पुणे: भवानी पेठ क्षेत्रीय कार्यालयाच्या शेजारीच रहदारीच्या रस्त्यावर कचऱ्याचा मोठा ढीग साचला आहे. भंगार दुकानांमधील जुने फ्रिज आणि अनावश्यक स्क्रॅप रस्त्यावर टाकल्याने नागरिकांना त्रास सहन करावा लागत असल्याचा आरोप आहे.

सामान्य नागरिकांनी कचरा टाकला तर दंड आकारला जातो; मग या ठिकाणी रस्त्यावर कचऱ्याचा ढीग साचत असताना कारवाई कधी होणार?
या भंगार दुकानदारांवर कोणाची मेहरबानी आहे? प्रशासनाने याकडे गांभीर्याने लक्ष देण्याची गरज असल्याची तक्रार रिपाइं पुणे शहर विद्यार्थी आघाडीचे अध्यक्ष रमेश मोरे यांनीं केली आहे. यावेळी शाळेच्या विद्यार्थ्यांना ही आरोग्याच्या समस्येला सामोरे जावे लागत आहे.

📍 भवानी पेठ, पुणे

#भवानीपेठ #पुणे #कचरासमस्या #कचऱ्याचाडोंगर #स्वच्छताअभियान #भंगारदुकान #पुणेमहापालिका #PuneNews #Pune24Taas #PuneCity #PuneUpdates #CleanPune #PMC

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post 🗑️ भवानी पेठ क्षेत्रीय कार्यालयाशेजारी कचऱ्याचा डोंगर! appeared first on पुणे २४ तास.

विद्यार्थ्यांच्या सुरक्षिततेचा गंभीर प्रश्न

पुणे : पुण्यातील सोलापूर बाजार, पुलगेट परिसरातील डॉ. बाबासाहेब आंबेडकर टेक्निकल हायस्कूलची सध्या अत्यंत दयनीय अवस्था झाल्याचे चित्र समोर आले आहे. भर पावसात शाळेच्या वर्गखोल्यांमध्ये पावसाचे पाणी झिरपत असून, विद्यार्थ्यांना याच परिस्थितीत वर्गात बसावे लागत आहे.

शाळेच्या काही खोल्यांमध्ये तुटलेले, गंजलेले व कुजलेले साहित्य आणि कचरा साचलेला आहे. छताची तसेच काही पिलरची अवस्थाही चिंताजनक दिसत आहे. यामुळे विद्यार्थ्यांसह शिक्षक आणि इतर कर्मचाऱ्यांच्या सुरक्षिततेचा प्रश्न निर्माण झाला आहे.

शाळेमध्ये आवश्यक सोयी-सुविधांचा अभाव असून, कुजलेल्या साहित्यामुळे दुर्गंधीचाही त्रास होत असल्याचे सांगण्यात येत आहे.

शाळेच्या मुख्याध्यापिकांनी दिलेल्या माहितीनुसार, परिस्थितीची माहिती मिळताच पुणे कॅन्टोन्मेंट बोर्डाचे CEO विद्याधर पवार यांच्याशी संपर्क साधण्यात आला. त्यानंतर त्यांनी शाळेला भेट देऊन पाहणी केली असून, देखभाल-दुरुस्ती आणि आवश्यक उपाययोजनांबाबत लवकरच निर्णय घेण्यात येईल, असे सांगण्यात आले आहे.

विद्यार्थ्यांच्या सुरक्षिततेचा प्रश्न लक्षात घेता, शाळेची दुरुस्ती आणि आवश्यक उपाययोजना तातडीने होणे गरजेचे आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post सोलापूर बाजारातील शाळेची दुरवस्था; पावसात विद्यार्थ्यांचा जीव धोक्यात? appeared first on पुणे २४ तास.

पुणे : टिंबर मार्केट परिसरात ठिकठिकाणी कचऱ्याचे ढीग साचल्याने नागरिक आणि व्यावसायिक त्रस्त झाले आहेत. परिसरात नियमित स्वच्छता होत नसल्याने अस्वच्छतेचे चित्र निर्माण झाले असून दुर्गंधीचाही सामना करावा लागत आहे.

