पुणे: (पुणे २४ तास ब्युरो)
अट्टल वाहनचोर व विधीसंघर्षित बालकांकडून १३ चोरीची वाहने जप्त करून १२ गुन्हे उघडकीस आणले. गुन्हे शाखेच्या दरोडा व वाहनचोरी विरोधी पथक-२ने ही कारवाई केली. आरोपीकडून सहा लाख ५८ हजार रुपयांचामुद्देमाल जप्त केल्याचे दरोडा व वाहनचोरी विरोधी पथक-२चे वरिष्ठ पोलीस निरीक्षक संदीपान पवार यांनी सांगितले.
सहायक पोलीस फौजदार अशोक आटोळे व राजेश लोखंडे यांना सूत्रांकडून वाहनचोरट्यांची माहिती मिळाली. त्यानुसार घटनस्थळी धाव घेत आशितोष साबळे (वय २४, रा. गोपाळपट्टी, मांजरी बु।।) आणि एका विधीसंघर्षित बालकाला ताब्यात घेऊन तपास केला. त्यावेळी आरोपींनी शहर व परिसरातून ११ वाहने चोरल्याची कबुली दिली. तसेच तीन विधीसंघर्षित बालकांनी मोटारी चोरल्याचे सांगितले. आरोपीकडून सहा लाख ५८ हजार रुपयांच्या १३ दुचाकी जप्त करून १२ गुन्हे उघडकीस आणल्याचे वरिष्ठ पोलीस निरीक्षक संदीपान पवार यांनी सांगितले.
दरोडा व वाहनचोरी विरोधी पथक-२चे वरिष्ठ पोलीस निरीक्षक संदीपान पवारसहायक पोलीस निरीक्षक सी.बी. बेरड, पोलीस अंमलदार अशोक आटोळे, राजेश लोखंडे, राजेश अभंगे, दिनकर लोखंडे, राजू लोणकर, सुदेश सपकाळ, सुनील महाडिक, गणेश लोखंडे, गणेश गोसावी, दत्तात्रय खरपुडे, सुरेश जाधव, विक्रांत सासवडकर, संदीप येळे, अमोल सरतापे यांच्या पथकाने ही दमदार कामगिरी केली.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
