पुणे: (पुणे २४ तास ब्युरो)
पुस्तकी ज्ञानासोबतच विद्यार्थ्यांना रुग्णालयातील कामाचे प्रात्यक्षिकही जाणून घेतले पाहिजे. डी फार्मसीच्या अभ्यासक्रमानंतर हॉस्पिटलमध्ये काम कसे करावे, तसेच विभागनिहाय कामाचे स्वरूप कसे असते, ही माहिती अत्यंत महत्त्वाची आहे, असे सावंत फार्मसीचे प्राचार्य प्रफुल्ल आडकर यांनी सांगितले.
जे.एस.पी.एम. जयवंतराव सावंत इन्स्टिट्यूट ऑफ फार्मसी औषधनिर्माणशास्त्र (डी. फार्मसी) प्रथम आणि व्दितीय वर्षाच्या विद्यार्थ्यांनी उरुळी कांचन (ता. हवेली) येथील निसर्गोपचार आश्रम व प्राथमिक आरोग्य केंद्राला भेट दिली. याप्रसंगी जे. एस. पी. एम शैक्षणिक संकुलाचे संचालक डॉ. संजय सावंत, डॉ. वसंत बुगडे हे उपस्थित होते.तसेच कार्यक्रमाच्या अध्यक्षस्थानी कॉलेजचे प्राचार्य डॉ. प्रफुल्ल प्र.आडकर उपस्थित होते.
रुग्णालयाचे अधिकारी सतीष सोनवणे म्हणाले की, निसर्गोपचारच्या तत्त्वांद्वारे आजारावर साधकांवर उपचार करतात. वैयक्तिक उपचारांसह आणि त्यांच्या स्थितीवर आधारित आहार, उपचार पद्धती वर आधारित आहेत. तसेच संचालक डॉ. अभिषेक देवीकर यांनी आधुनिक आरोग्य सेवा प्रणाली व साहित्यांची ओळख करून दिली. यावेळी मेडिकलमध्ये उपलब्ध होणारी औषधे, औषधे देण्याची पद्धत, औषधे साठवून ठेवण्याच्या पद्धती, ज्या औषधांची क्षमता संपली आहे त्यांची विल्हेवाट लावण्याची पद्धत यावर त्यांनी सखोल मार्गदर्शन केले.तसेच विद्यार्थ्यांच्या प्रश्नांची उत्तरे देऊन त्यांचे समाधान देखील केले.
प्रा. रविराज जाधव, प्रा.अनुराधा पाटील व प्रा.निकिता कोलते यांनी कार्यक्रम यशस्वी करण्यासाठी विशेष परिश्रम घेतले.
प्रा. स्वप्नील गाडेकर, प्रा. सागर सोनार, प्रा. प्रगती लगदिवे, प्रा. अमृता कस्तुरे, स्वप्नाली सावंत, प्रियांका महाजन, क्षीतिजा डोंबाळे, स्वाती माकोने, सुप्रिया पोतदार, विवेक थोरात, कल्पना सुरवसे, कोमल चांदणे यांनी सहकार्य केले.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
