भेकराईनगर आघारामध्ये बालक-चालक दिन साजरा
पुणे: (पुणे २४ तास ब्युरो)
विनाअपघात सेवा आणि प्रवाशांबरोबर सौजन्याने बोलून चांगली सेवा द्या. पीएमपी प्रवासी केंद्रबिंदू मानून महिला, ज्येष्ठ नागरिक, शाळा-महाविद्यालयातील मुलांसह सर्वच प्रवाशांबरोबर सौजन्याने वागा, विनाअपघात सेवा द्या, असे आवाहन चालकांना पीएमपीच्या व्यवस्थापकीय संचालक-अध्यक्षा दीपा मुंडे-मुधोळ यांनी केले.
भेकराईनगर पीएमपी आगारामध्ये राष्ट्रीय बालिका आणि चालक दिनानिमित्त छोटेखानी कार्यक्रमाचे आयोजन केले होते. याप्रसंगी भेकराईनगर आगार व्यवस्थापक सुरेंद्र दांगट, ओ.एस. महादेव पोमण, मे ओलेक्ट्रा ग्रीनटेक लि.चे व्यवस्थापक महेश शिखरे, मेंटेनेस इंजिनियर ब्रिजेश कांत, ट्रॅव्हल टाईम मोबिलिटी प्रायव्हेट लिमिटेडचे डेपो व्यवस्थापक विकास नागवडे, पीएमपी अधिकारी- कर्मचारी उपस्थित होते. यावेळी दीपा मुंडे-मुधोळ यांच्या हस्ते चालक आणि बालिकांना पेढा, गुलाबपुष्प देऊन स्वागत करण्यात आले.
दीपा मुंडे-मुधोळ म्हणाल्या की, शहर, उपनगर आणि ग्रामीण भागामध्ये पीएमपीच्या १७०० बसेस कार्यरत आहेत. दररोज १२.५ लाख प्रवासी प्रवास करत आहेत. नोकरी-व्यवसाय आणि इतर कामासाठी हे प्रवासी पीएमपी सेवेचा लाभ घेत आहेत. चालकांना सेवा देण्याची संधी मिळाली आहे. पीएमपीचा प्रशासन प्रवाशांच्या गरजा आणि महत्त्वपूर्ण बाबी म्हणून काम करीत आहेत, असे त्यांनी सांगितले.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
