लिकन एकता मिशन यांच्या वतीने निषेध व्यक्त करण्यात आला. यावेळी मोठ्या संख्येने कार्यकर्ते व नागरिक उपस्थित होते.

या प्रसंगी रिपब्लिकन पार्टी ऑफ इंडिया (गंगावणे गट)चे राष्ट्रीय अध्यक्ष आयु. सीताराम गंगावणे आणि महाराष्ट्र प्रदेश अल्पसंख्याक आघाडीचे अध्यक्ष वसीम भाई पैलवान यांनी उपस्थितांना संबोधित केले.

“राष्ट्रपुरुषांचा असा अवमान आम्ही खपवून घेणार नाही,” असा इशारा यावेळी सीताराम गंगावणे आणि वसीम पैलवान यांनी दिला.

छत्रपती शिवाजी महाराजांनी स्वराज्याची स्थापना करताना सर्व समाजघटकांना सोबत घेतले. त्यांनी जात-पात न मानता सर्व धर्मांचा आणि समाजघटकांचा आदर केला. त्यांच्या स्वराज्यात सर्वांना स्थान होते, असे यावेळी वक्त्यांनी सांगितले.

यावेळी छत्रपती शिवाजी महाराज, डॉ. बाबासाहेब आंबेडकर यांच्यासह राष्ट्रपुरुषांच्या जयघोषाने परिसर दुमदुमून गेला. उपस्थित कार्यकर्त्यांनी छत्रपती शिवाजी महाराजांच्या विचारांचा आणि सामाजिक एकतेचा संदेश दिला.

या कार्यक्रमाला राष्ट्रीय अध्यक्ष सीताराम गंगावणे, महाराष्ट्र प्रदेश अल्पसंख्याक आघाडीचे अध्यक्ष वसीम भाई पैलवान, पुणे जिल्हाध्यक्षा आम्रपाली पाटील, नदीम बाबरखान, भीम आर्मी पुणे शहर कार्याध्यक्ष बापू भाऊ चांदणे, विलसन डॅनियल, मंगेश भाऊ यांच्यासह पदाधिकारी, कार्यकर्ते आणि मुस्लिम समाजातील नागरिक मोठ्या संख्येने उपस्थित होते.

या घटनेच्या पार्श्वभूमीवर सामाजिक सलोखा आणि सर्व धर्मीयांच्या भावनांचा आदर राखण्याचे आवाहनही यावेळी करण्यात आले.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post छत्रपती शिवाजी महाराजांच्या पुतळ्यावरील कथित गैरकृत्याचा निषेध; गंगावणे गट व भीम आर्मी रिपब्लिकन एकता मिशनचे आंदोलन appeared first on पुणे २४ तास.

पुणे : ज्येष्ठ नागरिकाच्या बॅगेतील रोख रक्कम, धनादेश, बँकेची कागदपत्रे आणि अन्य महत्त्वाचे साहित्य रिक्षात राहिल्याच्या तक्रारीची योग्य ती दखल न घेतल्याप्रकरणी विश्रांतवाडी पोलिसांवर ठपका ठेवण्यात आला आहे. या प्रकरणात तत्कालीन वरिष्ठ पोलीस निरीक्षक कांचन जाधव आणि महिला पोलीस हवालदार जे. के. कांबळे (बक्कल क्र. ३०७५) यांची चौकशी करून योग्य ती शिक्षा करण्याची शिफारस पुणे विभागीय पोलीस तक्रार प्राधिकरणाने केली आहे.

तक्रारदार शरद नारायण जाधव (वय ७८, रा. येरवडा, पुणे) हे सेवानिवृत्त असून चालण्यासाठी वॉकरचा आधार घेतात. १८ जुलै २०२५ रोजी त्यांनी विश्रांतवाडी येथील बँकेतून पैसे काढले. त्यानंतर मित्रासह रिक्षाने प्रवास करताना मेंटल हॉस्पिटल कॉर्नर, विश्रांतवाडी येथे ते उतरले. उतरताना वॉकरच्या सहाय्याने रिक्षेतून खाली उतरण्यास वेळ लागला. त्याचदरम्यान रिक्षाचालकाने रिक्षा पुढे नेल्याने त्यांची बॅग रिक्षेतच राहिल्याचे तक्रारीत नमूद करण्यात आले आहे.

