*
बार्टी चे महासचालक सुनील वारे
पुणे (पुणे 24 तास ब्यूरो )
क्रांतीसुर्य महात्मा ज्योतिराव फुले यांनी शिक्षणाला प्राधान्य दिले त्यांनी महिला व अस्पृश्यासाठी पहिली शाळा पुण्यात सुरू केली . भारतरत्न डॉ बाबासाहेब आंबेडकर यांनी शिका संघटित व्हा आणि संघर्ष करा हा संदेश दिला . स्वतःचे कुटुंब व समाज आणि तत्कालीन व्यवस्थेविरुध्द बंड केले . छत्रपती शिवाजी महाराज यांची समाधी शोधून काढली.ते कर्ते समाज सुधारक होते. महापुरुषांचे विचार आपल्यासाठी प्रेरणादायी असून त्यांचे विचार आपण आचरणात आणले पाहिजेत असे मत बार्टी संस्थेचे महासंचालक श्री सुनिल वारे यांनी क्रांतीसुर्य महात्मा ज्योतिराव फुले यांच्या जयंतीनिमित्त अभिवादन प्रसंगी बोलतांना व्यक्त केले .
डॉ बाबासाहेब आंबेडकर संशोधन व प्रशिक्षण संस्था (बार्टी) पुणे संस्थेच्या वतीने संविधानाच्या अमृत महोत्सवी वर्षानिमित्त समता सप्ताह कार्यक्रमांतर्गत दिनांक ७ एप्रिल ते १४ एप्रिल २०२५ पर्यंत विविध प्रबोधनात्मक कार्यक्रमाचे आयोजन करण्यात आले आहे.
महात्मा ज्योतिराव फुले यांच्या जयंतीनिमित्त त्यांच्या प्रतिमेस तसेच भारतरत्न डॉ बाबासाहेब आंबेडकर यांच्या प्रतिमेस बार्टी संस्थेचे महासंचालक श्री सुनिल वारे यांच्या हस्ते पुष्पहार अर्पण करून विनम्र अभिवादन करण्यात आले.
समता भूमी फुलेवाडा, पुणे येथील स्मारक स्थळी क्रांतीसुर्य महात्मा ज्योतिराव फुले सावित्रीबाई फुले यांच्या प्रतिमेस मा महासंचालक श्री वारे यांनी पुष्पहार अर्पण करून विनम्र अभिवादन केले.
बार्टी मुख्यालयात महापुरुषांच्या जीवनावरील मूल्यवान पुस्तकांचे प्रदर्शन भरवण्यात आले या पुस्तक प्रदर्शनाचे उद्घघाटन मा. महासंचालक श्री वारे यांच्या हस्ते करण्यात आले .
याप्रसंगी निबंधक श्रीमती इंदिरा अस्वार, विभागप्रमुख वृषाली शिंदे, रवींद्र, कदम उमेश सोनवणे ,शुभांगी पाटील यांच्यासह बार्टी संस्थेतील अधिकारी व कर्मचारी उपस्थित होते.
सूत्रसंचालन श्री रामदास लोखंडे यांनी केले आभार श्री सुनील थोरात यांनी मानले.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
