पुणे : ज्येष्ठ नागरिकाच्या बॅगेतील रोख रक्कम, धनादेश, बँकेची कागदपत्रे आणि अन्य महत्त्वाचे साहित्य रिक्षात राहिल्याच्या तक्रारीची योग्य ती दखल न घेतल्याप्रकरणी विश्रांतवाडी पोलिसांवर ठपका ठेवण्यात आला आहे. या प्रकरणात तत्कालीन वरिष्ठ पोलीस निरीक्षक कांचन जाधव आणि महिला पोलीस हवालदार जे. के. कांबळे (बक्कल क्र. ३०७५) यांची चौकशी करून योग्य ती शिक्षा करण्याची शिफारस पुणे विभागीय पोलीस तक्रार प्राधिकरणाने केली आहे.

तक्रारदार शरद नारायण जाधव (वय ७८, रा. येरवडा, पुणे) हे सेवानिवृत्त असून चालण्यासाठी वॉकरचा आधार घेतात. १८ जुलै २०२५ रोजी त्यांनी विश्रांतवाडी येथील बँकेतून पैसे काढले. त्यानंतर मित्रासह रिक्षाने प्रवास करताना मेंटल हॉस्पिटल कॉर्नर, विश्रांतवाडी येथे ते उतरले. उतरताना वॉकरच्या सहाय्याने रिक्षेतून खाली उतरण्यास वेळ लागला. त्याचदरम्यान रिक्षाचालकाने रिक्षा पुढे नेल्याने त्यांची बॅग रिक्षेतच राहिल्याचे तक्रारीत नमूद करण्यात आले आहे.

या बॅगेमध्ये रोख रक्कम, धनादेश, विविध बँकांची पासबुक व चेकबुक, घराच्या चाव्या, चष्मा आणि इतर महत्त्वाची कागदपत्रे असल्याचे तक्रारीत नमूद आहे.

घटनेनंतर जाधव यांनी त्याच दिवशी विश्रांतवाडी पोलीस ठाण्यात तक्रार केली. मात्र, त्यांना दोन दिवस प्रतीक्षा करण्यास सांगण्यात आल्याचे त्यांनी नमूद केले. त्यानंतरही साहित्य आणि पैसे मिळाले नसल्याने त्यांनी रिक्षाचा सीसीटीव्ही फुटेज तपासून संबंधित रिक्षाचालकाचा शोध घेऊन कारवाई करण्याची मागणी केली.

यानंतर माहितीच्या अधिकारातून प्रकरणाची माहिती मागविल्यानंतर त्यांची तक्रार ‘मिसिंग प्रॉपर्टी क्र. ४५१/२०२५’ म्हणून नोंदविण्यात आल्याचे समोर आले.

प्राधिकरणासमोर झालेल्या सुनावणीदरम्यान तक्रारदार ज्येष्ठ नागरिक असून त्यांना चालण्यासाठी वॉकरचा आधार घ्यावा लागतो, ही बाबही नोंदविण्यात आली. प्राधिकरणाच्या आदेशानुसार, तक्रारीची योग्य ती कार्यवाही न झाल्याचे तसेच संबंधित रिक्षाचालक आणि सीसीटीव्ही फुटेजबाबत आवश्यक कार्यवाही न झाल्याचे निरीक्षण नोंदविण्यात आले आहे.

या प्रकरणात तत्कालीन वरिष्ठ पोलीस निरीक्षक कांचन जाधव आणि महिला पोलीस हवालदार जे. के. कांबळे यांना दोषी धरून त्यांची चौकशी करून योग्य ती शिक्षा करण्याची शिफारस प्राधिकरणाने केली आहे. आदेशाची प्रत गृह विभागाचे अपर मुख्य सचिव आणि पुणे शहर पोलीस आयुक्त यांच्याकडे पाठविण्याचे निर्देशही देण्यात आले आहेत.

तक्रारदारांच्या वतीने ॲड. विशाल शिंदे यांनी या प्रकरणाचा पाठपुरावा केला.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post ज्येष्ठ नागरिकाच्या तक्रारीची दखल न घेतल्याचा ठपका; विश्रांतवाडी पोलिसांच्या दोन कर्मचाऱ्यांवर कारवाईची शिफारस appeared first on पुणे २४ तास.

पुणे: रिपब्लिकन पार्टी ऑफ इंडिया (आठवले गट) ख्रिश्चन आघाडीच्या पुणे कॅम्प येथे डायमंड हॉटेल येथे व विरवाणी प्लाझा येथे दोन शाखेचे उद्घाटन केंद्रीय सामाजिक न्याय मंत्री व रिपब्लिकन पार्टी ऑफ इंडियाचे राष्ट्रीय अध्यक्ष रामदास आठवले यांच्या हस्ते करण्यात आले होते.
यावेळी रिपब्लिकन पार्टी ऑफ इंडिया पुणे शहराध्यक्ष संजय सोनवणे, प्रदेश संघटक सचिव व पुणे शहराचे उपमहापौर परशुराम वाडेकर, प्रदेश सचिव बाळासाहेब जानराव, पुणे शहर सरचिटणीस महिपाल वाघमारे, शाम सदाफुले, पुणे शहर उपाध्यक्ष येसू दोरास्वामी आदि यावेळी उपस्थित होते.

