पुणे: (पुणे २४ तास ब्युरो)

कोयत्या गँगने  पन्नास वाहनांची तोडफोड केल्याने  बीटी कवडे रोड येथे दहशतीचे वातावरण निर्माण झाले आहे. ही घटना बुधवार दी. २२ जाने. रात्री साडे आठच्या सुमारास घडली आहे. दरम्यान यामध्ये  चार चाकी वाहने, बस, टेम्पो, रिक्षा आणि तीन ते चार दुचाकी वाहनांचे मोठ्या प्रमाणात नुकसान झाले आहे. तसेच एका हॉटेलमध्ये ही टेबल साहित्यावर कोयत्याने वार करून हॉटेलचे ही नुकसान करण्यात आहे. 

बी टी कवडे रोड हा परिसर गजबजलेला आहे. रात्रीच्या सुमारास रस्त्यावर दोन मुले हातात कोयता घेऊन फिरत होते. ससाणे उद्यान ते बी टी कवडे रस्त्यावर उभी असलेल्या वाहनांवर ते वार करत चालत होते.  एका चायनिय गाडीवर वार करून हॉटेलमध्ये गेले. त्यानंतर बसेरा कॉलनीत त्यांनी रस्त्याच्या कडेला लावलेल्या सर्व वाहनांवर वार करून काचा फोडल्या.

वाहने फोडताना काही नागरिकांनी अडवले तर त्यांना कोयता दाखवून धमकी दिली. त्यावेळी काही दुकानदार पकडण्यासाठी मागे धावले ,त्यावेळी ते निगडे नगर येथील रिक्षात लपून बसले होते. त्याची खबर मिळताच दहा ते पंधरा नागरिकांनी एकत्र येऊन त्याला पकडून पोलिसांच्या ताब्यात दिले.

पोलिसांनी या प्रकरणात कौशल लांडगे वय .२० रा. भीमनगर याला ताब्यात घेतले असून एक अल्पवयीन आरोपी ही ताब्यात घेतला आहे.

मुंढवा ठाण्याचे वरिष्ठ पोलीस निरीक्षक नीलकंठ जगताप म्हणाले की, आरोपीने नशा केली होती यामध्ये त्यांनी दहशत निर्माण करण्यासाठी हे कृत्य केले असून त्यांना ताब्यात घेतले आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post कोयत्या गँगने केली पन्नास वाहनांची तोडफोड – बीटी कवडे रोड येथे दहशतीचे वातावरण appeared first on पुणे २४ तास.

पुणे: (पुणे २४ तास ब्युरो)

प्रियकर सतत मानसिक त्रास देत असल्याने प्रेयसीने मित्रांच्या मदतीने हत्या केल्याची घटना पिंपरी-चिंचवडमध्ये घडली आहे. या प्रकरणी गुंडाविरोधी पथकाने या कटात सहभागी असलेल्या तिघांसह महिलेला आणि अल्पवयीन मुलीला ताब्यात घेतलं आहे. बालाजी उर्फ बाळू मचक लांडे असे हत्या करण्यात आलेल्या प्रियकराचे नाव आहे. रेखा विश्वंभर भातनासे असे आरोपी प्रेयसीचे नाव आहे. तिच्या अल्पवयीन मुलीला देखील हत्येप्रकरणी आरोपी करण्यात आलं आहे. आधी हे हत्या प्रकरण अपघात आहे असा बनवा रचण्यात आला होता. पण गुंडाविरोधी पथकामुळे आरोपींचा बनाव उघड झाला आहे.