रस्त्याच्या कडेला तसेच काही ठिकाणी मोठ्या प्रमाणात कचरा साचलेला दिसून येत आहे. त्यामुळे परिसरातील नागरिकांच्या आरोग्याचा प्रश्न निर्माण झाला आहे. कचऱ्यामुळे डास, माशांचा प्रादुर्भाव वाढण्याची शक्यता असून पावसाळ्यात परिस्थिती आणखी गंभीर होण्याची भीती व्यक्त केली जात आहे.

टिंबर मार्केट हा सतत वर्दळीचा परिसर असल्याने येथे मोठ्या प्रमाणात नागरिक, व्यापारी आणि वाहनांची ये-जा असते. मात्र, कचऱ्याच्या समस्येमुळे परिसराच्या स्वच्छतेवर प्रश्नचिन्ह निर्माण झाले आहे.

कचरा वेळेवर उचलण्यात यावा, परिसराची नियमित स्वच्छता करण्यात यावी आणि अस्वच्छता निर्माण करणाऱ्यांवर कारवाई करावी, अशी मागणी नागरिकांकडून होत आहे.

महापालिका प्रशासनाने या समस्येकडे तातडीने लक्ष देऊन टिंबर मार्केट परिसर स्वच्छ करावा, अशी अपेक्षा नागरिक व्यक्त करत आहेत.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post टिंबर मार्केट कचऱ्याच्या विळख्यात; स्वच्छतेचा दावा फक्त कागदावर? appeared first on पुणे २४ तास.

गेल्या अनेक महिन्यांपासून भूमीग्रीन कंपनीच्या उरुळी देवाची येथील कचरा प्रकल्पाचा प्रस्ताव प्रलंबित होता. पुणे महानगरपालिका स्थायी समितीच्या बैठकीत आज हा प्रस्ताव चर्चेला आला.

पुणे : उरुळी देवाची येते असलेला भूमीग्रीन कंपनीचा कचरा प्रकल्प नूतनीकरणासाठी बंद करण्यात येत आहे. म्हणूनच पुढील ९ महिन्यांसाठी भूमीग्रीन कंपनीला सध्या उरुळी देवाची येथे अस्तित्वात असलेल्या कचरा डेपोच्या शेजारची जागा तात्पुरत्या स्वरूपात देण्याबाबत हा प्रस्ताव आज स्थायी समितीच्या बैठकीत चर्चेला आला. या प्रस्तावाला काँग्रेस व राष्ट्रवादी काँग्रेस या दोन्ही पक्षांच्या वतीने तीव्र विरोध करण्यात आला. अखेरीस ९ विरुद्ध ४ असा हा प्रस्ताव मंजूर झाला.

याबाबत स्थायी समितीचे सदस्य व काँग्रेस पक्षाचे नेते प्रशांत जगताप यांनी आपली भूमिका माध्यमांसमोर मांडली. “मुळातच पुणे महानगरपालिका प्रशासनाकडून भूमीग्रीन कंपनीला झुकते माप देण्यात येत आहे. या प्रकल्पाला सध्याच्या कचरा प्रकल्पासाठीही वाढीव दर देण्यात येत आहे. जुन्या प्रकल्पाचे नूतनीकरण होईपर्यंत नवीन तात्पुरत्या प्रकल्पासाठी भूमीग्रीन कंपनीकडून शेड उभारले जातील, नवीन मशिनरी घेतली जाईल आणि कालांतराने याच जागेत नवीन कचरा प्रकल्पाचे काम आपसुकच भूमीग्रीन कंपनीला दिले जाईल अशी आमची शंका नव्हे, तर खात्री आहे. भूमीग्रीन कंपनीचा प्रकल्प नूतनीकरणासाठी जर काही महिने बंद राहणार असेल, तर भूमीग्रीन कंपनी सोडून सध्या पुणे महानगरपालिकेसोबत काम करणाऱ्या इतर कंपन्या वाढीव कचरा उचलण्यासाठी तयार आहेत, तशी मागणी करणारी पत्रेही अनेक कंपन्यांनी मनपा प्रशासनाला दिली आहेत. तरीही भूमीग्रीन कंपनीलाच पर्यायी जागा देण्याचे औदार्य महानगरपालिका प्रशासन का दाखवत आहे ? हा मुख्य प्रश्न आहे. एका पक्षाच्या पदाधिकाऱ्याच्या कुटुंबातील कंपनीचा फायदा करून देण्यासाठी पुणेकरांच्या पैशांवर दरोडा घालण्याचा हा डाव अत्यंत दुर्दैवी आहे.” अशी भावना प्रशांत जगताप यांनी व्यक्त केली.

