पुणे (पुणे 24 तास ब्युरो )
न्हावरे (ता.शिरूर ) न्हावरे – तळेगाव ढमढेरे रस्त्यावर सरकेवस्तीजवळ रविवारी (दि. २३ मार्च ) रात्री नऊ वाजण्याच्या सुमारास कंटनेर व स्विफ्ट गाडी यांच्यात समोरासमोर धडक झाली. या दोन गाड्यांमधील भीषण अपघातात एकाच कुटुंबातील तिघेजण जागीच ठार झाले आहेत.
या अपघातात न्हावरे येथील कैलास कृष्णाजी गायकवाड ( वय ५० वर्ष), गौरी कृष्णाजी गायकवाड (वय १८ वर्ष) आणि गणेश महादेव निर्लेकर (वय ४० वर्ष) यांचा मृत्यू झाला असून दुर्गा कैलास गायकवाड ह्या जखमी झाल्या आहेत.
कैलास गायकवाड हे आपल्या चारचाकी वाहनातून तळेगावहून न्हावऱ्याकडे येत असताना त्यांच्या स्विफ्ट गाडीला कंटनेरने जोरदार धडक दिली. या अपघातात कैलास गायकवाड व त्यांची मुलगी गौरी गायकवाड तसेच जवळचे नातलग गणेश निर्लेकर यांचा मृत्यू झाला आहे. तसेच कैलास गायकवाड यांच्या पत्नी दुर्गा कैलास गायकवाड या जखमी झाल्या आहेत.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