पोलिसांनी दिलेल्या माहितीनुसार, हत्या झालेल्या बालाजीचा अपघात झाल्याचा बनाव रचून त्याला वासीएम रुग्णालयात दाखल करण्यात आलं. पण, त्याचा उपचारापूर्वीच मृत्यू झाला होता. दरम्यान, आरोपी रिक्षाचालक दिनेश सूर्यकांत उपादे, आदित्य शरद शिंदे यांच्यासह इतरांनी पोलिसांची दिशाभूल करण्यासाठी बनावट नाव सांगितली होती. ही बाब लक्षात येताच पोलीस उपायुक्त संदीप डोईफोडे यांनी समांतर तपास करण्याबाबत सूचना दिल्या. गुंडाविरोधी पथकाने तपासाची चक्रे वेगाने फिरवली. पथकातील पोलिस कर्मचाऱ्यांनी आजूबाजूचे अनेक सीसीटीव्ही फुटेज तपासले. तोच धागा चिखलीतील दुर्वांकुर सोसायटीपर्यंत पोहोचला. सोसायटीच्या लिफ्टमध्ये काही रक्ताचे डाग देखील आढळले. पोलिसांचा संशय आणखीनच बळावला. फ्लॅट नंबर ३०३ मध्ये अल्पवयीन मुलगी दिसली. तिला पोलिसांनी विश्वासात घेऊन मृत्यू झालेल्या व्यक्तीचा फोटो दाखवला आणि ओळख पटवण्याचा प्रयत्न केला. तेव्हा त्याचे नाव बालाजी उर्फ बाळू मचक लांडे असे असल्याचं समोर आलं आणि तो बीडमधील दिंदृडचा रहिवाशी असल्याचं तपासात पुढे आल. तसेच मुलीची आई रेखा विश्वभंर भातनासे आणि इतर चार साथीदारांनी हत्या केली असल्याचे देखील कबूल केलं. रिक्षाचालक दिनेश सूर्यकांत उपादे, आदित्य शरद शिंदे यांना ताब्यात घेतलं असून इतर तीन आरोपी फरार आहेत त्यांचा शोध पोलीस घेत आहेत. इतर आरोपींचा शोध घेण्यासाठी पोलिसांची एक टीम बीडला रवाना झाली आहे.

प्रेयसीने असा रचला हत्येचा कट…
दिनांक १७ जानेवारी रात्री पावणेनऊ वाजता. प्रेयसी रेखाने बालाजीच्या हत्येचा कट रचला. आधीच रुमध्ये काही मित्रांना बोलवण्यात आलं. तिथं बालाजी येताच त्याच्या डोक्यात आणि पायावर लोखंडी रॉडने बेदम मारहाण करून गंभीर जखमी केलं. अपघात असल्याचा बनाव रचून त्याला वायसीयम रुग्णालयात दाखल करण्यात आलं. उपचारापूर्वीच बालाजीचा मृत्यू झाला. अखेर पोलिस मूळ सूत्रधार असलेल्या रेखापर्यंत पोहोचले आणि घटनेचे बिंग फुटलं. प्रियकर बालाजी हा मानसिक त्रास देत असल्याने रेखाने हत्या केली असल्याचे गुंडाविरोधी पथकाचे सहाय्यक पोलीस निरीक्षक हरीश माने यांनी सांगितलं आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post प्रेयसीने मित्रांच्या मदतीने प्रियकराची केली हत्या<br>प्रियकर निघाला ‘बीड’चा! appeared first on पुणे २४ तास.

पुणे: (पुणे २४ तास)

कौटुंबिक वादातून एकाने पत्नीवर कात्रीने वार करुन खून केल्याची घटना बुधवारी पहाटे खराडी भागात घडली. याप्रकरणी चंदननगर पोलिसंनी पतीला अटक केली. ज्योती शिवदास गिते (वय २८, रा. गल्ली क्रमांक ५, तुळजाभवानी नगर, खराडी) असे खून झालेल्या महिलेचे नाव आहे. याप्रकरणी पोलिसांनी शिवदास तुकाराम गीते (वय ३७) याला अटक केली आहे. बुधवारी (२२ जानेवारी) पहाटे साडेचारच्या सुमारास ही घटना घडली.

पोलिसांनी दिलेल्या माहितीनुसार, आराेपी शिवदास गिते मूळचा बीडमधील आहे. तो न्यायालायात टंकलेखक आहे. तुळजाभवानीनगर भागात तो भाडेतत्त्वावर खोली घेऊन राहत होता. गेल्या काही दिवसांपासून गिते दाम्पत्यात कौटुंबिक कारणावरुन वाद व्हायचे. बुधवारी पहाटे ज्योती आणि तिचा पती शिवदास यांच्यात वाद झाले. त्यानंतर शिवदासने घरातील कात्रीने ज्योतीच्या गळ्यावर कात्रीने वार केले. शिवदासने केलेल्या हल्ल्यात ती गंभीर जखमी झाली. आरडाओरडा ऐकून गाढ झोपेत असलेले शेजारी जागे झाले. शेजाऱ्यांनी चौकशी केली. तेव्हा ज्योती रक्ताच्या थारोळ्यात पडल्याचे आढळून आले. या घटनेची माहिती मिळताच चंदननगर पोलिसांनी घटनास्थळी धाव घेतली. गंभीर जखमी झालेल्या ज्योतीला तातडीने ससून रुग्णालयात दाखल करण्यात आले. उपचारांपूर्वीच तिचा मृत्यू झाल्याचे डाॅक्टरांनी सांगितले. वरिष्ठ पोलीस निरीक्षक संजय चव्हाण यांनी घटनास्थळी भेट दिली. शिवदासला अटक करण्यात आली असून, पोलीस निरीक्षक चव्हाण तपास करत आहेत.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post खराडीत कौटुंबिक वादातून महिलेवर कात्रीने वार करुन खून appeared first on पुणे २४ तास.

व्यावसायिकाने रस्त्याच्या कडेला लावलेल्या मोटारीची काच फोडून चोरट्यांनी दहा लाख ५१ हजार रुपयांची रोकड चोरुन नेल्याची घटना विमाननगर भागात घडली. याप्रकरणी चोरट्यांविरुद्ध विमानतळ पोलिसांनी गुन्हा दाखल केला.

नितेशकुमार राजकुमार शहा (वय ३४, रा. चारकोप, कांदिवली, मुंबई) यांनी याबाबत विमानतळ पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, चोरट्यांविरुद्ध गुन्हा दाखल करण्यात आला आहे. पोलिसांनी दिलेल्या माहितीनुसार, शहा हे व्यावसायिक आहेत. ते कामानिमित्त मुंबईहून विमाननगर भागात आले होते. विमाननगर भागातील वाटिका सोसायटीसमोर त्यांनी रविवारी रात्री मोटार लावली. चोरट्यांनी मोटारीची काच फोडली. पिशवीत ठेवलेली साडेदहा लाखांची रोकड चोरुन चोरटे पसार झाले. पोलीस उपनिरीक्षक रवींद्र ढावरे तपास करत आहेत. शहरात गेल्या काही दिवसांपासून मोटारींच्या काच फोडून रोकड, लॅपटाॅप, चोरीच्या घटनांमध्ये वाढ झाली आहे. हडपसर भागात दोन मोटारींच्या काचा फोडून चोरट्यांनी रोकड, दागिने चोरुन नेल्याची घटना नुकतीच घडली होती.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post विमाननगरमध्ये मोटारीची काच फोडून दहा लाखांची चोरी<br>विमानतळ पोलीस स्टेशनमध्ये फिर्याद.. appeared first on पुणे २४ तास.

पुणे : (पुणे २४ तास ब्युरो)

कोरेगाव पार्क भागातील एका खासगी कंपनीतील रोखपालाने दोन कोटी रुपयांचा अपहार केल्याचे उघडकीस आले. याप्रकरणी रोखपालाविरुद्ध गुन्हा दाखल करण्यात आला. याप्रकरणी खासगी कंपनीचे मालक जिनेंद्र दिलीप दोशी (वय ३८, रा. कोरेगाव पार्क) यांनी कोरेगाव पार्क पोलीस ठाण्यात फिर्याद दिली आहे.
पोलिसांनी सांगितले की, दोशी यांची जेनसिस इव्हेंट मॅनेंजमेंट कंपनी आहे. या कंपनीचे कार्यालय कोरेगाव पार्क भागात आहे. रोखपालाने दोशी आणि त्यांचा भागीदारांना विश्वासात घेऊन कंपनीतील सर्व आर्थिक व्यवहार ताब्यात घेतले. कर भरण्याबाबतच्या बनावट नोंदी करुन रोखपालाने दोन कोटी रुपयांचा वेळोवेळी अपहार केला. संबंधित रक्कम रोखपालाने स्वत:च्या बँक खात्यात, तसेच नातेवाईकांच्या खात्यात हस्तांतरित केली. लेखापरीक्षणात नुकताच हा प्रकार उघडकीस आल्यानंतर दोशी यांनी पोलिसांकडे तक्रार दिली. गुन्हे शाखेचे पोलीस निरीक्षक चेतन मोरे तपास करत आहेत.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post खासगी कंपनीतील रोखपालाने दोन कोटीला लावला चुना कोरेगाव पार्क पोलीस स्टेशनमध्ये गुन्हा दाखल appeared first on पुणे २४ तास.

