पायल पोटभरे, प्रतिनिधी
पुणे 24 तास :- शरद पवार गटाचे नेते आणि सामाजिक कार्यकर्ते राम खाडे यांच्यावर प्राणघातक हल्ला झाल्याची धक्कादायक माहिती समोर आली आहे. ते अहिल्यानगर कडून बीड च्या दिशेला जात असताना काही अंतरावर मांदगाव परिसरात दहा ते पंधरा जणांच्या टोळक्याने हा हल्ला केला. खाडे हे शरद पवार पक्षातील पदाधिकारी असून सामाजिक उपक्रमांमध्ये सक्रिय असतात.
घटना 26 नोव्हेंबरच्या रात्री घडली असून मिळालेल्या माहितीनुसार, राम खाडे आपल्या सहकाऱ्यांसह अहिल्यानगरकडे जात असताना अचानक हल्लेखोरांनी त्यांच्या गाडीला अडवले. या टोळक्याने लाठी-काठी, सत्तूर यांसारख्या अनेक शस्त्रांचा वापर करून गाडीची तोडफोड केली आणि खाडे यांच्यावर वार करून त्यांना जबर मारहाण केली. यात ते गंभीर जखमी झाले.
गंभीर अवस्थेत असलेल्या खाडे यांना तातडीने अहिल्यानगर येथील खासगी रुग्णालयात दाखल करण्यात आले परंतु परिस्थिती चिंताजनक असल्याने पुढील उपचारांसाठी त्यांना पुण्यात हलवण्यात आले आहे.
राम खाडे यांच्यावर झालेल्या हल्ल्यानंतर आता खाडे यांचे सहकारी मनोज चौधरी यांनी थेट आरोप केला आहे की, या संपूर्ण हल्ल्यामागे भाजप आमदार सुरेश धस यांचा सहभाग असू शकतो. धस यांच्या भ्रष्टाचाराविषयी त्यांनी केलेल्या खुलाशांमुळे हा हल्ला घडवून आणला गेला असावा असे
चौधरी यांनी सांगितले. या प्रकरणात SIT चौकशीची मागणी करताना चौधरी यांनी मुख्यमंत्री देवेंद्र फडणवीस यांनी निष्पक्ष तपासासाठी सर्वप्रथम सुरेश धस यांचा राजीनामा घ्यावा, अशी ठाम भूमिका मांडली.
चौधरींनी पुढे आरोप केला की, “धस घरात बसून संपूर्ण कट रचत आहेत. राजकीय डावपेच रचून विरोधकांना संपवण्याचा प्रयत्न केला जात आहे. जिल्ह्यात ज्यांनी त्यांच्याविरोधात आवाज उठवला, त्यांच्यावर अशा स्वरूपाचे हल्ले करवले जातात.”
या प्रकरणाचा तपास पोलीस विभागाकडून सुरु असून पुढील कार्यवाहीकडे सर्वांचे लक्ष लागले आहे.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