कार्यक्रमाचे आयोजन रिपब्लिकन पार्टी ऑफ इंडिया आठवले गटाचे पुणे शहर ख्रिश्चन आघाडीचे अध्यक्ष क्रिस्तोफर राजमनी यांनी केले.
या शाखेच्या उद्घाटन प्रसंगी पुणे शहर जिल्ह्यातून मोठ्या संख्येने कार्यकर्ते पदाधिकारी यावेळी उपस्थित होते

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post रिपब्लिकन पार्टी ऑफ इंडिया ख्रिश्चन आघाडीच्या दोन शाखेचे केंद्रीय मंत्री रामदास आठवले यांच्या हस्ते उद्घाटन appeared first on पुणे २४ तास.

मोहिनी मोहिते (संपादक)

पुणे प्रतिनिधी : लोकशाही राज्यपद्धतीमध्ये आंदोलने करण्याचा आणि आपल्या मागण्या मांडण्याचा सर्वांनाच अधिकार आहे. मात्र, समाजाच्या आणि नागरिकांच्या प्रश्नांवर जरूर आंदोलने करा. एकापाठोपाठ एक राजीनामे यांच्या मागणीसाठी आंदोलने करून आपले बळ वाया घालवू नका, असे आवाहन केंद्रीय सामाजिक न्याय राज्यमंत्री रामदास आठवले यांनी कॉक्रोच जनता पक्षाच्या कार्यकर्त्यांना केले आहे.

यावेळी शहराध्यक्ष संजय सोनवणे, उपमहापौर परशुराम वाडेकर, प्रदेश सचिव बाळासाहेब जानराव, अण्णा वायदंडे, ब्राह्मण आघाडीचे ॲड. मंदार जोशी, महिपाल वाघमारे, श्याम सदाफुले, नगरसेवक निलेश आल्हट, ॲड. हुलगेश चलवादी, बसवराज गायकवाड, मोहन जगताप, विशाल शेवाळे, उमेश कांबळे, निलेश रोकडे, सुनील गवळी, मुश्ताक बाबर, श्रीकांत कदम, जयदेव रंधवे आदी उपस्थित होते.

विद्यार्थ्यांच्या, तरुणांच्या, महिलांच्या, वंचितांच्या, शेतकऱ्यांच्या, भूमीहिनांच्या न्याय्य हक्कांसाठी जरूर आंदोलने करा. मात्र,, एकाचा राजीनामा घेण्यात यश मिळाल्यानंतर दुसऱ्याचा राजीनामा मागण्यासाठी नव्याने आंदोलने करू नका. विद्यार्थ्यांना अशा आंदोलनात उतरवणे ऐवजी विधायक कार्यक्रम आणि आपले भवितव्य घडवण्यासाठी, आर्थिक उन्नतीसाठी वेळ द्या, असा सल्ला आठवले यांनी कॉक्रोच जनता पक्षाला दिला.

सध्याच्या काळात सत्ताधारी आणि विरोधक यांच्यात सुसंवाद शिल्लक राहिलेला नाही. वास्तविक सत्ताधारी आणि विरोधक यांच्यामुळेच लोकशाहीला पूर्णत्व येते. दोघांनीही एकत्रितपणे काम करणे लोकशाहीमध्ये अपेक्षित आहे. सरकारच्या चांगल्या कामांचे विरोधकांनी स्वागत केले पाहिजे. त्याचप्रमाणे विरोधकांनी आपल्या मागण्या आणि मते सत्ताधाऱ्यांसमोर संवादातून मांडली पाहिजेत. सत्ताधाऱ्यांनी ती समजून घेतली पाहिजे, असेही आठवले यांनी नमूद केले.

केंद्रीय गृहमंत्री अमित शहा संसदेत उपस्थित राहत नाहीत, हा विरोधकांकडून केलेला आरोप निरर्थक असल्याचे आठवले यांनी सांगितले. शहा हे अत्यंत कार्यक्षम गृहमंत्री आहेत. सभागृहात ज्या मंत्राच्या विभागाशी संबंधित कामकाज होणार असते त्या मंत्र्यानेच उपस्थित राहणे अपेक्षित आहे. ही जबाबदारी अमित शहा यांच्याकडून काटेकोरपणे पार पाडली जात आहे. असे असतानाही त्यांच्यावर अनुपस्थितीचा आरोप करणे चुकीचे असल्याचे मत आठवले यांनी व्यक्त केले.

इथेनॉल मिश्रित पेट्रोलवरून केंद्रीय परिवहन मंत्री नितीन गडकरी यांच्या राजीनामाची मागणी करणेही चुकीचे असल्याचे आठवले म्हणाले. सरकारने शेतकऱ्यांना वाढीव उत्पन्न मिळावे यासाठी पेट्रोलमध्ये इथेनॉल मिसळण्याचा निर्णय घेतला आहे. नागरिकांच्या गाड्या बंद पडाव्या यासाठी नाही. इथेनॉलमुळे गाड्यांमध्ये बिघाड होत असेल तर त्याबाबत काटेकोर तांत्रिक तपासणी करण्यात यावी व आवश्यकता वाटल्यास इथेनॉल मिसळण्याचा निर्णय मागे घ्यावा. त्या बाबीवरून गडकरी यांच्यासारख्या कार्यक्षम आणि धडाडीच्या मंत्र्यांचा राजीनामा मागणे साफ चुकीचे आहे, असे आठवले म्हणाले.