काळ्या पैसे व्यवहारात कारवाईची भीती दाखवून सायबर चोरट्यांनी पाषाण भागातील एका महिलेची १३ लाख रुपयांची फसवणूक केल्याचा प्रकार उघडकीस आला आहे. याप्रकरणी महिलेने बाणेर पोलीस ठाण्यात फिर्याद दिली आहे.
पोलिसांनी सांगितले की, तक्रारादर महिला पाषाण भागात राहायला आहेत. सायबर चोरट्यांनी २ जानेवारी रोजी महिलेच्या मोबाइल क्रमांकावर संपर्क साधला. मुंबई गुन्हे शाखेकडून काळ्या पैसे व्यवहारात कारवाई करण्यात येणार आहे. महिलेच्या बँक खात्याचा वापर व्यवहारांसाठी करण्यात आला असल्याची भीती चोरट्यांनी दाखविली. त्यानंतर याप्रकरणात अटक टाळण्यासाठी (डिजिटल ॲरेस्ट) तातडीने पैसे जमा करावे लागतील, असे सांगून चोरट्यांनी महिलेला एका बँक खात्यात पैसे जमा करण्यास सांगितले. त्यानुसार महिलेने चोरट्यांच्या खात्यात १३ लाख २३ हजार रुपये जमा केले. फसवणूक झाल्याचे लक्षात आल्यानंतर महिलेने पोलिसांकडे तक्रार दिली. वरिष्ठ पोलीस निरीक्षक नवनाथ जगताप तपास करत आहेत.
शेअर बाजारात गुंतवणुकीच्या आमिषाने फसवणूक
पाषाण भागातील आणखी एकाची सायबर चोरट्यांनी फसवणूक केल्याचा प्रकार उघडकीस आला आहे. सायबर चोरट्यांनी तक्रारदाराला शेअर बाजारात गुंतवणुकीचे आमिष दाखवून १७ लाख ३२ हजार रुपयांची फसवणूक केली. याबाबत एकाने बाणेर पोलीस ठाण्यात फिर्याद दिली आहे. चोरट्यांनी त्यांना गेल्या वर्षी मोबाइल क्रमांकावर संदेश पाठविला होता. शेअर बाजारात गुंतवणूक केल्यास चांगला परतावा मिळेल, असे आमिष चोरट्यांनी त्यांना दाखविले होते. सुरुवातीला तक्रारादाराने रक्कम गुंतविली. त्यानंतर चोरट्यांनी त्यांना परतावा दिला. परतावा मिळाल्याने तक्रारदाराने आणखी रक्कम गुंतविली. रक्कम गुंतविल्यानंतर त्यांना परतावा देणे बंद केले.

‘डिजीटल ॲरेस्ट’च्या नावाने फसवणुकीचे वाढते प्रकार
वेगवेगळी आमिषे, तसेच तपास यंत्रणांकडून कारवाईची भीती दाखवून नागरिकांची फसवणूक करण्याचे प्रकार वाढत आहेत. ‘डिजिटल ॲरेस्ट’ची धमकी देऊन फसवणूक करण्याचे प्रकार वाढते आहेत. नागरिकांनी चाेरट्यांच्या बतावणीकडे दुर्लक्ष करावे, असे आवाहन सायबर पोलिसांनी केले आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post पाषाणमध्ये कारवाईची भीतीने महिलेचे १३ लाख लुटले<br>बाणेर पोलीस स्टेशनमध्ये फिर्याद ः appeared first on पुणे २४ तास.

