राष्ट्रवादी काँग्रेस माजी सैनिक सेलने घेतली अजित पवार यांची भेट…

*राष्ट्रवादी काँग्रेस माजी सैनिक सेलची महाराष्ट्राचे उपमुख्यमंत्री अजित पवार यांची भेट*…

• 
• 
• 
• 
• 
• 

पुणे २४ तास ब्यूरो: पुणे येथील जनसंवाद कार्यक्रमात माजी सैनिक सेलच्या पदाधिकाऱ्यांनी उपमुख्यमंत्री अजित पवार यांची भेट घेऊन सैनिकांच्या वतीने विविध विषयांवर निवेदन व प्रस्ताव देण्यात आले.
यात प्रामुख्याने महाराष्ट्रात ज्या ठिकाणी आजी माजी सैनिक व त्यांचे कुटुंबीय जास्त प्रमाणात आहेत अशा ठिकाणी CSD कॅन्टीन सुविधा सुरू करणे, प्रत्येक तालुक्यात ECHS मार्फत हॉस्पिटल, ऑनलाईन कामे करण्यासाठी सैनिक सहायता केंद्र निर्माण करणे तसेच माजी सैनिकांची क्रीडा समिती स्थापन करून सर्व सरकारी शाळेत माजी सैनिकांना क्रीडा शिक्षक म्हणून नियुक्ती केल्यास माजी सैनिकांना पुन्हा रोजगार व नोकरी मिळेल व विद्यार्थ्यांना व्यायाम तसेच खेळाची आवड निर्माण होईल आणि त्याच्यातूनच देश प्रेमाची भावना वाढेल असे निवेदन व प्रस्ताव देण्यात आले. सदर विषय उपमुख्यमंत्र्यांनी सकारात्मक घेत त्वरित संबंधित विभागांशी चर्चा करून योग्य ते निर्णय घेऊ असे सांगितले.
यावेळी अजित पवार यांचा शाल व अमर जवान ट्रॉफी देऊन सत्कार करण्यात आला. माजी सैनिकांच्या प्रत्येक समस्यांचे निवारण करण्यासाठी शासन व प्रशासन दरबारी पाठपुरावा करणार असल्याचे माजी सैनिक सेलचे प्रदेशाध्यक्ष दिपक राजे शिर्के यांनी सांगितले. यावेळी माजी सैनिक सेल चे प्रदेश सरचिटणीस अमित मोहिते, कर्नल साहेबराव शेळके, प्रदेश संपर्क प्रमुख चंद्रकांत गायकवाड, सैनिक सेलचे प्रदेश कार्यकारणी सदस्य ज्ञानेश्वर साखरे, पुणे जिल्हा उपाध्यक्ष अजित काटे सुबेदार ठुबे साहेब, वीर पत्नी मुरादे ताई आदी पदाधिकारी उपस्थित होते.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह