ताज्या बातम्या पुणे महत्त्वाचे महाराष्ट्र सामाजिक सांस्कृतिक

संगीत आणि अध्यात्म एकाच नाण्याच्या दोन बाजू. – प्रा.डॉ मिलिंद भोई

May 20, 2026

59

अखिल भारतीय संगीत विद्यालय- धारवाड, संस्कार भारती -धारवाड यांचे संयुक्त विद्यमाने धारवाड येथे स्वरसाधना आणि अध्यात्म या विषयावर सुप्रसिद्ध स्वरतज्ञ आणि voice care for singers या देशभरातील गायकांसाठी मार्गदर्शक ठरणाऱ्या पुस्तकाचे लेखक प्रा. डॉ. मिलिंद भोई यांचे व्याख्यान

धारवाड:- संगीताची निर्मिती ही दैवी परंपरेतून झाली आहे. भारतीय संगीत हे कृष्णाच्या बासरीतून ,शंकराचे डमरूतून , सरस्वतीच्या विणेतून निर्माण झाले आहे. परमेश्वराशी तादात्म्य पावण्यासाठी स्वर आणि सूर हे अत्यावश्यक आहेत. त्यामुळे अध्यात्म व संगीत या एकच नाण्याचे दोन बाजू आहेत. त्याला शास्त्रीय संशोधनाची आणि विज्ञानाची दृष्टी देणे आवश्यक आहे असे प्रतिपादन सुप्रसिद्ध स्वरतज्ञ प्रा. डॉ. मिलिंद भोई यांनी व्यक्त केले. अखिल भारतीय संगीत विद्यालय- धारवाड, संस्कार भारती -धारवाड यांचे संयुक्त विद्यमाने धारवाड येथे स्वरसाधना आणि अध्यात्म या विषयावर सुप्रसिद्ध स्वरतज्ञ आणि voice care for singers या देशभरातील गायकांसाठी मार्गदर्शक ठरणाऱ्या पुस्तकाचे लेखक प्रा. डॉ. मिलिंद भोई यांचे व्याख्यान आयोजित केले होते, त्याप्रसंगी ते बोलत होते. या प्रसंगी कर्नाटक विद्यापीठाचे श्री इ.आर.अंगडी, संस्कार भारती चे समन्वयक डॉ. सौभाग्य कुलकर्णी , गणपती संगीत विद्यालय- धारवाड चे संचालक संगीततज्ञ डॉ. श्रीधर कुलकर्णी आदी मान्यवर उपस्थित होते.

या व्याख्यानाला गायक ,निवेदक, शास्त्रीय गायक, कीर्तनकार ,प्राध्यापक, शिक्षक, व्याख्याते, पत्रकार, सूत्रसंचालक अश्या आवाज हीच ओळख असणाऱ्या क्षेत्रातील अनेक मान्यवर उपस्थित होते.
स्वरसाधनेमध्ये आवश्यक दिनक्रम, आहार विहार ,व्यायाम प्राणायाम, व्यसनाचे दुष्परिणाम अशा विविध विषयांवर प्रा. डॉ.मिलिंद भोई यांनी स्लाईड शो च्या माध्यमातून संवाद साधला.
या व्याख्यानात दृक- श्राव्य माध्यमातून प्रसिद्ध गायक शंकर महादेवन, हरिहरन, सुरेश वाडकर, संगीतकार आनंदजी (कल्याणजी आनंदजी), संगीतकार प्यारेलाल ( लक्ष्मीकांत- प्यारेलाल ),तालयोगी शिवमणी, जगप्रसिद्ध निवेदक आणि व्हॉइस ओव्हर आर्टिस्ट श्री हरीश भिमानी यांनी उपस्थितांशी संवाद साधला.

या निमित्ताने गायत्री व्हॉईस केअर रिसर्च सेंटर, पुणे यांच्या वतीने स्वर साधनेमध्ये उपयुक्त असणाऱ्या आयुर्वेदिक औषधी वनस्पतींचे प्रदर्शन सुद्धा आयोजित करण्यात आले होते. कर्नाटक विद्यापीठांमध्ये या विषयीचा अभ्यासक्रम सुरू करण्याचा मानस या विद्यापीठाचे प्राध्यापक श्री आंगडी यांनी याप्रसंगी बोलून दाखवला.