या प्रस्तावाच्या विरोधात काँग्रेसच्या वतीने प्रशांत जगताप राष्ट्रवादी काँग्रेसच्या वतीने वैशाली बनकर, अमोल बालवडकर, सुहास टिंगरे यांनी मतदान केले.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post भूमीग्रीन कंपनीच्या उरुळी देवाची येथील कचरा प्रकल्पाला विरोध appeared first on पुणे २४ तास.

मुंबई, दि. 12 : हवामान बदलाच्या उपाययोजनांच्या पार्श्वभूमीवर भारतातील पहिला मुंबई क्लायमेट वीक (एमसीडब्ल्यू) १७ ते १९ फेब्रुवारी २०२६ या कालावधीत मुंबईत आयोजित करण्यात आला आहे. या माध्यमातून ग्लोबल साऊथ देशांसाठी हवामान नेतृत्वाचा नवा मंच उभारला जाणार आहे. तीन दिवस चालणाऱ्या या क्लायमेट वीकच्या माध्यमातून जागतिक स्तरावरील शासन नेते , उद्योग क्षेत्रातील प्रमुख, हवामान तज्ज्ञ, विविध संस्था, युवक आणि विविध स्वयंसेवी संस्थांचे प्रतिनिधी एकत्र येणार आहेत.

हा उपक्रम ‘प्रोजेक्ट मुंबई’ या स्वयंसेवी संस्थेने आयोजित केला असून, महाराष्ट्र शासन, पर्यावरण व वातावरणीय बदल विभाग, ‘एमएमआरडीए’ आणि मुंबई महापालिका सहकार्य करणार आहे.

जिओ वर्ल्ड कन्व्हेन्शन सेंटर येथे या क्लायमेट वीकचे मुख्य केंद्र (हब) उभारण्यात येणार असून, शहरभर महाविद्यालये, समुदाय व सांस्कृतिक संस्थांमध्ये विविध कार्यक्रमांची ‘हब-अँड-स्पोक’ पद्धतीने आखणी करण्यात आली आहे. हवामानाशी निगडित प्रत्यक्ष उपाययोजना प्रदर्शित व विस्तार करण्यावर भर दिला जाणार आहे, अशी माहिती या उपक्रमाचे आयोजक प्रोजेक्ट मुंबईचे संस्थापक तथा मुख्य कार्यकारी अधिकारी शिशिर जोशी यांनी दिली.

या उपक्रमाविषयी मुख्यमंत्री देवेंद्र फडणवीस म्हणाले, “मुंबई क्लायमेट वीक भारताची हवामान विषयक कृतीशील भूमिका अधोरेखित करतो. शासन, उद्योग, वित्त, तज्ज्ञ आणि युवक यांना एकत्र आणून महाराष्ट्र स्वच्छ, सुरक्षित व शाश्वत भविष्य घडवण्यासाठी सज्ज असल्याचा स्पष्ट संदेश याद्वारे जाईल.”

प्रोजेक्ट मुंबईचे संस्थापक व मुख्य कार्यकारी अधिकारी शिशिर जोशी म्हणाले, “मुंबईची जिद्द आणि कल्पकता हवामान संकटांसमोर ठामपणे उभी राहील. नागरिकांच्या सहभागातून उभा राहणारा हा भारतातील पहिला व्यापक हवामान चळवळीचा प्रयोग ठरणार आहे.”

