विद्यापीठाच्या ऑनरिस नॉमिनेशन अॅडव्हायझरी कमिटीच्या शिफारशीनुसार तसेच सिनेट आणि कार्यकारी परिषदेच्या मान्यतेनंतर त्यांना “डॉक्टरेट इन सोशल वर्क अँड फिलॅन्थ्रॉपी” ही पदवी बहाल करण्यात आली. मागील २७ वर्षांपासून समाजातील पीडित, कॅन्सरग्रस्त, निराधार आणि व्याधीग्रस्तांसाठी सातत्याने कार्य करणाऱ्या विरदी यांच्या सामाजिक कार्याची दखल या सन्मानातून घेण्यात आली आहे.

विरदी म्हणाले, “महाराष्ट्र साधुसंतांची भूमी आहे. या भूमीने आम्हाला सर्व काही दिलं, त्यामुळे समाजासाठी काहीतरी परत देणं हीच खरी उतराई आहे.” कॅन्सरग्रस्त आणि निराधारांच्या चेहऱ्यावर दिसणाऱ्या हास्यातच खरा जीवनार्थ सापडतो. त्यांच्या सामाजिक कार्याची प्रेरणा कुटुंबाकडून मिळाली. “माझ्या आजोबा, आई-आजी यांनी नेहमी शिकवलं की महाराष्ट्राने आपल्याला घडवलं आहे, त्यामुळे समाजासाठी काहीतरी करणं ही आपली जबाबदारी आहे,” असे ते म्हणाले.

फाउंडेशनच्या नावाबाबत सुरुवातीला मनात शंका होती, मात्र आईच्या सल्ल्याने दिशा मिळाल्याचे त्यांनी सांगितले. “लोक काय म्हणतील यापेक्षा तू काय करतोस हे महत्त्वाचं,” हा सल्ला त्यांच्या आयुष्याला दिशा देणारा ठरल्याचे त्यांनी स्पष्ट केले.

कॅन्सरग्रस्त मुलांशी झालेल्या भेटी, त्यांना चित्रपट दाखवण्यासाठी नेणे, त्यांना खाऊ देणे आणि त्यांच्या चेहऱ्यावर उमटणारा आनंद पाहणे—या अनुभवांनी आयुष्याचा खरा अर्थ शिकवला असल्याचे त्यांनी सांगितले. “त्या मुलांच्या डोळ्यातला आनंद पाहिला की मी स्वतःला सर्वात श्रीमंत समजतो,” अशी भावनिक प्रतिक्रिया त्यांनी दिली.

ज्येष्ठ अभिनेते धर्मेंद्र यांच्याशी झालेल्या भेटीचा अनुभवही त्यांनी सांगितला. “तुम्ही खरे हिरो आहात,” असे शब्द त्यांच्यासाठी अविस्मरणीय ठरले. तसेच एका लहान मुलाच्या निरागस आनंदाने आयुष्याकडे पाहण्याचा दृष्टिकोन बदलल्याचेही त्यांनी नमूद केले.

“आनंद देणं हेच खरं जीवन आहे. समाजासाठी काहीतरी केल्याशिवाय खरा समाधान मिळत नाही,” असा संदेश देत विरदी यांनी आपली सामाजिक बांधिलकी पुन्हा अधोरेखित केली. महाराष्ट्राने दिलेल्या संस्कारांची परतफेड गरजू आणि निराधारांच्या चेहऱ्यावर हसू फुलवून करण्याचा आपला प्रयत्न कायम सुरू राहील, असेही त्यांनी स्पष्ट केले.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post लुईझियाना रिसर्च युनिव्हर्सिटीतर्फे मनजितसिंग विरदी यांना डॉक्टरेट प्रदान appeared first on पुणे २४ तास.

खरंच, कधी शांतपणे विचार केला आहे का—एक आई-वडील दहा मुलांचा सांभाळ करू शकतात; पण दहा मुले मिळूनही एक आई-वडिलांचा सांभाळ करू शकत नाहीत. ही आजच्या काळाची कटू, पण खरी परिस्थिती आहे. आपण आजारी पडलो तर मित्र, नातेवाईक भेटायला येतात, दोन शब्द बोलतात आणि परत जातात. पण रात्रंदिवस दवाखान्यात आपल्या शेजारी बसून डोळ्यांत झोप न आणणारी आई, आणि उपचारासाठी लागणारे पैसे कसे जमवायचे या चिंतेत धडपडणारा बाबा—हे दृश्य कुणालाच दिसत नाही.

लहानपणापासून आपल्यासाठी स्वतःच्या इच्छा, सुख, स्वप्नं बाजूला ठेवणारे हे दोन जीव. आपण काही अस्पष्ट बोललो, कुणालाच न समजणारे शब्द, तेव्हा फक्त आई-वडिलांनाच कळतं—आपण काय म्हणतोय, काय हवंय. आज मात्र परिस्थिती उलट झाली आहे. आई-बाबा फक्त एवढंच मागतात—थोडा वेळ, दोन प्रेमाचे शब्द, थोडी आपुलकी. पण आपणच अनेकदा त्यांच्याशी अशा शब्दांत बोलतो, जणू ते आपले शत्रूच आहेत.

आज आपण शिकलेलो आहोत, आधुनिक आहोत, पुढारलेलो आहोत असं समजतो; पण त्या शिकण्यामागचा पाया कोणाचा होता, हे विसरतो. कॉलेजच्या दिवसांत आईने शेजाऱ्याकडून बसच्या पासासाठीआणलेले पैसे, बाबांच्या अंगावर फाटलेले कपडे, पण मुलासाठी कर्ज काढून आणलेले नवे कपडे—ही त्यागाची जाणीव काळाच्या ओघात बोथट होत चालली आहे.

जेव्हा आपल्याकडून एखादी चूक होते, संपूर्ण समाज आपल्या विरोधात उभा राहतो; तेव्हा मात्र आई-वडील आपल्यासोबत उभे राहतात. कारण त्यांचा विश्वास अढळ असतो—माझं मूल वाईट असूच शकत नाही. चूक झाली, तरी ती सुधारण्यासाठी धावणारे पहिले पाय आई-वडिलांचेच असतात.

