पुणे: महाराष्ट्र राज्य सरकारने अनुसूचित जातीचे उपवर्गीकरण तात्काळ लागु करावे यामागणीकरिता पुणे ते मुंबई पदयात्रा काढण्यात आली.
या पदयात्रेची सुरुवात पुण्यातील संगमवाडी येथे असलेल्या आद्य क्रांतिगुरु लहुजी वस्ताद साळवे यांच्या राष्ट्रीय स्मारक स्थळापासुन करण्यात आली. यावेळी भोर येथील शिवमल्हार गडाचे महंत आणि आद्य क्रांतिगुरू लहुजी वस्ताद साळवे यांच्या समाधी स्थळाचे मुख्य संशोधक, अण्णाभाऊ साठे फाऊंडेशनचे मुख्य विश्वस्त प्रा.मार्तंड साठे सर यांच्या हस्ते यात्रेचे स्वागत करण्यात आले.
याप्रसंगी साहित्य रत्न अण्णाभाऊ साठे यांचे नातु सचिन साठे अण्णा भाऊ साठे यांच्या सुनबाई सावित्रीबाई साठे, मातंग एकता आंदोलनाचे महाराष्ट्राचे कार्याध्यक्ष, माजी नगरसेवक अविनाश बागवे, लोकसेवक युवराज दाखले, भास्कर नेटके, उषा नेटके, नामदेव रिटे, सतीश स्वर्गे, संजुबाबा गायकवाड,आण्णासाहेब धगाटे, अंकल सोनवणे, लहुजींचे वंशज केतन साळवे, लहुजी शक्ती सेनेचे प्रमुख विष्णु कसबे, अण्णाभाऊ साठे फाऊंडेशनचे मुख्य विश्वस्त लहुजी वस्ताद साळवे यांचे मुख्य संशोधक आणी शिव मल्हार गड भोरचे महंत प्रा.मार्तंड साठे सर, राष्ट्रीय स्मारकाचे अध्यक्ष अशोक लोखंडे या मान्यवरांसह शेकडो कार्यकर्त्यांनी पदयात्रेत चालत सहभागी होऊन हजेरी लावली. तसेच प्रसंगी सचिन साठे व विष्णु कसबे यांना महंत प्रा.मार्तंड साठे सर यांच्या हस्ते समाज व शिव मल्हार गड भोरच्या वतीने मल्हार पगडी, मल्हार घोंगडी व मल्हार अस्त्र देऊन मल्हारमय सन्मानित करण्यात आले. व बेल भंडारा उधळुन लहुजी वस्ताद साळवे यांच्या राष्ट्रीय स्मारकस्थळापासुन मुंबईकडे पद यात्रेचे दिमाखात प्रस्थान झाले. यावेळी सायंकाळच्या मुक्कामाची आणि जेवणाची व्यवस्था शिवशाही उद्योग समुहाचे प्रमुख युवराज दाखले यांनी केली.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