विविध परिसंवाद, इनोव्हेशन चॅलेंज, युवक हरित नवकल्पना स्पर्धा

मुंबई क्लायमेट वीकच्या मुख्य हबमध्ये नेतृत्व संवाद, विविध परिसंवाद, इनोव्हेशन चॅलेंज, युवक हरित नवकल्पना स्पर्धा आणि उपाययोजना प्रदर्शन भरवले जाणार आहे. पहिल्या दिवशी प्रिन्स विल्यम यांच्या संकल्पनेतील अर्थशॉट प्राईज सादरीकरणाचा विशेष कार्यक्रम होणार असून, निसर्ग, अन्नप्रणाली व लोककेंद्रित उपायांवर भर असेल. या उपक्रमात अंतराळवीर राकेश शर्मा आणि शुभांशु शुक्ला विद्यार्थ्यांशी संवाद साधून विज्ञान, अवकाश आणि हवामान जबाबदारी यावर मार्गदर्शन करणार आहेत.

कार्यक्रमाची मांडणी अन्नप्रणाली, ऊर्जा संक्रमण आणि शहरी शाश्वतता या तीन स्तंभांवर आधारित आहे. नवकल्पनांना चालना देण्यासाठी ‘एनएसई’च्या सहकार्याने इनोव्हेशन चॅलेंज आयोजित करण्यात आले असून अंतिम फेरीत निवडलेल्या कल्पनांना धोरणकर्ते व गुंतवणूकदारांसमोर सादरीकरणाची संधी मिळणार आहे.

मुंबई शहरात विविध ठिकाणी सार्वजनिक व्याख्याने, चित्रपट प्रदर्शन, कला-संस्कृती कार्यक्रम आणि नागरिक कार्यशाळांद्वारे हवामान कृती लोकाभिमुख करण्यात येणार आहे. प्रदर्शन क्षेत्रात स्टार्टअप, उद्योग, विद्यापीठे आणि स्वयंसेवी संस्था प्रत्यक्ष उपाययोजना मांडतील, असे आयोजकांनी कळविले आहे. आयडीएफसी फर्स्ट बँक या कार्यक्रमाचा प्रमुख भागीदार असून डेलॉइट धोरणात्मक ज्ञान भागीदार आहे. टीआयएसएस व आयआयटी मुंबई शैक्षणिक भागीदार आहेत. या मंचातून नागरिकांना कविता, कथा, गीत आणि अनुभवांच्या माध्यमातून हवामान बदलावरील मते मांडण्याची संधी मिळणार आहे. युनिसेफच्या यु वाह उपक्रमाद्वारे युवक नेतृत्वाला चालना दिली जाणार आहे.

या उपक्रमात 30 हून अधिक देशांतील प्रतिनिधी, केंद्र-राज्य शासनाचे प्रतिनिधी, वित्त संस्था, उद्योग, सामाजिक क्षेत्र व अकादमिक जगतातील प्रतिनिधी सहभागी होणार आहेत.

जागतिक स्तरावरील हिलरी क्लिंटन, बिल गेट्स, राजीव शाह (रॉकफेलर फाउंडेशन), आयएफसीचे इमाद फखुरी, क्रिकेटपटू सचिन तेंडुलकर, यांसारखे आंतरराष्ट्रीय मान्यवर या उपक्रमात सहभागी होणार आहेत. तसेच मुख्यमंत्री देवेंद्र फडणवीस, केंद्रीय पर्यावरण मंत्री भूपेंद्र यादव, परराष्ट्र मंत्री एस. जयशंकर, ऊर्जा मंत्री प्रल्हाद जोशी, उद्योग मंत्री पियूष गोयल यांसह विविध राज्यांचे नेते, उद्योग व वित्त क्षेत्रातून जमशेद गोदरेज, नादिर गोदरेज, अमित चंद्रा, व्ही. वैद्यनाथन, स्वयंसेवी संस्था व संशोधन क्षेत्रातून रोहिणी निलेकणी, सौम्या स्वामीनाथन, मृदुला रमेश आणि पर्यावरण विषयावर काम करणाऱ्या अभिनेत्री दिया मिर्झा आणि भूमी पेडणेकर या उपक्रमात होणार आहेत.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post देशातील पहिल्या ‘ मुंबई क्लायमेट वीक’चे  दि.17 ते 19 फेब्रुवारी रोजी मुंबईत आयोजन appeared first on पुणे २४ तास.