या बॅगेमध्ये रोख रक्कम, धनादेश, विविध बँकांची पासबुक व चेकबुक, घराच्या चाव्या, चष्मा आणि इतर महत्त्वाची कागदपत्रे असल्याचे तक्रारीत नमूद आहे.

घटनेनंतर जाधव यांनी त्याच दिवशी विश्रांतवाडी पोलीस ठाण्यात तक्रार केली. मात्र, त्यांना दोन दिवस प्रतीक्षा करण्यास सांगण्यात आल्याचे त्यांनी नमूद केले. त्यानंतरही साहित्य आणि पैसे मिळाले नसल्याने त्यांनी रिक्षाचा सीसीटीव्ही फुटेज तपासून संबंधित रिक्षाचालकाचा शोध घेऊन कारवाई करण्याची मागणी केली.

यानंतर माहितीच्या अधिकारातून प्रकरणाची माहिती मागविल्यानंतर त्यांची तक्रार ‘मिसिंग प्रॉपर्टी क्र. ४५१/२०२५’ म्हणून नोंदविण्यात आल्याचे समोर आले.

प्राधिकरणासमोर झालेल्या सुनावणीदरम्यान तक्रारदार ज्येष्ठ नागरिक असून त्यांना चालण्यासाठी वॉकरचा आधार घ्यावा लागतो, ही बाबही नोंदविण्यात आली. प्राधिकरणाच्या आदेशानुसार, तक्रारीची योग्य ती कार्यवाही न झाल्याचे तसेच संबंधित रिक्षाचालक आणि सीसीटीव्ही फुटेजबाबत आवश्यक कार्यवाही न झाल्याचे निरीक्षण नोंदविण्यात आले आहे.

या प्रकरणात तत्कालीन वरिष्ठ पोलीस निरीक्षक कांचन जाधव आणि महिला पोलीस हवालदार जे. के. कांबळे यांना दोषी धरून त्यांची चौकशी करून योग्य ती शिक्षा करण्याची शिफारस प्राधिकरणाने केली आहे. आदेशाची प्रत गृह विभागाचे अपर मुख्य सचिव आणि पुणे शहर पोलीस आयुक्त यांच्याकडे पाठविण्याचे निर्देशही देण्यात आले आहेत.

तक्रारदारांच्या वतीने ॲड. विशाल शिंदे यांनी या प्रकरणाचा पाठपुरावा केला.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post ज्येष्ठ नागरिकाच्या तक्रारीची दखल न घेतल्याचा ठपका; विश्रांतवाडी पोलिसांच्या दोन कर्मचाऱ्यांवर कारवाईची शिफारस appeared first on पुणे २४ तास.

पुणे : देशातील विद्यार्थी आपल्या न्यायासाठी व हक्कांसाठी दिल्लीतील जंतर मंतर येथे सनदशीर, शांततेच्या मार्गाने आंदोलन करत असताना क्रूर मोदी सरकारने या विद्यार्थ्यांवर हिंसक हल्ला चढवला. या अमानुष अत्याचारांच्या विरोधात देशाचे नेते, लोकसभेचे विरोधी पक्ष नेते  राहुल गांधी, अखिल भारतीय काँग्रेस कमिटीचे अध्यक्ष तथा राज्यसभेचे विरोधी पक्ष नेते मल्लिकार्जुन खरगे , खासदार प्रियांका गांधी यांनी दिल्लीत पंतप्रधानांच्या निवासस्थानासमोर आंदोलन केले. मोदी सरकारने या सर्व नेत्यांवरही पोलीस बळाचा क्रूर वापर केला.

