रावसाहेब ढावरे यांची अखिल भारतीय मातंग विद्यार्थी परिषदेच्या पुणे शहर अध्यक्षपदी निवड

पुणे : अखिल भारतीय मातंग विद्यार्थी परिषद (ABMVP) ही मातंग समाजातील विद्यार्थ्यांच्या सर्वांगीण विकासासाठी कार्यरत असलेली संघटना असून, विद्यार्थ्यांच्या विविध समस्या, राष्ट्रहित आणि शैक्षणिक विकासासाठी संघटनेच्या माध्यमातून सातत्याने काम केले जाते.

राजू रावसाहेब ढावरे यांच्या नेतृत्वगुणांसह संघटन कौशल्य आणि मातंग समाजातील विद्यार्थ्यांसाठी काम करण्याची असलेली भावना लक्षात घेऊन त्यांची अखिल भारतीय मातंग विद्यार्थी परिषदेच्या पुणे शहर अध्यक्षपदी निवड करण्यात आली.

या निवडीचे पत्र सावित्रीबाई फुले पुणे विद्यापीठात विद्यापीठाचे सिनेट सदस्य विनोद  लोखंडे यांच्या हस्ते राजू रावसाहेब ढावरे यांना प्रदान करण्यात आले.

यावेळी अखिल भारतीय मातंग विद्यार्थी परिषदेचे संस्थापक अध्यक्ष विनोद राम शिंदे, लहुजी छावा संघटनेचे संस्थापक अध्यक्ष सचिन इंगळे, सावित्रीबाई फुले पुणे विद्यापीठाच्या व्यवस्थापन परिषदेचे सदस्य रवींद्र शिंगणापूरकर, देविदास वायदंडे, प्रा. सचिन पवार, श्री. माजिरे, राजेंद्र भोईवार, सुजित थोरात, सागर भडकुंभे, शेखर बुलाखे, सचिन साठे, विनोद ढावरे, अमोल गायकवाड, संतोष बावस्कर आदी मान्यवर उपस्थित होते.

उपस्थित मान्यवरांनी राजू रावसाहेब ढावरे यांचे अभिनंदन करून त्यांच्या पुढील सामाजिक आणि शैक्षणिक कार्यासाठी शुभेच्छा दिल्या. विद्यार्थ्यांच्या प्रश्नांना प्राधान्य देत संघटनेच्या माध्यमातून अधिक प्रभावीपणे काम करण्याचा विश्वास यावेळी व्यक्त करण्यात आला.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post विद्यार्थ्यांच्या शैक्षणिक व सामाजिक प्रश्नांसाठी प्रभावीपणे काम करण्याची जबाबदारी; सावित्रीबाई फुले पुणे विद्यापीठात मान्यवरांच्या उपस्थितीत निवडीचे पत्र प्रदान appeared first on पुणे २४ तास.

मोहिनी मोहिते, संपादक

भोर : शिव मल्हार गड संस्थान, भोर आणि वाघ्या-मुरळी परिषद, महाराष्ट्र राज्य यांच्या संयुक्त विद्यमाने संस्थेच्या वर्धापन दिनानिमित्त तसेच शिव मल्हार गडाचे महंत व वाघ्या-मुरळी परिषदेचे संस्थापक-अध्यक्ष प्रा. मार्तंड साठे सर यांच्या जन्मोत्सवानिमित्त विविध क्षेत्रात उल्लेखनीय कार्य करणाऱ्या मान्यवरांचा पुरस्कार वितरण व सन्मान सोहळा आयोजित करण्यात आला आहे.

हा कार्यक्रम रविवार, 21 ऑगस्ट 2026 रोजी सायंकाळी 6 वाजता शिव मल्हार गड, भोर, जि. पुणे येथे होणार आहे. कार्यक्रमाचे अध्यक्षस्थान प्रा. मार्तंड साठे सर भूषविणार आहेत.

या सोहळ्यात विविध क्षेत्रात उल्लेखनीय कार्य करणाऱ्या मान्यवरांना प्रमुख सत्कारमूर्ती पुरस्कार देऊन गौरविण्यात येणार आहे.

सत्कारमूर्ती

ह.भ.प सोहंम महाराज देहूकर तुकाराम महाराज यांचे अकरावे वंशज – युवा किर्तन रत्न समाज भूषण जीवनगौरव, ज्ञानेश्वर उर्फ माऊली कृष्णात मगर – कृषिरत्न समाजभूषण जीवनगौरव, डॉ. राजेंद्र सर्जेराव मगर – साहित्यरत्न समाजभूषण जीवनगौरव, ह.भ.प सुभाष रामचंद्र साठे – जनतेतून सरपंच निमगाव मगर वारकरी रत्न समाजभूषण जीवनगौरव, विक्रम हनुमंत मगर – वक्तृत्व कला समाजभूषण जीवनगौरव, ह.भ.प प्रवीण महाराज लोखंडे – शिव मल्हार वारकरी कीर्तन रत्न समाजभूषण जीवनगौरव, मकरंद नागनाथ साठे – झुंजार पत्रकार समाजभूषण जीवनगौरव, मोहिनी मोहिते – झुंजार पत्रकार समाज भूषण जीवनगौरव, योगेश जाधव – झुंजार पत्रकार समाज भूषण जीवनगौरव, संतोष साठे – आदर्श निवेदक जीवनगौरव पुरस्कार, सचिन रणदिवे – झुंजार पत्रकार समाजभूषण जीवनगौरव

तसेच या सोहळ्यात ‘कलारत्न कला भूषण जीवनगौरव पुरस्कार’ देखील प्रदान करण्यात येणार आहेत.