• दिव्यांग व्यक्ती हक्क अधिनियमाच्या प्रभावी अंमलबजावणीसाठी जिल्हा व उपविभागीय दंडाधिकाऱ्यांना कारवाईचे अधिकार

पुणे 24 तास:-   मुंबई, दि. १३ : दिव्यांग व्यक्तींच्या विरोधात होणारे छळ (Abuse), हिंसाचार (Violence) आणि शोषणाच्या (Exploitation) घटनांवर प्रभावी नियंत्रण आणण्यासाठी तसेच त्यांच्या हक्कांचे आणि सुरक्षिततेचे संरक्षण सुनिश्चित करण्यासाठी दिव्यांग कल्याण विभागामार्फत शासन निर्णय निर्गमित करण्यात आला आहे.

दिव्यांग व्यक्ती हक्क अधिनियम, २०१६ च्या कलम ७ नुसार, दिव्यांग व्यक्तींच्यावरील अत्याचारांविरुद्ध त्वरित आणि प्रभावी कार्यवाही करणे बंधनकारक आहे. त्यानुसार उपविभागीय दंडाधिकारी आणि जिल्हा दंडाधिकारी यांना अशा प्रकरणांवर कायदेशीर तसेच प्रतिबंधात्मक कारवाई करण्याचे अधिकार देण्यात आले आहेत.

राज्यातील सर्व जिल्ह्यांमध्ये या तरतुदींच्या प्रभावी अंमलबजावणीसाठी एकसमान मानक कार्यपद्धती (Standard Operating Procedure – SOP) विकसित करण्यात आली असल्याचे दिव्यांग कल्याण विभागाचे सचिव तुकाराम मुंढे यांनी सांगितले.

सचिव तुकाराम मुंढे म्हणाले, दिव्यांग व्यक्तींच्या विरोधात होणारे छळ, हिंसाचार आणि शोषण रोखणे तसेच पीडितांना न्याय, संरक्षण आणि सन्मान मिळवून देणे ही शासनाची सर्वोच्च प्राथमिकता आहे. या कार्यपद्धतीद्वारे अशा घटनांवरील तक्रारींचे निवारण, तात्काळ कारवाई, संरक्षणात्मक उपाय, वैद्यकीय मदत, पुनर्वसन आणि कायदेशीर सहाय्य यासाठी स्पष्ट दिशा-निर्देश निश्चित केले जातील. यामुळे राज्यभर एकसमान, पारदर्शक आणि परिणामकारक प्रणाली कार्यान्वित होऊन दिव्यांग व्यक्तींच्या सुरक्षेचे आणि सन्मानाचे रक्षण अधिक बळकट होईल, असा शासनाचा उद्देश आहे. दिव्यांग व्यक्ती हक्क अधिनियम, २०१६ च्या कलम ९२ नुसार, दिव्यांग व्यक्तींच्या विरोधात होणाऱ्या छळ (Abuse), हिंसाचार (Violence) आणि शोषण (Exploitation) करणाऱ्या व्यक्तींना किमान सहा महिने आणि कमाल पाच वर्षे कारावासाची शिक्षा तसेच दंडाची तरतूद असल्याचे त्यांनी यावेळी सांगितले.

सक्षम प्राधिकारींची भूमिका

उपविभागीय दंडाधिकारी आणि जिल्हा दंडाधिकारी हे दिव्यांग व्यक्तींवरील छळ, हिंसाचार आणि शोषणाच्या घटनांची दखल घेऊन त्वरित प्रतिबंधात्मक पावले उचलतील. तसेच पिडीत व्यक्तीचे संरक्षण, वैद्यकीय मदत आणि पुनर्वसन यासाठी आवश्यक मदत करतील. अशा घटना टाळण्यासाठी आवश्यक प्रतिबंधात्मक उपाययोजना करणे ही त्यांची जबाबदारी असेल.

