महाराष्ट्रातील निवडणुकांमुळे पॉलिटेक्निक सेमिस्टर परीक्षांचे वेळापत्रक बदलले

पुणे: महाराष्ट्र राज्य तंत्रशिक्षण मंडळाने (MSBTE) पॉलिटेक्निक लेखी सेमिस्टर परीक्षांची तारीख १-२ डिसेंबर ते ४-५ डिसेंबरपर्यंत पुढे ढकलण्याचा निर्णय घेतला आहे.राज्यातील आगामी नगरपरिषद आणि पंचायत निवडणुकांच्या पार्श्वभूमीवर शैक्षणिक संस्थांमधील वर्गखोल्या मतदान प्रक्रियेसाठी वापरण्यात येणार असल्याने हा निर्णय घेण्यात आला आहे.एमएसबीटीईचे सचिव उमेश नागदेवे म्हणाले, “निवडणुकीच्या एक दिवस आधी आणि नंतर परीक्षा घेणे शक्य नाही, त्यामुळे परीक्षेच्या तारखा पुढे ढकलण्यात आल्या.”वेळापत्रकात बदल करून सर्व विद्यार्थ्यांना कळवावे, असे कॉलेजांना सांगण्यात आले आहे.सुधारित वेळापत्रकानुसार 1 डिसेंबरला होणारी परीक्षा आता 4 डिसेंबरला तर 2 डिसेंबरची परीक्षा 5 डिसेंबरला होणार आहे.