कलारत्न कला भूषण जीवनगौरव पुरस्कार नावे 

अविनाश लक्ष्मण पवार, सोमनाथ सीताराम नांगरे पाटील, महेंद्र विश्राम गुरव, चंद्रभान महादजी सोन्नर (रामचंद्र वाघे), ह.भ.प. समाधान संदीपान नाडकर (समाधान माय महाराज), दादासाहेब रामभाऊ जगताप, राजेंद्र सुखदेव घोलप, संदीप सदाशिव सीताफळे, मायादेवी दिगंबर बाने, रोहन कुमार जाधव, दौलतराव भाऊराव सावळे पाटील, नाथाभाऊ बाबुराव गाडेकर, शिवाजी गोविंद शिंदे, बाबुराव नारायण खाताळ, प्रकाश माने वाळे खिंडीकर आणि सुभाष कोरेगावकर यांचा गौरव करण्यात येणार आहे.

कार्यक्रमाला मार्तंड देवस्थान पाली मुख्य मानकरी देवराजदादा पाटील, मार्तंड देवस्थान जेजुरी प्रमुख विश्वस्त मा. अध्यक्ष मंगेश घोणे, मा. गृहराज्यमंत्री रमेश बागवे, भाजपा उपाध्यक्ष महा. राज्य केशवराव उपाध्याय, भारतीय राष्ट्रीय काँग्रेस पंजाब राज्य प्रभारी रवींद्र दळवी, आमदार अमित गोरखे, मार्तंड देवस्थान जेजुरी अध्यक्ष ऍड विश्वासराव पानसे, माळशिरस तालुका सभापती दत्ताभैय्या रावसाहेब मगर, शिंदे शिवसेना समन्वयक महा. राज्य ॲड वैजनाथ वाघमारे यांच्यासह विविध क्षेत्रातील मान्यवर उपस्थित राहणार आहेत.

वाघ्या-मुरळी परिषद, महाराष्ट्र राज्याचे पदाधिकारी, कार्यकर्ते, समाजबांधव, मल्हार भक्त आणि हितचिंतकांनी मोठ्या संख्येने उपस्थित राहून कार्यक्रमाची शोभा वाढवावी, असे आवाहन आयोजकांकडून करण्यात आले आहे.

स्थळ : शिव मल्हार गड, भोर, जि. पुणे

दिनांक : 21 ऑगस्ट 2026

वेळ : सायंकाळी 6 वाजता

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post वाघ्या-मुरळी परिषदेतर्फे 21 ऑगस्टला पुरस्कार वितरण सोहळा appeared first on पुणे २४ तास.

मोहिनी मोहिते, संपादक

भोर : अनुसूचित जातीतील ‘अ, ब, क, ड’ उपवर्गीकरण त्वरित जाहीर व्हावे, या मागणीसाठी मातंग समाज समन्वय समिती, महाराष्ट्र राज्याच्या वतीने अण्णाभाऊ साठे जयंती उत्सवानिमित्त भव्य राज्यस्तरीय नियोजन बैठक आयोजित करण्यात आली आहे. ही बैठक शुक्रवार, २१ ऑगस्ट २०२६ रोजी दुपारी १२ ते सायंकाळी ५ वाजेपर्यंत शिव मल्हार संस्थान, भोर, जिल्हा पुणे येथे होणार आहे.

बैठकीच्या अध्यक्षस्थानी मातंग समाज समन्वय समितीचे राज्य सल्लागार मा. प्रा. मार्तंड साठे राहणार आहेत.

आयोजक व प्रमुख उपस्थिती

बैठकीचे आयोजन मातंग समाज समन्वय समिती महाराष्ट्र राज्य यांच्या वतीने करण्यात आले आहे.

बैठकीस संस्थापक अध्यक्ष संजय बोदडे, महासचिव आत्माराम सुतार, प्रदेशाध्यक्ष डॉ. जे. जे. मानकर आणि कार्याध्यक्ष दिलीपदादा तुपे यांची प्रमुख उपस्थिती राहणार आहे.

सत्कारमूर्ती

बैठकीत  आमदार अमित गोरखे  – विधान परिषद सदस्य तसेच  पंजाब काँग्रेस प्रभारी रवींद्र दळवी यांचा सत्कार करण्यात येणार आहे.

यावेळी  प्रमुख अतिथी म्हणून माजी गृहराज्यमंत्री रमेश बागवे, पुणे ज्येष्ठ नेते शंकर तडाखे, ज्येष्ठ नेते अण्णा धगाटे, माजी नगरसेवक तसेच मातंग एकता आंदोलनचे कार्याध्यक्ष अविनाश बागवे, ज्येष्ठ नेते धुळे मधुकरराव मरसाळे, महाराष्ट्र राज्य प्रवक्ता संघटक योगेश सोनोने आदी उपस्थित राहणार आहेत.

तसेच महाराष्ट्र राज्यातील मातंग समाज समन्वय समिती पदाधिकारी कायदेशीर सल्लागार ऍड चंद्रकांत बोदडे, महिला आघाडी कार्याध्यक्ष सई नृपनारायण, उपाध्यक्ष मच्छिंद्र पुंड, उपाध्यक्ष डॉ. चंद्रशेखर गायकवाड, विदर्भ सल्लागार महादेवराव जाधव, उत्तर महासल्लागार बाळासाहेब शिरसाट, राजीव उपाध्यक्ष शहादेवराव खंडारे, गजाननराव करडे – राज्य उपाध्यक्ष, ॲड. राजेश दाभाडे – राज्य सदस्य, संतोष कसबे – पश्चिम महाराष्ट्र अध्यक्ष, रामदास दाभाडे – प्रवक्ता, सुभाष अन्ना पुरकर – मराठवाडा अध्यक्ष, कृष्णा लोंढे – अध्यक्ष सोशल मीडिया, डॉ. सागर दुतोंडे – सचिव, अनिल कसबे – राज्य उपाध्यक्ष, सदाशिव कांबळे – सांगली, संजय खंडारे – अमरावती, नाना साठे – बीड, दीपक बिरांजे – कोल्हापूर, विकास साबळे – औरंगाबाद आणि रवींद्र दळवी – कोल्हापूर, मनोज लोखंडे – उत्तर मुंबई, प्रकाश बोदडे – बुलढाणा, बालाजी करंडकर – नांदेड, डॉ. सचिन धुरदैव – अकोला, जिओ तायडे – बुलढाणा, नामदेवराव चांदणे – अहिल्यानगर, खंडोजी गोणे – लातूर, माधव पवार – नांदेड, दयानंद सुरोसे – यवतमाळ, डॉ. अमोल रणदिवे – सोलापूर, अक्षय साबळे – पुणे, फकिरा खंडारे – बुलढाणा आणि युवराज पोळ – धाराशिव, राघवेंद्र गायकवाड – नंदुरबार, सुनील अंभोरे – अकोला, डॉ. कैलास भिसे – ठाणे, दिलीप नेमाडे – संभाजीनगर, प्रताप जाधव – परभणी, दिलीप कांबळे – जालना, सागर सुरवकर – बुलढाणा, राजेश अवचार – अकोला, तानाजी अवघडे – पुणे, नितीन साठे – उपाध्यक्ष, आशिष नामवाड – चंद्रपूर आणि सचिन चांदणे – धुळे, दिलीप मस्के– रायगड, दीपक जाधव  – गडचिरोली, प्रशांत डोंगरे– भंडारा, रंगनाथ कुचेकर – नाशिक, डॉ. अशोक तायडे– बुलढाणा, राजकुमार बोराडे – सोलापूर, संतोष निकाळजे– बुलढाणा, नामदेवराव जाधव – मुंबई प्रदेश अध्यक्ष, बाळासाहेब गायकवाड – अमरावती, उमेश अवसरे – गोदिया, अनिल खंडारे– हिंगोली, राजेश शेंडे – भंडारा आणि पुरुषोत्तम वाघमारे – अकोला यांच्यासह अन्य पदाधिकारी उपस्थित राहणार आहेत.

