भारतीय विद्या भवन,इन्फोसिस फाऊंडेशनच्या सांस्कृतिक प्रसार कार्यक्रमांतर्गत आयोजन
पुणे: (पुणे २४ तास ब्युरो)
भारतीय विद्या भवन आणि इन्फोसिस फाऊंडेशनच्या सांस्कृतिक प्रसार उपक्रमांतर्गत आयोजित ‘सनई वादन आणि शास्त्रीय गायन’ कार्यक्रमास शुक्रवारी सायंकाळी चांगला प्रतिसाद मिळाला.पं.शैलेश भागवत यांनी शैलीदार सनई वादन सादर केले तर डॉ.पराग चौधरी यांनी बहारदार भारतीय शास्त्रीय गायन सादर केले.हा कार्यक्रम इंडियन कौन्सिल फॉर कल्चरल रिलेशन्स च्या पुणे विभागीय कार्यालयाने प्रस्तुत केला.शुक्रवार,दि.२४ जानेवारी २०२५ रोजी सायंकाळी ६.०० वाजता भारतीय विद्या भवन (सेनापती बापट रस्ता) सभागृहात हा कार्यक्रम झाला.
पं.शैलेश भागवत यांना गणेश तानवडे(तबला), उमेश पुरोहित(हार्मोनियम),केदार जाधव,चंद्रशेखर परांजपे(सनई)यांनी साथसंगत केली.डॉ.पराग चौधरी यांना संकेत सुवर्णपाटकी(हार्मोनियम),महेश सोळुंके (तबला),शंकर विधाते(व्हायोलिन) यांनी साथसंगत केली. हा कार्यक्रम विनामूल्य होता.भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत होणारा हा २३३ वा कार्यक्रम होता.भारतीय विद्या भवनचे सचिव प्रा.नंदकुमार काकिर्डे यांनी कलाकारांचे स्वागत केले.इंडियन कौन्सिल फॉर कल्चरल रिलेशन्स चे पुणे विभागीय कार्यालयाचे संचालक सुदर्शन शेट्टी यांनी प्रास्ताविक केले.
डॉ. पराग चौधरी यांनी पुरिया धनश्री रागाने गायनाला प्रारंभ केला.’सुमिरन करो मन राम ‘ ही कबीर यांची रचना, ‘ अखियाँ हरी दर्शन की प्यासी’ हा सूरदासांचा अभंग वाहवा मिळवून गेला.
पं.शैलेश भागवत यांनी श्याम कल्याण राग सादर केला,धून सादर केली.दोन्ही सादरीकरणाला रसिकांनी भरभरून दाद दिली.
इंडियन कौन्सिल फॉर कल्चरल रिलेशन्स चे पुणे विभागीय कार्यालय चे सुदर्शन शेट्टी,संजीवनी स्वामी,ज्येष्ठ बासरीवादक राजेंद्र कुलकर्णी यांच्यासह अनेक मान्यवर उपस्थित होते.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
