पुणे २४ तासः- विद्यार्थ्यांचे भवितव्य घडवताना केवळ अभ्यासक्रमापुरते शिक्षण अपुरे असून त्यांच्या मानसिक, सामाजिक व सांस्कृतिक जडणघडणीसाठी शिक्षकांनी प्रामाणिक भूमिका घ्यावी लागते. विद्यार्थ्यांचा सर्वांगीण विकास हाच शिक्षकांचा खरा ध्यास असतो, असे स्पष्ट आणि परखड मत डॉ. लीना बोरुडे यांनी व्यक्त केले.
महात्मा फुले विद्या निकेतन संस्था व बचपन वर्ल्ड फोरम, बचपन बचाओ समितीच्या घरटं प्रकल्प यांच्या संयुक्त विद्यमाने स्वारगेट येथील गणेश कला क्रीडा मंच येथे आयोजित राष्ट्रीय एकात्मता महासंमेलन कार्यक्रमात डॉ. लीना बोरुडे बोलत होत्या. याप्रसंगी रोटरी क्लब सारसपागचे अध्यक्ष आशुतोष वैद्य, जेजुरी मार्तंड देवस्थानचे विश्वस्त डॉ. राजेंद्र खेडेकर, मिलिंद गरगटे, सुधीर सुंठणकर, नितीन खिरीड, सचिन शिंदे, अर्चना गोजमगुंडे, मनिषा राऊत, डॉ. लीना बोरुडे, गरिमा कवठेकर, सरिता चितोडकर, मनिषा खेडेकर, डॉ. स्वप्ना डांगमाळी, आंतरराष्ट्रीय खेळाडू अंजली व्हर्टी, मदनलाल दर्डा, जयंत भोसेकर, नगरसेवक संदीप बेलदरे, पल्लवी आबनावे, सरपंच नाझीर पठाण यांच्यासह मोठ्या संख्येने पालकवर्ग व विद्यार्थी उपस्थित होते.
यावेळी विद्यार्थ्यांच्या विविध सांस्कृतिक सादरीकरणांनी एकात्मतेचा संदेश प्रभावीपणे दिला. यावेळी विद्यार्थ्यांनी भागंडा, विविध नृत्यप्रकार, ‘मेरा नाम चिन चिन चू’, छत्रपती शिवाजी महाराजांवर आधारित नृत्य-नाटिका, आदिवासी व कोळी नृत्य, देशभक्तीपर गीतांवरील नृत्ये सादर करून उपस्थितांची मने जिंकली. या सादरीकरणांतून विद्यार्थ्यांचा आत्मविश्वास, शिस्त व कलागुण ठळकपणे दिसून आले. तसेच, क्रांतिज्योती सावित्रीबाई फुले जयंतीनिमित्त सामाजिक, शैक्षणिक व आरोग्य क्षेत्रात उल्लेखनीय कार्य करणाऱ्या महिलांना ‘२०२६ स्त्री-शक्ती पुरस्कार’ देऊन गौरविण्यात आले. या सन्मान सोहळ्यामुळे संपूर्ण कार्यक्रमात प्रेरणादायी वातावरण निर्माण झाले.
डॉ. बोरुडे म्हणाल्या की, “स्नेहसंमेलनाच्या माध्यमातून विद्यार्थ्यांमध्ये आत्मविश्वास, सर्जनशीलता आणि समाजाबद्दलची बांधिलकी विकसित होते. पालक, शिक्षक आणि शिक्षणसंस्था यांनी एकत्र येऊन मुलांच्या व्यक्तिमत्त्व विकासासाठी सातत्याने प्रयत्न करणे ही काळाची गरज आहे,” असे त्यांनी स्पष्ट केले. महात्मा फुले विद्या निकेतन संस्थेचे संस्थापक रतन माळी, अध्यक्षा स्मिता वाघ, सचिव-प्राचार्य रवीद्र वाघ यांच्या मार्गदर्शनाखाली राष्ट्रीय एकात्मता महासंमेलन कार्यक्रमाचे आयोजन केले होते.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