पुणे शहर हे नेहमीच विद्यार्थी चळवळीचे व तरुणाईच्या संघर्षाचे केंद्रस्थान राहिले आहे. पुण्यातूनही विद्यार्थ्यांच्या हक्कांचा आवाज बुलंद करण्यासाठी पुणे शहर जिल्हा काँग्रेस कमिटीच्या वतीने पुण्यातील राजभवनाच्या प्रवेशद्वारावर काळे झेंडे दाखवून निषेध आंदोलन करण्यात आले. या आंदोलनाच्या माध्यमातून २२ विद्यार्थ्यांच्या आत्महत्येस कारणीभूत असलेले शिक्षण मंत्री धर्मेंद्र प्रधान, हजारो विद्यार्थ्यांचे रक्त सांडणारे पंतप्रधान नरेंद्र मोदी व गृहमंत्री अमित शहा यांच्या राजीनाम्याची मागणी करण्यात आली. विद्यार्थ्यांच्या हक्कांसाठी व न्यायासाठी काँग्रेस पक्ष अखेरपर्यंत लढणार हा निर्धारही सर्वांनी व्यक्त केला.

आपले मनोगत व्‍यक्त करताना पुणे शहर जिल्हा काँग्रेस कमिटी पूर्व विभागाचे अध्यक्ष प्रशांत जगताप म्हणाले की, ‘‘सरकार भ्रष्टमुक्त सरकार आहे असे पंतप्रधान नरेंद्र मोदी म्हणतात. परंतु त्यांच्या कारकिर्दीमध्ये पेपरफूटी, राम मंदिरातील दानपेटीतून १४०० कोटी रूपये चोरीला जाणे हे या सरकारचे अपयश आहे. आपली चूक मान्य करून पंतप्रधानांनी त्वरीतच शिक्षण मंत्री धर्मेंद्र प्रधान यांचा राजीनामा घ्यायला हवा होता. देशभरातील विद्यार्थी आपल्या न्यायासाठी दिल्लीतील जंतर-मंतर येथे आंदोलन करीत आहेत. भारतातील अनेक शहरामध्ये विद्यार्थांनी आंदोलन करून मोदी सरकारच्या विरूध्द आपला निषेध व्‍यक्त केला. मोदी सरकारने या सर्व गोष्टींकडे दुर्लक्ष करून शिक्षण मंत्री धर्मेंद्र प्रधान यांना अभय दिले . शिक्षण हे प्रत्येक विद्यार्थ्यांसाठी अतिशय महत्वाचे आहे. आपल्याला चांगले शिक्षण मिळून नीट सारख्या परिक्षेमध्ये उत्तीर्ण होवून चांगली नोकरी मिळावी असे प्रत्येक विद्यार्थ्यांचे स्वप्न असते. पंतप्रधान मोदींनी यांचे स्वप्न भंग केले आणि शांततेने निदर्शन करणाऱ्या विद्यार्थांवर पोलीसांमार्फत लाठी हल्ला केला. शिक्षण मंत्री धर्मेंद्र प्रधान यांनी नैतिक जबाबदारी स्विकारून राजीनामा दिला पाहिजे.’’

पश्चिम विभागाच्या अध्यक्षा दीप्ती चवधरी म्हणाल्या की, ‘‘गेली १ महिना दिल्लीच्या जंतर-मंतर येथे ठिय्या आंदोलन करीत विद्यार्थी केंद्रिय शिक्षण मंत्री धमेंद्र प्रधान यांच्या राजीनाम्याची मागणी करीत आहेत. देशात लाखो विद्यार्थी आपल्या भविष्यासाठी नीटची परिक्षा देतात. त्यासाठी दिवसातील ९ ते १० तास अभ्यास करतात. केंद्र सरकार पेपरफूटी रोखण्यात अपयशी ठरले आहे. या नीट फूटीच्या प्रकरणामध्ये अनेक कोचिंग क्लासेसचे व महाविद्यालयांचे प्राध्यापक यांनी एक साखळी तयार करून पैशाच्या लाभापोटी विकले गेले. पेपरफूटीमळे अनेक विद्यार्थ्यांनी आत्महत्या करून आपले जीव गमावले. सरकारने या विषयाकडे दुर्लक्ष केले. न्याय मागणाऱ्या विद्यार्थ्यांवर पोलीसांमार्फत जो लाठी हल्ला झाला त्याचा मी तीव्र निषेध करीत आहे.’’