सध्या विविध समाजांच्या आरक्षणाच्या मागण्या वाढत असतानाच दुसरीकडे आरक्षण रद्द करावे, या मागणीसाठी देखील आंदोलने होत आहेत. आरक्षण हा समाजातील वंचित घटकांचा हक्क आहे. घटनाकार डॉ. बाबासाहेब आंबेडकर यांच्यामुळे भटके विमुक्त आणि आदिवासी समाजाला प्रथम आरक्षण मिळाले. मंडल आयोगाने इतर मागास प्रवर्गाला आरक्षण देण्याची शिफारस केली. ती अमलात आली. मराठा समाजाला ही आरक्षण मिळावे अशी रिपब्लिकन पक्षाची मागणी आहे. तसेच सवर्ण समाजातील ज्या कुटुंबाचे उत्पन्न आठ लाखांच्या आत आहे, अशा सर्वांनाही आरक्षण मिळावे अशी आपली मागणी आहे. आरक्षण हटाव ही मागणी घटना विरोधी आहे. त्यामुळे अशी मागणी करणाऱ्यांना थांबवणे गरजेचे आहे, असेही आठवले यांनी सांगितले.

केंद्रात व राज्यात सरकार कोणतेही असले तरी नीट सारख्या परीक्षांमध्ये पेपर फुटी च प्रकार वारंवार घडले आहेत. केंद्र सरकारने परीक्षा पद्धती काटेकोर करण्यासाठी नवीन कायदा आणला आहे. मात्र, यासाठी केवळ कायदा करणे पुरेसे नाही तर कायद्याची कठोर अंमलबजावणी करणारी यंत्रणा तयार होणे अधिक गरजेचे आहे, अशी अपेक्षा आठवले यांनी व्यक्त केली.

उपमुख्यमंत्री सुनेत्रा पवार यांच्यावर गुंगी गुडिया अशा शब्दात काँग्रेसने केलेली टीका अत्यंत अयोग्य असल्याचे मत आठवले यांनी व्यक्त केले. सुनेत्रा पवार या माझी ज्येष्ठ मंत्री पद्मसिंह पाटील यांच्या कन्या आहेत. अजित पवारांच्या राजकीय आणि सामाजिक कारकीर्द त्यांचे मोठे योगदान आहे. त्यांना राजकारणाचा जाणगा अनुभव आहे. मात्र, दिवंगत उपमुख्यमंत्री अजित पवार यांच्या अपघाती निजानाच्या धक्क्यातून त्या अद्याप बाहेर आलेले नाहीत. अशा परिस्थितीत त्यांच्यावर केलेली ही टीका निंदनीय आहे, असे ते म्हणाले. एकेकाळी इंदिरा गांधी यांची देखील गुंगी गुडिया याच शब्दाने संभावना करण्यात आली. मात्र, पुढे जाऊन इंदिरा गांधी यांनी एक कणखर पंतप्रधान म्हणून आपली प्रतिमा सिद्ध केली, याची आठवणही आठवले यांनी करून दिली.

माणुसकीला काळीमा फासणाऱ्या घटना टाळण्यासाठी….

वाकड पोलीस ठाण्याच्या हद्दीत सहा आणि दहा वर्षाच्या चिमुकल्यांवर अत्याचाराची अत्यंत अमानुष घटना घडली आहे. पीडित कुटुंबाची आपण भेट घेऊन रिपब्लिकन पक्षाच्या वतीने त्यांना 51 हजारची मदत केली आहे. याशिवाय लवकरच सामाजिक न्याय विभागाच्या वतीने त्यांना दहा लाख रुपयांची मदत देण्यात येणार आहे, असे आठवले यांनी सांगितले. अशा प्रकारच्या माणुसकीला काळीमा फासणाऱ्या घटना समाजात वारंवार घडत असून त्या घडू नयेत यासाठी राजकीय नेते, कार्यकर्ते, सामाजिक कार्यकर्ते आणि एकूण समाजानेच पुढाकार घेणे गरजेचे आहे, अशी अपेक्षाही आठवले यांनी व्यक्त केली.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post सामाजिक प्रश्नांसाठी आंदोलने करा, एकामागे एक राजीनामे मागण्यासाठी नको’ appeared first on पुणे २४ तास.

रामोशी गेट येथे भव्य सांस्कृतिक सोहळा; नगरसेवक विवेक यादव यांचे नियोजन ठरले कौतुकास्पद, मान्यवरांच्या उपस्थितीत सत्कार व स्नेहभोजनाचा कार्यक्रम 

मोहिनी मोहिते, संपादक

पुणे : लोकशाहीर अण्णाभाऊ साठे यांचे जीवन, त्यांचा संघर्ष, शाहिरीतून उभा केलेला सामाजिक क्रांतीचा लढा आणि समतेचा संदेश… हे सर्व शब्दांपेक्षा सुरांतून अधिक प्रभावीपणे हजारो नागरिकांपर्यंत पोहोचले. सुप्रसिद्ध गायक चंदन कांबळे यांनी अण्णाभाऊ साठे यांच्या जीवनपटावर आधारित सादर केलेल्या शाहिरी आणि गीतांनी संपूर्ण परिसर भारावून गेला. त्यांच्या प्रत्येक गीतातून अण्णाभाऊंचे कार्य, विचार आणि समाजासाठीचे योगदान जिवंत झाले आणि याच बहारदार सादरीकरणामुळे १०६ वा जयंती महोत्सव अविस्मरणीय ठरला.