बैठकीस राज्यातील समितीचे  विविध जिल्ह्यांतील पदाधिकारी व कार्यकर्त्यांचीही मोठ्या संख्येने उपस्थिती राहणार आहे.

मातंग समाजाच्या विविध प्रश्नांवर राज्यस्तरावर संघटनात्मक भूमिका निश्चित करण्यासाठी ही बैठक महत्त्वपूर्ण ठरणार आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post ‘अ, ब, क, ड’ उपवर्गीकरणासाठी भोरमध्ये राज्यस्तरीय नियोजन बैठक appeared first on पुणे २४ तास.

न्याती ग्रुपतर्फे स्वातंत्र्यदिनानिमित्त आयोजन 

मोहिनी मोहिते, संपादक

पुणे :   देशाच्या संरक्षणासाठी आयुष्याची अनेक वर्षे समर्पित करणाऱ्या आजी-माजी सैनिकांच्या शौर्याला आणि देशसेवेला कृतज्ञतेची सलामी देत न्याती ग्रुपच्या वतीने आयोजित  ‘स्वाभिमान नाईट’ उत्साह, अभिमान आणि भावनेने रंगली. या सोहळ्यात ७५० हून अधिक आजी-माजी सैनिक, संरक्षण दलातील अधिकारी आणि त्यांच्या कुटुंबीयांनी सहभाग घेतला.

फोटो ओळ ः गायक अमित कुमार यांचा पुणेरी पगडी घालून सत्‍कार करताना न्याती ग्रुपचे संचालक हरिश श्रॉफ

७५० हून अधिक आजी-माजी सैनिक, अधिकारी, कुटुंबीयांचा सहभाग

कार्यक्रमाचे प्रमुख आकर्षण ठरले ते सुप्रसिद्ध गायक अमित कुमार यांचे ‘लाईव्ह इन कॉन्सर्ट’. अमित कुमार यांच्या सदाबहार गीतांनी  किशोर कुमार यांच्या जुन्या आठवणींना उजाळा मिळाला. त्यांच्या सुरांवर उपस्थितांनी उत्स्फूर्त दाद देत संगीताचा मनमुराद आनंद लुटला.

न्याती ग्रुपचे संचालक हरिश श्रॉफ म्हणाले, “भारतीय सैनिकांनी देशासाठी केलेल्या त्यागाला कोणतीही किंमत देता येणार नाही. ‘स्वाभिमान नाईट’ हा केवळ मनोरंजनाचा कार्यक्रम नसून, आजी-माजी सैनिकांच्या शौर्याला आणि देशसेवेला मनापासून सलाम करण्याचा आमचा प्रयत्न आहे.”

दरम्यान सीमेवर देशाचे रक्षण करताना कुटुंबापासून दूर राहून कर्तव्य बजावणाऱ्या सैनिकांच्या त्यागाची आठवण या कार्यक्रमातून करून देण्यात आली. देशसेवेनंतरही त्यांच्या योगदानाचा समाजाला विसर पडू नये आणि त्यांच्या शौर्याप्रती कृतज्ञता व्यक्त व्हावी, या उद्देशाने कार्यक्रमाचे आयोजन करण्यात आले होते.

यावेळी आजी-माजी सैनिक आणि त्यांच्या कुटुंबीयांचा विशेष सन्मान करण्यात आला.

यावेळी कार्यक्रमाचे संयोजनात कमांडर संजीव कृष्णा देशपांडे (निवृत्त), पल्लवी शेंडगे, स्वप्नील नेहरकर यांनी सहभाग घेतला

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post आयुष्याची अनेक वर्षे समर्पित करणाऱ्या आजी-माजी सैनिकांच्या शौर्याला सलामी.. अमित कुमार यांच्या सुरांनी रंगली अविस्मरणीय मैफल appeared first on पुणे २४ तास.

पुणे, 12 ऑगस्ट 2026 : खडक पोलीस ठाण्यात दाखल झालेल्या गुन्ह्याप्रकरणी पास्टर पंकज जेम्स देवनूर यांना पुणे येथील अतिरिक्त सत्र न्यायालयाने अंतरिम अटकपूर्व जामीन मंजूर केला आहे. अतिरिक्त सत्र न्यायाधीश अनिरुद्ध सुभाष गांधी यांनी 12 ऑगस्ट 2026 रोजी हा आदेश दिला.

पंकज देवनूर यांच्याविरोधात महाराष्ट्र धर्मस्वातंत्र्य अधिनियम, 2026 मधील कलम 3(1)(A)(III)(V)(VIII), 9(1), 11(1)(2) तसेच Immigration and Foreigners Act, 2025 मधील कलम 23(b) अंतर्गत गुन्हा दाखल करण्यात आला होता.