यावेळी काँग्रेस पक्षाच्या पुणे (पश्चिम) शहराध्यक्ष श्रीमती दीप्ती चवधरी, नीता रजपूत,  अविनाश साळवे, रफिक शेख, अविनाश बागवे, मेहबूबभाई नदाफ, मोहसीन शेख, लता राजगुरू , भाऊसाहेब आजबे, प्रियंका रनपिसे, विठ्ठल गायकवाड, हर्षल हांडे, यांच्यासह सर्व पदाधिकारी, कार्यकर्ते व पुणेकर नागरिक मोठ्या संख्येने आंदोलनात सहभागी होते.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post विद्यार्थ्यांवरील अन्यायाच्या विरोधात.. काँग्रेस पक्ष मैदानात! appeared first on पुणे २४ तास.

पुणे : कारागृहातील बंद्यांच्या मानसिक स्वास्थ्याला चालना देत त्यांच्यात सकारात्मक ऊर्जा निर्माण करण्याच्या उद्देशाने येरवडा मध्यवर्ती कारागृहात शुक्रवारी (१७ जुलै) ‘अभंग वाणी’ या सांस्कृतिक कार्यक्रमाचे आयोजन करण्यात आले. या कार्यक्रमात सुमारे ५०० बंद्यांनी उत्स्फूर्त सहभाग नोंदविला.

कारागृह विभागाच्या ‘सुधारणा व पुनर्वसन’ या ब्रीदवाक्यानुसार विविध सामाजिक, सांस्कृतिक आणि प्रबोधनात्मक उपक्रम सातत्याने राबविले जातात. त्याचाच भाग म्हणून आर के स्मृती बहुउद्देशीय संस्था पुणे, ऋषीआनंद वन – हडपसर, व सुकांता थाळी यांच्या संयुक्त विद्यमाने कार्यक्रम आयोजित करण्यात आला.

कार्यक्रमात ओंकार लोहार आणि गायत्री कुंडेकर यांनी अभंग भजने तसेच टाळ-मृदुंगाच्या गजरात भक्तिरसपूर्ण सादरीकरण करून उपस्थित बंद्यांना मंत्रमुग्ध केले.  यावेळी संस्थेचे संस्थापक आनंद साळुंखे, सचिव भाग्यश्री साळुंखे, विजयकुमार मर्लेचा, प्रमोद छाजेड आणि खास प्रमुख अतिथी म्हणुन राज्य विधिमंडळाचे ग्रंथ विभागाचे मुख्य अधिकारी बाबासाहेब वाघमारे उपस्थित होते.

आयुष्यात केलेल्या चुकांमुळे बंदिवानाचे जीवन वाट्याला आले असले तरी अभंगवाणी कार्यक्रमाच्या रूपाने साक्षात विठ्ठलाचा गजर तुरुंगाच्या भिंतीच्या आत घुमल्यामुळे पुढे कैद्याच्या आयुष्यात सकारात्मक घडेल असा विश्वास यावेळी व्यक्त करण्यात आला..

कारागृह अधीक्षक सुनील ढमाळ यांनी अशा सांस्कृतिक उपक्रमांमुळे बंद्यांना मुख्य प्रवाहात आणण्यास आणि त्यांच्या मानसिक आरोग्यास बळकटी मिळण्यास मदत होत असल्याचे सांगितले.