रविवार (दि. २ ऑगस्ट) रोजी श्रीमती सावित्रीबाई फुले प्रशाला प्रांगण, रामोशी गेट येथे साहित्यरत्न, लोकशाहीर अण्णाभाऊ साठे यांच्या १०६ व्या जयंतीनिमित्त भव्य सांस्कृतिक महोत्सवाचे आयोजन नगरसेवक विवेक यादव यांच्या वतीने करण्यात आले होते. हजारोंच्या संख्येने नागरिक, महिला, युवक आणि ज्येष्ठ नागरिकांनी उपस्थित राहून कार्यक्रमाला उत्स्फूर्त प्रतिसाद दिला.

कार्यक्रमाच्या प्रारंभी मान्यवरांच्या हस्ते लोकशाहीर अण्णाभाऊ साठे यांच्या प्रतिमेस पुष्पहार अर्पण करून अभिवादन करण्यात आले. समाजातील वंचित, शोषित, कष्टकरी आणि उपेक्षित घटकांच्या हक्कासाठी आपल्या लेखणी, साहित्य आणि शाहिरीच्या माध्यमातून आयुष्यभर संघर्ष करणाऱ्या अण्णाभाऊ साठे यांच्या कार्याचा यावेळी गौरव करण्यात आला. त्यांच्या समता, स्वाभिमान आणि सामाजिक न्यायाच्या विचारांचा वारसा नव्या पिढीपर्यंत पोहोचविण्याचा निर्धार उपस्थितांनी व्यक्त केला.

माजी राज्यमंत्री दिलीप कांबळे यांनी आपल्या मार्गदर्शनात अण्णाभाऊ साठे यांच्या विचारांची आजच्या काळातील आवश्यकता अधोरेखित केली. तसेच नगरसेवक विवेक यादव यांनी अत्यंत नियोजनबद्ध आणि भव्य स्वरूपात कार्यक्रमाचे आयोजन केल्याबद्दल त्यांचे विशेष कौतुक केले.

आयोजकांच्या वतीने विविध राजकीय पक्षांतील पदाधिकारी, सामाजिक कार्यकर्ते आणि समाजासाठी उल्लेखनीय योगदान देणाऱ्या मान्यवरांचा शाल, श्रीफळ आणि सन्मानचिन्ह देऊन सत्कार करण्यात आला.

सांस्कृतिक कार्यक्रमात चंदन कांबळे यांनी सादर केलेल्या शाहिरी, पोवाडे आणि गीतांनी अण्णाभाऊ साठे यांचा संपूर्ण जीवनप्रवास जणू रसिकांसमोर उभा केला. त्यांच्या दमदार आवाजाला आणि प्रभावी सादरीकरणाला उपस्थितांकडून उत्स्फूर्त दाद मिळाली. अनेकांनी हा कार्यक्रम अण्णाभाऊ साठे यांचे विचार नव्या पिढीपर्यंत पोहोचविणारा प्रेरणादायी सांस्कृतिक सोहळा असल्याची भावना व्यक्त केली.

कार्यक्रमानंतर उपस्थित हजारो नागरिकांसाठी स्नेहभोजनाचेही आयोजन करण्यात आले. सर्वांनी एकत्र भोजनाचा आस्वाद घेत सामाजिक ऐक्य आणि बंधुभावाचा संदेश दिला.

या कार्यक्रमाला माजी राज्यमंत्री दिलीप कांबळे, आमदार सुनील कांबळे, माजी नगरसेवक बापू कांबळे, नगरसेविका मृणाल कांबळे, नगरसेवक निलेश आल्हाट, माजी नगरसेवक संदीप लडकत, पुणे शहर जिल्हा मातंग समाजाचे अध्यक्ष अनिल हातागळे, सचिव ॲड. महेश सकट, स्वीकृत नगरसेवक जयप्रकाश पुरोहित, रिपाइं शहराध्यक्ष संजय सोनवणे, माजी नगरसेवक लक्ष्मण आरडे, नगरसेवक देवेंद्र वडके,राजेंद्र काकडे ,सुधीर जानजोत, सोनू भाऊ निकाळजे, अविनाश मोरे, सुजित यादव, भाजपचे अल्पसंख्याक अध्यक्ष सादिक लुकडे आदी  विविध राजकीय, सामाजिक क्षेत्रातील मान्यवर मोठ्या संख्येने उपस्थित होते.

