विद्यार्थ्यांच्या सुरक्षिततेचा गंभीर प्रश्न
पुणे : पुण्यातील सोलापूर बाजार, पुलगेट परिसरातील डॉ. बाबासाहेब आंबेडकर टेक्निकल हायस्कूलची सध्या अत्यंत दयनीय अवस्था झाल्याचे चित्र समोर आले आहे. भर पावसात शाळेच्या वर्गखोल्यांमध्ये पावसाचे पाणी झिरपत असून, विद्यार्थ्यांना याच परिस्थितीत वर्गात बसावे लागत आहे.
शाळेच्या काही खोल्यांमध्ये तुटलेले, गंजलेले व कुजलेले साहित्य आणि कचरा साचलेला आहे. छताची तसेच काही पिलरची अवस्थाही चिंताजनक दिसत आहे. यामुळे विद्यार्थ्यांसह शिक्षक आणि इतर कर्मचाऱ्यांच्या सुरक्षिततेचा प्रश्न निर्माण झाला आहे.
शाळेमध्ये आवश्यक सोयी-सुविधांचा अभाव असून, कुजलेल्या साहित्यामुळे दुर्गंधीचाही त्रास होत असल्याचे सांगण्यात येत आहे.
शाळेच्या मुख्याध्यापिकांनी दिलेल्या माहितीनुसार, परिस्थितीची माहिती मिळताच पुणे कॅन्टोन्मेंट बोर्डाचे CEO विद्याधर पवार यांच्याशी संपर्क साधण्यात आला. त्यानंतर त्यांनी शाळेला भेट देऊन पाहणी केली असून, देखभाल-दुरुस्ती आणि आवश्यक उपाययोजनांबाबत लवकरच निर्णय घेण्यात येईल, असे सांगण्यात आले आहे.
विद्यार्थ्यांच्या सुरक्षिततेचा प्रश्न लक्षात घेता, शाळेची दुरुस्ती आणि आवश्यक उपाययोजना तातडीने होणे गरजेचे आहे.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
