पुणे : (पुणे24 तास ब्युरो )
राज्यात मागील काही दिवसांपासून कमाल आणि किमान तापमनात सातत्याने वाढ होत आहे. त्यामुळे उन्हाचा चटका वाढत आहे. असे असले तरी पुढील काही दिवसात राज्याच्या काही भागात हलक्या स्वरूपाचा पाऊस पडण्याची शक्यता आहे. असा अंदाज हवामान विभागाने वर्तविला आहे.
राज्यात थंडीच्या हंगामात डिसेंबर महिन्यातील काही दिवसच जोरदार थंडी पडली. त्यानंतर मात्र बंगालचा उपसागरात वारंवार तयार झालेल्या कमी दाबाचे क्षेत्र, कमी दाबाचा पट्टा या कारणांमुळे दक्षिण भारतात मागील काही वर्षापेक्षा जोरदार पावसाने हजेरे लावली. या भागात पडत असलेला पाऊस तसेच विविध पट्ट्यामुळे दक्षिण भारताकडून राज्याकडे बाष्पयुक्त वारे वाह्त होते. या उलट उत्तर भारतात मात्र थंडीचा तीव्र कडाक्यामुळे या भागातील सर्व राज्य चांगलीच गारठली होती. या भागाकडून राज्याकडे थंड वारे वाहत होते. मात्र त्यास दक्षिण भारताकडून राज्याकडे वाहणा-या वा-यांचा अडथळा झाल्यामुळे राज्यातून थंडी गायब झाली. दरम्यान जानेवारी महिन्यापासूनच थंडी ऐवजी उन्हाचा चटका वाढू लागला. सध्या राज्यात उन्हाचे चटके वाढले आहेत.
दरम्यान उत्तर केरळपासून मध्यमहाराष्ट्रापर्यत कमी दाबाचा पट्टा तयार झालेला आहे. त्यामुळे कोरडे हवामान तसेच उन्हाचा तडाखा कमी होऊन हलका पाऊस पडेल असा अंदाज हवामान विभागाने वर्तविला आहे.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