कार्यक्रम यशस्वी होण्यासाठी संयोजन समिती संतोष यादव , नितीन भूरेवार , महेश यादव, अमित मते, रोहित ओझरकर , शशांक माने, संदीप धांडोरे, रणवीर अरगडे, कैलाश तातुस्कर , सागर परदेशी, अभिजीत कसबे ,योगेश नेटके, लोकेश अवचिते, कैलेश कदम सर्व पदाधिकारी मित्र परिवार, कार्यकर्ते व मंडळ पदाधिकारी यांचे श्रमदान लाभले

समता, स्वाभिमान आणि सामाजिक परिवर्तनाचा विचार रुजवणाऱ्या लोकशाहीर अण्णाभाऊ साठे यांच्या स्मृतींना अभिवादन करत हजारो नागरिकांच्या उपस्थितीत पार पडलेला हा जयंती महोत्सव पुण्यातील एक संस्मरणीय सामाजिक-सांस्कृतिक सोहळा ठरला.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post लोकशाहीर अण्णाभाऊ साठे यांच्या जीवनपटाला चंदन कांबळे यांच्या स्वरांनी दिला जिवंत स्पर्श; हजारोंच्या साक्षीने रंगला १०६ वा जयंती महोत्सव appeared first on पुणे २४ तास.

पुणे: NEET परीक्षेच्या पेपरफुटीमुळे देशभरात २३ पेक्षा जास्त विद्यार्थ्यांनी आत्महत्या करून आपले जीवन संपवले. या निष्पाप विद्यार्थ्यांच्या मृत्यूस जबाबदार असलेल्या केंद्रीय शिक्षण मंत्र्याचा राजीनामा मागण्यासाठी राजधानी दिल्ली सह देशभरात विद्यार्थ्यांनी आंदोलन उभे केले. हे आंदोलन पोलीस बळाचा वापर करून चिरडून टाकण्याचे कुकर्म देशाचे गृहमंत्री अमित शहा यांनी केले. विद्यार्थ्यांवर लाठ्या, टिअर गॅस, पॅलेट गन्स तर काही ठिकाणी अगदी AK47 सारखी दहशतवाद्यांच्या विरोधात वापरली जाणारी शस्त्रे विद्यार्थ्यांवर वापरण्यात आली. अमित शहांच्या या हल्ल्यात अनेक विद्यार्थी गंभीर जखमी झाले, अनेकांची दृष्टी केली, अनेकांची श्रवण शक्ती केली, अनेक विद्यार्थी कायमचे अधू झाले. या पोलीस हल्ल्यात अनेक विद्यार्थिनींचा, महिलांचा विनयभंग झाला. देशातील तरुणाईला चिरडून टाकण्याचा प्रयत्न करणारे गृहमंत्री अमित शहा 1 ऑगस्ट 2026 रोजी लोकमान्य टिळक पुरस्कारांच्या निमित्ताने पुणे शहरात येणार आहेत. या पार्श्वभूमीवर पुणे शहर (पूर्व) काँग्रेस कमिटीच्या वतीने शहराध्यक्ष प्रशांत जगताप यांनी आंदोलनाची हाक दिली आहे.

अगदी आंदोलन संपल्यानंतरही सरकारने दिलेले वचन मोडून आंदोलकांवर खोटे गुन्हे दाखल करण्यास, त्यांची धरपकड करण्यास, विद्यार्थ्यांच्या कुटुंबीयांना छळण्यास सुरुवात केली आहे. दिनांक 1 ऑगस्ट 2026 रोजी, सकाळी 10.30 वाजता अमित शहा यांच्या नियोजित प्रवास मार्गावर सेव्हन लव्हज चौक, शंकरशेठ रोड, पुणे येथे अमित शहांचा निषेध करण्यासाठी पुणेकरांनी, तरुणांनी, विद्यार्थ्यांनी मोठ्या संख्येने जमावे असे आवाहन प्रशांत जगताप यांच्याकडून करण्यात आले आहे.

या आंदोलनाच्या माध्यमातून तमाम पुणेकर मोदी सरकारच्या हुकूमशाही वृत्तीचा, विद्यार्थ्यांवर झालेल्या हिंसक हल्ल्याचा निषेध नोंदवतील अशी भूमिका प्रशांत जगताप यांनी स्पष्ट केली आहे.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post विद्यार्थ्यांवर हल्ला करणाऱ्या केंद्रीय गृहमंत्री अमित शहा यांच्या विरोधात निषेध आंदोलन appeared first on पुणे २४ तास.

पुणे : एसटी बसमधील सवलतीच्या प्रवासासाठी स्मार्ट कार्ड अनिवार्य झाल्याने स्वारगेट, शिवाजीनगर आणि पुणे स्थानक येथे ज्येष्ठ नागरिक व महिलांच्या मोठ्या रांगा लागत आहेत. ही गैरसोय लक्षात घेऊन भाजप मध्य हवेली तालुका अध्यक्षा कल्पना हांडे यांच्या पुढाकाराने हांडेवाडी चौक (ता. हवेली) येथे आयोजित स्मार्ट कार्ड नोंदणी शिबिरामुळे शेकडो नागरिकांना मोठा दिलासा मिळाला.