घरावर कर्ज काढून देतो, असे सांगून घराची कागदपत्रे घेऊन कर्ज काढून न देता, घर खरेदी करण्याचा बहाणा करुन ११ महिन्यांचा भाडेकरार करुन घराचा ताबा घेतल्याचा प्रकार समोर आला आहे. याप्रकरणी अंकुश हनुमंत पवार (वय ३३, रा. रामनगर, रामटेकडी, वानवडी) यांनी हडपसर पोलीस ठाण्यात फिर्याद दिली आहे. त्यावरुन पोलिसांनी नितीन अशोक गायकवाड (वय २९, रा. संकेत विहार स्वराज्यनगर, फुरसुंगी) याच्यावर फसवणुकीचा गुन्हा दाखल केला आहे. हा प्रकार संकेत विहार येथे ३ एप्रिल २०२२ पासून १८ जानेवारी २०२५ दरम्यान घडला आहे.

पोलिसांनी सांगितले की, फिर्यादी चालक म्हणून काम करतात. त्यांचे संकेत विहार येथे घर आहे. सध्या ते रामटेकडी येथे भाड्याच्या घरात राहतात. आरोपी नितीन गायकवाड यांनी अंकुश पवार यांना घरावर बँकेकडून कर्ज काढून घेतो, असे भासवून त्यांचा विश्वास संपादन केला. घराची कागदपत्रे घेतली. कर्ज काढून न देता फिर्यादी यांचे घर खरेदी करण्याचा बहाणा केला. त्यासाठी दोन वेळा विसार पावती करुन ११ महिन्याचा भाडेकरार करुन त्या घरात रहात आहे. विसार पावतीमध्ये ठरल्याप्रमाणे व्यवहार पूर्ण न करता घराचा ताबा घेऊन फिर्यादीची फसवणूक केली. सहायक पोलीस निरीक्षक प्रविण अब्दागिरे तपास करीत आहेत.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post घरावर बँकेकडून कर्ज काढून घेण्याच्या नावाखाली घरच बळकावले<br>हडपसर पोलीस स्टेशनमध्ये फिर्याद ः घरमालक राहतोय भाड्याच्या घरात appeared first on पुणे २४ तास.

मंगळवार पेठेतील काची वस्तीत असलेल्या एका घराला सोमवारी दुपारी आग लागली. अग्निशमन दलाच्या जवानांनी घटनास्थळी धाव घेऊन आग आटोक्यात आणली. आगीत गृहोपयोगी साहित्य जळाले. सुदैवाने या घटनेत कोणी जखमी झाले नाही.

मंगळवार पेठेतील एसएसपीएम प्रशालेच्या पाठीमागील बाजूस काची वस्ती आहे. या वसाहतीत बैठी पत्र्यांची घरे आहे. सोमवारी दुपारी पावणेएकच्या सुमारास घरातून मोठ्या प्रमाणावर धूर येत होता. घरात चव्हाण कुटुंबीय राहायला आहेत. घरात कोणी नव्हते. चव्हाण यांची आजी घराबाहेर बसल्या होत्या. वस्तीतील रहिवाशांनी काही अंतरावर असलेल्या अग्निशमन दलाच्या नायडू केंद्रात या घटनेची माहिती दिली. त्यानंतर अग्निशमन दलाचा बंब दोन मिनिटात तेथे पोहोचला.

अग्निशमन दलाचे तांडेल रऊफ शेख, गणेश पराते, वैष्णव गाडे, दीपक क्षीरसागर, हिरामण मोरे यांनी पाण्याचा मारा करुन आग आटेक्यात आणली. जवानांनी पाच मिनिटात आग आटोक्यात आणली. घरात कोणी नसल्याने दुर्घटना टळली. आगीत गृहोपयोगी साहित्य आणि छताचे पत्रे जळाले. जवानांनी घरातून एक छोटा सिलिंडर बाहेर काढला. आगीमागचे कारण समजू शकले नाही, अशी माहिती अग्निशमन दलातील तांडेल रऊफ शेख यांनी दिली.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post मंगळवार पेठेत काची वस्तीतील घर जळाले<br>घराबाहेर बसलेली ज्येष्ठ महिला बचावली appeared first on पुणे २४ तास.