आज घराला घरपण आहे, आपुलकी आहे, माणुसकी आहे—ती फक्त आणि फक्त आई-वडिलांमुळेच. एखादी मुलगी सासरहून माहेरी जाते, तिचा मान-सन्मान, तिची ओळख ही फक्त आई-वडिलांमुळेच असते. आईकडे काही नसतं, तरीही मुलगी सासरी जाताना पिशवी भरून देणारी ही जुनी माणसं… ही जुनी माया आहे.

आई म्हणजे निःस्वार्थ प्रेमाची मूर्ती—जिच्या मायेची उब आयुष्यभर पुरते.

बाबा म्हणजे न बोलता झिजणारा आधार—जो आयुष्यभर आपल्यासाठी उभा असतो.

देवाकडे ते कधी मोठ्या अपेक्षा करत नाहीत. फक्त एवढंच मागतात—माझी मुलं सुखी राहो, सुरक्षित राहो.

म्हणूनच माझी देवाकडे एकच प्रार्थना आहे—

परमेश्वरा, तुला जे हवं ते माझ्याकडून घे; पण माझ्या आई-वडिलांचा आशीर्वाद कायम माझ्या डोक्यावर राहू दे.

कारण या जगात सगळं परत मिळू शकतं,

पण आई-वडील परत कधीच मिळत नाहीत. “आई-वडील म्हणजे न बोलता झिजणारी देवमाणसं,

आपल्या आनंदासाठी स्वतःचं आयुष्य विसरणारी माणसं.

जग सगळं सोबत सोडून गेलं, तरी जे कायम उभे राहतात,

ते फक्त आई-वडीलच असतात—आशीर्वादाच्या रूपात.”

लेखक: मुबारक शहाबुद्दीन तांबोळी,

लायब्रेरियन,पुना इन्स्टिट्यूट ऑफ मॅनेजमेंट सायन्सेस अँड एन्ट्रेप्रेन्योरशिप, पुणे 📞 मोबाईल: 91 58 55 89 30📧 ई-मेल: mubaraktamboli931@gmail.com.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post आई-वडिलांची न संपणारी माया, न दिसणारा त्याग  appeared first on पुणे २४ तास.

पुणे : आंतरराष्ट्रीय महिला दिन २०२६ निमित्त दि. ९ मार्च २०२६ रोजी पु ना इन्स्टिट्यूट ऑफ मॅनेजमेंट सायन्सेस अँड आंत्रप्रेन्युअरशिप (पिमसे) तर्फे शिवाजीनगर पोलीस ठाण्यात कार्यरत महिला पोलिस अधिकाऱ्यांचा सन्मान सोहळा आयोजित करण्यात आला.

“Give to Gain” या प्रेरणादायी संकल्पनेखाली आयोजित या कार्यक्रमात समाजाच्या सुरक्षेसाठी अहोरात्र कार्य करणाऱ्या महिला पोलिसांच्या योगदानाचा गौरव करण्यात आला.

या कार्यक्रमात महिला पोलिस अधिकारी समाजात कायदा व सुव्यवस्था राखण्यासाठी, नागरिकांचे संरक्षण करण्यासाठी आणि समाजाच्या सुरक्षिततेसाठी करत असलेल्या उल्लेखनीय कार्याचा सन्मान करण्यात आला. कठीण परिस्थितीतही कर्तव्यनिष्ठा, धैर्य आणि प्रामाणिकपणे सेवा देणाऱ्या महिला पोलिसांचे योगदान समाजासाठी प्रेरणादायी असल्याचे यावेळी अधोरेखित करण्यात आले.

या कार्यक्रमाला वरिष्ठ पोलीस निरीक्षक दिघवकर सर तसेच पोलीस निरीक्षक कलंगे सर यांची उपस्थिती लाभली. यावेळी डब्ल्यूपीएसआय वालसे मॅडम आणि डब्ल्यूपीएसआय जाधव मॅडम यांचा समाजसेवा व सार्वजनिक सुरक्षेसाठी केलेल्या उल्लेखनीय कार्यायाद्दल विशेष सत्कार करण्यात आला.

पिमसेच्या प्रभारी संचालिका प्रा. डॉ. पोरिनिता बॅनर्जी यांनी उपस्थित प्रत्येक महिला पोलिस अधिकाऱ्यांचा सन्मान करून त्यांच्या धैर्य, जिद्द आणि समाजसेवेप्रती असलेल्या समर्पणाबद्दल कृतज्ञता व्यक्त केली.

प्रा. डॉ. पोरिनिता बॅनर्जी यांच्या मार्गदर्शनाखाली आयोजित या कार्यक्रमाने समाजाच्या सुरक्षेसाठी कार्य करणाऱ्या महिला पोलिसांप्रती कृतज्ञता व्यक्त करत त्यांना मानाचा मुजरा अर्पण केला.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post शिवाजीनगर पोलीस ठाण्यातील महिला पोलिसांचा पिमसेतर्फे गौरव appeared first on पुणे २४ तास.

पुणे : ए.के.आय.च्या पुना इन्स्टिट्यूट ऑफ मॅनेजमेंट सायन्सेस अँड आंत्रप्रेन्युअरशिप (पिमसे) येथे आंतरराष्ट्रीय महिला दिन उत्साहात साजरा करण्यात आला. यावर्षीचा “Give to Gain” हा विषय निःस्वार्थ योगदान, सशक्तीकरण आणि जिद्दीचा संदेश देणारा ठरला.

या कार्यक्रमाचे प्रमुख आकर्षण म्हणजे पुण्याच्या “वॉरियर आजी” म्हणून ओळखल्या जाणाऱ्या शांताबाई बाळू पवार यांची उपस्थिती. वयाच्या ८८ व्या वर्षीही त्या लाठी-काठी या पारंपरिक युद्धकलेचे कौशल्य दाखवत अनेकांना प्रेरणा देत आहेत. धैर्य, ताकद आणि चिकाटीला वयाची मर्यादा नसते, हे त्यांनी आपल्या कार्यातून सिद्ध केले आहे.

आजही त्या आपल्या कुटुंबाचा आधार असून २० अनाथ मुलांच्या संगोपनासाठी अथक परिश्रम घेत आहेत. त्यांचे जीवन जिद्द, संघर्ष आणि समाजसेवेचे प्रेरणादायी उदाहरण आहे.

