पुणे 24 तास:- कोरेगाव पार्क येथे महापालिकेचे काम सुरू असताना जेसीबीचा फाळका डोक्याला लागल्याने एका कर्मचाऱ्याचा जागीच मृत्यू झाल्याची घटना सोमवारी दुपारी एक वाजण्याच्या सुमारास घडली. याप्रकरणी कोरेगाव पार्क पोलिस ठाण्यात रात्री उशिरा गुन्हा दाखल करण्यात आला आहे. राहुल अनिल गोसावी (वय ३८, रा. येरवडा) असे मृत्युमुखी पडलेल्या कर्मचाऱ्याचे नाव आहे.
राहुल गोसावी हा महापालिकेच्या कोरेगाव पार्कमधील कचरा डेपोतील वाहन विभागात चालक होता. दुपारी एकच्या सुमारास दुसऱ्या चालकाने जेसीबी सुरू केला. त्यावेळी राहुल गोसावी तेथे होता. जेसीबीचे लोखंडी फाळके अचानक खाली येऊन गोसावी यांच्या डोक्यात लागले. त्यात गंभीर जखमी झाल्याने गोसावी यांचा मृत्यू झाला. याप्रकरणी जेसीबी चालक अक्षय झोंबाडे (वय २५, रा. उरुळी कांचन) याच्याविरुद्ध राहुल गोसावीची आई कावीरा गोसावी यांच्या तक्रारीनुसार गुन्हा दाखल करण्यात आला आहे.
महानगरपालिकेकडून नागरिकांना सेवा पुरवणाऱ्या सेवकांना सुरक्षा नसल्याने मनपा कर्मचाऱ्यांनी खंत व्यक्त केली आहे. राहुल गोसावी हा ठेकेदार पद्धतीने काम करत होता. यावेळी ठेकेदारांनी कामगारांच्या सुरक्षेतीची काळजी घेणे आवश्यक होते, त्यामुळे संबंधित ठेकेदाराची चौकशी करून त्यावर गुन्हा दाखल होण्याची मागणी नागरिकांकडून होत आहे.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