हा उपक्रम अपर पोलीस महासंचालक व महानिरीक्षक (कारागृह व सुधारसेवा) डॉ. सुहास वारके यांच्या संकल्पनेतून आणि विशेष कारागृह महानिरीक्षक योगेश देसाई यांच्या मार्गदर्शनाखाली राबविण्यात आला.सदर कार्यक्रमाचे यशस्वी नियोजनासाठी अति. अधीक्षक पल्लवी पी कदम, उपअधीक्षक आर. ई गायकवाड, वरीष्ठ तुरुंगाधिकारी  एस आर पाटील, शिक्षक  एन आर शिंदे,शिक्षक  जी. व्ही. तागड तसेच इतर कारागृह अधिकारी व कर्मचारी यांनी कामकाज पाहीले.

मानवी मनाला स्पर्श करणारा उपक्रम 

तुरुंगात शिक्षा भोगणाऱ्या प्रत्येक व्यक्तीच्या आयुष्यात एक अशी वेळ असते, जेव्हा ती स्वतःच्या चुकांचा विचार करते. अशा वेळी उपदेशापेक्षा संस्कार, संगीत आणि अध्यात्म अधिक प्रभावी ठरतात. येरवडा कारागृहातील हा कार्यक्रम केवळ सांस्कृतिक सादरीकरण नव्हता, तर बंदिवानांच्या मनात आशा, आत्मपरीक्षण आणि नव्या आयुष्याची प्रेरणा जागविण्याचा एक प्रयत्न होता. तुरुंगाच्या उंच भिंतींच्या आत घुमलेला विठ्ठल नामाचा गजर अनेकांसाठी कदाचित नव्या जीवनप्रवासाची सुरुवात ठरू शकतो.  सर्व उपस्थित बंद्यांच्या एक मुखाने विठ्ठलाचा गजर केला जो मनाने विठ्ठला पर्यंत पोहोचला.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post येरवडा कारागृहात अभंग वारी ‘ कार्यक्रम; ५०० बंद्यांचा उत्स्फूर्त सहभाग appeared first on पुणे २४ तास.

पुणे : आंतरराष्ट्रीय महिला दिन २०२६ निमित्त दि. ९ मार्च २०२६ रोजी पु ना इन्स्टिट्यूट ऑफ मॅनेजमेंट सायन्सेस अँड आंत्रप्रेन्युअरशिप (पिमसे) तर्फे शिवाजीनगर पोलीस ठाण्यात कार्यरत महिला पोलिस अधिकाऱ्यांचा सन्मान सोहळा आयोजित करण्यात आला.

“Give to Gain” या प्रेरणादायी संकल्पनेखाली आयोजित या कार्यक्रमात समाजाच्या सुरक्षेसाठी अहोरात्र कार्य करणाऱ्या महिला पोलिसांच्या योगदानाचा गौरव करण्यात आला.

या कार्यक्रमात महिला पोलिस अधिकारी समाजात कायदा व सुव्यवस्था राखण्यासाठी, नागरिकांचे संरक्षण करण्यासाठी आणि समाजाच्या सुरक्षिततेसाठी करत असलेल्या उल्लेखनीय कार्याचा सन्मान करण्यात आला. कठीण परिस्थितीतही कर्तव्यनिष्ठा, धैर्य आणि प्रामाणिकपणे सेवा देणाऱ्या महिला पोलिसांचे योगदान समाजासाठी प्रेरणादायी असल्याचे यावेळी अधोरेखित करण्यात आले.

या कार्यक्रमाला वरिष्ठ पोलीस निरीक्षक दिघवकर सर तसेच पोलीस निरीक्षक कलंगे सर यांची उपस्थिती लाभली. यावेळी डब्ल्यूपीएसआय वालसे मॅडम आणि डब्ल्यूपीएसआय जाधव मॅडम यांचा समाजसेवा व सार्वजनिक सुरक्षेसाठी केलेल्या उल्लेखनीय कार्यायाद्दल विशेष सत्कार करण्यात आला.