या कार्यक्रमात पिमसेच्या प्रभारी संचालिका प्रा. डॉ. पोरिनिता बॅनर्जी तसेच महिला प्राध्यापकांनी शांताबाई पवार यांच्या मार्गदर्शनाखाली लाठी-काठीचे प्रात्यक्षिक करून कार्यक्रम अधिक प्रेरणादायी आणि संस्मरणीय केला.

प्रा. डॉ. पोरिनिता बॅनर्जी यांच्या मार्गदर्शनाखाली पिमसे संस्था महिलांच्या सशक्तीकरणासाठी आणि विद्यार्थ्यांमध्ये सामाजिक जाणीव निर्माण करण्यासाठी अशा उपक्रमांचे सातत्याने आयोजन करत आहे.

यावेळी पिमसे तर्फे सर्व महिलांना आंतरराष्ट्रीय महिला दिनाच्या हार्दिक शुभेच्छा देण्यात आल्या.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post पिमसेमध्ये आंतरराष्ट्रीय महिला दिन उत्साहात साजरा appeared first on पुणे २४ तास.

पुणे :- पुना इन्स्टिट्यूट ऑफ मॅनेजमेंट सायन्स अँड एंटरप्रेन्योरशिप येथे १७ फेब्रुवारी २०२६ रोजी टेक्नोफिएस्टा  2026 व स्पोर्ट्स फिएस्टा  2026 हे आंतरमहाविद्यालयीन तंत्रज्ञान व क्रीडा महोत्सव उत्साहात संपन्न झाले. या उपक्रमांमध्ये एमबीए विद्यार्थ्यांसह विविध महाविद्यालयांतील एकूण २६ स्पर्धकांनी सहभाग नोंदवून संघभावना, नेतृत्वगुण, धोरणात्मक विचार आणि डिजिटल कौशल्यांचे उत्कृष्ट प्रदर्शन केले.

या स्पर्धांमध्ये इंदिरा कॉलेज, टी .जे कॉलेज, पुना कॉलेज ऑफ आर्ट सायन्स अँड कॉमर्स, नेस वाडिया कॉलेज ऑफ कॉमर्स, मराठवाडा मित्र मंडळ कॉलेज ऑफ कॉमर्स, डॉ. डी वाय पाटील इन्स्टिट्यूट, आझम. कॅम्पस आदी संस्थांचा उत्स्फूर्त सहभाग लाभला.

टेक्नोफिएस्टा अंतर्गत Valorant व BGMI (Mobile) या ई-स्पोर्ट्स स्पर्धा घेण्यात आल्या. BGMI स्पर्धेत सलमान खान, जिशान शहा, इरफान शेख, हमजा शेख, अरशद शेख व सैफ अन्सारी यांच्या संघाने विजेतेपद पटकावले. स्पोर्ट्सफिएस्टा  मध्ये टग ऑफ वॉर, थ्रो बॉल, बुद्धिबळ, कॅरम या स्पर्धांमधून विद्यार्थ्यांनी उत्कृष्ट समन्वय व क्रीडास्पर्धात्मकता कामगिरी दाखविली.

हा महोत्सव संचालिका (प्रभारी) डॉ. पोरिनिता बॅनर्जी यांच्या प्रेरणादायी नेतृत्वाखाली यशस्वीरीत्या पार पडला. प्राध्यापक  लुबना शेख,  मुबारक तांबोळी व  अमीर हमजा सय्यद यांनी मार्गदर्शन केले. कार्यक्रमाच्या यशस्वी आयोजनाबद्दल सर्व विजेते व सहभागींचे अभिनंदन करण्यात आले.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post PIMSE येथे टेक्नोना फिएस्टा व स्पोर्ट्स फिएस्टा २०२६ उत्साहात संपन्न appeared first on पुणे २४ तास.

या उपक्रमाला अंजुमन खैरुल इस्लाम ट्रस्ट, मुंबईचे जनरल सेक्रेटरी  हनी अहमद फरीद यांचे मार्गदर्शन लाभले. कार्यक्रम संचालक  डॉ. पोरीनिता बॅनर्जी यांच्या नेतृत्वाखाली पार पडला.

कार्यक्रमात स्वसंरक्षण प्रशिक्षिका नम्रता मुंदाडा यांनी प्रभावी स्वसंरक्षण सत्र घेतले. तसेच ॲड. डॉ. गिरीश बक्षी यांनी सायबर गुन्हेगारी व कायदेशीर संरक्षणावर, तर डॉ. सौम्यता बोरा यांनी डिजिटल डिटॉक्स विषयावर मार्गदर्शन केले.

हा उपक्रम विद्यार्थिनींच्या सुरक्षितता, आत्मविश्वास व सर्वांगीण विकासासाठी प्रेरणादायी ठरला.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post PIMSE मध्ये ‘निर्भय कन्या अभियान’ कार्यक्रमाचे आयोजन : विद्यार्थिनी सक्षमीकरणाकडे ठोस पाऊल appeared first on पुणे २४ तास.

पुणे : – महाराष्ट्रातील कर्जत येथे स्थित नामांकित विजयभूमी विद्यापीठ आणि पुणे येथील अग्रगण्य तांत्रिक प्रशिक्षण संस्था नेट्टूर टेक्निकल ट्रेनिंग फाउंडेशन (NTTF) यांच्यात कौशल्याधारित, सक्षम व उद्योगासाठी तत्पर मनुष्यबळ निर्मितीसाठी सामंजस्य करार (MoU) करण्यात आला आहे. हा करार अभियांत्रिकी व तांत्रिक शिक्षण क्षेत्राला नवी दिशा देणारा ठरणार असल्याचे मत यावेळी व्यक्त करण्यात आले.

या कराराअंतर्गत विद्यार्थ्यांसाठी संयुक्त प्रशिक्षण कार्यक्रम, उद्योगाशी संलग्न प्रात्यक्षिक अनुभव, अभ्यासक्रम विकास व अद्ययावत करणे, प्राध्यापकांचे सहकार्य तसेच विविध कौशल्यविकास योजना राबविण्यात येणार आहेत. यामुळे शैक्षणिक ज्ञान व उद्योगाच्या अपेक्षा यांतील दरी कमी होऊन विद्यार्थ्यांची रोजगारक्षमता वाढण्यास मदत होणार आहे.