फिर्यादीनुसार, 8 ऑगस्ट रोजी पवित्रानम देवालय, गुरुवार पेठ, पुणे येथे आयोजित कार्यक्रमात देवनूर यांनी ख्रिश्चन धर्मावर व्याख्यान दिल्याचा आरोप करण्यात आला. मात्र, न्यायालयाने उपलब्ध कागदपत्रे आणि कार्यक्रमाची माहिती पाहता हा कार्यक्रम चर्चच्या 141व्या वर्धापन दिनानिमित्त आयोजित सांस्कृतिक कार्यक्रम असल्याचे प्रथमदर्शनी नमूद केले.

न्यायालयाने असेही निरीक्षण नोंदवले की, कार्यक्रमात इतर धर्मातील व्यक्तींना धर्मांतर करण्याच्या उद्देशाने बोलावण्यात आल्याचे प्रथमदर्शनी दिसून येत नाही. त्यामुळे महाराष्ट्र धर्मस्वातंत्र्य अधिनियमातील संबंधित कलमांची आवश्यक बाब प्रथमदर्शनी पूर्ण झालेली दिसत नसल्याचे न्यायालयाने नमूद केले.

न्यायालयाच्या आदेशानुसार, अटक झाल्यास पंकज देवनूर यांची ₹1 लाखांच्या वैयक्तिक जातमुचलक्यावर आणि समान रकमेच्या जामिनावर सुटका करण्यात येणार आहे. तसेच त्यांनी सोमवार, बुधवार आणि शुक्रवार या दिवशी सकाळी 10 ते दुपारी 1 या वेळेत संबंधित पोलीस ठाण्यात हजेरी लावायची आहे.

याशिवाय, न्यायालयाच्या पूर्वपरवानगीशिवाय भारताबाहेर जाता येणार नाही आणि प्रकरणाशी संबंधित व्यक्तींवर दबाव, धमकी किंवा प्रलोभन आणता येणार नाही, अशा अटीही न्यायालयाने घातल्या आहेत. मुख्य अर्जावर निर्णय होईपर्यंत हा अंतरिम अटकपूर्व जामीन लागू राहणार आहे.

जामिनासाठी रिपाई ख्रिश्चन आघाडीचा पाठपुरावा

या प्रकरणात रिपब्लिकन पार्टी ऑफ इंडिया (रिपाई) ख्रिश्चन आघाडीचे ख्रिस्तोफर राजमनी यांनी सुरुवातीपासून पाठपुरावा केला. गुन्हा दाखल झाल्यापासून ते या प्रकरणावर लक्ष ठेवून असून, संबंधित व्यक्तीला योग्य न्याय मिळावा यासाठी त्यांनी प्रयत्न केले. पंकज जेम्स देवनूर यांना अंतरिम अटकपूर्व जामीन मिळवून देण्यासाठीच्या प्रक्रियेतही राजमनी यांनी पाठपुरावा केला.

न्यायालयाच्या आदेशानुसार  देवनूर यांना अटक झाल्यास ₹1 लाखांच्या वैयक्तिक जातमुचलक्यावर आणि समान रकमेच्या जामिनावर अंतरिम अटकपूर्व जामीन देण्यात आला आहे. या निर्णयाचे स्वागत करताना, प्रकरणात पुढील कायदेशीर प्रक्रिया सुरू असताना न्याय मिळण्यासाठी पाठपुरावा सुरू ठेवणार असल्याचे ख्रिस्तोफर राजमनी यांनी सांगितले.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post पास्टर पंकज जेम्स देवनूर यांना अंतरिम अटकपूर्व जामीन appeared first on पुणे २४ तास.

पुणे : एखाद्या धार्मिक कार्यक्रमावरून गुन्हा दाखल झाल्यानंतर धर्मप्रचार, प्रार्थना आणि धर्मांतर याबाबत कायद्याची नेमकी भूमिका काय आहे, याची चर्चा सुरू झाली आहे. या पार्श्वभूमीवर धर्मप्रचार आणि बेकायदेशीर धर्मांतर यातील फरक समजून घेणे महत्त्वाचे आहे.

भारताच्या संविधानातील कलम 25 प्रत्येक व्यक्तीला आपल्या विवेकानुसार धर्म मानण्याचे, आचरण करण्याचे आणि धार्मिक विचारांचा प्रसार करण्याचे स्वातंत्र्य देते. त्यामुळे प्रार्थना करणे, धार्मिक उपासना करणे किंवा आपल्या धर्मातील विचार इतरांसमोर मांडणे हे केवळ त्या कारणाने गुन्हा ठरत नाही.

यामध्ये ख्रिस्ती धर्मही इतर सर्व धर्मांप्रमाणेच येतो. चर्चमध्ये प्रार्थना करणे, बायबलचे वाचन करणे, धार्मिक संदेश देणे किंवा आपल्या श्रद्धेबद्दल सांगणे याकडे केवळ धर्माच्या आधारावर गुन्हा म्हणून पाहता येत नाही.

मग कायद्याचा आक्षेप नेमका कुठे येतो?

धर्मप्रचार आणि धर्मांतर हे एकच नाही.

एखाद्या व्यक्तीने स्वतःच्या इच्छेने एखादा धर्म स्वीकारला, तर तो वेगळा विषय आहे. मात्र एखाद्याचे धर्मांतर जबरदस्ती, फसवणूक, चुकीचे प्रतिपादन, धमकी, अनुचित प्रभाव किंवा कायद्याने प्रतिबंधित आमिषाच्या माध्यमातून केले जात असल्याचा आरोप असेल, तर त्यावर संबंधित कायद्यांतर्गत कारवाईचा प्रश्न निर्माण होऊ शकतो.

म्हणून एखाद्या धार्मिक कार्यक्रमात “प्रार्थना झाली” किंवा “धर्माचा प्रचार झाला” एवढ्यावरूनच धर्मांतराचा गुन्हा ठरतो, असे म्हणणे योग्य ठरणार नाही.