हातउसने दिलेले शंभर रुपये परत मागितल्याने एकाच्या डोक्यात दगड घालून खून करणाऱ्याला सत्र न्यायधीश पी. पी. जाधव यांनी सात वर्ष सक्तमजुरी आणि दहा हजार रुपये दंडाची शिक्षा सुनावली.

भीमराव यशवंत खांडे (वय ५५, रा. वडकी, खोकेनगर, मूळ रा. गिरवी, ता. फलटण, जि. सातारा) असे शिक्षा सुनावण्यात आलेल्याचे नाव आहे. खांडे याने  चंद्रकांत शंकर चव्हाण (वय ६८, रा. पांडवनगर, वडकी, हवेली) यांच्या डोक्यात दगड घालून खून केला होता. खांडे याने चव्हाण यांच्याकडून शंभर रुपये उसने घेतले होते. चव्हाण यांनी पैसे परत मागितले होते. पैसे परत न केल्याने त्यांच्यात १७ एप्रिल २०१५ रोजी वाद झाला. खांडे याने चव्हाण यांच्या डोक्यात दगड घालून खून केला होता. सासवड रस्त्यावर असलेल्या वडकी गावातील एका गोदामाजवळ ही घटना घडली होती. याबाबत रमेश चंद्रकांत चव्हाण (वय ४०, रा. पांडवनगर, वडकी) यांनी लोणी काळभोर पोलिस ठाण्यात फिर्याद दिली होती.

या खटल्यात सरकार पक्षाकडून सरकारी वकील नामदेव तरळगट्टी यांनी बाजू मांडली. लोणी काळभोर पोलीस ठाण्यातील तत्कालिन सहायक पोलीस निरीक्षक दिलीप पवार यांनी या गुन्ह्याचा तपास केला. कोर्ट पैरवी अधिकारी म्हणून पोलीस हवालदार ललिता कानवडे यांनी काम पाहिले. न्यायालयीन कामकाजात हवालदार वैजनाथ शेलार आणि प्रशांत कळसकर यांनी सहाय केले. साक्ष, तसेच पुरावे ग्राह्य धरुन खांडे याला न्यायालयाने सात वर्ष सक्तमजुरी आणि दहा हजार रुपये दंडाची शिक्षा सुनावली.
—————-


पुणे : सुश्रुषेसाठी ठेवलेल्या कामगाराकडून मनोरुग्ण महिलेवर बलात्कार करण्यात आल्याची धक्कादायक घटना उघडकीस आली आहे. याप्रकरणी भारती विद्यापीठ पोलिसांकडून कामगाराला अटक करण्यात आली.याबाबत एका पीडित महिलेने भारती विद्यापीठ पोलीस ठाण्यात फिर्याद दिली आहे. तिने दिलेल्या फिर्यादीनुसार, सुश्रुषेसाठी ठेवलेल्या ३४ वर्षीय तरुणाला अटक करण्यात आली आहे. पोलिसांनी दिलेल्या माहितीनुसार, ३८ वर्षीय पीडित महिला मनोरुग्ण आहे. आरोपीला सुश्रृषेसाठी ठेवण्यात आले होते.

मनोरुग्ण महिलेला धमकावून त्याने तिच्यावर बलात्कार केला. ३ जानेवारी ते १० जानेवारी दरम्यान त्याने महिलेला धमकावून वेळोवेळी बलात्कार केला. महिला मनोरुग्ण असल्याने सुरुवातीला तिने या घटनेची माहिती दिली नाही. अखेर तिने याबाबतची दिली. त्यानंतर आरोपी तरुणाला अटक करण्यात आली. वरिष्ठ पोलीस निरीक्षक सावळाराम साळगावकर, गुन्हे शाखेच्या पोलीस निरीक्षक संगीता देवकाते यांनी घटनास्थळी भेट दिली. पोलीस उपनिरीक्षक प्रियंका निकम तपास करत आहेत.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post शंभर रुपयांसाठी खून करणाऱ्याला सात वर्ष सक्तमजुरी appeared first on पुणे २४ तास.

