रामटेकडी येथील नाईकनवरे यांच्या एसआरए योजनेतील अडथळा ठरणाऱ्या घरांवर प्रशासनाने केलेल्या कारवाईशी आपला कोणताही संबंध नसल्याचा दावा कल्याणी यांनी केला.
पुणे : ऑल शीख शिकलीकर असोसिएशन ‘आशा’चे महाराष्ट्र प्रदेश उपाध्यक्ष तसेच पीएमसी व पीडब्ल्यूडीचे कंत्राटदार उद्योगपती बच्चनसिंग ईश्वरसिंग कल्याणी यांनी त्यांच्या कुटुंबाची सोशल मीडियावर बदनामी करणाऱ्यांविरोधात पोलिसांनी कारवाई करावी, अशी मागणी केली आहे.
प्रसारमाध्यमांशी बोलताना कल्याणी म्हणाले की, ते गेली २५ वर्षे उद्योग-व्यवसाय करत असून रामटेकडी, हडपसर तसेच महाराष्ट्रात शीख शिकलीकर व सर्वधर्मीय समाजासाठी विविध सामाजिक उपक्रम राबवत आहेत. असे असताना त्यांच्या नात्यातील मलखेसिंग दुधाणी व त्यांच्या कुटुंबाने सोशल मीडियावर रील टाकून कल्याणी कुटुंबाची नाहक बदनामी केल्याचा आरोप त्यांनी केला. रामटेकडी येथील नाईकनवरे यांच्या एसआरए योजनेतील अडथळा ठरणाऱ्या घरांवर प्रशासनाने केलेल्या कारवाईशी आपला कोणताही संबंध नसल्याचा दावा कल्याणी यांनी केला. तसेच यापूर्वी दुधाणी कुटुंबाने आपली वाहने जाळून नुकसान केल्याचाही आरोप त्यांनी केला. या प्रकरणाची सखोल चौकशी करून संबंधितांवर कारवाई करावी, अशी मागणी बच्चनसिंग कल्याणी, बॉबीसिंग बच्चनसिंग कल्याणी आणि शिस्तोलसिंग ईश्वरसिंग कल्याणी यांनी केली. यासंदर्भात वानवडी पोलीस ठाण्यात तक्रार दाखल केली असल्याचे त्यांनी सांगितले.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
