पुणे : ( पुणे २४ तास ब्युरो)
महाराष्ट्रातील साहित्यकार सुवर्णा जाधव यांना ‘मगध साहित्य प्रेरणा उत्सव-२०२४’मध्ये बिहार (नालंदा)मधील राजगीरमधील वीरायतन येथे हिंदी भाषेतील उत्कृष्ट साहित्य साधनेसाठी ‘मगध साहित्य प्रेरणा सन्मान ‘ शाल, सन्मान चिन्ह देवून सन्मानित करण्यात आले. भारत सरकार पोस्ट खाते, बिहार द्वारा साहित्यकारांचे नांवे डाक तिकीट काढले. डाक तिकीट फ्रेम करून साहित्यकार देऊन त्यांचा गौरव करण्यात आला. या गौरवार्थीमध्ये पुणे (महाराष्ट्र) येथील सुवर्णा जाधव यांचे ही डाक तिकीट प्रकाशित करुन नागा येथील खासदार विवेक ठाकूर यांच्या हस्ते सन्मानित करण्यात आले. दरम्यान, वीरातयनमधील प्रमुख साध्वींच्या हस्ते वीरायतन तर्फे शाल व पुस्तक देऊन गौरविण्यात आले. सुवर्णा जाधव राजस्थान सहलीमध्ये असल्यामुळे एस.एम. टूर अँड ट्रॅव्हल्सचे व्यवस्थापक माणिक वाघ व मानवतावादी समाज सेवा संघटनेचे सचिव अशोक जाधव यांनी भरजरी वस्त्र व श्रीफळ देऊन जयपूर (राजस्थान) येथे गौरविले.
याप्रसंगी मानवतावादी समाजसेवा संघटनेचे आजीव सदस्य कांतीलाल पवार, सुनीता जाधव, अशोक शंकर जाधव, दत्तात्रय रासकर, प्रताप देशमुख, लिना मंडलिक, आनंदराव नलगे, अरुणा मोहिते, शामली जाधव, प्रकाश शर्मा व महेंद्र सिंग उपस्थित होते.
दरम्यान, सुवर्णा जाधव म्हणल्या की, असे सत्कार खूप झाले, त्याचा अभिमान आहे. मात्र, घरचा म्हणजे विशेषतः मानवतावादी समाज सेवा संघटनेचे सचिव अशोक दामोदर जाधव यांनी केलेला सत्कार खूप मनाला भावला आहे, असे त्यांनी दै. पुण्यनगरीशी बोलताना आवर्जून सांगितले.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
