पुणे : (पुणे २४ तास ब्युरो)
हवेली पोलिस ठाण्याच्या हद्दीत बेकायदेशीर शस्त्र बाळगणाऱ्यांना दोघांना सपाळा रचून दोघांना जेरबंद केले आहे. मोठा, गंभीर स्वरूपाचा गुन्हा घडण्या अगोदरच हवेली पोलिसांनी कारवाई केली आहे.
हवेलीचे पोलिस निरीक्षक सचिन वांगडे यांनी सांगितले की, खडकवासला धरण चौक परीसरात पेट्रालिंग करत होतो. सोबत पोलिस हवालदार विलास प्रधान, संतोष तोडकर, दीपक गायकवाड, गणेश धनवे, संतोष भापकर, पोलिस नाईक राजेंद्र मुंढे पोलिस शिपाई सचिन गुंड होते.
यावेळी, खडकवासला गावाच्या स्मशानभुमी जवळ देवलेश उर्फ देवा साळुंखे व अतिश जोरी हे दोघे थांबले आहेत. त्यांच्याजवळ एक गावठी पिस्टल व राऊंड आहे. ते कोणाला तरी गावठी पिस्टल विकण्याच्या किंवा कुठला तरी गंभीर स्वरूपाचा गुन्हा करण्याची शक्यता असल्याचे खात्रीशिर माहिती मिळाली. त्यानुसार, पोलिस अधिकारी, अंमलदार व पंच यांना मिळालेल्या माहिती त्यांना समजावून सांगितली.
त्यानुसार, आम्ही त्या ठिकाणी पोचलो. वेगवेगळे दिशेला दबा धरून बसलो. थोडा वेळानंतर तेथे देवलेश उर्फ देवा साळुंखे व त्याचे सोबत एक अनोळखी इसम असे पायी चालत येत होते. असे दिसले. त्यांना खडकवासला स्मशानभुमीचे जवळ आल्यावर आम्ही शनिवारी दुपारी साडेतीन वाजता त्यास जागीच पकडले.
त्यांना त्यांची नावे विचारली असता देवलेश उर्फ देवा सुर्यकांत साळुंखे (वय ३८, रा.संत रोहिदासनगर खडकवासला, ता.हवेली) अतिश मधुकर जोरी (वय २४, रा. आझाद तरुण मंडळ, खडकवासला ता.हवेली) असे सांगितले.
त्यानंतर, त्यांची पंचासमक्ष अंग झडती घेतली. देवलेश उर्फ देवा सुर्यकांत साळुंखे याचे कमरेस पाठीमागे पॅन्टचे आत खोचुन ठेवलेला एक गावठी पिस्टल सापडला. तसेच, अतिष मधुकर जोरी यांचे पॅटचे खिशात पिस्टलचे एकुण सात जिवंत काडतूस सापडले. त्यांच्याकडे शस्त्र संबंधी कोणताही परवाना नव्हता. विनापरवाना बेकायदेशीररित्या एक गावठी पिस्टल व सात जिवंत काडतूस बेकायदेशीरपणे विना परवाना जवळ बाळगला होता.
याबाबत, हवेली पोलिस शस्त्र अधिनियम व भारतीय न्याय संहिता अंतर्गत गुन्हा दाखल करण्यात आला. पोलिस अधीक्षक पंकज देशमुख, अपर पोलिस अधीक्षक रमेश चोपडे, तसेच, पोलिस उपअधिक्षक दिलीप शिंदे यांचे मार्गदर्शनाखाली पुढील तपास सुरु आहे. अधिक तपास महिला फौजदार शितल टेंबे करीत आहेत.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
