🌍 डिझाईन थिंकिंगवर आंतरराष्ट्रीय हॅकाथॉनचे यशस्वी आयोजन

पुणे 24 तास :-

पूना इन्स्टिट्यूट ऑफ मॅनेजमेंट सायन्सेस अँड एंटरप्रेन्योरशिप येथे दि. ३ फेब्रुवारी २०२६ रोजी एमबीए विद्यार्थ्यांसाठी डिझाईन थिंकिंगवर आधारित आंतरराष्ट्रीय हॅकाथॉन यशस्वीरित्या पार पडला. हा उपक्रम संस्थेच्या संचालिका (प्रभारी) डॉ. पोरीनिता बॅनर्जी यांच्या मार्गदर्शनाखाली आयोजित करण्यात आला. या हॅकाथॉनचे संचालन स्पेनमधील प्रसिद्ध कंपनी ‘रिव्हिया’ यांच्या वतीने करण्यात आले, ज्यामुळे विद्यार्थ्यांना आंतरराष्ट्रीय उद्योग पद्धतींचा प्रत्यक्ष अनुभव मिळाला.

हॅकाथॉनदरम्यान विद्यार्थ्यांनी संघात काम करत डिझाईन थिंकिंग प्रक्रियेअंतर्गत स्पॅनिश कंपन्यांसमोरील प्रत्यक्ष व्यावसायिक समस्यांचे विश्लेषण केले. त्यावर नाविन्यपूर्ण उपाय सुचवून प्रभावी सादरीकरणाद्वारे आंतरराष्ट्रीय प्रशिक्षकांसमोर मांडणी करण्यात आली. या उपक्रमामुळे विद्यार्थ्यांची सर्जनशीलता, तार्किक विचार, समस्या सोडविण्याची क्षमता, संघकार्य व सादरीकरण कौशल्ये अधिक विकसित झाली.

या आंतरराष्ट्रीय हॅकाथॉनमुळे विद्यार्थ्यांना जागतिक पातळीवरील अनुभवात्मक शिक्षणाची मौल्यवान संधी मिळाली.

पुणे २४ तास

महाराष्ट्राच्या मनातील  मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.

बातम्या व जाहिरातीसाठी संपर्क:

संपादक : – मोहिनी मोहिते

Whatsapp:- 7972087808

Youtube, instagram आणि facebook सह