हांडेवाडी, औताडेवाडी, हांडेवाडी रोड आणि परिसरातील ज्येष्ठ नागरिक व महिलांना शहरात जाऊन तासन्तास रांगेत उभे राहण्याची वेळ येत होती. अनेकांना प्रवासाचा खर्च, शारीरिक त्रास आणि वेळेचा अपव्यय सहन करावा लागत होता. ही अडचण ओळखून भाजप मध्य हवेली तालुका अध्यक्षा कल्पना हांडे यांनी स्थानिक पातळीवर स्मार्ट कार्ड नोंदणी शिबिराचे आयोजन केले. या शिबिरात मोठ्या संख्येने महिलांनी व ज्येष्ठ नागरिकांनी सहभाग घेतला. त्यामुळे त्यांची शहरात जाण्याची धावपळ, आर्थिक खर्च आणि रांगेतील प्रतीक्षा टळली.

शिबिराचा लाभ घेतलेल्या अनेक महिलांनी आणि ज्येष्ठ नागरिकांनी समाधान व्यक्त करत, “सरकारी सुविधा आमच्या दारात आल्याने मोठा दिलासा मिळाला,” अशी भावना व्यक्त केली. नागरिकांच्या गरजा ओळखून राबविण्यात आलेल्या या उपक्रमाचे परिसरात स्वागत होत असून, अशा शिबिरांचे आयोजन इतर भागांतही व्हावे, अशी अपेक्षा नागरिकांनी व्यक्त केली.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post हांडेवाडीत एसटी स्मार्ट कार्ड शिबिर; नागरिकांना दिलासा appeared first on पुणे २४ तास.

गेल्या अनेक महिन्यांपासून भूमीग्रीन कंपनीच्या उरुळी देवाची येथील कचरा प्रकल्पाचा प्रस्ताव प्रलंबित होता. पुणे महानगरपालिका स्थायी समितीच्या बैठकीत आज हा प्रस्ताव चर्चेला आला.

पुणे : उरुळी देवाची येते असलेला भूमीग्रीन कंपनीचा कचरा प्रकल्प नूतनीकरणासाठी बंद करण्यात येत आहे. म्हणूनच पुढील ९ महिन्यांसाठी भूमीग्रीन कंपनीला सध्या उरुळी देवाची येथे अस्तित्वात असलेल्या कचरा डेपोच्या शेजारची जागा तात्पुरत्या स्वरूपात देण्याबाबत हा प्रस्ताव आज स्थायी समितीच्या बैठकीत चर्चेला आला. या प्रस्तावाला काँग्रेस व राष्ट्रवादी काँग्रेस या दोन्ही पक्षांच्या वतीने तीव्र विरोध करण्यात आला. अखेरीस ९ विरुद्ध ४ असा हा प्रस्ताव मंजूर झाला.

याबाबत स्थायी समितीचे सदस्य व काँग्रेस पक्षाचे नेते प्रशांत जगताप यांनी आपली भूमिका माध्यमांसमोर मांडली. “मुळातच पुणे महानगरपालिका प्रशासनाकडून भूमीग्रीन कंपनीला झुकते माप देण्यात येत आहे. या प्रकल्पाला सध्याच्या कचरा प्रकल्पासाठीही वाढीव दर देण्यात येत आहे. जुन्या प्रकल्पाचे नूतनीकरण होईपर्यंत नवीन तात्पुरत्या प्रकल्पासाठी भूमीग्रीन कंपनीकडून शेड उभारले जातील, नवीन मशिनरी घेतली जाईल आणि कालांतराने याच जागेत नवीन कचरा प्रकल्पाचे काम आपसुकच भूमीग्रीन कंपनीला दिले जाईल अशी आमची शंका नव्हे, तर खात्री आहे. भूमीग्रीन कंपनीचा प्रकल्प नूतनीकरणासाठी जर काही महिने बंद राहणार असेल, तर भूमीग्रीन कंपनी सोडून सध्या पुणे महानगरपालिकेसोबत काम करणाऱ्या इतर कंपन्या वाढीव कचरा उचलण्यासाठी तयार आहेत, तशी मागणी करणारी पत्रेही अनेक कंपन्यांनी मनपा प्रशासनाला दिली आहेत. तरीही भूमीग्रीन कंपनीलाच पर्यायी जागा देण्याचे औदार्य महानगरपालिका प्रशासन का दाखवत आहे ? हा मुख्य प्रश्न आहे. एका पक्षाच्या पदाधिकाऱ्याच्या कुटुंबातील कंपनीचा फायदा करून देण्यासाठी पुणेकरांच्या पैशांवर दरोडा घालण्याचा हा डाव अत्यंत दुर्दैवी आहे.” अशी भावना प्रशांत जगताप यांनी व्यक्त केली.

या प्रस्तावाच्या विरोधात काँग्रेसच्या वतीने प्रशांत जगताप राष्ट्रवादी काँग्रेसच्या वतीने वैशाली बनकर, अमोल बालवडकर, सुहास टिंगरे यांनी मतदान केले.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post भूमीग्रीन कंपनीच्या उरुळी देवाची येथील कचरा प्रकल्पाला विरोध appeared first on पुणे २४ तास.