पिमसेच्या प्रभारी संचालिका प्रा. डॉ. पोरिनिता बॅनर्जी यांनी उपस्थित प्रत्येक महिला पोलिस अधिकाऱ्यांचा सन्मान करून त्यांच्या धैर्य, जिद्द आणि समाजसेवेप्रती असलेल्या समर्पणाबद्दल कृतज्ञता व्यक्त केली.

प्रा. डॉ. पोरिनिता बॅनर्जी यांच्या मार्गदर्शनाखाली आयोजित या कार्यक्रमाने समाजाच्या सुरक्षेसाठी कार्य करणाऱ्या महिला पोलिसांप्रती कृतज्ञता व्यक्त करत त्यांना मानाचा मुजरा अर्पण केला.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post शिवाजीनगर पोलीस ठाण्यातील महिला पोलिसांचा पिमसेतर्फे गौरव appeared first on पुणे २४ तास.

पुणे, दि. १३ : जिल्ह्यासाठी सन २०२६ मधील केंद्र शासनाच्या ध्वनी प्रदुषण (नियमन व नियंत्रण) सुधारित नियम २०१७ च्या नियम ५ उपनियम (३) अन्वये १५ दिवसांसाठी ध्वनीक्षेपक व ध्वनीवर्धकाच्या वापरासाठी सकाळी ६ वाजल्यापासून ते रात्री १२ वाजेपर्यंत वापर करण्यासाठी परवानगी देण्याबाबतचा आदेश जिल्हाधिकारी जितेंद्र डुडी यांनी जारी केले आहेत.

शिवजयंती १९ फेब्रुवारी, डॉ. बाबासाहेब आंबेडकर जयंती १४ एप्रिल, महाराष्ट्र दिन १ मे, गणपती उत्सव , ईद ए मिलाद व अनंत चतुर्दशीकरिता १९, २०, २२, २३, २४ व २५ सप्टेंबरपर्यंत ६ दिवस, नवरात्री उत्सव १९ व २० ऑॅक्टोबर, ख्रिसमस (नाताळ) २५ डिसेंबर व वर्षाअखेर ३१ डिसेंबर तसेच महत्वाच्या कार्यक्रमासाठी २ दिवस राखीव ठेवण्यात आले असून आवश्यकेतनुसार परवानगी दिली जाईल, असे आदेशात नमुद आहे.

उत्सवाच्या दिवशी ध्वनीची विहित मर्यादा राखून ध्वनीक्षेपक व ध्वनीवर्धक यंत्रणेचा वापर करण्यास मर्यादा शिथील करुन पुढील अटींवर परवानगी देण्यात येईल. झोनींगप्रमाणे ठरलेल्या मयादेपेक्षा जास्त आवाज ठेवू नये. ही सूट शांतता क्षेत्रात लागू नसल्याने त्याची अंमलबजावणी करण्याची जबाबदारी संबंधित सर्व यंत्रणांची राहील, असेही आदेशात नमुद करण्यात आले आहे. नियमांचे पालन करुन प्रशासनास सहकार्य करावे, असे आवाहन श्री. डुडी यांनी आदेशान्वये केले आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post आगामी उत्सव कालावधीत १५ दिवस ध्वनीक्षेपक व ध्वनीवर्धक यंत्रणेचा वापर करण्यास मर्यादा शिथील appeared first on पुणे २४ तास.

पाषाण रोडवरील पोलीस अधीक्षक कार्यालयाचे मुख्य प्रवेशद्वार ते पुरंदर हॉल बाणेर रोड वरील मुख्य प्रवेशद्वार तसेच पाषाण रोडवरील पेट्रोलपंप मुख्य प्रवेशद्वार ते बाणेर रोड वरील पेट्रोलपंप मुख्य प्रवेशद्वार या दरम्यान वाहतुकीस बंद राहणार आहे. नागरिकांनी पुणे विद्यापीठ चौक मार्गे या पर्यायी मार्गाचा वापर करावा, असे आवाहन श्री. जाधव यांनी केले आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post पुणे ग्रामीण पोलीस मुख्यालय पाषाण येथील अंतर्गतरस्ते १७ फेब्रुवारीपर्यंत वाहतुकीस बंद appeared first on पुणे २४ तास.

