पुणे २४ तास ः— वडगाव शेरी परिसरातील प्लॉटवर बनावट कागदपत्रांच्या आधारे जबरदस्ती ताबा घेतल्याचा गंभीर आरोप एका ज्येष्ठ नागरिक महिलेने केल्यानंतर या प्रकरणाला न्यायालयीन वळण मिळाले असून, उच्च न्यायालयाने संबंधित आरोपींना समन्स बजावले आहेत.
वडगाव शेरी येथील सर्वे नंबर ५१/१ मधील प्लॉट क्रमांक ५५, ५६ व ६९ हे प्लॉट अवनी रिएल्टर्सकडे बेकायदेशीररीत्या कन्व्हेन्स डीड करण्यात आल्याचा दावा तक्रारदार महिलेने केला आहे. या प्लॉटचा कायदेशीर ताबा मेसर्स पल्लवी रिअल इस्टेट प्रा. लि.कडे असून, त्या कंपनीच्या तक्रारदार या संचालक आहेत.
८ जानेवारी २०२४ रोजी काही व्यक्तींनी प्लॉटवरील वॉचमनला धमकावून जबरदस्ती ताबा घेतल्याची तक्रार चंदननगर पोलीस ठाण्यात दाखल करण्यात आली होती. मात्र, दीर्घकाळ कोणतीही ठोस कारवाई न झाल्याने तक्रारदारांनी न्यायालयात धाव घेतली. न्यायालयाच्या आदेशानंतरही पोलिसांकडून उशिराने गुन्हा दाखल करण्यात आल्याचा आरोप तक्रारदारांनी केला आहे.
अखेर ७ ऑक्टोबर २०२५ रोजी संबंधितांविरुद्ध गुन्हा दाखल झाला. या प्रकरणात फसवणूक, विश्वासघात आणि गुन्हेगारी कट रचल्याचे गंभीर आरोप करण्यात आले असून, तक्रारदारांनी या कारवाईविरोधात उच्च न्यायालयात याचिका दाखल केली होती.
या याचिकेवर १७ जानेवारी २०२६ रोजी सुनावणी घेत उच्च न्यायालयाने संबंधित आरोपींना समन्स बजावण्याचे आदेश दिले आहेत. पोलिसांच्या भूमिकेबाबतही न्यायालयात नाराजी व्यक्त करण्यात आल्याचे समजते.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