तक्रारींची कार्यवाही प्रक्रिया

दिव्यांग व्यक्ती किंवा त्यांचे प्रतिनिधी पोलीस ठाण्यात तक्रार दाखल करू शकतात. पोलिसांकडून ही तक्रार संबंधित उपविभागीय किंवा जिल्हा दंडाधिकाऱ्यांकडे पाठवली जाईल. दंडाधिकारी दिव्यांग व्यक्ती हक्क अधिनियम, 2016 आणि फौजदारी प्रक्रिया संहिता, 1973 च्या तरतुदीनुसार कार्यवाही करतील. आवश्यक असल्यास, दंडाधिकारी स्वतःहून (Suo Moto) कारवाईही सुरू करू शकतात.

कारवाईची व्याप्ती

तक्रार प्राप्त झाल्यानंतर दंडाधिकारी त्वरित प्रतिबंधात्मक आणि संरक्षणात्मक उपाययोजना करतील. पिडीतास सुरक्षा, वैद्यकीय मदत व पुनर्वसन सुविधा देण्याचे निर्देश पोलिस तसेच प्रशासनाला देतील.

अहवाल सादरीकरणाची प्रक्रिया

प्रत्येक जिल्ह्यातील पोलीस आयुक्त, पोलीस अधीक्षक, उपविभागीय दंडाधिकारी आणि जिल्हा दंडाधिकारी यांनी दिव्यांगत्व समितीला मासिक अहवाल सादर करणे आवश्यक आहे. जिल्हा दिव्यांगत्व समितीचा एकत्रित अहवाल प्रत्येक महिन्याला राज्य दिव्यांग आयुक्तांकडे पाठविला जाईल. राज्य दिव्यांग आयुक्त तिमाही आढावा घेऊन शासनास अहवाल सादर करतील. हा शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आलेला असून त्याचा संगणक संकेतांक क्रमांक २०२५१११३१६०७५५०२३५ आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post राज्यात एकसमान मानक कार्यपद्धती विकसित – सचिव तुकाराम मुंढे appeared first on पुणे २४ तास.

अपघातानंतर काही मिनिटांतच महावीर हॉस्पिटल, कामशेत येथे जखमींना दाखल करण्यात आले. शासनाच्या आपत्कालीन उपचार आदेश (ETI) प्रक्रियेच्या माध्यमातून तत्काळ शस्त्रक्रिया, औषधोपचार आणि आवश्यक वैद्यकीय सेवा सुरू करण्यात आल्या. यामुळे कोणत्याही रुग्णाला आर्थिक अडचणींचा सामना करावा लागला नाही.

राज्य सरकार आणि केंद्र सरकारच्या आरोग्य योजनांचा लाभ मिळाल्याने रुग्ण आणि त्यांच्या कुटुंबियांना मोठा दिलासा मिळाला आहे. उपचार, औषधे आणि रुग्णालयीन सेवा या सर्व सुविधा शासनाच्या सहाय्याने पूर्णपणे विनामूल्य पुरविण्यात येत आहेत.

या प्रसंगी आरोग्य विभागाने दाखवलेली संवेदनशीलता “आरोग्य हक्क — सर्वांसाठी!” या शासनाच्या ध्येयाला प्रत्यक्ष कृतीत उतरवणारी ठरली आहे. शासनाच्या आरोग्य योजनांमुळे ग्रामीण आणि वारकरी समाजालाही अत्याधुनिक उपचार सेवा सहज उपलब्ध होत असल्याचे या घटनेतून अधोरेखित झाले.

महावीर हॉस्पिटल प्रशासन, स्थानिक पोलीस आणि आरोग्य विभागाने समन्वयातून काम करत सर्व जखमींना तातडीने सेवा उपलब्ध करून दिली. शासनाकडून आवश्यक सुविधा, औषधांचा पुरवठा आणि सर्वतोपरी मदत पुरविण्यात आली आहे.

या घटनेतून शासनाच्या आरोग्य यंत्रणेची कार्यक्षमता आणि सर्वसामान्य नागरिकांच्या आरोग्य सुरक्षिततेबद्दलची बांधिलकी पुन्हा एकदा दृढ झाली आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post कामशेत अपघातानंतर आरोग्य यंत्रणेची तत्परता कौतुकास्पद ; आरोग्य योजनांमुळे वारकऱ्यांना तत्काळ आणि विनामूल्य उपचार appeared first on पुणे २४ तास.