पुणे : महाराष्ट्र राज्याचे उपमुख्यमंत्री व राष्ट्रवादी काँग्रेस पक्षाचे राष्ट्रीय अध्यक्ष दिवंगत अजितदादा पवार यांच्या जयंतीनिमित्त मंगळवार पेठ येथे सदानंद शेट्टी यांच्या जनसंपर्क कार्यालय येथे पुणे मनपा स्थायी समितीचे माजी अध्यक्ष व पुणे जिल्हा नियोजन समितीचे माजी सदस्य सदानंद शेट्टी आणि माजी नगरसेविका सुजाता ताई शेट्टी यांच्या वतीने मंगळवार पेठ. रास्ता पेठ. कसबा पेठ.पुणे स्टेशन भागातील गरीब गरजू नागरिकांसाठी मोफत छत्र्यांचे वाटप करण्यात आले होते. या उपक्रमाला नागरिकांचा उत्स्फूर्त प्रतिसाद लाभला.

यावेळी दिवंगत अजित दादा पवार यांच्या प्रतिमेस सदानंद शेट्टी व सुजाता  शेट्टी यांच्या हस्ते पुष्पहार अर्पण करून विनम्र अभिवादन करण्यात आले होते.

सामाजिक बांधिलकी जपत नागरिकांना पावसाळ्यात दिलासा मिळावा या उद्देशाने हा उपक्रम राबवण्यात आला असे लोकहिताचे उपक्रम यापुढेही सातत्याने राबविण्यात येतील असा विश्वास पुणे महानगरपालिकेतील मा स्थायी समिती अध्यक्ष सदानंद शेट्टी यांनी व्यक्त केले

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post मंगळवार पेठेत अजित दादा यांची जयंती साजरी appeared first on पुणे २४ तास.

पुणे : देशातील विद्यार्थी आपल्या न्यायासाठी व हक्कांसाठी दिल्लीतील जंतर मंतर येथे सनदशीर, शांततेच्या मार्गाने आंदोलन करत असताना क्रूर मोदी सरकारने या विद्यार्थ्यांवर हिंसक हल्ला चढवला. या अमानुष अत्याचारांच्या विरोधात देशाचे नेते, लोकसभेचे विरोधी पक्ष नेते  राहुल गांधी, अखिल भारतीय काँग्रेस कमिटीचे अध्यक्ष तथा राज्यसभेचे विरोधी पक्ष नेते मल्लिकार्जुन खरगे , खासदार प्रियांका गांधी यांनी दिल्लीत पंतप्रधानांच्या निवासस्थानासमोर आंदोलन केले. मोदी सरकारने या सर्व नेत्यांवरही पोलीस बळाचा क्रूर वापर केला.

पुणे शहर हे नेहमीच विद्यार्थी चळवळीचे व तरुणाईच्या संघर्षाचे केंद्रस्थान राहिले आहे. पुण्यातूनही विद्यार्थ्यांच्या हक्कांचा आवाज बुलंद करण्यासाठी पुणे शहर जिल्हा काँग्रेस कमिटीच्या वतीने पुण्यातील राजभवनाच्या प्रवेशद्वारावर काळे झेंडे दाखवून निषेध आंदोलन करण्यात आले. या आंदोलनाच्या माध्यमातून २२ विद्यार्थ्यांच्या आत्महत्येस कारणीभूत असलेले शिक्षण मंत्री धर्मेंद्र प्रधान, हजारो विद्यार्थ्यांचे रक्त सांडणारे पंतप्रधान नरेंद्र मोदी व गृहमंत्री अमित शहा यांच्या राजीनाम्याची मागणी करण्यात आली. विद्यार्थ्यांच्या हक्कांसाठी व न्यायासाठी काँग्रेस पक्ष अखेरपर्यंत लढणार हा निर्धारही सर्वांनी व्यक्त केला.

आपले मनोगत व्‍यक्त करताना पुणे शहर जिल्हा काँग्रेस कमिटी पूर्व विभागाचे अध्यक्ष प्रशांत जगताप म्हणाले की, ‘‘सरकार भ्रष्टमुक्त सरकार आहे असे पंतप्रधान नरेंद्र मोदी म्हणतात. परंतु त्यांच्या कारकिर्दीमध्ये पेपरफूटी, राम मंदिरातील दानपेटीतून १४०० कोटी रूपये चोरीला जाणे हे या सरकारचे अपयश आहे. आपली चूक मान्य करून पंतप्रधानांनी त्वरीतच शिक्षण मंत्री धर्मेंद्र प्रधान यांचा राजीनामा घ्यायला हवा होता. देशभरातील विद्यार्थी आपल्या न्यायासाठी दिल्लीतील जंतर-मंतर येथे आंदोलन करीत आहेत. भारतातील अनेक शहरामध्ये विद्यार्थांनी आंदोलन करून मोदी सरकारच्या विरूध्द आपला निषेध व्‍यक्त केला. मोदी सरकारने या सर्व गोष्टींकडे दुर्लक्ष करून शिक्षण मंत्री धर्मेंद्र प्रधान यांना अभय दिले . शिक्षण हे प्रत्येक विद्यार्थ्यांसाठी अतिशय महत्वाचे आहे. आपल्याला चांगले शिक्षण मिळून नीट सारख्या परिक्षेमध्ये उत्तीर्ण होवून चांगली नोकरी मिळावी असे प्रत्येक विद्यार्थ्यांचे स्वप्न असते. पंतप्रधान मोदींनी यांचे स्वप्न भंग केले आणि शांततेने निदर्शन करणाऱ्या विद्यार्थांवर पोलीसांमार्फत लाठी हल्ला केला. शिक्षण मंत्री धर्मेंद्र प्रधान यांनी नैतिक जबाबदारी स्विकारून राजीनामा दिला पाहिजे.’’