सामंजस्य करारावर एनटीटीएफकडून व्यवस्थापकीय संचालक रवी टेनेटी यांनी स्वाक्षरी केली, तर विजयभूमी विद्यापीठाच्या वतीने वरिष्ठ प्रशासकीय अधिकारी उपस्थित होते. या प्रसंगी उद्योगांच्या गरजांनुसार कुशल मनुष्यबळ घडविण्याच्या एनटीटीएफच्या वचनबद्धतेचा पुनरुच्चार करण्यात आला.

या कार्यक्रमास एनटीटीएफचे व्यवस्थापकीय संचालक रवी टेनेटी, उपाध्यक्ष (COE) जी. एस. कल्पना, विजयभूमी विद्यापीठाचे अध्यक्ष संजय पाडोदे, प्रा. एडविन मोझेस (सीईओ – सेंटर फॉर डेव्हलपमेंटल एज्युकेशन, JAGSOM बेंगळुरू), डॉ. सालूर श्रीकांत पटनायक, प्रा. बिनिता तसेच इतर मान्यवर उपस्थित होते.

हा करार शिक्षण व उद्योग क्षेत्रात नव्या युगाची सुरुवात ठरेल, असा विश्वास दोन्ही संस्थांनी व्यक्त केला.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post कौशल्यपूर्ण, सक्षम व उद्योगाभिमुख मनुष्यबळ निर्मितीसाठी विजयभूमी विद्यापीठ व एनटीटीएफ यांच्यात सामंजस्य करार appeared first on पुणे २४ तास.

टाटा ट्रस्ट सोबत १२ व नाम फाउंडेशन सोबत एक सामंजस्य करार

मुंबई, १२ : महाराष्ट्र विविध क्षेत्रांसह देशाच्या प्रगतीमध्ये वेगळा ठसा उमटवीत आहे. राज्याच्या प्रगतीचा वेग असाच कायम ठेवून राज्य शासनाच्या विविध स्वयंसेवी संस्थांच्या भागीदारीतून महाराष्ट्राचे वेगाने परिवर्तन होईल,असा विश्वास मुख्यमंत्री देवेंद्र फडणवीस यांनी सह्याद्री अतिथीगृह येथे टाटा ट्रस्ट व नाम फाउंडेशन सोबत करण्यात आलेल्या करारावेळी व्यक्त केला. टाटा ट्रस्ट व नाम फाउंडेशन सोबत झालेल्या करारामळे वेगवेगळ्या क्षेत्रातील विकास संपूर्ण महाराष्ट्रभर पोहचविणार असल्याचेही मुख्यमंत्र्यांनी यावेळी सांगितले.

याप्रसंगी ग्रामविकास मंत्री जयकुमार गोरे, मृदा व जलसंधारण मंत्री संजय राठोड, महिला व बाल विकास मंत्री अदिती तटकरे, सार्वजनिक आरोग्य राज्यमंत्री मेघना बोर्डीकर – साकोरे उपस्थित होत्या.

मुख्यमंत्री फडणवीस म्हणाले, राज्यातील प्रत्येक कुटुंबासाठी आरोग्य, पोषण, पाणी सुरक्षा आणि उपजीविका सुधारणे याला शासनाचे प्राधान्य आहे. या भागीदारींमुळे विविध कल्याणकारी शासकीय योजना अधिक लोकोपयोगी होण्यास मदत होणार आहे. शासनाच्या योजना लोक चळवळीच्या स्वरूपात पुढे येत आहे. टाटा ट्रस्टचे सहकार्याने विविध विभागांच्या माध्यमातून सकारात्मक प्रभाव पाडण्यात यशस्वी होऊ. समाजातील सर्व घटकात उत्पन्न वाढून जगण्याचा स्तर उंचावण्यास यामुळे निश्चितच मदत होईल. दुर्धर आजारांवर महागड्या उपचार पद्धतीमुळे सामान्य नागरिकांना मर्यादा येतात मात्र राज्यात यापुढे उपचाराविना कुणीही मृत्यू पावणार नाही, अशी परिस्थिती निर्माण करण्यात येत आहे. टाटांची मुख्यमंत्री सहायता निधीमध्ये मोठी मदत असून यामुळे आपण गरजू रुग्णांना निश्चित स्वरूपाची मदत देऊ शकतो.

मुख्यमंत्री फडवणीस म्हणाले, मागील दहा वर्षापासून टाटा ट्रस्ट सोबत शासन काम करीत आहे. केवळ निधी देऊन भागीदारी होत नाही, तर काम करून समाजात सकारात्मक प्रभाव पाडणारी भागीदारी टाटा करत असते. हे बहु-आयामी करार माता, नवजात बालक, बाल आणि किशोरवयीन घटकांसाठी आरोग्य सेवा बळकट करणे, खुंटलेली वाढ रोखून कुपोषणावर उपाय शोधण्यासाठी मदतगार ठरतील. या सोबतच पोषणासाठी आहारात वैविध्य आणणे, जलस्रोतांचे अधिक शाश्वतपणे जतन आणि व्यवस्थापन, ग्रामीण महाराष्ट्रात हवामान आधारित कृषी आणि पशुधन विकासाला चालना देण्याची क्षमता या भागीदारीत आहे.

नाम फाउंडेशन राज्यात जलसंधारणामध्ये मोठे काम करीत आहे. मागील काळात जल स्त्रोतांमधील गाळ काढणे , नाला,नदी खोलीकरण व रुंदीकरण आदी कामे करण्यात आली आहेत. राज्यात जलयुक्त शिवार योजना यशस्वीपणे राबविण्यात आली. ही योजना लोक चळवळीच्या स्वरूपात पुढे येत जनतेची योजना झाली. नाम फाउंडेशनच्या सहभागाने विदर्भ व मराठवाड्यातील कमी पर्जन्यमान असलेल्या भागात जलसंधारणाचे मोठे काम झाले. यासाठी टाटा ट्रस्टचीही मदत झाली असल्याचेही मुख्यमंत्र्यांनी यावेळी सांगितले.

