पुणे: (पुणे २४ तास ब्युरो)
कोयत्या गँगने पन्नास वाहनांची तोडफोड केल्याने बीटी कवडे रोड येथे दहशतीचे वातावरण निर्माण झाले आहे. ही घटना बुधवार दी. २२ जाने. रात्री साडे आठच्या सुमारास घडली आहे. दरम्यान यामध्ये चार चाकी वाहने, बस, टेम्पो, रिक्षा आणि तीन ते चार दुचाकी वाहनांचे मोठ्या प्रमाणात नुकसान झाले आहे. तसेच एका हॉटेलमध्ये ही टेबल साहित्यावर कोयत्याने वार करून हॉटेलचे ही नुकसान करण्यात आहे.
बी टी कवडे रोड हा परिसर गजबजलेला आहे. रात्रीच्या सुमारास रस्त्यावर दोन मुले हातात कोयता घेऊन फिरत होते. ससाणे उद्यान ते बी टी कवडे रस्त्यावर उभी असलेल्या वाहनांवर ते वार करत चालत होते. एका चायनिय गाडीवर वार करून हॉटेलमध्ये गेले. त्यानंतर बसेरा कॉलनीत त्यांनी रस्त्याच्या कडेला लावलेल्या सर्व वाहनांवर वार करून काचा फोडल्या.
वाहने फोडताना काही नागरिकांनी अडवले तर त्यांना कोयता दाखवून धमकी दिली. त्यावेळी काही दुकानदार पकडण्यासाठी मागे धावले ,त्यावेळी ते निगडे नगर येथील रिक्षात लपून बसले होते. त्याची खबर मिळताच दहा ते पंधरा नागरिकांनी एकत्र येऊन त्याला पकडून पोलिसांच्या ताब्यात दिले.
पोलिसांनी या प्रकरणात कौशल लांडगे वय .२० रा. भीमनगर याला ताब्यात घेतले असून एक अल्पवयीन आरोपी ही ताब्यात घेतला आहे.
मुंढवा ठाण्याचे वरिष्ठ पोलीस निरीक्षक नीलकंठ जगताप म्हणाले की, आरोपीने नशा केली होती यामध्ये त्यांनी दहशत निर्माण करण्यासाठी हे कृत्य केले असून त्यांना ताब्यात घेतले आहे.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