पश्चिम विभागाच्या अध्यक्षा दीप्ती चवधरी म्हणाल्या की, ‘‘गेली १ महिना दिल्लीच्या जंतर-मंतर येथे ठिय्या आंदोलन करीत विद्यार्थी केंद्रिय शिक्षण मंत्री धमेंद्र प्रधान यांच्या राजीनाम्याची मागणी करीत आहेत. देशात लाखो विद्यार्थी आपल्या भविष्यासाठी नीटची परिक्षा देतात. त्यासाठी दिवसातील ९ ते १० तास अभ्यास करतात. केंद्र सरकार पेपरफूटी रोखण्यात अपयशी ठरले आहे. या नीट फूटीच्या प्रकरणामध्ये अनेक कोचिंग क्लासेसचे व महाविद्यालयांचे प्राध्यापक यांनी एक साखळी तयार करून पैशाच्या लाभापोटी विकले गेले. पेपरफूटीमळे अनेक विद्यार्थ्यांनी आत्महत्या करून आपले जीव गमावले. सरकारने या विषयाकडे दुर्लक्ष केले. न्याय मागणाऱ्या विद्यार्थ्यांवर पोलीसांमार्फत जो लाठी हल्ला झाला त्याचा मी तीव्र निषेध करीत आहे.’’

यावेळी काँग्रेस पक्षाच्या पुणे (पश्चिम) शहराध्यक्ष श्रीमती दीप्ती चवधरी, नीता रजपूत,  अविनाश साळवे, रफिक शेख, अविनाश बागवे, मेहबूबभाई नदाफ, मोहसीन शेख, लता राजगुरू , भाऊसाहेब आजबे, प्रियंका रनपिसे, विठ्ठल गायकवाड, हर्षल हांडे, यांच्यासह सर्व पदाधिकारी, कार्यकर्ते व पुणेकर नागरिक मोठ्या संख्येने आंदोलनात सहभागी होते.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post विद्यार्थ्यांवरील अन्यायाच्या विरोधात.. काँग्रेस पक्ष मैदानात! appeared first on पुणे २४ तास.

बिऱ्हाडे दाम्पत्याने सांगितले की, उल्हासनगर महानगरपालिकेतील एका संशयित नगरसेविकेने खोट्या कागदपत्रांच्या आधारे अनुसूचित जाती (SC) आरक्षणाचा लाभ घेत निवडणूक लढवली असून याबाबत गेले नऊ ते दहा महिने प्रशासनाकडे पाठपुरावा सुरू आहे. त्यांनी नायब तहसीलदार श्रीकांत मिसाळ यांच्यासह संबंधित विभागाकडे अनेक वेळा तक्रारी व आरटीआय अर्ज सादर केले, मात्र अद्याप कोणतीही ठोस कारवाई करण्यात आलेली नसल्याचा आरोप त्यांनी केला.

त्यांच्या म्हणण्यानुसार, संबंधित नगरसेविका संगीता लखन उर्फ संगीता कंडारे या मागील ३० वर्षांपासून ओपन प्रवर्गातून निवडणूक लढवत होत्या. मात्र यावेळी त्यांनी एससी प्रवर्गातून निवडणूक लढवून विजय मिळवला. त्यामुळे त्यांच्या जातीच्या प्रमाणपत्राची सखोल चौकशी करून कारवाई करावी, अशी मागणी करण्यात येत आहे.

यावेळी माध्यमांशी बोलताना नानासाहेब बिऱ्हाडे यांनी प्रशासनावर गंभीर आरोप केले. पुणे तहसील कार्यालयातील अधिकारी, नायब तहसीलदार श्रीकांत मिसाळ, मुदगुणे मॅडम तसेच पिंपरी-चिंचवड येथील काही अधिकाऱ्यांनी माहिती देण्यास टाळाटाळ केली असून कागदपत्रांमध्ये फेरफार झाल्याचाही संशय त्यांनी व्यक्त केला.

बिऱ्हाडे यांनी सांगितले की, संबंधित नगरसेविकेला प्रशासनाकडून एका दिवसात माहिती उपलब्ध करून देण्यात आली, मात्र आम्हाला नऊ-दहा महिने उलटूनही योग्य माहिती देण्यात आलेली नाही. त्यामुळे एससी समाजाला न्याय मिळावा आणि आरक्षणाचा गैरवापर थांबावा यासाठी आम्ही आमरण उपोषण सुरू केले असल्याचे त्यांनी स्पष्ट केले.

या आंदोलनात त्यांच्या वार्डातील पदाधिकारी व समर्थक मोठ्या संख्येने सहभागी झाले होते.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह

pune24taas.in

The post एससी आरक्षण वाचवण्यासाठी पुणे जिल्हाधिकारी कार्यालयासमोर आमरण उपोषण appeared first on पुणे २४ तास.