पुणे (पुणे 24 तास ब्युरो )
स्टेला मारीस शाळेच्या विद्यार्थ्यांना सायबर क्राईम चे धडे…
वडगाव शेरी येथील स्टेला मारीस हायस्कूल च्या इयत्ता सहावी ते आठवीच्या विद्यार्थ्यांना फिल्ड व्हिजिट असताना त्यांना सर्वप्रथम ऑक्सिजन पार्क मध्ये नेऊन झाडांविषयी माहिती दिली आपल्या शरीरासाठी आवश्यक असणारा ऑक्सिजन कसा मिळतो याविषयी शिक्षकांनी विद्यार्थ्यांना माहिती दिली. त्यानंतर त्यांना काही काळ बागेमध्ये खेळण्यास सोडण्यात आले. नंतर ऑक्सीजन पार्कच्या समोरच असणाऱ्या स्वराज्य खादी भांडार येथे नेण्यात आले व आपल्या स्वदेशीय खादी कपड्यांविषयी माहिती देण्यात आली स्वदेशी कपडे वापरण्याबद्दल सांगण्यात आले.
स्वराज्य खादी भांडार चे मालक श्री सागर शेठ इंगळे यांच्यातर्फे विद्यार्थ्यांना खाऊ वाटप करण्यात आला.
त्यानंतर फिल्ड व्हिजिटमध्ये चंदन नगर पोलीस स्टेशन अंकित सायबर क्राईम या ठिकाणी विद्यार्थ्यांना नेण्यात आले व तेथे विद्यार्थ्यांना सायबर क्राईम कसा असतो कशी आपली फसवणूक होते याबद्दल सांगण्यात आले.
यामध्ये सर्वप्रथम सायबर क्राईम शाखेच्या अधिकारी PSI मोरे मॅडम व शितल वानखेडे मॅडम यांनी विद्यार्थ्यांना ऑनलाइन खेळ न खेळता मैदानी खेळ खेळले पाहिजे असे सांगितले. ऑनलाइन खरेदी करू नये त्यामध्ये आपली फसवणूक होऊ शकते आणि कुठलीही मोबाईल मध्ये आलेली लिंक आपण ओपन करू नये त्याद्वारे आपली फसवणूक होऊ शकते अशी माहिती दिली.
तसेच ट्रॅफिक पोलिसांनी विद्यार्थ्यांना अठरा वर्षानंतर गाडी चालवावे आणि विना लायसन गाडी चालवू नये अन्यथा कोणाचे काही नुकसान झाल्यास त्यांच्या पालकांना जबाबदार धरले जाईल . जर विना लायसन गाडी चालवताना कोणाला पोलिसांनी पकडले तर पालकांवर गुन्हा होऊ शकतो हे समजावून सांगितले.
तसेच सायबर क्राईम चे पोलीस अधिकारी माननीय श्री. भारत उकिर्डे साहेबांनी विद्यार्थ्यांना जास्त मोबाईल न वापरता आपण अभ्यासाकडे लक्ष द्यावे आणि खेळाकडे लक्ष द्यावे अभ्यास करण्यासाठी आपले शरीर सुदृढ असणे गरजेचे आहे यासाठी आपण रोज कमीत कमी एक तास व्यायाम करायला हवा असे सांगितले..
या फिल्ड विजिट कार्यक्रमाचे आयोजन शाळेच्या मुख्याध्यापिका सिस्टर अर्कंन फर्नांडिस यांनी केले.
चंदननगर पोलीस स्टेशन चे वरिष्ठ पोलीस निरीक्षक ढाकणे मॅडम यांच्या मार्गदर्शनाखाली मुलांना सायबर प्रशिक्षण देण्यात आले.
तसेच कार्यक्रमाचे सूत्रसंचालन शाळेचे क्रीडा शिक्षक श्री राजू शिंदे यांनी केले.
आणि शाळेच्या शिक्षिका . सुषमा जोंजाळ यांनी सर्वांचे आभार मानले.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