पुणे 24 तास :- दि. 12 नोव्हेंबर 2025 : जिल्हा परिषदेचे मुख्य कार्यकारी अधिकारी गजानन पाटील यांच्या अध्यक्षतेखाली कुष्ठरोग निर्मूलनाची महात्मा गांधी सभागृह,जिल्हा परिषद येथे संपन्न झाली. यावेळी जिल्हा आरोग्य अधिकारी जिल्हा डॉ. रामचंद्र हंकारे, अतिरिक्त जिल्हा आरोग्य अधिकारी डॉ. वंदना वसावे जिल्हा सहाय्यक संचालक कुष्ठरोग डॉ. भाग्यश्री पाटील, पिंपरी चिंचवड महानगरपालिकेचे वैद्यकीय अधिकारी उपस्थित होते.

पाटील म्हणाले, कुष्ठरोग प्रसाराची साखळी खंडीत करण्याकरिता घरोघरी येणाऱ्या पथकास नागरिकांनी सहकार्य करावे. करणेस सहकार्य करावे. कुष्ठरोग आजार हा सूचिबद्ध झाल्याने खासगी वैद्यकीय व्यवसाय करणाऱ्यांनी याची नोंद शासकीय जिल्हा स्तरीय आरोग्य संस्थेत करणे बंधनकारक आहे, असेही पाटील म्हणाले.

गजानन पाटील, मुख्य कार्यकारी अधिकारी, पुणे जिल्हा परिषद:

राष्ट्रीय कुष्ठरोग निर्मूलन कार्यक्रम अंतर्गत 17 नोव्हेंबर ते 2 डिसेंबर 2025 या कालावधीत सर्व ग्रामीण व ठराविक शहरी भागात “कुष्ठ रुग्ण शोध मोहीम” राबविण्यात येणार आहे. निदान झालेल्या रुग्णांना आवश्यक औषधोपचार आणि आरोग्यसेवा उपलब्ध करून दिली जाणार आहे. सर्व वैद्यकीय महाविद्यालये, डॉक्टर आणि आरोग्य संस्था यांनी कुष्ठरोग प्रतिबंध व उपचार मोहिमेत सक्रिय सहभाग नोंदवावा.तरी जास्तीत जास्त नागरिकांनी या सुवर्ण संधीचा अवश्य लाभ घ्यावा असे आवाहन केले.

डॉ. रामचंद्र हंकारे, जिल्हा आरोग्य अधिकारी:

कुष्ठरोग हा एक संसर्गजन्य आजार असून योग्य वेळी निदान आणि नियमित औषधोपचार केल्यास तो पूर्णपणे बरा होतो. परंतु उपचारात विलंब झाल्यास शरीरावर विकृती, दिव्यांगत्व निर्माण होऊ शकतो. राज्य शासनाने पुढील तीन वर्षांत “कुष्ठरोगमुक्त महाराष्ट्र” हे ध्येय साध्य करण्याचे लक्ष्य ठेवले आहे. कुष्ठरोगाचे निदान झालेल्या सर्व रुग्णांची नोंद करणे आणि ती संबंधित आरोग्य अधिकाऱ्यांना अहवाल स्वरूपात सादर करणे सर्व शासकीय व खाजगी वैद्यकीय संस्थांना बंधनकारक राहील.या मोहिमेमध्ये सर्व नागरिकांनी सक्रीय सहभाग नोंदवावा असे आवाहन करतो.