नव्या महाराष्ट्र कायद्याची पार्श्वभूमी

महाराष्ट्रात धर्मांतरासंदर्भात नवा कायदा लागू झाल्यानंतर या विषयाला अधिक महत्त्व आले आहे. त्यामुळे धार्मिक कार्यक्रम घेणाऱ्या संस्था आणि व्यक्तींनी कायद्यातील तरतुदी समजून घेणे आवश्यक आहे.

त्याचवेळी कायद्याची अंमलबजावणी करताना एखाद्या विशिष्ट धर्माच्या श्रद्धा किंवा धार्मिक प्रथांना लक्ष्य न करता, कायद्यात प्रत्यक्ष प्रतिबंधित असलेल्या कृतींचीच चौकशी होणे अपेक्षित आहे.

ख्रिस्ती समाजाच्या धार्मिक स्वातंत्र्यालाही घटनात्मक संरक्षण

या चर्चेत एक गोष्ट स्पष्ट असणे गरजेचे आहे—ख्रिस्ती समाजाला प्रार्थना करण्याचा, चर्चमध्ये धार्मिक कार्यक्रम घेण्याचा, बायबलचे वाचन करण्याचा आणि आपल्या श्रद्धेबद्दल सांगण्याचा अधिकार आहे.

त्याचप्रमाणे हिंदू, मुस्लिम, शीख, बौद्ध, जैन किंवा इतर कोणत्याही धर्माच्या नागरिकांनाही आपल्या श्रद्धांचे पालन आणि धार्मिक आचरण करण्याचे घटनात्मक स्वातंत्र्य आहे.

त्यामुळे धार्मिक स्वातंत्र्याच्या प्रश्नाकडे “एका धर्माचा विजय आणि दुसऱ्या धर्माचा विरोध” अशा पद्धतीने न पाहता, प्रत्येक नागरिकाच्या धार्मिक स्वातंत्र्याचा आणि कायद्याच्या मर्यादांचा समतोल म्हणून पाहणे आवश्यक आहे.

गुरुवार पेठेतील प्रकरणातही तपास महत्त्वाचा

गुरुवार पेठेतील धार्मिक कार्यक्रमाच्या संदर्भात दाखल झालेल्या FIRमध्ये काही आरोप करण्यात आले आहेत. मात्र त्या आरोपांची सत्यता तपासातून निश्चित होणे बाकी आहे.

कार्यक्रमात नेमके काय सांगण्यात आले, कोणत्या स्वरूपाची प्रार्थना किंवा धार्मिक माहिती देण्यात आली, उपस्थितांची संमती काय होती आणि धर्मांतरासाठी कायद्याने प्रतिबंधित कोणतीही पद्धत वापरली गेली होती का, याची तपासणी झाल्यानंतरच या प्रकरणाचे कायदेशीर स्वरूप स्पष्ट होईल.

धर्मप्रचाराचा अधिकार आणि धर्मांतरावरील कायदेशीर निर्बंध—या दोन्ही गोष्टी एकत्र समजून घेणे आवश्यक आहे. कोणत्याही समाजाच्या धार्मिक भावना दुखावल्या जाणार नाहीत आणि कायद्याचेही उल्लंघन होणार नाही, हीच या चर्चेची मध्यवर्ती भूमिका असायला हवी.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post धर्मप्रचार करणे गुन्हा आहे का? प्रार्थना आणि धर्मस्वातंत्र्याबाबत काय सांगतो कायदा? appeared first on पुणे २४ तास.

पुणे : द बिशप्स स्कूल, उंड्री येथील इयत्ता नववीची विद्यार्थिनी अविस्मा उपेश मर्लेचा हिने जपान येथे आयोजित सैतामा एशियन कप २०२६ मध्ये उल्लेखनीय कामगिरी करत भारताचा गौरव केला आहे. इनलाइन फ्रीस्टाइल क्लासिक स्लॅलम स्केटिंग स्पर्धेत अविस्माने पाचवे स्थान पटकावले.

अविस्मा महर्षी नगर, पुणे येथील शिवशंकर सभागृह येथे प्रशिक्षक प्रफुल चंदणे व अर्चना चंदणे यांच्या मार्गदर्शनाखाली नियमित सराव करते. कठोर मेहनत, सातत्यपूर्ण सराव आणि स्केटिंगविषयीची तिची आवड यामुळे तिने आंतरराष्ट्रीय स्तरावर ही उल्लेखनीय कामगिरी केली.

विशेष म्हणजे, रोलर स्केटिंग फेडरेशन ऑफ इंडिया (RSFI) मार्फत अविस्माने सलग तिसऱ्यांदा भारताचे प्रतिनिधित्व केले आहे. जपानमध्ये विविध देशांतील खेळाडूंच्या उपस्थितीत झालेल्या या स्पर्धेत तिने आपल्या कौशल्याची प्रभावी छाप पाडली.

अविस्माच्या या यशामुळे पुण्याच्या क्रीडा क्षेत्रासह तिचे कुटुंब, शाळा, प्रशिक्षक आणि नागरिकांमध्ये आनंदाचे वातावरण आहे. तिच्या या कामगिरीबद्दल सर्व स्तरांतून अभिनंदनाचा वर्षाव होत असून, आगामी स्पर्धांसाठी तिला शुभेच्छा दिल्या जात आहेत.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post सैतामा एशियन कप २०२६ मध्ये पुण्याच्या अविस्माची चमकदार कामगिरी appeared first on पुणे २४ तास.

पुणे: रिपब्लिकन पार्टी ऑफ इंडिया (आठवले गट) ख्रिश्चन आघाडीच्या पुणे कॅम्प येथे डायमंड हॉटेल येथे व विरवाणी प्लाझा येथे दोन शाखेचे उद्घाटन केंद्रीय सामाजिक न्याय मंत्री व रिपब्लिकन पार्टी ऑफ इंडियाचे राष्ट्रीय अध्यक्ष रामदास आठवले यांच्या हस्ते करण्यात आले होते.
यावेळी रिपब्लिकन पार्टी ऑफ इंडिया पुणे शहराध्यक्ष संजय सोनवणे, प्रदेश संघटक सचिव व पुणे शहराचे उपमहापौर परशुराम वाडेकर, प्रदेश सचिव बाळासाहेब जानराव, पुणे शहर सरचिटणीस महिपाल वाघमारे, शाम सदाफुले, पुणे शहर उपाध्यक्ष येसू दोरास्वामी आदि यावेळी उपस्थित होते.