टाटा ट्रस्ट चे अध्यक्ष नोएल टाटा म्हणाले, महाराष्ट्र शासनाशी भागीदारी करून आरोग्य, शिक्षण, पोषण, उपजीविका, पाणी आणि स्वच्छता कार्यक्रमांमध्ये सुसूत्रता आणणार आहे. सर्व सामन्यांचे जीवनमान उंचावण्याचा प्रयत्न राहणार आहे. शासनाचे विविध विभाग आणि समुदायांसोबत सकारात्मक परिणाम आणण्याचा हेतू असणार आहे. शासन आणि टाटा ट्रस्ट्स यांनी आज राज्याच्या एकात्मिक विकासाला पाठबळ देण्यासाठी सामंजस्य करारांवर स्वाक्षरी करून धोरणात्मक भागीदारी अधिकृत केली आहे. नाम फाउंडेशनचे नाना पाटेकर यांनीही शासनासोबत जलसंधारण क्षेत्रात काम करण्यास मदत मिळत असल्याबाबत समाधान व्यक्त केले.

बैठकीस मुख्य सचिव राजेश अग्रवाल, सचिव (आरोग्य) डॉ. निपुण विनायक, सचिव (महिला व बालविकास) अनुपकुमार यादव, टाटा ट्रस्टचे अध्यक्ष नोएल टाटा, नाम फाउंडेशनचे संस्थापक नाना पाटेकर, मकरंद अनासपुरे, टाटा ट्रस्टचे मुख्य कार्यकारी अधिकारी सिद्धार्थ शर्मा आदींसह टाटा ट्रस्ट व नाम फाउंडेशन च पदाधिकारी उपस्थित होते.

कराराचा उद्देश

सामंजस्य करार तंत्रज्ञान, डिजिटल नवोपक्रम आणि ‘लास्ट-माईल कनेक्टिव्हिटी’ याद्वारे आरोग्य, पोषण, जलसंधारण आणि ग्रामीण उपजीविका यांमधील शासकीय प्राधान्यक्रमांना पाठबळ देणे, समुदायांपर्यंत प्रमुख कल्याणकारी योजनांची प्रभावीपणे अंमलबजावणी करणे, नागपूर येथील सहा मान्यताप्राप्त रुग्णालयांसोबत केलेल्या करारांद्वारे, गरजू रुग्णांना आर्थिक सहाय्य देणे, मुख्यमंत्री सहाय्यता निधी अंतर्गत दुर्धर गंभीर आजारांमध्ये सुलभ व कमी खर्चाचे उपचार उपलब्ध करून देणे आहे.

सामंजस्य करारांची व्याप्ती

माता, नवजात बालक, बालक आणि किशोरवयीन मुलांसाठी आरोग्य सेवा बळकट करणे; टेलिमेडिसिनसह इतर माध्यमांतून उपचार सहज देणे, शहरी आणि दुर्गम भागातील सर्वसमावेशक प्राथमिक आरोग्य सेवा वाढवणे, एकात्मिक आपत्कालीन व्यवस्थापन सेवाद्वारे उत्तम आपत्कालीन प्रतिसादास पाठबळ देणे. दोन वर्षांखालील मुलांमधील खुंटलेली वाढ, कमी वजन आणि कुपोषण रोखण्यास मदत करणे, किशोरवयीन कुपोषण आणि रक्तक्षय दूर करणे, गडचिरोली सारख्या जिल्ह्यांवर विशेष लक्ष केंद्रित करून ‘टेक-होम रेशन’ सारख्या योजनांचे वितरण मजबूत करणे, तलावांचे पुनरुज्जीवन, जलकुंभ आणि नद्यांमधील गाळ काढणे, भूजल पुनर्भरण सुधारणे, मराठवाडा आणि विदर्भासह पाणीटंचाईग्रस्त भागांवर विशेष भर देऊन मृद व जलसंधारण योजनांची अंमलबजावणी करणे, हवामान बदलांचा अभ्यास करून शेतीला प्रोत्साहन देणे, वन-आधारित आणि ग्रामीण बिगर-शेती उपजीविकेला पाठबळ देणे, आरोग्य, शिक्षण, पोषण, पाणी, स्वच्छता आणि उपजीविका या सर्वांना एकत्र आणणारा एकात्मिक ग्राम विकास साधणे.

असे आहेत करार

टाटा ट्रस्टच्या सोबत शासनाने एकूण १२ करार केलेले आहेत. यामध्ये ग्रामविकास, जलसंधारण, सार्वजनिक आरोग्य, महिला व बालविकास, गडचिरोली जिल्हा प्रशासन, मुख्यमंत्री सहाय्यता निधी, नागपूर येथील राष्ट्रीय कर्करोग संस्था, अखिल भारतीय आयुर्विज्ञान संस्था, मध्य भारत आयुर्विज्ञान संस्था, केअर हॉस्पिटल, स्वामी विवेकानंद मेडिकल मिशन, मिदास मल्टी स्पेशालिटी हॉस्पिटल सोबत सामंजस्य करारांचा समावेश आहे. तसेच नाम फाउंडेशनचा जलसंधारण विभागासोबत करार करण्यात आला आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post स्वयंसेवी संस्थांच्या भागीदारीतून महाराष्ट्राचे होणार वेगाने परिवर्तन – मुख्यमंत्री देवेंद्र फडणवीस appeared first on पुणे २४ तास.

मुंबई दि.१२:- स्थलांतरीत ऊसतोड कामगारांच्या मुला-मुलींसाठी संत भगवान बाबा शासकीय वसतिगृह योजनेंतर्गत बीड जिल्ह्यातील ११ वसतिगृहांच्या बांधकामासाठी १५९ कोटी ३६ लाख ६० हजार इतक्या रकमेच्या बांधकाम अंदाजपत्रकास प्रशासकीय मान्यता देण्यात आली असल्याची माहिती, उपमुख्यमंत्री तथा बीड जिल्ह्याच्या पालकमंत्री सुनेत्रा अजित पवार यांनी दिली.