डॉ भाग्यश्री पाटील, सहाय्यक संचालक कुष्ठरोग:

महाराष्ट्र शासनाच्या सार्वजनिक आरोग्य विभागामार्फत 30 ऑक्टोबर 2025 रोजी प्रसिद्ध करण्यात आलेल्या अधिसूचनेनुसार “कुष्ठरोग” हा आजार राज्यातील अधिसूचित आजार म्हणून घोषित करण्यात आला आहे. हा निर्णय राज्य शासनाने “कुष्ठरोग निर्मूलन” या उद्दिष्टाच्या दिशेने घेतलेले एक महत्त्वाचे पाऊल मानले जात आहे. संक्रमणाच्या प्रतिबंधासाठी निकट संपर्कातील व्यक्तींना केमोपोफिलॅक्सिस देण्याची सोय करण्यात येणार आहे.औषध-प्रतिरोधक कुष्ठरोग रुग्णांच्या निदान व व्यवस्थापनासाठी विशेष सहाय्य उपलब्ध करून दिले जाणार आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post कुष्ठरोग निर्मूलन समन्वय बैठक संपन्न appeared first on पुणे २४ तास.

भारताचे लोहपुरुष सरदार वल्लभभाई पटेल यांच्या स्मृतिनिमित्त ‘भ्रातृमंडळ, पुणे’तर्फे वारजे येथे आयोजित करण्यात आलेले रक्तदान व मोफत आरोग्य तपासणी शिबिर  यशस्वीरित्या पार पडले. रविवारी, १२ ऑक्टोबर २०२५ रोजी सकाळी ८ ते दुपारी १ या वेळेत झालेल्या या शिबिरात मोठ्या संख्येने नागरिकांनी सहभाग घेतला.या शिबिरात एकूण ९५ रक्तदात्यांनी रक्तदान करून समाजसेवेचा आदर्श उभारला.  शिबिरादरम्यान नागरिकांसाठी मोफत आरोग्य तपासणीचेही आयोजन करण्यात आले होते. डॉ. आशुतोष पाटील आणि त्यांच्या सहकाऱ्यांकडून नेत्रतपासणी करण्यात आली, तर डॉ. सुरेंद्र पाटील यांच्या मार्गदर्शनाखाली अस्थिरोग व बीएमडी (हाडांची घनता) तपासणी करण्यात आली.

यावेळी मंडळाचे सचिव नरेंद्र महाजन, खजिनदार जितेंद्र भारंबे, माजी अध्यक्ष रविन्द्र चौधरी, डॉ. सुरेंद्र पाटील,डॉ. योगेश नारखेडे, डॉ. आशुतोष पाटील, कार्यकारिणी सदस्य चंद्रकांत नेमाडे, आरती टोके, प्रतिभा राणे, मुरली खर्चे, सुशील नारखेडे व अनेक रक्तदाते उपस्थित होते.यासाठी ससून रक्त सेवा केंद्राचे अधीक्षक (वैद्यकीय) शरद देसले व तेथील डॉक्टरांचे  उत्तम सहकार्य लाभले. याच वेळी आयोजित अस्थिरोग व हाडांची घनता तपासणीचा १०० लोकांनी व नेत्र तपासणीचा ८० लोकांनी लाभ घेतला. रक्तदात्यांसाठी नाश्ता आणि स्नेहभोजनाची व्यवस्था करण्यात आली होती.

भ्रातृमंडळाचे पदाधिकारी आणि स्वयंसेवकांनी शिबिर यशस्वी करण्यासाठी मोठे योगदान दिले. या उपक्रमाचा उद्देश समाजात आरोग्यजागरूकता वाढवणे आणि रक्तदानाच्या माध्यमातून जीवनदायी संवेदना निर्माण करणे हा असल्याचे संस्थेच्या प्रतिनिधींनी सांगितले.या सामाजिक उपक्रमास वारजे परिसरातील नागरिकांचा उत्स्फूर्त प्रतिसाद लाभला असून, भविष्यातही अशा उपक्रमांचे आयोजन नियमितपणे करण्यात येईल, असे भ्रातृमंडळ, पुणे तर्फे कळविण्यात आले.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post रक्तदान करून सरदार पटेल स्मृतिदिन साजरा …….. ‘भ्रातृमंडळ, पुणे’तर्फे रक्तदान व मोफत आरोग्य तपासणी शिबिर यशस्वी appeared first on पुणे २४ तास.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post 13 सर्वोत्कृष्ट बंगाली पाककृती | सुलभ बंगाली पाककृती appeared first on पुणे २४ तास.