पुणे : (पुणे २४ तास ब्युरो)
अनेक शासकीय दाखले तयार करण्यासाठी जन्माच्या दाखल्याची आवश्यकता भासते. यावेळी इंग्रजी भाषेत नाव नसल्याने अनेक ठिकाणी जन्म दाखला ग्राह्य धरला जात नाही. दरम्यान नागरिकांना अनेक समस्यांना सामोरे जावे लागत असल्याची तक्रार राष्ट्रवादी काँग्रेस शरदचंद्र पवार पक्षाचे अल्पसंख्याक सेलचे पुणे शहर अध्यक्ष जुबेरबाबू शेख यांनी पुणे मनपा आयुक्त कार्यालयात निवेदनाद्वारे केली आहे.
यावेळी शेख म्हणाले की, महाराष्ट्रात मराठी भाषा ही बंधनकारक असणे गरजेचे आहे. परंतु इंग्रजी भाषेच्या अट्टाहास पोटी अनेक आधार सेंटर वर आधार कार्ड बनविण्याकरिता मराठी नाव असलेला दाखला स्वीकारला जात नाही. त्यामुळे नागरिकांना कार्यालयाच्या अनेक फेऱ्या माराव्या लागतात. भवानी पेठ क्षेत्रीय कार्यालयाकडून जन्म दाखला देण्यात येतो. त्यावर फक्त मराठीत नाव दिले जाते. आधार सेंटर वर ते स्वीकारत नाही, पुन्हा नागरिकांना कसबा क्षेत्रीय कार्यालयात पाठवून एफिडेविड करा असे म्हटले जाते. एफिडेविड झाल्यास पुन्हा सिस्टीम सर्व्हर डाऊन आहे अशी अनेक कारणे कार्यालयातून सांगितली जातात. याप्रकारे नागरिकांचा मानसिक व शारीरिक छळ प्रशासन करत असल्याने नागरिकांच्या संतप्त प्रतिक्रिया समोर येत आहे.
हा प्रकार थांबविण्यासाठी एकाच वेळी दाखल्यावर दोन्ही भाषेत नाव लिहून देण्याची मागणी शेख यांनी केली. अन्यथा मोठ्या प्रमाणात आंदोलन करण्याचा इशारा शेख यांनी दिला आहे . यावेळी अन्वर खान, तन्वीर चप्परबंद, जावेद शेख, शब्बीर चप्परबंद आदी कार्यकर्ते उपस्थित होते.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