ऊसतोड कामगारांच्या मुलांची शिक्षणाबाबतची आस्था वाढीस लावून त्यांचा पुढील शिक्षणाचा मार्ग सुकर करण्यासाठी स्थलांतरित ऊसतोड कामगारांच्या मुला-मुलींसाठी “संत भगवानबाबा शासकीय वसतिगृह योजना” सुरू करण्यात आलेली आहे. या योजनेंतर्गत राज्यातील ऊसतोड कामगारांची संख्या अधिक असलेल्या ४१ तालुक्यांच्या ठिकाणी मुलांसाठी ४१ व मुलीसाठी ४१ अशी एकूण ८२ (प्रत्येकी १०० विद्यार्थी क्षमता) शासकीय वसतिगृह सुरू करण्यास मान्यता देण्यात आलेली आहे. त्यानुसार प्रथम टप्प्यात मुलांसाठी १० व मुलींसाठी १० अशी एकूण २० शासकीय वसतिगृहे सुरू करण्यास मान्यता देण्यात आलेली आहे. या योजनेंतर्गत मान्यता देण्यात आलेल्या ८२ शासकीय वसतिगृहापैकी पहिल्या टप्प्यात सुरू करण्यात आलेली २० शासकीय वसतिगृहे वगळता उर्वरित ६२ शासकीय वसतिगृह सुरू करण्यास मान्यता देण्यात आलेली आहे.

या योजनेंतर्गत बीड जिल्ह्यातील प्रत्येक तालुक्यात ०२ (मुलांचे १ व मुलीचे १) प्रत्येकी १०० विद्यार्थी क्षमता) अशी एकूण २२ शासकीय वसतिगृहे सुरु करण्यास सामाजिक न्याय विभागाच्या शासन निर्णयाद्वारे यापूर्वीच मान्यता देण्यात आली आहे.

ऊसतोड कामगारांच्या मुला-मुलींनी शिकले पाहिजे, शिक्षणाच्या मुख्य प्रवाहात आले पाहिजे असे दिवंगत उपमुख्यमंत्री अजित पवार यांचे स्वप्न होते.त्या दृष्टीने त्यांनी प्रयत्न केले आणि या मुला- मुलींसाठी वसतिगृह बांधण्यासाठी पाठपुरावा केला आणि ते पालकमंत्री असताना अनेक ठिकाणी जागाही निश्चित करण्यात आल्या होत्या.सारथी संस्थेच्या वतीने मराठा समाजातील मुलांसाठी विभागीय मुख्यालयाच्या ठिकाणी बांधण्यात येणाऱ्या वसतिगृहांच्या धर्तीवर बीड जिल्ह्यातील ऊसतोड कामगारांच्या मुलांसाठी वसतिगृहांचे दर्जेदार बांधकाम करावे, अशा सूचना दिवंगत उपमुख्यमंत्री अजितदादांनी सार्वजनिक बांधकाम विभागाच्या मुख्य अभियंत्यांना वेळेवेळी दिल्या होत्या,अशी माहितीही उपमुख्यमंत्री श्रीमती सुनेत्रा अजित पवार यांनी दिली.

ही सर्व शासकीय वसतिगृहे शासकीय इमारतीत सुरु करावयाची आहेत. सद्यस्थितीत केवळ ३ ठिकाणी शासकीय जागा उपलब्ध झाली असून त्या ठिकाणी वसतिगृहाचे बांधकाम प्रगतिपथावर आहे. उर्वरीत १९ वसतिगृहांपैकी ११ जागा उपलब्ध असलेल्या वसतिगृहांच्या बांधकाम अंदाजपत्रकास आज प्रशासकीय मान्यता देण्यात आली असून त्याबाबतचा शासन निर्णय सामाजिक न्याय विभागातर्फे जारी करण्यात आला आहे.यामध्ये पाटोदा, केज, परळी, गेवराई, माजलगाव येथे प्रत्येकी २ (मुलांसाठी १ व मुलींसाठी १) आणि बीड येथील मुलींच्या शासकीय वसतिगृहाचा समावेश आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post स्थलांतरीत उसतोड कामगारांच्या मुलांसाठी ११ शासकीय वसतिगृहांच्या बांधकामासाठी १५९ कोटींचा निधी appeared first on पुणे २४ तास.

मुंबई, दि. १२ : जिल्हा वार्षिक योजना २०२६-२७ साठी वाढीव मागणीसह ८१३ कोटी ३५ लाख ७२ हजार रकमेच्या प्रारूप आराखड्यास जिल्हा नियोजन समितीच्या बैठकीत मान्यता देण्यात आली. यामध्ये जिल्हा वार्षिक योजना (सर्वसाधारण) ७८५.३५ कोटी, अनुसूचित जाती उपयोजना २८ कोटी आणि आदिवासी उपयोजना क्षेत्राबाहेरील योजनांसाठी ७२ हजार इतक्या रकमेचा समावेश आहे.

जिल्हा नियोजन समितीच्या निधीमधून होणारी विकास कामे विहित कालमर्यादेत, गुणवत्तापूर्ण आणि दर्जेदार करावीत. यासाठी कार्यान्वयीन यंत्रणांनी, टीम वर्कने मंजूर निधी विहित कालावधीत १०० टक्के खर्च करावा, अशा सूचना उपमुख्यमंत्री एकनाथ शिंदे यांनी दिल्या. तसेच ज्या यंत्रणा त्यांचा मंजूर निधी व कामे विहित कालावधीत पूर्ण करणार नाहीत अशा यंत्रणेच्या अधिकाऱ्यांवर कारवाई केली जाईल, असा इशाराही त्यांनी यावेळी दिला.

मुंबई शहर जिल्हा नियोजन समितीची बैठक उपमुख्यमंत्री तथा पालकमंत्री एकनाथ शिंदे यांच्या अध्यक्षतेखाली वर्ल्ड ट्रेड सेंटर येथील सेंट्रम हॉलमध्ये झाली. बैठकीस कौशल्य, रोजगार, उद्योजकता व नाविन्यता मंत्री मंगल प्रभात लोढा, आमदार सर्वश्री सचिन अहिर, सुनील शिंदे, प्रसाद लाड, मनिषा कायंदे, चित्रा वाघ, अजय चौधरी, अमीन पटेल, महेश सावंत, मनोज जामसुतकर, शिवाजीराव गर्जे, जगन्नाथ अभ्यंकर, ज्योती गायकवाड, महापालिका आयुक्त भूषण गगराणी, जिल्हाधिकारी आंचल गोयल, जिल्हा नियोजन अधिकारी विजय भोपळे, सहाय्यक जिल्हा नियोजन अधिकारी संदीप बकरे यांच्यासह जिल्हा नियोजन समितीचे सन्मानीय सदस्य व जिल्हास्तरीय यंत्रणांचे वरिष्ठ अधिकारी उपस्थित होते.