कार्यक्रमाचे आयोजन रिपब्लिकन पार्टी ऑफ इंडिया आठवले गटाचे पुणे शहर ख्रिश्चन आघाडीचे अध्यक्ष क्रिस्तोफर राजमनी यांनी केले.
या शाखेच्या उद्घाटन प्रसंगी पुणे शहर जिल्ह्यातून मोठ्या संख्येने कार्यकर्ते पदाधिकारी यावेळी उपस्थित होते

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post रिपब्लिकन पार्टी ऑफ इंडिया ख्रिश्चन आघाडीच्या दोन शाखेचे केंद्रीय मंत्री रामदास आठवले यांच्या हस्ते उद्घाटन appeared first on पुणे २४ तास.

मोहिनी मोहिते (संपादक)

पुणे: (7ऑगस्ट) पुण्यातील ढोले-पाटील रोड भागात कथितरीत्या नियमबाह्य ५०० झाडे तोडल्या प्रकरणी या घटनेचा निषेध करण्यासाठी आरपीआय (आठवले) पक्षाचे शहर उपाध्यक्ष आशिष भोसले नागरिक वृक्ष संवर्धन समितीचे सदस्य समन्वयक रुपेश केसेकर, समीर निकम, वृक्षप्रेमी अक्षय गायकवाड, आदी महानगरपालिका परिसरात आंदोलन करत आहेत.

आंदोलकांचा असा आरोप आहे की, संबंधित अधिकाऱ्यांनी बिल्डरांशी आर्थिक देवाणघेवाण करून ही वृक्षतोड परवानगी दिली असावी. या नियमांचे उल्लंघन झाल्याप्रकरणी संबंधित दोषी अधिकाऱ्यांवर कायदेशीर कारवाई करून गुन्हे दाखल करावेत, अशी मागणी आरपीआय पुणे शहर उपाध्यक्ष आशिष भोसले यांनी केली आहे.

तसेच, प्रशासनाने या प्रकरणाची पारदर्शक चौकशी करावी आणि नियमानुसार दोषींवर योग्य ती कारवाई करावी, अशी अपेक्षा व्यक्त करण्यात आली आहे. याशिवाय, नियमबाह्य वृक्षतोड झाली असल्यास संबंधित अर्जदाराकडून (बिल्डर) वृक्षारोपणाची भरपाई तातडीने करून घेण्याची तरतूद असल्याचेही चर्चेतून त्यांनी स्पष्ट केले. थोडक्यात, आंदोलक दोषी अधिकाऱ्यांवर कठोर कारवाई आणि पारदर्शक चौकशीची मागणी होत आहे.

आंदोलनाचे मुख्य मुद्दे:

नियमबाह्य वृक्षतोड: वृक्ष संवर्धन समितीचे रुपेश केसेकर आणि समीर निकम यांच्या मते, खाजगी जागेतील झाडे तोडण्यासाठी जी कायदेशीर प्रक्रिया (सुनावणी आणि हमीपत्र) आवश्यक होती, ती पाळली गेली नाही.

हमीपत्राचा अभाव: बांधकाम व्यावसायिकांनी वृक्षारोपणाचे जे हमीपत्र देणे आवश्यक होते, ते गहाळ झाले आहे किंवा दिलेच गेले नाही, असा आरोप केला जात आहे.

अधिकारी-बिल्डर साटेलोटे: या संपूर्ण प्रकरणात अधिकाऱ्यांचे बिल्डरांशी आर्थिक साटेलोटे असल्याचा संशय आंदोलकांनी व्यक्त केला आहे.

पुणे महानगरपालिकेच्या उद्यान विभागातील वृक्ष प्राधिकरण सदस्य सचिव डॉ अशोक घोरपडे या अधिकाऱ्यांनी दिलेल्या माहितीनुसार, या प्रकरणाची दखल घेत माननीय अतिरिक्त आयुक्तांनी संपूर्ण अहवाल सादर करण्याचे आदेश दिले आहेत. जोपर्यंत अहवाल प्राप्त होत नाही, तोपर्यंत जबाबदारी नक्की कोणाची हे सांगणे कठीण आहे.

ढोले-पाटील रोडवरील वृक्षतोड प्रकरणावर संबंधित अधिकारी घोरपडे यांनी पुढे बोलताना आपल्या भूमिकेत खालील मुद्दे स्पष्ट केले आहेत:

अहवालाची मागणी: अतिरिक्त आयुक्तांनी संबंधित क्षेत्रीय कार्यालयाकडून या प्रकरणाचा पूर्ण अहवाल सादर करण्याचे आदेश दिले आहेत. त्यामध्येच सर्व बाबी निष्पन्न होतील, असे अधिकाऱ्यांचे म्हणणे आहे.

फाईलची जबाबदारी: फाईलची कस्टडी संबंधित क्षेत्रीय कार्यालयाकडे असते, त्यामुळे सविस्तर उत्तरे तेच देऊ शकतात, असे सांगत अधिकाऱ्यांनी स्वतःची जबाबदारी झटकण्याचा प्रयत्न केला आहे.

प्रक्रिया पूर्ण असल्याचा दावा: क्षेत्रीय कार्यालयाकडून परिपूर्ण अहवाल आल्यानंतरच फाईल पुढे पाठवली जाते, त्यामुळे प्रक्रिया नियमानुसार झाली असावी, असा दावा अधिकाऱ्यांनी केला आहे.

आक्षेपांवर उत्तर नाही: या प्रकरणात १०० आक्षेप नोंदवले गेले होते, परंतु ते का ग्राह्य धरले गेले नाहीत, यावर ठोस उत्तर देण्यास संबंधित अधिकाऱ्याने असमर्थता दर्शवली आहे.