पुणे २४तासः- किरकोळ कारणावरून सामान्य नागरिकांना शिवराळ भाषेत झापणारी, नियमांच्या नावाखाली वेठीस धरणारी पोलीस यंत्रणा नेमकी कोणासाठी काम करतेय, हा प्रश्न आता थेट गृहखात्याच्या दारात जाऊन उभा राहिला आहे. पुणे ग्रामीणमध्ये उघडकीस आलेल्या १० कोटींहून अधिक किमतीच्या अंमली पदार्थ प्रकरणात थेट पोलीस कर्मचाऱ्याचाच सहभाग आढळल्याने ही बाब एखाद्या ‘भ्रष्ट अंमलदाराची चूक’ न राहता गृहखात्याच्या नियंत्रण क्षमतेवरचा आरोप ठरली आहे.

शिरूरमधील गॅरेजचालक शादाब रियाज शेखकडून १८ जानेवारी रोजी जप्त करण्यात आलेल्या अल्प्राझोलमच्या तपासातून अहिल्यानगर येथील स्थानिक गुन्हे शाखेतील पोलीस अंमलदार शामसुंदर गुजर याचा सहभाग उघड झाला. मे २०२५ मध्ये श्रीरामपूर एमआयडीसी परिसरात टेम्पोतून जप्त केलेल्या १३ कोटी ७५ लाख रुपयांच्या अल्प्राझोलमपैकी साडेदहा किलो मुद्देमाल गुजरने पदाचा गैरवापर करून परस्पर बाहेर काढून आरोपींमार्फत विकल्याचे तपासात स्पष्ट झाले आहे. अंमली पदार्थाच्या जागी मैदा भरून ठेवण्यात आल्याने, हा प्रकार किती काळ आणि किती पातळ्यांवर सुरू होता, याचा गंभीर प्रश्न उपस्थित झाला आहे.

या प्रकरणात पाच आरोपींना अटक करण्यात आली असून, घरातील गोठे, शेतजमीन व वाहनांमधून १० किलो ७०० ग्रॅम अल्प्राझोलम जप्त करण्यात आला आहे. आंतरराष्ट्रीय बाजारभावानुसार या साठ्याची किंमत दहा कोटी रुपयांहून अधिक आहे. मात्र एवढ्या मोठ्या प्रमाणावर मुद्देमाल चोरीला जात असताना वरिष्ठ अधिकारी, अंतर्गत तपास यंत्रणा आणि गृहखाते नेमके काय करत होते, हा प्रश्न अनुत्तरित आहे.

राज्य सरकारकडून ड्रग्जविरोधी मोहिमांचे दावे सातत्याने केले जातात. पण जर पोलीस कोठडीतूनच अंमली पदार्थ बाहेर जात असतील, तर ही मोहीम कागदावरची आहे की प्रत्यक्षात माफियांना कवच देणारी, असा संशय निर्माण होतो. दोषी सापडल्यावर ‘कठोर कारवाई’ची नेहमीची घोषणा पुरेशी नाही; कारण अशी प्रकरणे वारंवार उघड होत असतील, तर ती अपवाद न राहता पद्धत बनल्याचे सूचित करतात.

खरा सवाल असा आहे—
पोलीस यंत्रणेवर गृहखात्याचे नियंत्रण आहे की नाही?
की सामान्य माणसावर धाक दाखवणारी खाकी, माफियांपुढे मात्र गृहखात्याच्याच नकळत झुकते?