मंजूर निधी १०० टक्के खर्च करा

२०२५-२६ अंतर्गत जिल्हा वार्षिक योजनेमध्ये सर्वसाधारण योजनेसाठी ४०६.४२ कोटी, अनुसूचित जाती उपयोजना २१.०४ कोटीच्या कामांना प्रशासकीय मान्यता देण्यात आली. तर कार्यान्वयीन यंत्रणांना सर्वसाधारण योजनेसाठी २७४.१४ कोटी, अनुसूचित जाती उपयोजना १२.६ कोटीचा निधी वितरित करण्यात आला आहे. या निधीमधून सर्वसाधारण योजनेमधून १२५.९२ कोटी, अनुसूचित जाती उपयोजना ५.२४ कोटी असा १३१.१६ कोटीचा निधी खर्च झाला असल्याचे बैठकीत सांगण्यात आले. मुंबई शहर जिल्ह्यास २०२५-२०२६ मधील मंजूर निधी १०० टक्के खर्च होण्यासाठी आवश्यकतेनुसार पुनर्विनियोजन करण्यास यावेळी मान्यता देण्यात आली.

विकास कामे दर्जेदार व्हावीत

उपमुख्यमंत्री एकनाथ शिंदे म्हणाले, मुंबई शहर हे आंतरराष्ट्रीय स्तरावरील महत्वाचे शहर आहे. या शहरात जिल्हा नियोजन समितीच्या माध्यमातून केली जाणारी कामे अत्यंत दर्जेदार असावीत. मुंबईत येणाऱ्या प्रत्येक नागरिकाला या कामांचा हेवा वाटावा अशी विकास कामे व्हावीत. यासाठी यंत्रणांनी टीम वर्कने कामे करावीत, अशा सूचना उपमुख्यमंत्री एकनाथ शिंदे यांनी दिल्या.

उपमुख्यमंत्री शिंदे म्हणाले, लोकप्रतिनिधींनी बैठकीत मांडलेल्या सूचना, उपस्थित केलेले प्रश्न महत्वाचे आहेत. या सूचनांची प्रशासनाने तातडीने दखल घेऊन हे प्रश्न मार्गी लावावेत. शहरातील उद्यानांमध्ये स्वच्छ पिण्याचे पाणी आणि शौचालय व्यवस्था करण्यात यावी. भटक्या कुत्र्यांचा नागरिकांना त्रास होऊ नये यासाठी कायमस्वरुपी डॉग शेल्टर करण्यासाठी महापालिकेने जागा निश्चित करावी. शहरात रहदारीच्या ठिकाणी नागरिकांना कोणत्याही प्रकारची समस्या उद्भवू नये यासाठी अशा ठिकाणांची महापालिकेने तपासणी करून त्या ठिकाणाचे अनधिकृत स्टॉल काढण्याची कार्यवाही करावी.

बाजारपेठांमध्ये मोबाईल टॉयलेट व्यवस्था

शहरातील बाजारपेठेंमध्ये नागरिकांची विशेषतः महिलांची गैरसोय होऊ नये, यासाठी अशा ठिकाणी मोबाईल टॉयलेटची व्यवस्था निर्माण करावी. या बरोबरच शहरात फिरते शौचालय सुरू करण्याबाबतही आवश्यक कार्यवाही करावी.

महात्मा फुले जन आरोग्य योजनेतून नागरिकांना दर्जेदार विनासायास आरोग्य सुविधा या बरोबरच महापालिकेच्या रुग्णालयात झिरो प्रिस्क्रिप्शन सुविधा दिल्या जात आहेत. महापालिकेच्या रुग्णालयात दिले जात असलेल्या आरोग्य सेवेत ज्या आजारावरील उपचार महात्मा फुले जन आरोग्य योजनेत समाविष्ट नाहीत असे आजार योजनेत समविष्ट करण्यासाठी महापालिकेने शासनास प्रस्ताव सादर करावा, असे उपमुख्यमंत्री शिंदे यांनी सांगितले.

बांगलादेशी घुसखोरी संदर्भात प्रशासनाने संबंधितांच्या कागदपत्रांची तपासणी करावी. तसेच संशयित कागदपत्रे रद्द करावीत, असे निर्देश उपमुखमंत्री शिंदे यांनी संबधित अधिकाऱ्यांना दिले. शहरात अपघात रोखण्यासाठी महापालिका, पोलीस, परिवहन व संबधित विभागाने समन्वयाने उपाययोजना राबवाव्यात. शहरातील विजेच्या प्रश्नासंदर्भात जिल्हाधिकारी यांनी लोकप्रतिनिधी व संबंधित अधिकाऱ्यांची बैठक घ्यावी. दादर येथील शिवाजी पार्कमध्ये छत्रपती शिवाजी महाराजांच्या अश्वारूढ पुतळ्याचे सुशोभीकरण करावे. तसेच शहरातील फूटपाथ हे अतिक्रमणमुक्त, सुरक्षित, स्वच्छ राहतील याची खबरदारी महानगरपालिकेने घ्यावी,असे निर्देश उपमुख्यमंत्री ‍शिंदे यांनी दिले.

कोस्टल रोड तसेच महालक्ष्मी रेस कोर्स येथे आंतरराष्ट्रीय दर्जाची उद्याने विकसित करण्यात येत असून ती सबवेच्या माध्यमातून जोडण्यात येणार असल्याचे सांगून उपमुख्यमंत्री शिंदे म्हणाले गिरणी कामगारांना मुंबईत घरे देण्यासाठी काम सुरू आहे. शहरातील प्रदूषण कमी करण्यासाठी आवश्यक उपाययोजना करण्याचे निर्देशही त्यांनी दिले.

