पुणे 24 तास:- देशाच्या स्वातंत्र्यासाठी ‘मवाळपंथी नव्हे तर जहाल क्रांतिकारक’ निर्माण करण्याचे लहुजी वस्तादांनी ठरविले. त्यासाठी त्यांनी युद्धकलेचे शिक्षण तरुणांना देण्यासाठी इ.स. १८२२ मध्ये गंज पेठ, पुणे येथे तालीम युद्ध कलाकौशल्य प्रशिक्षण केंद्र सुरू केले.या प्रशिक्षण केंद्रात सर्वच समाजांतील युवक तालीम घेण्यासाठी येऊ लागले. यात प्रामुख्याने बाळ गंगाधर टिळक, वासुदेव बळवंत फडके, महात्मा फुले, गोपाळ गणेश आगरकर, चापेकर बंधू , क्रांतिभाऊ खरे, क्रांतिवीर नाना दरबारे, रावबहाद्दूर सदाशिवराव गोवंडे, नाना मोरोजी, क्रांतिवीर मोरो विठ्ठल बाळवेकर, क्रांतिवीर नाना छत्रे, महात्मा फुलेंचे सहकारी वाळवेकर आणि परांजपे हे देखील लहुजी वस्ताद साळवे यांच्या आखाड्यात शिकले.
अशा ऐतिहासिक वास्तूस पुणे महानगरपालिकेच्या ऐतिहासिक वास्तूंच्या यादीत समाविष्ट करून घेण्यासाठी महाराष्ट्र नवनिर्माण सेना व क्रांतिवीर सेनेच्या वतीने दिनांक 2 डिसेंबर रोजी पुणे मनपा आयुक्त नवल किशोर राम यांना निवेदन देण्यात आले.
यावेळी महाराष्ट्र नवनिर्माण सेनेचे व क्रांतिवीर सेनेचे मनोज क्षीरसागर, तेजस माने, प्रविण क्षीरसागर, अभिषेक गोळे, यशवंत कसबे, रोनित वाघमारे, भोला माने ,राकेश जाधव, विनायक साबळे आदि कार्यकर्ते व पदाधिकारी उपस्थित होते. तसेच पाठपुरावा करणारे कार्यकर्ते अभिषेक गोळे विशेष सहकार्य लाभले.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