हवेली पोलिस ठाण्याच्या हद्दीत बेकायदेशीर शस्त्र बाळगणाऱ्यांना दोघांना सपाळा रचून दोघांना जेरबंद केले आहे. मोठा, गंभीर स्वरूपाचा गुन्हा घडण्या अगोदरच हवेली पोलिसांनी कारवाई केली आहे.
हवेलीचे पोलिस निरीक्षक सचिन वांगडे यांनी सांगितले की, खडकवासला धरण चौक परीसरात पेट्रालिंग करत‌ होतो. सोबत पोलिस हवालदार विलास प्रधान, संतोष तोडकर, दीपक गायकवाड, गणेश धनवे, संतोष भापकर, पोलिस नाईक राजेंद्र मुंढे पोलिस शिपाई सचिन गुंड होते.
यावेळी, खडकवासला गावाच्या स्मशानभुमी जवळ देवलेश उर्फ देवा साळुंखे व अतिश जोरी हे दोघे थांबले आहेत. त्यांच्याजवळ एक गावठी पिस्टल व राऊंड आहे. ते कोणाला तरी गावठी पिस्टल विकण्याच्या किंवा कुठला तरी गंभीर स्वरूपाचा गुन्हा करण्याची शक्यता असल्याचे खात्रीशिर माहिती मिळाली. त्यानुसार,  पोलिस अधिकारी, अंमलदार व पंच यांना मिळालेल्या माहिती त्यांना समजावून‌ सांगितली.
त्यानुसार, आम्ही त्या ठिकाणी पोचलो. वेगवेगळे दिशेला दबा धरून बसलो. थोडा वेळानंतर तेथे देवलेश उर्फ देवा साळुंखे व त्याचे सोबत एक अनोळखी इसम असे पायी चालत येत होते. असे दिसले. त्यांना खडकवासला स्मशानभुमीचे जवळ आल्यावर आम्ही शनिवारी दुपारी साडेतीन वाजता त्यास जागीच पकडले.‌
त्यांना त्यांची नावे विचारली असता देवलेश उर्फ देवा सुर्यकांत साळुंखे (वय ३८, रा.संत रोहिदासनगर खडकवासला, ता.हवेली) अतिश मधुकर जोरी (वय २४, रा. आझाद तरुण मंडळ, खडकवासला ता.हवेली) असे सांगितले.
त्यानंतर, त्यांची पंचासमक्ष अंग झडती घेतली. देवलेश उर्फ देवा सुर्यकांत साळुंखे याचे कमरेस पाठीमागे पॅन्टचे आत खोचुन ठेवलेला एक गावठी पिस्टल सापडला. तसेच, अतिष मधुकर जोरी यांचे पॅटचे खिशात पिस्टलचे एकुण सात जिवंत काडतूस सापडले.  त्यांच्याकडे शस्त्र संबंधी कोणताही परवाना नव्हता. विनापरवाना बेकायदेशीररित्या एक गावठी पिस्टल व सात जिवंत काडतूस बेकायदेशीरपणे विना परवाना जवळ बाळगला होता.‌
याबाबत, हवेली पोलिस शस्त्र अधिनियम व भारतीय न्याय संहिता अंतर्गत गुन्हा दाखल करण्यात आला. पोलिस अधीक्षक पंकज देशमुख, अपर पोलिस अधीक्षक रमेश चोपडे, तसेच, पोलिस उपअधिक्षक दिलीप शिंदे यांचे मार्गदर्शनाखाली पुढील तपास सुरु आहे. अधिक तपास महिला फौजदार शितल टेंबे करीत आहेत.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post बेकायदेशीर शस्त्र बाळगणाऱ्यांना अटक<br>हवेली पोलिसांनी सपाळा रचून दोघांना केले जेरबंद.. appeared first on पुणे २४ तास.