“इंदापूर तालुका अध्यक्ष तात्यासाहेब यादव यांच्याकडून 2 एकर जमीन दान, इंदापूर तालुक्यातील सर्वात मोठा भगवा ध्वज उभारला”
“शिवशाही शासन पक्षाकडून जाहीर आभार – लोकसेवक युवराज दाखले”
पिंपरी-चिंचवड : (30 जून) गोसेवा आणि गोवंश संवर्धन हे शिवशाही शासन पक्षाचे महत्वाचे ध्येय आहे. या संकल्पाला बळ देण्यासाठी आज एक ऐतिहासिक पाऊल पडले आहे.
शिवशाही व्यापारी संघ, इंदापूर तालुका अध्यक्ष तात्यासाहेब यादव यांनी राजर्षी शाहू महाराज यांच्या जयंतीच्या निमित्ताने गोवंश संवर्धन केंद्रासाठी 2 एकर जमीन स्वखुशीने दान केली आहे.
यावेळी संस्थापक प्रमुख, शिवशाही शासन पक्ष युवराज दाखले म्हणाले की, “तात्यासाहेब, तुम्ही फक्त जमीन दिली नाही, तर गोमातेच्या लेकरा-बाळांना घर दिलं आहे. छत्रपती शिवरायांनी ‘गो-ब्राह्मण प्रतिपालक’ ही उपाधी घेतली. आज तात्यासाहेबांनी तोच वारसा जिवंत केला.
ही जमीन म्हणजे शिवशाही गोशाळेचा पाया आहे. इथे निराधार, जखमी, वृद्ध गायींना संरक्षण, वैद्यकीय मदत आणि सन्मानाने जगण्याची संधी मिळेल.
सुनील उर्फ दादासाहेब झोंबाडे यांनी म्हटले की- ‘मातीशी नाळ जोडली की माणूस श्रीमंत होतो’. तात्यासाहेब, तुम्ही खरे श्रीमंत आहात!”
तात्यासाहेब यादव यांचा संकल्प:
“मला कोणतं पद, प्रतिष्ठा नको. माझी गोमाता सुखी राहावी, बस! शिवशाहीच्या माध्यमातून मी ही सेवा करतोय. पुढेही गोसेवेसाठी मी सदैव तत्पर राहीन.”
पुढील योजना:
1. शिवशाही गोवंश संवर्धन केंद्र: 2 एकरवर आधुनिक गोशाळा, हॉस्पिटल, गो-आधारित उद्योग.
2. गो-आधारित शेती प्रशिक्षण: शेतकऱ्यांना नैसर्गिक शेतीसाठी गोमूत्र, शेणखत वाटप.
3. गोपाष्टमी महोत्सव: दरवर्षी मोठ्या प्रमाणात गोपूजन व व्यापारी मेळावा.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
