पुणे 24 तास :
ऑल आयकॉनिक सीनियर सिटिझन्स असोसिएशन (AISCA) यांच्या वतीने देण्यात येणारा “बेस्ट सीनियर ऑफ द ईयर” हा पुरस्कार ज्येष्ठ समाजसेवक आणि नवचैतन्य हास्य योग परिवाराचे संस्थापक श्री. विठ्ठल काटे यांना प्रदान करण्यात आला. हा सन्मान सुप्रसिद्ध विचारवंत व साहित्यिक डॉ. सदानंद मोरे यांच्या हस्ते गौरवपूर्ण वातावरणात प्रदान करण्यात आला. या प्रसंगी सुमन काटे यांचाही सत्कार करण्यात आला.
ज्येष्ठ नागरिकांच्या सामाजिक, मानसिक व भावनिक आरोग्यासाठी केलेल्या उल्लेखनीय कार्याची दखल घेत हा पुरस्कार श्री. काटे यांना देण्यात आला. हास्ययोग, सकारात्मक विचारसरणी आणि समाजाशी जोडलेपण वाढवण्यासाठी त्यांनी राबवलेल्या विविध उपक्रमांमुळे अनेक ज्येष्ठांच्या जीवनात आनंद व आशा निर्माण झाली आहे.
पुरस्कार स्वीकारताना श्री. विठ्ठल काटे यांनी AISCA परिवाराचे व उपस्थित मान्यवरांचे आभार मानले. “ज्येष्ठ नागरिकांनी आयुष्याच्या उत्तरार्धातही सक्रिय, आनंदी आणि समाजाशी जोडलेले राहावे, हाच माझा ध्यास आहे,” असे त्यांनी सांगितले.
संस्थेच्या अध्यक्षा शकीला शेख यांनी सत्कारार्थींचे स्वागत केले. AISCA चे सल्लागार सदस्य बी. एल. स्वामी यांनी या पुरस्काराचे उद्दिष्ट स्पष्ट केले तसेच किशोर सरपोतदार यांनी प्रास्ताविक केले. आभारप्रदर्शन रविंद्र शाळू यांनी केले.
या कार्यक्रमास AISCA चे पदाधिकारी सुनिला कवीटकर, सुहास घोडके, स्मिता वाघ, शीतल वाघ, शीतल स्वंत, फरिदा सय्यद, आशा क्षीरसागर, विजयंता के. डॉ. अनिल कुलकर्णी यांच्यासह ज्येष्ठ नागरिक, सामाजिक कार्यकर्ते व नागरिक मोठ्या संख्येने उपस्थित होते. या वेळी काही सीनिअर डांस ग्रुप्स नी विविध गुणदर्शन सादर केले.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