गाभा क्षेत्रासाठी ५९८.३८ कोटी

२०२६-२७ मधील प्रारूप आराखड्यातील प्रस्तावित नियतव्ययामध्ये सामाजिक व सामूहिक सेवा, कृषी व संलग्न सेवा आणि ऊर्जा विकास या गाभा क्षेत्रासाठी ५९८.३८ कोटी रुपये, सामान्य आर्थिक सेवा, सामान्य सेवा या बिगर गाभा क्षेत्रासाठी १७६.९७ कोटीचा समावेश आहे. तर नाविन्यपूर्ण योजनेसाठी १० कोटीचा समावेश आहे.

जिल्हा वार्षिक योजना (सर्वसाधारण) २०२६-२७ आराखड्याची वैशिष्ट्ये

• वंचित असणाऱ्या घटकांचे जीवनमान उंचावणे व त्यांच्या मूलभूत समस्या सोडविण्याकरिता जिल्हा विकास आराखड्यात विशेष भर.

• जिल्ह्यातील कोळी बांधवांची संख्या विचारात घेता व्यवसायाचे सुलभीकरण करण्याकरिता बंदरांचा विकास.

• रोजगार उपलब्ध करण्याकरिता पर्यटन स्थळांचा विकास व कामगार कल्याणासाठी माफक दरात सोयी सुविधा उपलब्ध करणे.

• पीएम सूर्यघर बिजली योजनेंतर्गत शासकीय कार्यालयांमध्ये सौरऊर्जा उपकरणे बसवण्याचे उद्दिष्ट.

• नागरी वस्त्यांमध्ये मूलभूत सुविधा उपलब्ध करणे तसेच वंचित घटकांचे स्थलांतर / पुनर्वसन व धोकादायक दरडीखाली राहणाऱ्या झोपडपट्टी वासीयांच्या संरक्षणार्थ विशेष तरतूद.

• महिला सबलीकरण व त्यांच्या मूलभूत सुविधांकरिता प्राधान्य.

• राज्य, देश, विदेशातून येणाऱ्या रुग्णांना शासकीय रुग्णालयात अद्ययावत सेवासुविधा उपलब्ध होण्याकरिता रुग्णालयांचे अद्ययावतीकरण.

• गतिमान प्रशासनासाठी शासकीय कार्यालयांना इमारती, पोलीस व तुरुंग विभागाच्या मजबुतीकरणासाठी आधुनिक तंत्रज्ञान पुरविणे, तसेच आपत्कालीन व्यवस्थेचे बळकटीकरण.

• शासकीय महाविद्यालयांचे अद्ययावतीकरण, तसेच युवकांना किमान कौशल्यांसाठी व व्यायामशाळा क्रीडांगणे तयार करण्यासाठी खास तरतूद.

शाश्वत विकासाचे ध्येय

जिल्हा सापेक्ष शाश्वत विकास ध्येयपूर्तीच्या दृष्टीने जिल्हा वार्षिक योजनेत आरोग्य (निरोगीपणा आणि क्षेमकुशलता) शिक्षण (दर्जेदार शिक्षण), लिंग समानता डिसेंट वर्क आणि आर्थिक वाढ, हवामान कृती आणि जलसृष्टी या घटकांना विशेष प्राधान्य देण्यात आले आहे. यामध्ये आरोग्याच्या अनुषंगाने (शासकीय वैद्यकीय महाविद्यालय व रुग्णालय यांना यंत्रसामग्री व साधन सामग्रीसाठी) २४२.४२ कोटी, शिक्षणासाठी ३१.४६ कोटी, लिंग समानतेच्या अनुषंगाने ( जिल्हा महिला व बाल विकास) १३.८८ कोटी, चांगल्या दर्जाचे काम आणि आर्थिक वाढीच्या अनुषंगाने (उद्योग सहसंचालक, जिल्हा व्यवसाय शिक्षण व प्रशिक्षण, सहाय्यक संचालक कौशल्य विकास) १० कोटी निधी प्रस्तावित करण्यात आला आहे. हवामान कृतीच्या अनुषंगाने वातावरणातील बदलामुळे होणाऱ्या परिणामांसाठी (महाराष्ट्र ऊर्जा विकास अभिकरण) ३.२० कोटी शासकीय इमारतीवर सौर ऊर्जा उपकरणे बसवण्यासाठी प्रस्तावित करण्यात आला असून जलसृष्टीच्या अनुषंगाने सहाय्यक आयुक्त मत्स्यव्यवसाय यांना ३० कोटी निधी प्रस्तावित करण्यात आला आहे.

मुंबई जिल्हाधिकारी कार्यालयाचे शताब्दी वर्ष

१९११ मध्ये कस्टम विभागाचे कार्यालय जुन्या जकात घर इमारतीत सुरू झाले होते. त्यानंतर १९२२ मध्ये ही इमारत जिल्हाधिकारी तसेच इतर शासकीय कार्यालयांना देण्यात आली. मुंबईचे पहिले जिल्हाधिकारी म्हणून जी. ए. थॉमस यांनी १ एप्रिल १९२७ रोजी पदभार स्वीकारला होता. २०२६-२७ हे मुंबई जिल्हाधिकारी कार्यालयाचे शताब्दी वर्ष आहे. त्यामुळे या वर्षात विविध उपक्रम राबविण्यात येणार असल्याचे जिल्हाधिकारी आंचल गोयल यांनी यावेळी सांगितले.

जिल्हाधिकारी गोयल यांनी जिल्हा नियोजन समितीच्या माध्यमातून जिल्ह्यास २०२५-२०२६ मध्ये प्राप्त निधी, प्रशासकीय मान्यता, झालेला खर्च, २०२६-२७ साठीची तरतूद याबाबतची माहिती दिली.

प्रारंभी दिवंगत अजित पवार यांच्या प्रतिमेस उपमुख्यमंत्री एकनाथ शिंदे यांनी पुष्प अर्पण करून श्रद्धांजली वाहिली.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post यंत्रणांनी समन्वयातून दर्जेदार आणि गुणवत्तापूर्ण कामे करावीत – उपमुख्यमंत्री एकनाथ शिंदे appeared first on पुणे २४ तास.