नागरिक वृक्ष संवर्धन समिती सदस्य समन्वयक रुपेश केसेकर व समीर निकम यांनी दिलेल्या माहितीनुसार,

ढोले-पाटील रोडवरील वृक्षतोड प्रकरणाच्या संदर्भात, वृक्ष तोडणी प्रक्रियेत वृक्षाधिकाऱ्यांच्या खालीलप्रमाणे प्रमुख भूमिका आणि जबाबदाऱ्या असतात:

अर्जाची सुनावणी आणि निर्णय: खाजगी जागेतील वृक्षतोडीसाठी अर्ज आल्यानंतर, वृक्षाधिकाऱ्यांनी त्यावर अधिकृत सुनावणी (Hearing) घेणे आवश्यक असते. त्यानंतरच ते वृक्षतोडीला परवानगी देण्याबाबत निर्णय घेऊ शकतात.

हमीपत्राची पडताळणी: वृक्षतोडीच्या बदल्यात वृक्ष लागवड केली जाईल, असे अर्जदाराने दिलेले हमीपत्र (प्रतिज्ञापत्र) तपासणे आणि त्याची पडताळणी करणे ही वृक्षाधिकाऱ्यांची महत्त्वाची जबाबदारी आहे. हे हमीपत्र मिळाल्याशिवाय वृक्षतोडीला परवानगी देणे अपेक्षित नाही.

नियमांची देखरेख: वृक्षतोड नियमानुसार होत आहे की नाही, हे पाहणे आणि प्रक्रियेतील सर्व अटींची पूर्तता झाली असल्याची खात्री करणे ही वृक्षाधिकाऱ्यांची जबाबदारी असते.

अहवाल सादर करणे: अर्जाच्या अनुषंगाने पूर्ण अहवाल तयार करणे आणि त्यानंतरच पुढील कार्यवाहीसाठी फाईल पुढे पाठवणे, हे वृक्षाधिकाऱ्यांच्या कार्यक्षेत्रात येते.

‘नागरिक वृक्ष संवर्धन समिती’ची प्रमुख मागणी खालीलप्रमाणे आहे:

पारदर्शक चौकशी: ढोले-पाटील रोडवरील ५०० वृक्षतोड प्रकरणाची सखोल आणि पारदर्शक चौकशी व्हावी.

कायदेशीर कारवाई: या प्रकरणात जे अधिकारी दोषी आढळतील, त्यांच्यावर नियमानुसार कायदेशीर कारवाई करून गुन्हे दाखल करावेत.

वृक्ष लागवड: नियमबाह्य वृक्षतोडीच्या बदल्यात संबंधित अर्जदाराकडून (बिल्डर) वृक्षारोपणाची भरपाई तातडीने करून घ्यावी.

वृक्ष तोडणीसाठीची कायदेशीर प्रक्रिया स्पष्ट करण्यात आली आहे. (रुपेश केसेकर)

अर्ज करणे: खाजगी जागेतील झाडे तोडण्यासाठी प्रथम अर्जदाराने (बिल्डरने) महापालिकेकडे अर्ज करणे आवश्यक असते.

सुनावणी: अर्ज प्राप्त झाल्यानंतर संबंधित प्रशासनाकडून यावर सुनावणी घेतली जाते.

वृक्षाधिकाऱ्यांचा निर्णय: सुनावणीनंतर वृक्षाधिकारी त्या अर्जाचा विचार करून झाडे तोडण्यास परवानगी देतात किंवा नाकारतात.

भरपाई वृक्ष लागवड: तोडल्या जाणाऱ्या झाडांच्या बदल्यात नवीन झाडे लावणे बंधनकारक असते.

हमीपत्र: पावसाळ्यामध्ये वृक्ष लागवड केली जाईल, असे हमीपत्र (प्रतिज्ञापत्र) अर्जदाराकडून देणे आवश्यक असते. हे हमीपत्र मिळाल्यानंतर आणि त्याची पडताळणी झाल्यानंतरच वृक्ष तोडणीची अंतिम परवानगी मिळणे अपेक्षित असते.

माहितीनुसार, खाजगी जागेतील वृक्षतोडीसाठी अर्ज करणाऱ्या अर्जदाराची (बिल्डरची) ही प्राथमिक जबाबदारी असते की त्यांनी नियमानुसार अर्ज करावा आणि वृक्ष लागवडीचे हमीपत्र (प्रतिज्ञापत्र) सादर करावे. तथापि, या प्रक्रियेची देखरेख करणे, अर्जाची सुनावणी घेणे, हमीपत्राची पडताळणी करणे आणि सर्व कायदेशीर अटी पूर्ण झाल्याची खात्री करूनच वृक्षतोडीची परवानगी देणे ही संबंधित क्षेत्रीय कार्यालयातील वृक्षाधिकाऱ्यांची जबाबदारी असते.

ढोले-पाटील रोडवरील वृक्षतोड प्रकरणाच्या संदर्भात, वृक्ष तोडणी प्रक्रियेत वृक्षाधिकाऱ्यांच्या खालीलप्रमाणे प्रमुख भूमिका आणि जबाबदाऱ्या असतात:

अर्जाची सुनावणी आणि निर्णय: खाजगी जागेतील वृक्षतोडीसाठी अर्ज आल्यानंतर, वृक्षाधिकाऱ्यांनी त्यावर अधिकृत सुनावणी (Hearing) घेणे आवश्यक असते. त्यानंतरच ते वृक्षतोडीला परवानगी देण्याबाबत निर्णय घेऊ शकतात.

हमीपत्राची पडताळणी: वृक्षतोडीच्या बदल्यात वृक्ष लागवड केली जाईल, असे अर्जदाराने दिलेले हमीपत्र (प्रतिज्ञापत्र) तपासणे आणि त्याची पडताळणी करणे ही वृक्षाधिकाऱ्यांची महत्त्वाची जबाबदारी आहे. हे हमीपत्र मिळाल्याशिवाय वृक्षतोडीला परवानगी देणे अपेक्षित नाही.