या प्रकरणात ‘मोठे मासे’ गळाला लागणार की पुन्हा एकदा सगळे ओझे खालच्या स्तरावर ढकलून प्रकरण मिटवले जाणार, याकडे राज्यातील सजग नागरिक आणि विचारवंतांचे लक्ष लागले आहे. कारण इथे प्रश्न केवळ ड्रग्जचा नाही— तो राज्याच्या गृहव्यवस्थेच्या नैतिक अधःपतनाचा आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post खाकी कुणाच्या ताब्यात? १० कोटींच्या ड्रग्ज प्रकरणाने गृहखात्याचीही कसोटी appeared first on पुणे २४ तास.

पुणे-२४तास :- कल्याण रेल्वे स्थानकात भरदुपारी थरार! स्वतःला रेल्वे बोर्डाचा दक्षता निरीक्षक म्हणणाऱ्या हर्षिश कांबळे याला लाच घेताना रेल्वेच्या सतर्क पथकाने रंगेहाथ पकडले. प्राथमिक चौकशीत त्याचा रेल्वे प्रशासनाशी कोणताही संबंध नसल्याचे समोर आले.

कल्याण रेल्वे स्थानक परिसरात एका रेल्वे कर्मचाऱ्याला फसवण्याचा धक्कादायक प्रकार समोर आला आहे. हर्षिश कांबळे यांनी डीआरएम कार्यालयाशी संबंधित काही थकीत देयके लवकर मंजूर करून देण्याचे आमिष दाखवून लाच मागितली.

कर्मचाऱ्याच्या संशयामुळे हा प्रकार तत्काळ रेल्वेच्या दक्षता विभागाला कळवण्यात आला. विभागाने सापळा रचून ठरलेल्या ठिकाणी आणि वेळेत कांबळे याला रंगेहाथ पकडले. रेल्वे प्रशासनाने कर्मचाऱ्यांना अशा फसवणूक करणाऱ्यांकडून सावध राहण्याचा इशारा दिला आहे.

संबंधित आरोपीविरोधात कायदेशीर कारवाई सुरू असून, त्याने यापूर्वी इतर कर्मचाऱ्यांची फसवणूक केली आहे का, याची चौकशी केली जात आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post बाप रे! रेल्वे बोर्डाचा फसवणूकदार ‘इन्स्पेक्टर’ लाच घेताना रंगेहाथ पकडला appeared first on पुणे २४ तास.

पिंपरी : सदनिका (फ्लॅट) विक्रीचा बनाव करून एका व्यक्तीची १३ लाख १० हजार रुपयांची आर्थिक फसवणूक केल्याचा प्रकार काशीद वस्ती, पिंपळे गुरव येथे उघडकीस आला आहे. ही फसवणूक जुलै २०२१ ते जानेवारी २०२६ या कालावधीत घडली.

याप्रकरणी चंदू लक्ष्मण राठोड (३८, पिंपळे गुरव) यांनी सांगवी पोलीस ठाण्यात फिर्याद दिली असून राज लक्ष्मण राठोड याला अटक करण्यात आली आहे. दोघांविरोधात गुन्हा दाखल करण्यात आला आहे.

पोलिसांच्या माहितीनुसार, आरोपींनी संगनमत करून फिर्यादीला २० लाख रुपयांत सदनिका देण्याचे आमिष दाखवले. सुरुवातीला पाच लाख रुपये घेऊन करारनामा करण्यात आला. त्यानंतर रोख व ऑनलाइन स्वरूपात एकूण १३ लाख १० हजार रुपये उकळण्यात आले. सदनिकेचा ताबा दिल्यानंतरही खरेदी खत न करता तीच सदनिका तिसऱ्या व्यक्तीला विकण्यात आली. तसेच, फर्निचर पाहण्याच्या बहाण्याने छायाचित्रे काढून फिर्यादीच्या नावावर परस्पर २२ लाखांचे कर्ज काढल्याचे तपासात उघड झाले आहे. सांगवी पोलीस तपास करत आहेत.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post सदनिका विक्रीचा बनाव करून १३.१० लाखांची फसवणूक appeared first on पुणे २४ तास.