नियमांची देखरेख: वृक्षतोड नियमानुसार होत आहे की नाही, हे पाहणे आणि प्रक्रियेतील सर्व अटींची पूर्तता झाली असल्याची खात्री करणे ही वृक्षाधिकाऱ्यांची जबाबदारी असते.

अहवाल सादर करणे: अर्जाच्या अनुषंगाने पूर्ण अहवाल तयार करणे आणि त्यानंतरच पुढील कार्यवाहीसाठी फाईल पुढे पाठवणे, हे वृक्षाधिकाऱ्यांच्या कार्यक्षेत्रात येते.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post पाचशे “नियमबाह्य वृक्षतोड प्रकरणाच्या चौकशीसाठी महापालिकेसमोर आंदोलन” appeared first on पुणे २४ तास.

न्यायालयात दाद मागण्याच्या हालचाली

पुणे : मोहिनी मोहिते, संपादक

मुद्रांक व नोंदणी विभागातील गेल्या अनेक वर्षांपासून प्रलंबित असलेली पदोन्नती प्रक्रिया अखेर जुलैअखेर पूर्ण झाली. या प्रक्रियेत 170 दुय्यम निबंधक श्रेणी-1 अधिकार्‍यांना सह दुय्यम निबंधक वर्ग-2 पदावर, तर 170 वरिष्ठ लिपिकांना दुय्यम निबंधक श्रेणी-1 पदावर पदोन्नती देण्यात आली. या पदोन्नती प्रक्रियेत तृतीय श्रेणीतील सुमारे 22 कर्मचार्‍यांना वगळण्यात आल्याने विभागात तीव्र नाराजीचे वातावरण निर्माण झाले आहे. संबंधित कर्मचारी न्यायालयात दाद मागण्याच्या तयारीत असल्याची माहिती पुढे आली आहे.

कर्मचार्‍यांच्या म्हणण्यानुसार, सन 2022 मध्ये नोंदणी अधिनियम, 1908 च्या कलम 44 तसेच 12 जुलै 2021 च्या शासन परिपत्रकानुसार त्यांच्यावर विभागीय चौकशी सुरू करण्यात आली. मात्र, निलंबनानंतर एका वर्षाच्या आत चौकशी पूर्ण करून शिक्षेची अंमलबजावणी करण्याची स्पष्ट तरतूद असतानाही, 2022 ते 2026 या चार वर्षांच्या कालावधीत चौकशी पूर्ण करण्यात आलेली नाही. त्यामुळे शासनाच्या विलंबाचा थेट फटका संबंधित कर्मचार्‍यांना बसल्याचा आरोप करण्यात येत आहे.

दरम्यान पदोन्नती न मिळालेल्या कर्मचार्‍यांचे म्हणणे आहे की, विभागीय चौकशी वेळेत पूर्ण झाली असती, तर शिक्षेचा कालावधीही पूर्ण झाला असता आणि यावर्षी झालेल्या पदोन्नतीसाठी पात्र ठरले असते. मात्र, शासनाच्या दिरंगाईमुळे त्यांना पदोन्नतीपासून वंचित राहावे लागले.

राजपत्रित अधिकार्‍यांसाठी नियम वेगळे आणि तृतीय श्रेणी कर्मचार्‍यांसाठी वेगळे निकष असे का? पदोन्नती प्रक्रियेत आणखी एक गंभीर बाब समोर आली आहे. विभागीय चौकशी सुरू असतानाही वर्ग-2 राजपत्रित अधिकार्‍यांना वर्ग-1 पदावर पदोन्नती देण्यात आली. मात्र, याच परिस्थितीत असलेल्या तृतीय श्रेणीतील कर्मचार्‍यांना पदोन्नतीपासून दूर ठेवण्यात आले. त्यामुळे शासनाने राजपत्रित अधिकारी आणि तृतीय श्रेणी कर्मचारी यांच्यासाठी वेगवेगळे निकष लागू केले आहेत का, असा प्रश्न कर्मचारी उपस्थित करत आहेत.शासन निर्णयाचीही अंमलबजावणी नाही. कर्मचार्‍यांच्या म्हणण्यानुसार, शासनाच्या बैठकीतील इतिवृत्तानुसार केवळ फौजदारी गुन्हा दाखल असलेल्या किंवा लाचलुचपत प्रतिबंधक विभागाच्या कारवाईतील कर्मचार्‍यांना पदोन्नतीतून वगळण्याचा निर्णय झाला होता. उर्वरित सर्व पात्र कर्मचार्‍यांना पदोन्नती देण्याचे निर्देश असूनही मुद्रांक व नोंदणी विभागाने त्यांची पुन्हा एकदा पदोन्नती रोखल्याचा आरोप करण्यात येत आहे.

 बारा वर्षांपासून पदोन्नतीची प्रतीक्षा

संबंधित 22 कर्मचारी 2014 मध्ये वरिष्ठ लिपिक पदावर पदोन्नत झाले होते. त्यानंतर 2022 मध्ये दुय्यम निबंधक श्रेणी-1 आणि 2026 मध्ये सह दुय्यम निबंधक वर्ग-2 पदावर पदोन्नती मिळणे अपेक्षित होते. मात्र, अद्यापही ते वरिष्ठ लिपिक पदावरच कार्यरत असून, सलग बारा वर्षांपासून पदोन्नतीपासून वंचित राहिल्याची खंत त्यांनी व्यक्त केली आहे. दरम्यान, शासनाच्या विलंबामुळे आणि पदोन्नती प्रक्रियेत झालेल्या कथित दुजाभावामुळे अन्याय झाल्याचा दावा करत संबंधित कर्मचारी न्यायालयाचा दरवाजा ठोठावण्याच्या तयारीत असल्याने मुद्रांक व नोंदणी विभागातील हा वाद आणखी चिघळण्याची चिन्हे आहेत.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post मुद्रांक व नोंदणी विभागातील पदोन्नतीत 22 कर्मचार्‍यांवर अन्याय appeared first on पुणे २४ तास.